鮨穴

营业中

休息中

一行四人諗住聚一聚，所以揀咗呢間日本餐廳去試吓。初頭見到OpenRice話佢大約$200至$400到， 但係如果要真係$400一個人頭落樓，食嘢嘅時候真係要就住叫，所以食得未夠盡興。食物方便，因為單叫壽司比較貴，所以嗌咗一個特盛壽司拼盤同埋壽司拼盤 。食物新鮮程度尚可，但係個燒蛋好一般，之後其中一件魚生感覺唔係太新鮮🥲之後帶咗一個冰見牛肉烏冬，還好係我鍾意食嘅扁烏冬，湯底亦都唔錯，反而係個牛肉一般，有啲韌 。因為佢嘅時候係時間限制，要準時還枱。但係侍應再提醒還枱的時候，感覺態度好一般，可能因為想俾下一台客快啲入嚟掛….

商場有優惠券，就來試下。可能商場活動，排隊15分鐘左右。店內環境ok，店員足夠，反應快，可能最近人客多比較辛苦，無乜表情。另外餐檯唔太穩，有d高低不平。Order了刺身拼盤夠新鮮，爆油腩位，非常香既油脂，唔腥。帶子，牡丹蝦，魚籽非常鮮甜，滿足感爆燈。三文魚腩壽司非常新鮮，size略細。牛油果軟殼蟹卷推薦，牛油果夠香，軟殼蟹都炸得非常香脆。泡菜鱈魚濃湯石鍋泡飯濃魚湯，鱈魚非常嫩滑，熟度剛剛好。熱石鍋產生飯焦，配合濃湯非常香。紅豆配燒年糕不過不失

早前白熊趁著有時代廣場的禮卷試一試的鮨穴～話說他們的午餐品項真的有好多（差不多是full menu的程度吧）-🌟-▪️特上壽司拼盤 ($308)▪️咖哩牛舌御膳 （$168）每一個set 都包了茶碗蒸、沙律、前菜、味增湯和甜品😗白熊點了特上壽司拼盤 有14貫 對於我來說太多了😂值得一提的是他們的牛舌真的很～好～吃～外面煎的微微酥脆 裏面很軟嫩 咖哩醬汁則是一般 整體來說不過不失啦🫡-🌟-結語：有coupon的話可以一戰建議指數：🐻‍❄️🐻‍❄️🐻‍❄️.5/5

一早預約左,入去舖頭時,見到有pair情侶企喺門口都幾耐下,有幾個店員見到佢地都無理佢地,我又見到有吉位,以為佢地睇餐牌或等外賣,唔敢打佢地尖,直至我等左成七分鐘,我終於忍唔住,叫人安排坐位,先知佢地都係預約左,一路冇人出黎,呢個要扣少少分,幸好入座後服務都貼心👍食物方面壽司拼盤算正常發揮,唯嗰舊玉子燒麻麻地,饅魚蒲燒石鍋飯燒得幾好食又大碗都幾抵食,燒豆腐都令人喜出望外,蟹王粥見過之前好評決定點黎試下,不過食得出鰹魚粉味好突出,完全蓋過蟹味,而且幾咸下,失手之作,下次或者可以再黎試下其他菜式,埋單時用左time square 三張100蚊現金券,尚算抵食

因為銅鑼灣時代廣埸做緊優惠券，每消費滿$200即可用一張$100美食優惠券(加一服務費不計算在內)，變相係半價咁制，超級抵食！而且午市仲有套餐，仲加抵食，但未開門就好多人排隊，要食趁早去。六日晚飯去都幾多人食，等左15分鐘左右先入得，食物種類好多，有剌身、壽司、串燒、鍋物、飯麵類，即使同行有人唔食生冷野都總會揀到野食。~~~~~~~~~~~~~~晚市~~~~~~~~~~~~~~~特上刺身拼盤 $588★★★★☆九款刺身有三文魚、拖羅、油甘魚、帶子、甜蝦、魚子同埋三款魚刺身，最有驚喜係三款魚刺身，本身我唔太食其他魚刺身嘅係香港，因為好多時都會中伏好腥，但三款一啲都唔腥，仲要幾鮮甜，刺身盤附帶一個柚子醬汁，食落帶少少酸幾清新；帶子都大粒同埋清甜；油甘魚食落都幾肥美，食得出個甘香味；三文魚都唔錯幾肥美；甜蝦算鮮甜同埋大隻，蝦頭有膏，個肉質帶小小爽同腍口；拖羅反而一般啦，唔算太有味，唔太肥美；魚子有小小腥一般般。成個刺身拼盤整體黎講都幾唔錯，重點係夠新鮮，每一件刺身都唔會話好細件或者薄切。蔥吞食魚腩米紙卷 $128 ★★★★☆一碟有成十小件，呢個食落都幾特別，滿滿吞食魚腩加左蔥同埋帶少少辣嘅蒜

