鮮寶食店 (已結業)

我想大家睇完個topic都會問"唉~食飯姐,打杖咩,咩鬼題目做'"風煙"四起,四面楚歌'丫但事實係....風雨交加之時,鄰枱正抽著煙,在風與煙包圍下,難道不是四面楚歌嗎?因為lee間鋪頭可以話露天加帆布幕擋雨我地去ge時候無咩雨又無人食煙我地叫左燒賣6蚊,腸粉7蚊,粉仔9蚊乘3,糯米卷5蚊2舊乘2合共50蚊我第一次食粉仔的確好似我同學講d菜寶係精華所在我差唔多加左20多匙超好食唔咸係d粉軟軟ge情況下加埋d菜寶爽脆咁一齊入口個d感覺真係解釋唔到出黎但可惜ge係盒菜寶之後比人攞走左糯米卷以5蚊2舊算抵個包面層皮好煙umd飯有d唔夠味但粒花生就好香好好咬口腸粉同一般街上ge差唔多唔係太突出食到一半ge時候雨開始大,鄰枱又開始煙霧迷漫加上有風唔係身後大雨飄就係二手煙蓋頂露天就係有咁ge唔好處而且衛生上露天是比較差一d食食有野會飛入碗而店舖食具感覺有d陳年但效率很快而且店員一叫就到不用等太久但我真的非常期盼加出黎ge枱唔洗同其他枱share d用具同菜寶我地坐張枱無筷子連d菜寶去左第二張枱又無返黎...我地又唔好意思去第二枱攞其實唔洗多...張張枱都有小小就方便得多

以前簡中都會到這裡吃...因為粉仔真的好美味! 價錢又可愛!上星期日特登來吃...可是...粉仔($9)同以前已經不同了湯底好稀...粉仔好幼...但味道其實不差的!最喜歡是可以狂落菜甫XD另點了...$5/2個的粉果...這個好吃...大大個...粉果皮煙煙韌韌...足料!!$5/2個牛肉球...普通! 覺得茶樓的好吃多了...不過男友喜歡吃...$9生菜魚肉...魚肉沒什麼料...白雪雪的...如果加點蔥會更好吃...$5細可樂...這裡的可樂勁冰凍...夏天飲一流!

由細食到大既粉仔店 , 以前真係無任何一間可以有佢咁好味 , 加埋d美味菜甫 , 一次過食兩碗至夠喉.自從搬左屋後就好少去了. 今日有心去食個tea , 叫左粉仔同一碟燒賣 , 唔知係咪天氣太凍既關係 , 覺得碗粉仔唔夠熱 , 而d粉仔口感比以前淋好多 , 味道亦不如以往 , 燒賣又一啲都唔好食 , 邊位有d硬 , 燒賣個身就好淋 ----- no good!睇黎以後都唔洗再掛住d粉仔lu

朋友仔帶我黎食....要左:粉仔 - 其實幾得意....有D菜甫粒....香口....又飽肚....碗仔翅 - 稀得滯....味淡...可以唔食....腸粉 - 個麻醬同豉油好好味....燒賣 - 失色....可以唔食....加兩枝汽水....埋單$38....都幾抵食....

有一年冇來鮮寶掛住佢 d 粉果, 燒賣今日專程重遊舊地粉仔一碗 $6普普通通 牛肉二粒 $5偏甜粉果二粒 $5內涵好甜 燒賣四粒 $6賣相走樣, 成粒都甜 以上食物的原有味道都應該是鹹的, 而家落左豉油及辣椒油都好甜, 甜到... 同佢地 d 服務一樣, 不知所謂

一生人試過一次就夠啦~唔試過就唔知道真正的服務態度差係點o既樣!我同我個 fd 入到去想叫嘢食，等咗一陣先有人入嚟理吓我哋。跟住我個 fd 叫咗一支汽水同燒賣，我叫咗腸粉。又等咗一陣，上咗個燒賣，個老伙記跟住問支嘢飲係大支定細支，我個 fd 答番佢要大支。過咗一陣，個老伙計拎咗一支汽水同一支橙汁過嚟。我同個老伙計講冇叫到橙汁。佢就瞪住我理直氣壯地話聽住我頭先叫O既，跟住我當然同佢講冇叫過啦。佢仍然堅持話我有叫到。喺呢一刻，我覺得我好似入咗所謂 "black shop"。咁o既服務，難得難得。我就當我黑仔，要咗支橙汁。之後，我同我個 fd 一路食一路傾偈。我支橙差唔多飲完，碟腸粉仲未上，我再叫個老伙計跟進一下。過咗一陣，有另一台客人啱啱坐，個老伙計招呼佢哋，跟住佢哋叫嘢食，其中一樣係腸粉。過咗一陣，個老伙計竟然拎住頭先另一台客人的所叫o既嘢食(包括腸粉)，一樣都冇少。我心諗，點解我叫咗咁耐都未上，另一台客人叫咗一陣就上齊晒啲嘢，究竟係乜問題，點解我會有咁o既待遇。我當然再叫佢跟進一下啦。嘿，唔夠一分鐘佢就上埋過腸粉。最後，食完嘢叫老伙計埋單，掛住睇馬o既佢只係點了兩吓頭作回應(望都冇望過

