鮨一日本料理 (翠怡花園)

营业中

休息中

放假得閒就會入大埔行下，不過成日覺得大埔無好食日本餐廳，多是又貴又唔好食既連鎖店，俾我找下找到依間小店打算去試一試，門口得幾個人，就等下啦！點知一等就等左一個鐘！ 入到去，終於知點解要等甘耐，一來店鋪比較細，只有七、八張枱，同埋無限時間，大家鐘意食幾耐都可以，所以大家一係早過七點去，一係八點半之後去，唔係有排等！ 等甘耐食物質素如何？係值回票價吖！上菜時間剛好，一碟食完，第二碟接住上，唔會成枱都係野食！ 我食左，燒雪魚干，香蔥吞拿魚腩壽司，帶子海膽反卷，牛油果軟殻蟹反卷，壽喜鍋，同兩款雪糕！ 燒雪魚干，一上枱，我心諗比人呃，好似細個食d 零食拎去燒左甘，不過食落就知係唔同既，燒到好脆，好似薯片甘！食到停唔到口！ 香蔥吞拿魚腩壽司，帶子海膽反卷，全部食材好新鮮！海膽鮮甜，一個字 牛油果軟殻蟹反卷，蟹子粒粒都好有口感，軟殼蟹都好脆！ 壽喜鍋無特別！ 綠茶雪糕味道尚可，奶味重！海鹽雪糕味道特別！不過我還是喜歡沖繩的味道多一點！ 依餐我覺得是超值的，比同樣價錢，係連鎖店一定食唔到甘既質素！

我諗佢地係大埔最好同專業嘅日本餐廳。雖然店仔細細，不過食物水準一D都吾差，而且刺身好新鮮，好多仲係大埔其他日本餐廳無架，我一定會再去！不過，座位有限，訂位比較好如果吾係有可能要等位。 

在食大埔中心食嘢已經食到好悶，今日就去太和呢度食好西 附近既都係一般小菜， 無意思，男友話食日本野，之前有D想唔去，鋪頭實在太細，但係做女友既有時都要聽話既, 去啦 (但係原來又唔錯啊)。我地2個叫左魚湯烏冬啦, 帶子海膽壽司, 銀鱈魚, 剌身 SET 同埋燒牛舌 魚湯烏冬係無嘢既, ONLY 得烏冬, 要 $1XX, 但係當你飲左佢既湯, 嘩......鮮到呢~~你就知咩係值得.  佢應該比左好多條魚去預備呢個湯底, 有心思.帶子海膽壽司同埋剌身 SET, 食到佢既食材係好新鮮既, 真係同放題果D有好大唔同, 真係食左呢D返唔到轉頭.......銀鱈魚都係銀鱈魚, 無咩咁特別, 可以煎香小小, 咁加埋個飯就 VERY GOOD 喇!!希望你地可以加油, 堅持住呀, 大埔小店唔怕做咖, 因為大埔人都好鍾意食嘢!!!

係荃灣做完個靚挸 facial 後，跟朋友仔齊齊嘆程巴士返大埔搵食。左諗右諗，食好一點去鮨一啦，Lucky 未收檔，good ﹗有檯唔洗等真好，其實我想坐壽司吧，活動空間大一點，依家又係二人迷你檯，您地得會夠我放食物嗎？實在太睇小我喇 ﹗而且坐到頂手頂腳，連電話都無位放檯面，迫迫夾夾最討厭 ﹗朋友仔那麼辛苦幫我做 facial，今餐我請客慰勞一下您啦，食多點喲 ﹗全部由我話事發板，叫堆好野過您嘆啦 ﹗清酒，先黎幾杯冰凍清酒解解渴又開開胃先，預備食大餐 ﹗螢光魷魚，多年前係尖沙咀秋田第一次食，一試難忘，自此之後去都任何一家日本店都必食架 ﹗鮮甜爽脆滑滑又多汁，清香醬油味道突出，氣味芬芳，食落溫度透心涼，滿分 ﹗芥辣八爪魚，頭盤小食最緊要味道清爽不濃不嗆，要令食慾全開 ﹗依道菜絕對適合，淡淡芥辣味道醒腦醒神，微辣帶咸又清涼，八爪魚又彈又嚥韌，真係越食越想食呢。鮟糠魚肝併鱈魚白子，最喜歡魚肝質地棉棉黏黏，肝味出眾，沾上醬油使到肝味更加提升，好好味呢 ﹗鱈魚白子，我都係第一次食，鱈魚公的精囊，不是精啊，不要混淆。蛋味濃又滑嘟嘟，還富有彈性，半沒點腥味，盡情在醬油打滾後就直接跳入口中，美味大滿足

