鮮芋仙 (創紀之城五期(apm))

营业中

休息中

當日攞完堂食飛號碼是86 ，但其實顯示版出現到號碼61，但係收銀員態度非常惡劣，冇品，只顧做外賣，不懂安排入座堂食，堂內有4張枱有位都冇人安排入座，發脾氣，到有位時要求堂食客人排外賣隊落單，非常不專業，該名員工對客人非常不禮貌，外貌長髮束馬尾，十分之不愉快的經驗，到能夠入座食糖水的時候，當食完之後我兒子把餐盤放回回收區的時候，我兒子親耳聽到該名員工在舖面用粗口問候我娘親，到我返回櫃面詢問其他員工要找經理的時候，她出嚟的態度也是十分的惡劣，不承認她說過這句說話，簡直是無禮貌到極限，大家認住這個員工🙏🏻幸得副經理了解和開解，但她聲稱該名員工本身是做廚房部，不善於做櫃面，但係我本身都是從事零售行業都覺得只要穿起制服行出鋪面就要專業，不能接受你本身不是做櫃檯就可以這樣，更何況你即使已經辭職也不能😕以後真的不會再幫襯這間店舖😡

對佢好失望，第2次食外賣，點知愈來愈差🥲買左2碗外賣 熱豆漿豆花2號同凍芋圓4號芋圓嗰碗不過不失，冇乜特別。👎熱豆漿豆花2號 用42蚊買左碗豆漿+薄片豆腐花+3舊蕃薯，薏米仲要得幾粒，撈極都冇。薏米家下好貴咩？完全唔值呢個價錢！！

今日星期六，去左APM 行街，一去到就想搵甜品食，打算去試下鮮芋圓。見到好多人排隊，攞左飛要等10幾個號碼，咁就走左去行街先。行晒成個APM，就睇下到未，原來仲未到，差一個號碼，咁就等下位，不過都要等多10分鐘。入到餐廳，先要落單比錢，再搵座位，由落單到甜品做好用左13分鐘，點解咁準? 因為安心出行有時間顯示。張枱有寫用餐時間45分鐘，不過就唔知計唔計等餐時間。點了 熱芋圓6號$45，仙草鮮奶凍$29熱芋圓跟紅豆湯既，都OK 好食，不過都幾水，可能真係食冰抵啲。仙草都OK 好飲，可以座低慢慢飲，咁既價錢OK 既。

自從觀塘APM開咗之後見到佢轉左新Menu我不嬲都係自己一個人食開一個大冰嘅真係飽過當飯食！.不過今次朋友買咗其他嘢食就食個細拼盤啦試試佢果然拼盤真係拼盤拼埋一齊就係叫咗個芋薯圓加花生粉配珍珠奶茶布丁.出到嚟嘅成品就係有六粒芋薯圓上面有啲花生粉然後另外有個珍珠奶茶布丁.講返個珍珠奶茶布丁佢啲珍珠都係煙韌嘅有奶茶味但係唔算特別濃.$38來講咁樣其實真係唔抵食我情願食一個大冰.但有陣時想過下口癮煙煙靭靭嘅感覺

連續3個星期5都食meet fresh!都係忍唔住行行吓又行咗去門口.自從觀塘APM開咗之後已經第四次食啦 omg真係忍唔到口.今次試吓佢啲飲品叫咗杯小芋圓奶綠.聽晚中午時分冇乜人但係都有小貓三四隻排隊叫嘢食叫咗杯嘢飲之後等咗差唔多15分鐘絕對冇夜晚等得咁耐都可以接受對於唔趕時間嘅我來講我都算還好嘅老實講句佢哋嘅速度真係有待改善唔怪之得夜晚要等咁耐啦！.講番杯嘢飲小芋圓好煙靭奶綠茶底就正正常常啦整體來說幾好今次叫咗少冰少甜所以冰度同甜度都適中