我同女友係置樂街市發現 厚興瑜記手撕雞手痕買左來食~~~唔錯唔錯由於係只有外賣 跟住我地就去左 鮮寶啦~~~其實我都成去~~~但係今次自己加料都無俾人咋型 都幾好叫左碗仔翅 一般燒賣 ok呀 口感好好~~~腸粉 好滑~~雖然唔係絕頂好食 但係已經滑過好多地方~~(多醬唔慳皮)牛腩面 依個掂~~賣相唔錯~~~食落都好好味~~~

早幾年前，有個同事，話屯門置樂有個地方食粉仔好出名、好好味。雖然我住佐屯門都好多年，不過我都唔知佢講邊度。早排，我見網上有食評，推介置樂鮮寶食店的粉仔，又列明詳細地址，所以我都好想去試試。今日，我去開置樂買野，所以順路就去佐呢道買佐兩碗粉仔外賣，共二十元。買外賣時，個阿姐o既態度好冷淡，一d都唔友善，不過以為有好野食，都諗住唔緊要啦。點知返到屋企，發現除佐自己落o既辣菜甫之外，成碗粉仔只係得幾隻超級迷你(大約三毫米x三毫米)o既蝦米同埋粉，甚麼冬菇絲、乜乜絲都一概沒有。兩碗都同樣只係得菜甫(自己加的)、超級迷你蝦米和粉。有無攪錯呀，兩碗都係咁!!!! 無其他材料架啦，我覺得自己好似係o係度食緊一碗齋粉，而且味道無特別，d粉又普通，但係要成十元一碗。原本仲以為有好野，買俾屋企人食添，點知真係完全唔得，一d都交唔到貨，一定無下次!!!!! 好失望!!!!

而家吾好去啦, d老女伙計衰到不得了, 盞一肚氣.

琴日接完我個fd放工!~~~咁之後去左市中心行下!~~~行行下就見好耐未去過置樂!咁就去左置樂!~~~見<支力><支力>地就搵個地方hea下,食下野咁!~~~加上又好耐冇食過個度d粉仔!~~就最終去左個度食!~~~之前同格離個間勁爭生意!~~~宜家格離個間<汁>左佢就扮清高!~~~重有以前d野飲任飲!~~宜家:1蚊一杯!~~~~d服務~叫野食:嗌極唔睬!~~~聽到嗌埋就即刻認~~~~cheap!!!宜家係咁加價!~~~大粉仔:$9咁去到我同我個fd就叫左兩碗大粉仔!~~~點知就黎料啦~!!!佢個碗粉仔有一隻都幾大隻""""小強""""我地好彩只係食左幾啖~!!!即係""今次係小強煲粉仔""$9可以換來百幾蚊醫藥費!~~~唔值得!~~~勸你地唔好去就最好!~~~為免"勞氣"...."食到肚痛"

聞名屯門置樂粉仔好出名，好好食，於是就搭車入去食。去到ｄ阿姐好nice，我叫左個翅仔＋粉仔，男友叫左個「三溝」（即生菜魚肉＋翅仔）。我個就比較咸，不過咁大碗都係九蚊，仲要好足料，都算係咁。反而男友個魚肉就幾正，出面ｄ無得比。跟住大家叫左個燒賣。六蚊已經有九粒，都幾好食。野飲任飲，不過質數就一般啦，不過免費喎，都算係咁啦。其實ｄ野又唔係話好好食，不過兩個先食左廿幾蚊，仲想點呀？

細細個時個個星期日都同屋企人揸車來食。不嬲都勁多人。到而家搬左都成十年, 叫返表哥帶去食, 都有返小時果種親切感。香港都少有食肆供應粉仔, 我食過果d唔係搵烏冬就係銀針粉做。我唔知正宗的係點, 但係我由細食到大呢檔唔係咁, 所以出到去都唔會搏唔會叫乜滯。叫親果d呢, d湯唔係稀死就係淡死。唔香。呢度的係一條條長方型麵條, 煲到糊糊的, 有蝦米, 冬菇等, 塞到滿滿一碗, 插針都插唔入, 大動作d都怕瀉呢! 味道真係, 小時候果隻味食唔返, 但仍然係我食過至好食的。碗仔翅大大碗(都係6蚊), 有好多冬菇, 勁足料! 正! 免費野飲要食到尾先留意到, 豆漿叫做至ok啦, 仲有lemonade 都唔錯, 其他都係當佢係免費野就ok。行開屯門一定要來食!俾10蚊食到2碗喇! 去邊度搵!

屯門粉仔係區內都好出名下, 可能係因為佢好平啦~0係果度食野, 無論你幫趁幾多錢(少至一串魚蛋), 都可以任飲佢門口果幾架沙冰機0既飲品有幾款揀, 記得0既有椰汁冰, 西瓜冰等等...講真就唔係咁好飲架喇, 不過唔洗錢喎, 好過冇啦至於最出名0既粉仔, 淨係聽個名, 我都唔知係乜東東, 原來係一d煮到好稔0既白色麵條(食落好似烏冬), 仲有d免治豬肉粒咁, 湯底好濃下, 都幾多味精, 不過街邊檔仔, 冇先奇啦其實全店最正0既係佢d辣菜甫, 粉仔0既稔加埋菜甫0既爽, 都幾得意架...仲幾夠辣tim~整多碗魚肉翅, 埋單先$13, 真係超平!!!