又一次嚟到呢間餐廳，今次想嘗試吓啲唔同嘅菜式😆我係一個好鍾意食炸嘢嘅人，特別係吉列蠔🦪簡直係我嘅最愛😋今次試咗呢間餐廳嘅吉列炸蠔，當然唔可以同專門做吉列菜式嘅百年老店相比，但食落香脆，冇腥味，裏面嘅蠔肉都好鮮嫩多汁，對我嚟講已經好收貨🥳🥳🥳尤其佢嘅查炸粉真係唔錯，食得超開心❤️今次都有叫沙律，要幫自己增加一啲膳食纖維🤣另外就係識咗燒左口魚裙邊壽司，呢個唔使多講，又係超好味，滿滿嘅油脂經過火槍嘅炙燒，充分散發左佢嘅香味出嚟，大推👍🏻👍🏻👍🏻最後用嚟修眉嘅椰子雪糕，都好幼滑creamy，形狀都好可愛，可以一試😋另外有一個麻麻哋推薦嘅就係海膽一般，同一個價錢可以食到更好嘅質素😅

成日喺銅鑼灣睇戲，呢間餐廳一路都係我好鍾意嘅一間日本餐廳，喺時代廣場睇完戲直接行過嚟食超方便🥰平時排隊都唔會超級耐，多數都係五六個人之內就可以排到🤣我超鍾意食呢度嘅厚燒牛舌，佢嗰個厚嘅程度係真係好厚，同出面嗰啲其他餐廳所講嘅厚唔係同一個層次，佢真係成舊磚頭咁🤣燒得外皮焦香，內裏又好軟嫩，但係呢一道菜餐牌入面睇落唔係好明顯，如果有機會去嘅朋友一定超級推薦試吓呢一個，咬落啖啖肉，非常滿足😋😋😋今次都試咗佢個高甜度嘅日本蕃茄沙律，其實如果專門想食呢個日本蕃茄嘅朋友，建議要另一個菜單入面嘅日本蕃茄，唔好要有沙律菜呢個，因為嗰個蕃茄嘅份量會多好。同埋今次試咗菠蘿雪巴，超級好味，好適合夏天，食完飯之後清爽返個味蕾😋

今日和一位對愛情10分執着的姐姐，在這家餐廳吃了一個10分特別的晚餐。她曾經被前男友傷害。在那段時間我幫助過佢去討伐他的前男友。今天這是她報答我的一頓感恩飯。$1300的晚餐，還可以用$300的卷。10分化算。壽司的話都是採用新鮮材料，只是飯團的軟硬度，比我想像中還要差一點。不過天婦羅確實是很好吃，甜度適中。而且是那種清甜的感覺。點上那個豉油和那種蘿蔔絲。加上脆脆的。10分清甜可口。不過烏冬就令我10分失望，他有點像蕎麥麵，不是圓條的烏冬。特別淋。一點都不好吃。環境還算比較有格調的。不過要等待的時間還是很長，建議大家提前定位。

好耐冇update 美食了🥲最近忙左好多，未必抽到時間寫到咁多食評🙏🏻黎緊會以簡而精既方向，向大家繼續介紹美食💪🏻多謝大家一直支持🥰🥰是日推介餐廳🍽️：鮨穴餐廳推介指數：🏆🏆🏆🏆（最高6個🏆） 必食推介：最高6粒⭐️-月見自家製免治雞肉 $42/串 ⭐️⭐️⭐️⭐️-松葉蟹甲羅麵鼓燒配脆米餅 $128 ⭐️⭐️⭐️⭐️⭐️-海膽和牛炒飯 $198 ⭐️⭐️⭐️⭐️⭐️-雜錦天扶良（10本） $298 ⭐️⭐️⭐️-白燒日本鰻魚佐柚子胡椒 $168 ⭐️⭐️⭐️-蟹王弼 $218 ⭐️⭐️⭐️⭐️-綾小町綾梅秘藏梅酒 $68/杯 ⭐️⭐️⭐️📍鮨穴銅鑼灣時代廣場12樓1202號鋪