鮮芋仙不嬲都好多人食，又多人排隊，今日諗住試下，但點知堂食暫停咗，迫住買外賣試吓啦，但外賣買冰嘅話好易溶，所以保守起見都係買咗熱嘅。🍴芋圓6號 (粉條，粉粿，珍珠) $45買嘅時候店員同我講粉條賣晒，咁我轉咗有芋頭，一打開已經好失望，紅豆湯大大一碗，蓋過所有配料，份量都唔係好多，係碗湯大碗，個湯食落好淡嘅紅豆味，冇乜甜味，似紅豆水，芋圓正正常常都QQ，口感比較滑身，粉粿我就一般啦，食落似冇味嘅泰式椰汁糕口感，好淋，芋頭都淋身，芋頭味都好濃，但整體感覺CP值極低，食幾粒芋圓就已經要$45😅，質素差過街邊糖水。推薦指數: 0/10真心如果要紅食紅豆湯嘅話，倒不如慳返啲錢，唔食好過食，超級搵笨😅未食過牛奶冰，但聽人講應該OK，大家要食鮮芋鮮嘅話千祈唔好熱食了😂

有一日朋友突然間話想食鮮芋仙，所以就拉咗我去食。我對呢間嘅印象就係食甜品同埋應該有芋頭食🤣🤣------------------------------我哋嗰日係大概五點幾去到，但可能因為新開同埋入面啲位得好少，所以都等咗大概半個鐘到，先有得入去。------------------------------我哋就嗌布丁Q麻糬牛奶冰，但因為店員還每個人最少要嗌一樣嘢，而家加配料都當係一樣嘢，所以我哋另外加咗個仙草凍。------------------------------布丁Q麻糬牛奶冰：份量好多，有個牛奶味雪糕，有兩個布甸，一個係普通嘅黃色布甸，而另一個係杏仁豆腐味嘅布甸。而佢都有啲迷你芋圓，仲有啲黃色唔知咩嚟嘅啫喱🤣但整體來講幾好食，都幾重牛奶味，再加埋啲配料唔會好寡😋------------------------------雖然係幾好食，但感覺上好似冇乜特別，食一次就夠喇🤣

第一次寫就劣評，實在太嬲，味道好普通，普通糖水舖都係呢個水準，以呢個價錢來講，性價比極低，間舖安排又勁垃圾，冇人手又要照接單，堂食8點幾已經截隊，見冇咩人排隊就叫外賣，但外賣一碗竟然要等成半個鐘有多！！！，仲要唔係熱食，一碗凍食糖水都要等咁耐再加呢個價錢，啲職員又叫等叫飛先好入，點知啲號碼唔係張張都叫，等到過哂自己飛號碼，入去問先知有，咁你一開始唔好叫人等叫飛！！好多人係舖外等外賣都等到好燥，以後唔會再幫襯呢間！！！！

星期六同朋友行行吓Apm見到呢間新開的店，睇落去好似幾好食，而且又有好多人係門口等外賣就有啲期待，於是決定同朋友一齊試吓呢間。結果令人失望😞我叫左一杯鮮芋鮮奶茶，我朋友叫左一杯紫薯紫米珍珠，另外再叫左兩碗豆花4號。我杯野飲入面的芋頭得少少，大約1cm咁高，飲落去完全冇芋頭嘅味，仲有少少茶的澀味，就好似麥當勞嘅奶茶咁澀。我朋友杯野飲味道就唔知，但係隻色就好靚，用嚟打下卡都可以呃下人。另外豆花4號入面嘅材料有豆花、芋頭、紅豆，湯水可以揀糖水或者係豆漿，我地兩個都揀左豆漿。結果一攞上嚟就傻眼了，豆漿遮蓋住所有材料，入面放咗兩嚿芋頭，大約乒乓球咁大，而紅豆係滿滿嘅豆漿襯托下映得好少，仲有就係豆花少得可憐，而且唔成形，睇落去好似沙沙咁樣一啲都唔滑。

上禮拜跟朋友去APM食飯，走佐一圈shopping mall 都發現很多驚喜！餐廳好多選擇..當晚去食越南牛肉河粉後又鹹又口乾就想食D甜品解下D味精毒！到1樓後見到一條人龍排隊去鮮芋仙，門口好多花籃應該剛剛開張不久. 我個friend是個甜品癡一支箭飆去排隊.新店好明亮乾淨，收銀落單亦好有禮貌 真系好難得..結果我們點左2 碗招牌仙草芋圓.大概幾分鐘後送到前面我們都嚇親！非常大碗！材料鋪到頂！我記得以前去銅鑼灣同tst 店 都沒有這樣澎拜口味好正，粉圓Ｑ，自己最喜歡芋頭好香添！下次不用吃晚餐！直接過來就飽了⋯⋯彩蛋驚喜：老闆娘好後生！😀