鮮芋仙 (創紀之城五期(apm))

营业中

休息中

APM開咗鮮芋仙，仲未食過添。今日食完午餐見到，就買咗個外賣返屋企當下午茶食。APM出面有好多巴士，好快返到屋企唔快溶。不過我望入去堂食都有唔少位，下次要入去坐低食返個冰！招牌仙草冰沙 $45冰仙草系列基底為仙草凍、仙草冰沙、附一小杯奶油。呢個款仲有埋芋圓添，滋味無窮。煙煙韌韌好有咬口，有勁多芋圓同地瓜圓，抵食。我個碗特別多芋圓，芋香突出，果然係真材實料。黑糖沙冰底夏天都冇乜溶，黑糖仙草配花奶冇得頂，甜度啱啱好。Super yummy and fabulous!

呢間舖頭近期喺香港越開越多，我哋決定試一試佢，但係當時疫情關係只可以叫外賣我哋試咗佢觀塘嘅舖頭要嘅時候都要等一等，因為比較多人，大約喺六點零鐘時間所有糖水煲即叫即整，感覺好新鮮，如果唔介意仲可以望住師傅整，但當然最好唔好啦🤣🤣我叫咗個仙草4號，我估唔到佢係沙冰，返屋企之後溶晒，影完相之後唯有雪返落冰箱，口感當然冇咁好，但係甜部啱啱好，如果喺夏天食呢個應該好過癮好正，芋頭好軟滑另外叫咗個日式Q麻薯.原味稍為冇咁突出，黑糖味道比較突出，所以我哋覺得黑糖味比較好食🤣麻薯好Q彈，咬落煙煙韌韌

一直都好想試下食人氣既鮮竽仙 今日屋企人終於買了番來比我試下 果然沒有介紹錯 一食就上癮了🥰🥳我地食了以下甜品1. 凍仙草6 號 （粉條+粉粿+ 珍珠+ 刨冰+ 仙草）-$45- 仙草+ 粉粿好彈牙👍- 皆Q軟滑嫩 勁有咬口- 仙草好甜 一啲苦澀味都冇 😝- 落埋奶成個層次豐富左 奶味好濃😍- 啲奶分開上 可以按個人口味自己調節！- 份量都幾大- 的確是消暑良品2. 冰珍珠鮮奶綠 -$32- 大大杯好正 珍珠很多 杯外睇已佔了杯既1/3 - 珍珠很彈牙q軟😘 - 甜度剛剛好！- 香氣純正 😚解暑一流！- 絕冇香精味 - 我好快就飲左一大杯 的確整得好飲3. 冰芋圓4號 （芋圓+ 紅豆+ 珍珠）-$45- 同樣地芋圓好彈牙- 食冰很冰涼好開心整體來說 水準的確很高 難怪長期都是人氣之選餐牌：門面：個人評分：🌟🌟🌟🌟/5性價比： 🌟🌟🌟🌟/5回頭率：🌟🌟🌟🌟/5

天氣開始轉熱 同男朋友行完街想食啲甜品😂 見到鮮竽仙多人到傻左 於是決定買番屋企同屋企人分享！😂叫左回頭率100分💯既冰芋圓4號材料包括： 竽圓 蕃薯圓 竽頭 紅豆 珍珠😇呢個是我的大愛選擇！😘 雖然今日好熱 拎到番屋企舊冰都融左一半 但都不減我對佢既愛😍首先啲竽圓 蕃薯圓 好煙韌Q彈😛 口感十足呀！ 竽頭有2大舊🤣都好香濃綿密☺️有啲起沙！ 加埋紅豆同珍珠 真是近乎完美🤣作為竽圓控既我可以話冇可挑剔☺️ 糖水都好好飲 甜度剛好 同埋夏天真係要揀食冰 十分透心涼😉就算買到返屋企 除了賣相可能比我搖到冇咁靚外 水準根本keep到！ 另外 我仲買左冰珍珠鮮奶綠 & 仙草冰沙6號比細佬 s們🤣 佢地都好開心！ 鮮奶綠勁大杯 啲珍珠多到笑🤣 且仙草冰沙6號 好清涼 夏日炎炎食就最好不過了😍😚