小肥舊年做咗「LUBUDS」會員，年尾就用哂啲分黎換現金券。因每次只可以用一張，而且要九十天內使用，週四晚即帶同家人一試集團旗下位於時代廣場食通天嘅日式料理「鮨穴」。餐店正門右方圍住紅帶，相信入夜後會排哂長龍，好在計劃周詳嘅XO仔早已於網上訂座，不過大家要留意用餐時間限定為九十分鐘。排隊等位時可參閱左旁嘅海報推介及多頁中、日、英對照嘅彩圖餐牌（資訊亦可於餐廳官方網頁下載）。室內前方位置嘅水吧可見多樽日本清酒及證書。用餐大堂樓底高高，十分開揚。最右方為壽司吧位。四口子被安排入座左方巨魚牆下嘅半梳化式圓枱，夠哂鬆動。經驗較淺嘅年輕服務生態度尚算良好，遇上問題都會搵上司幫忙，完全冇敷衍了事。家人都好滿意食物唔會一窩蜂咁出，傳菜姐姐都勤奮有禮，唯一最唔衛生就係個時令精選推介餐牌，舖哂塵之餘仲好油！特上壽司拼盤（$458）：拼盤共有十二件大路嘅壽司款式，包括軟潤嘅赤身同三文魚壽司、肥美嘅拖羅壽司、爽脆嘅牡丹蝦壽司、鮮嫩嘅火炙左口魚裙邊壽司等，四人分黎食可各取所好。靜岡產高糖度蕃茄佐黑松露鹽（$88）：大肥爸爸大讚蕃茄片爽甜多汁，點上鹽粉更有提鮮之效！蔥吞拿魚腩薄脆（$58/兩件）：小食底層塊米餅

一碗性格比相當高的丼飯，每款刺身都非常新鮮，壽司飯又好好味，勁推介！！如果用埋LUBUDS coupon 就更加抵👍🏻LUBUDS旗下嘅餐廳，普遍都非常可靠，仲可以用佢個app儲分，就非常之抵🤗

一進餐廳，日本的味道就是如此，我們進入裡面的房間，我喜歡魚的油畫，裝修不錯，環境好暖心，好適合朋友聚會。 但是價格區間比其他分店高一點 ，中心區通常較貴 我們點了生魚片切片碗，有許多不同的海鮮成分，包括甜蝦和頭，鮭魚，金槍魚，海膽、扇貝和九龍一些其他魚類香料這是非常好的組合，你可以品嚐到食物質量很好的，我很喜歡用米飯搗碎海膽，超級棒好吃，雖然我一直都是喜歡新鮮的三文魚，但這裡的有點讓我失望了，低於我的標準了

間唔中都會同友人到這間餐廳食午餐，今次仲有coupon, 當然這間是首選。刺身同壽司一向新鮮好味, 蒸蛋十分香滑，口感豐富，也是我最愛之一。今次叫左特上壽司套餐，有13件，當中海胆鮮甜，油甘魚充滿魚油，帶子也十分爽口鮮味。睇得出食材是上等。其實餐牌內仲有好多唔同嘅刺身/壽司配搭，仲有牛扒/龍蝦套餐，真係花多眼亂，每一次都試唔同款，每一次都感到大滿足。職員服務態度良好，雖然客人多但都有效率。食物也能保持準，下次值得再來。

🍴帶子個汁好濃，龍蝦燒到好香，值得等😋 🍴 天婦羅+壽司配烏冬都OK🍴前菜有雲耳絲，酸酸味味都好味lunch time時代廣場間間餐廳都多人，但呢間條隊特別長！排左半個鐘以上，1定要早到坐得好迫，好似茶餐廳咁枱貼枱。唔夠侍應，要舉幾次手先有人應🙃

今次得到夏日賞賞你優惠試試這間日式料理惠顧主餐牌上的食物滿$400可減$200當日訂位已full, walk-in排隊要一小時才可入座扇貝北海燒$118很特別的一道菜火燒扇貝加上蛋、蟹肉、菇喜出望外地好味牛油果軟殼蟹卷$108軟殼蟹酥脆香口喜愛牛油果就不要錯過火灸三文魚芝士卷$108充滿驚喜的三文魚芝士卷醬汁應記一功牛肉冰見烏冬$148這款冰見幼烏冬軟滑易入口牛肉切成薄片呈半生熟湯頭味道清甜芝士年糕$48很喜歡這種日式年糕的口感外表金黃酥脆內裡煙煙韌韌總括而言食物味道不錯但定價太高可能因為幾乎每枱都用商場coupon所以價錢定得比較貴，如果沒有優惠就未必會全場滿座了