影片
更多
2023-02-10
1195 浏览
因为铜锣湾时代广埸做紧优惠券，每消费满$200即可用一张$100美食优惠券(加一服务费不计算在内)，变相系半价咁制，超级抵食！而且午市仲有套餐，仲加抵食，但未开门就好多人排队，要食趁早去。六日晚饭去都几多人食，等左15分钟左右先入得，食物种类好多，有剌身、寿司、串烧、锅物、饭面类，即使同行有人唔食生冷野都总会拣到野食。~~~~~~~~~~~~~~晚市~~~~~~~~~~~~~~~特上刺身拼盘 $588★★★★☆九款刺身有三文鱼、拖罗、油甘鱼、带子、甜虾、鱼子同埋三款鱼刺身，最有惊喜系三款鱼刺身，本身我唔太食其他鱼刺身嘅系香港，因为好多时都会中伏好腥，但三款一啲都唔腥，仲要几鲜甜，刺身盘附带一个柚子酱汁，食落带少少酸几清新；带子都大粒同埋清甜；油甘鱼食落都几肥美，食得出个甘香味；三文鱼都唔错几肥美；甜虾算鲜甜同埋大只，虾头有膏，个肉质带小小爽同腍口；拖罗反而一般啦，唔算太有味，唔太肥美；鱼子有小小腥一般般。成个刺身拼盘整体黎讲都几唔错，重点系够新鲜，每一件刺身都唔会话好细件或者薄切。葱吞食鱼腩米纸卷 $128 ★★★★☆一碟有成十小件，呢个食落都几特别，满满吞食鱼腩加左葱同埋带少少辣嘅蒜
因为铜锣湾时代广埸做紧优惠券，每消费满$200即可用一张$100美食优惠券(加一服务费不计算在内)，变相系半价咁制，超级抵食！而且午市仲有套餐，仲加抵食，但未开门就好多人排队，要食趁早去。六日晚饭去都几多人食，等左15分钟左右先入得，食物种类好多，有剌身、寿司、串烧、锅物、饭面类，即使同行有人唔食生冷野都总会拣到野食。~~~~~~~~~~~~~~晚市~~~~~~~~~~~~~~~
特上刺身拼盘
$588
28 浏览
1 赞好
0 留言
★★★★☆
九款刺身有三文鱼、拖罗、油甘鱼、带子、甜虾、鱼子同埋三款鱼刺身，最有惊喜系三款鱼刺身，本身我唔太食其他鱼刺身嘅系香港，因为好多时都会中伏好腥，但三款一啲都唔腥，仲要几鲜甜，刺身盘附带一个柚子酱汁，食落带少少酸几清新；带子都大粒同埋清甜；油甘鱼食落都几肥美，食得出个甘香味；三文鱼都唔错几肥美；甜虾算鲜甜同埋大只，虾头有膏，个肉质带小小爽同腍口；拖罗反而一般啦，唔算太有味，唔太肥美；鱼子有小小腥一般般。成个刺身拼盘整体黎讲都几唔错，重点系够新鲜，每一件刺身都唔会话好细件或者薄切。
葱吞拿鱼腩米纸卷
$128
28 浏览
0 赞好
0 留言
★★★★☆
一碟有成十小件，呢个食落都几特别，满满吞食鱼腩加左葱同埋带少少辣嘅蒜汁，好丰富，佢较特别系用左米纸卷包裹住，咬落口有小小烟韧口感，有惊喜。即使唔加鼓油都够味道。
牛脷盐烧
$68
18 浏览
0 赞好
0 留言
★★★☆☆
呢2串串烧反而麻麻，性价比较低，唔系难食但系未去到俾呢个价钱食。鸡皮脆口香口唔会话好干身；盐烧牛脷个味道够，但系偏烧得老左，几韧口下，都需要咬耐下先得。呢个价钱不如直接去日式居酒屋会更加有风味同抵。
鳗鱼蒲烧石窝饭
$178
31 浏览
0 赞好
0 留言
鳗鱼蒲烧石窝饭
$178
22 浏览
1 赞好
0 留言
★★★★☆
鳗鱼切开两大旧，又长之余仲要够哂厚肉，酱汁又够味，冇骨。但如果可以再多啲鳗鱼汁会更好，因为唔太够捞个饭。用左石头窝黎整个锅饭，中后段会有饭焦，食落更加香口惹味！个鳗鱼份量食到成个饭食完都足够，算系抵食，食落系啖啖肉！
~~~~~~~~~~~~~~午市~~~~~~~~~~~~~~~
特上刺身御膳
$368
16 浏览
0 赞好
0 留言
★★★★☆
午市套餐包左沙律、前菜、甜品，额外仲有唔同小菜、饭等跟埋。呢个有齐味噌汤、海鲜茶碗蒸、渍物、饭，另外可以叫佢地白饭转做寿司饭，跟刺身食就唔会咁怪。呢个个份量会比起晚市食嘅少D，晚市刺身每款都会有两块，呢个某啲例如牡丹虾、带子就会得一件，但价钱上都好明显平左一折。鱼嘅刺身都几新鲜，系三文鱼同吞拿鱼唔够肥美，冇咩鱼味，另外一点，今次食啲刺身太冻，唔知关唔关岩岩开店事。
寿司天妇罗面
$268
30 浏览
0 赞好
0 留言
寿司天妇罗面
$268
33 浏览
0 赞好
0 留言
★★★★☆
呢个都系午市套餐，一个套餐有齐寿司、汤面(可选乌冬或荞麦面)，仲有天妇罗，好丰盛，啱哂想食寿司但又想食小小热野黎暖胃嘅人！佢另外仲有一款系刺身黎取代寿司。先讲寿司，中规中矩，但欣赏佢个寿司饭够细同握得实，食落有寿司饭但更多系上面个块主角。甜虾同埋鱿鱼够爽口，其他普通冇咩太大记忆点。天妇罗即整够热又脆口，但个炸浆唔会太厚，2件虾系熟虾，都唔错，其余都系蔬果类，例如芋头、粟米芯、茄子、南瓜。最一般系个乌冬，用左面豉汤底但有啲过咸，个乌冬系一般最普通嘅乌冬，唔系真打或者冷藏个啲，口感、质感都会争啲。但整体都好抵食咁多款野，仲要有埋前菜、沙律。
🌟总括：剌身同寿司都几唔错，够哂新鲜，摆盘亦放得好靓，值得叫。石窝饭就中上表现啦，但串烧唔太建议叫，唔算特别出色但价钱偏贵。而家用埋现金券等于半价，呢个质素超级抵食兼超值，顺带一提，商场现金券每次只可以用5张！中午食就会好抵，但晚市就会再多啲选择。
张贴