🐒招牌仙草冰沙$45👉🏻加配芋頭$8👉🏻加配杏仁布丁$3鮮芋仙既甜品相信大家都耳熟能詳，近期係官塘apm開左間分店，咁方面咁就腳就決定買碗外賣回家吃。天氣開始熱，黎到鮮芋仙當然要食佢個招牌仙草冰沙，分別有芋圓、仙草凍同仙草冰沙，再次食佢既芋圓都係冇令我失望，夠煙靭得黎又夠味道，唔會似出面既芋圓淡茂茂無味。仙草凍同仙草冰沙唔會太甜，味道正常，食落去好涼快，夾埋黎食先係正宗食法。而佢有配杯奶油，係必定要落埋去撈勻黎食，成件事會去提升去到第二個level，唔記得比記得問佢拎番。另外加左$8加配芋頭，芋頭好林好綿，就咁食較為甜左小小，但加埋落去冰沙度就岩岩好，同仙草凍勁夾。而定做緊3周年慶優惠，加$3可以加購第三份配料，咁抵就叫左個杏仁布丁試下，杏仁布丁好重杏仁味，布丁方面就正正常常，下次可以試埋佢個布丁圓類拼盤。

鮮芋仙 -究竟係味大份夾好食?相信呢間野大家都唔陌生，我第一次見到佢係銅鑼灣，不果當時太多人排隊所以放棄左，但試過佢地既芋泥鮮奶都唔錯，芋泥好足。近排觀塘apm開左間，冇咩人一於買反屋企試下，朋友推介我一定要食呢個牛奶冰加焦糖布丁!!!!!! 好大份!!!!感覺要2個人share~~~~ 大家不要介意，我拎到反屋企冇賣相可言!! 但真係好滿足，好正!!!! 有好多不同料，包括 芋薯圓Q麻糬、茶香的冬瓜凍、仙草、雪糕…….對住呢碗野完全投降!!!!!

食完下午茶，仍有少許意猶未盡，很想吃點甜食。上網 Search 到原來 apm 開咗間「鮮芋仙」分店，提議過去買碗糖水返屋企做甜品。餐牌選擇好豐富，除了各款芋圓外，還有豆花、仙草、熱紅豆湯、茶飲及點心等。點咗芋圓 4 號 ($45) 同 奶茶布丁 ($8)。芋圓系列有得揀凍熱，凍食嘅基底預設為刨冰，而熱食湯底則為紅豆湯。至於今次點嘅 4 號，配料就有芋頭、紅豆、珍珠同雙色芋圓。芋頭綿密軟糯，入口芋香突出。紅豆有驚喜，沒有煮得過腍；珍珠圓潤 Q 彈、有咬口。芋圓質素亦甚佳，手指公大小，食落爽滑煙韌，配上紅豆湯，甜而不膩。另外個布丁亦非常美味，真係超級滑溜！入口帶陣陣奶茶香，但又完全沒半點茶嘅苦澀味，簡單又天然，絕對值得一試！

街知巷聞嘅鮮芋仙水準依舊😋材料份量依然豐富，以前見佢成日大排長龍，今次選擇了外賣，放工時間只有少量客人，平均等待約15分鐘就拎得芋圓3號（熱）｜$45｜8/10糖水嘅材料份量非常足，仲裝得好滿🤣一打開已經見到滿滿嘅花生浮起，入面仲有大量紅豆、珍珠，口感煙韌，當然唔少得芋圓，熬得軟身，食落十分彈牙，整個糖水甜度適中，保持到水準😋芝麻湯圓｜$8｜7/10加購配料每款有$4或$8選項。佢嘅芝麻湯圓口感幼滑，味道略甜，而且芝麻餡略為凝固，多加流沙感會更滋味

開心食甜品嘅時間😂😂係我最鍾意嘅台灣甜品招牌芋圓3號💕有滿滿嘅芋圓！同埋唔同嘅配料仲有我最鍾意嘅仙草，仲可以加小丸子芋圓煙煙韌韌，非常有口感有手作嘅感覺，芋頭粒同地瓜粒依家天氣熱咗都想舒服一下😋黑糖仙草沙冰都真係唔錯加兩蚊就會有一個鮮奶油一定要加鮮奶油 👍🏻味道超夾，而且好友濃郁嘅奶味外賣返去都真係好方便慢慢享受而且真係食得好飽一份都好抵啦，仲可以比朋友食😂甜度啱啱好唔會話超級甜下次好想試埋其他唔同嘅甜品👍🏻

好掛住鮮芋仙嘅芋圓，因為中咗武肺要隔離，終於等到放監啦！所以去附近APM嘅分店買咗一碗佢哋嘅招牌仙草冰沙～～～招牌仙草冰沙入面有芋圓、仙草凍、仙草冰沙，但係大病初癒所以我呢次就好慘咁要走冰(!!) 雖然我無得食沙冰但我都加咗我另一至愛白玉湯圓。佢嘅口感更加煙韌，比手工芋圓更加Q彈，亦同仙草凍嘅味道好夾。加埋佢地既奶油，就係最畫龍點睛之作！好味好多 完全係level up左呀～～～佢哋嘅芋圓仲可以加購不同嘅配料添，以下呢啲配料都每款都只係加＄4好似有綠豆、薏仁、紅豆、花生、花豆、仙草凍、珍珠、冬瓜凍。如果想加以下呢啲配料就要每款加$8芋圓、小芋圓、芝麻湯圓、芋薯圓、芋頭、白玉湯圓、蓮子、地瓜、雪糕、粉粿、粉條、焦糖布丁、杏仁布丁、奶茶布丁、抹茶布丁。

💛 #鮮芋仙 今日經過觀塘APM鮮芋仙，見佢咁啱開返堂食，就入咗去食lunch😋 呢度環適乾淨舒適，lunchtime人流好少，食得好安心💛🍡🫘 四號芋圓 （$45）四號芋圓有芋頭、紅豆、珍珠，當然唔少得芋圓喇😙😙 芋頭超級大舊，浸得好軟、少少粉、甜甜哋，好味☺️ 珍珠都甜甜哋、煙煙韌韌， 紅豆反而冇咁甜可以balance返😋 好味💓🧋🍮 奶茶布丁 （$8）唔通呢個就係被芋圓店擔誤嘅奶茶布丁？奶香茶濃好好味！$8咁抵一定會再食🤤🤤

鮮芋仙不嬲大家都知好食😻，近日佢終於係觀塘區開左間分店啦，仲要係位置方便既APM, 近裕民坊既果邊出口位～疫情期間，店舖都冇做堂食，但照有外賣（不過等候人數真係明顯減少😿）～🍡🍡🍡🍡 買完快啲食既話就算外賣都不減質素☺️招牌豆花🍥🥜有豆腐花配豆漿底，再加幾樣配料：芋頭、芋圓、珍珠☺️～非常足料，口感十足，而且個豆漿底幾好飲，豆味重唔會太甜👍🏻👍🏻 想讚讚佢既芋圓，夠彈牙又夠味😽👍🏻👍🏻

疫情下冇得去旅行唯有嚟鮮芋仙食下台灣甜品當去咗一轉台灣旅行苦中一甜點呢！但由於疫情嚴重餐廳只有外賣供應估唔到牛奶冰都可以外賣呀！番到屋企就即刻放咗入冰櫃可惜說得太耐，啲冰變得超硬啊！建議大家買咗返屋企就要即刻食喇！芋薯圓Q麻糬牛奶冰$58大大碗兩個人食都好足夠😋配料好豐富，包括有冬瓜茶凍、芋薯圓、三色小芋圓同黑糖及牛奶Q麻糬每款配料都十分有嚼勁呀！芋薯圓以地瓜圓包著芋泥好味又有特色！雲呢嗱雪糕加咗焦糖醬非常香甜配合埋牛奶冰一齊食，冰爽又滋味！

《外賣系列》🍽鮮芋仙 以前次次經過都大排長龍嘅鮮芋仙，就算疫情緣故六點後禁堂食依然人氣不減❤️‍🔥放工去到嘅時候啱啱過咗六點冇得堂食，不過想買外賣返去都有少少人排～🤍招牌豆漿豆花（$48）細細一碗，就有齊晒豆花、豆漿、珍珠、芋圓同芋頭👅啱晒有選擇困難症嘅朋友仔(⁎⁍̴̛ᴗ⁍̴̛⁎)如果唔夠仲可以加多啲配料添～鍾意佢嘅珍珠同芋圓有咬口，連埋豆花一齊食口感有層次！佢哋豆漿嘅甜度又適中，符合大眾口味😜@meetfreshhongkong

以前成日去銅鑼灣都會經過呢間舖頭，次次都排晒長龍，所以無一次成功試到😅難得今日喺觀塘食lunch，竟然比我發現係apm開咗分店，咁就一於買返屋企試吓啦！而家疫情關係淨係有外賣，冇堂食。嚟得呢度梗係要試吓個芋圓啦。我揀左芋圓6號 $45熱既紅豆湯，粉條，粉粿，珍珠，芋圓，另外加左芋薯圓+$8😋個紅豆湯飲落係少甜既，啱晒我口味。啲材料全部都煙煙韌韌，好QQ！我最鍾意嘅係芋薯圓，入面係芋頭蓉，好味！下次等我試吓個豆花先！