史雷大戰不幸敗北呢 ﹗無緊要，依餐我請客隨便叫，一定要食到飽啊 ﹗有緣到此一遊，初次碰面，研究一下菜牌先。小店地方淺窄，order 檯太細坐得不舒服，頂手頂腳，反而壽司吧更好，仲更有私人空間添。最喜歡依次序順住食，頭盤、刺生、壽司、湯、串燒、熱燻、粉麵、甜品，非常完美，不過今餐無叫湯同甜品。清酒，黎支凍飲濕濕口、開開胃、醒醒神先。螢光魷魚，去到那一家店我都必食既頭盤，好鮮甜好爽脆，醬油漬味道清爽而且溫度透心涼，滿分 ﹗冷豆腐，非常夠凍，白滑而豆味濃郁。簡單地撒上木魚絲再淋上醬油調味，蠻稱心滿意。刺生併盤，多謝 $388。我一向對劍魚麻麻，質感似肥豬肉囉。赤貝又爽又甜、三文魚腩油脂豐富又甜到爆登、赤肉吞拿魚難得可口甜美、油甘魚鮮甜無比魚脂澎湃滑溜溜、海膽味道清新又黏黏彈彈沒半點腥味、帶子天然甜味無可抗拒、牡丹蝦黏彈爽滑新鮮極致 ﹗刺生併盤，赤貝、三文魚腩、吞拿魚、油甘魚、海膽、帶子、牡丹蝦全部高質有料到，師傅識得架？對我咁好？感謝。八爪魚，咸香飄飄，半爽半彈又嚥嚥韌韌，好好味！蟹羔蟹棒壽司，處理得宜，味道滿意，難得飯粒煮得咁好，乾爽飽滿不黏口，上品！軟殼蟹手卷，我會食既壽司及手卷寥寥可數

我聽朋友講，知道大埔有間日本菜好食，所以放假就同男朋友黎試下，可能我地係平日時間，唔洗等好耐就有位，座位唔多，不過唔算窄，個人認為，就係因為小店，所以先有咁既特式。。如果要去d大大間既，不如我去食放題？先講下食左咩先：壽司： 油甘魚腩 三文魚腩本身我係日本菜粉絲，食到好食既，心情更加靚爆。。壽司好肥美，要腩位就係要有呢種油份，先夠口感。。海膽帶子反卷呢個不得了，帶子雖然唔係原粒上，不過就係因為唔係原粒上，先食到海膽同帶子既鮮味，一啖一件，好滿足。，串燒 : 牛舌 雞腎 煙肉荔枝卷食日本菜，叫牛舌是常識吧。牛舌燒得岩岩好，唔會太淋，唔會太濕，有口感。燒雞腎，好爽，上面落既黑椒粉令雞腎味道更提升。。呢個煙肉荔枝卷，係我地見到枱枱都有叫，所以我地先叫，好有驚喜，我以為會好肥，好普通，但係食落就知我錯了，估唔到煙肉同荔枝可以咁夾，而加當然係無核啦。。。一啖食哂，真係好好味。。實在好耐無食到d好食既日本菜，而加周街都係頂爛市既放題，真係要支持小店，加油丫，我會介紹比多d朋友黎。。。

 話說我因工作關係時常到不同地方食野，見平時自high得多，就決定同大家分享下。而今日我就來到呢間鮨一日本料理，鮨字在日本有刺身之意，真係令人期待。點知，師傅拎嘅第一碟唔係一般魚生，而係「白子」。我望住呢舊白潺潺，疑似腦袋嘅物體，望望師傅，再試一試，入口即溶，配鮟鱇魚肝更是鮮味一流，但我仍然係要問：「到底白子係咩嚟㗎？」終於，佢答我：「係鱈魚嘅春袋。」⋯⋯嗯⋯⋯老實講，我本身諗住食下三文魚吞魚海膽帶子海蝦就收工，但呢下少女含「春」真係唔知比咩反應。後來我查返資料，原來白子係日本流行食物，可打邊爐可煎炸亦可生食，只係小女子小見多怪啫，而且只有一年只有冬季食得到，好補身㗎。不過第一次的確係會有心理障礙，明白嘅，第二回合我就試返壽司拼盤，特別推介海膽同吞拿魚腩（拖羅），食識海膽都知，要大大塊，金黃色，d粒粒要分明而堅挺先叫正，鮨一果然不負我所望，但海膽的確好鮮甜！而拖羅先甜後甘，鮮味揮之不去亦令人難忘。此外，煙肉帶子串燒同天婦羅都不容忽視，今餐真係又驚又喜。小總結：雖然開波要我食春袋，但後尾d刺身咁正就算數啦！價錢對返食物其實唔過份的，環境雖小，但勝在整齊清潔，小店亦流露人情味～聽講大埔翠怡

發現舊有的糖水店已轉為日本料理的新店 - 鮨一。閒談間知悉老闆Carl已有開設日本料理的經驗, 由店面裝潢, 食物質素到賣相都落足心機。店面裝潢簡樸親民, 有日本居酒屋的風格。可惜未有酒牌, 未能暢飲一番。剌身整體新鮮甘味, 三文魚和吞拿魚腩沒什麼特別之處不多說。略說一下較為吸引的海膽和牡丹蝦。新鮮吃海膽最怕是吃到不新鮮的那種, 有陣陣尿壓味真是令人沮喪。鮨一的海膽沒有令我失望, 大大片之餘還滿口鮮味。以最地道傳統的吃法, 用紫菜包裹，沾醬油及即磨wasabi同吃, 突出海膽鮮味。牡丹蝦刺身, 蝦頭可選擇炸的, 我還是喜歡原汁原味的, 吸啜蝦頭的膏, 鮮味動人!天婦羅蝦 有驚喜! 扇型炸素麵做陪襯, 睇得又食得! 掂! 天婦羅炸得恰到好處, 和炸漿的味道分明, 有炸漿的甘香, 亦有蝦的鮮甜和嫩滑口感。可以說是酒店級質素, 非一般花巧之作。辣煮蠔湯肥美鮮蠔配上惹味辣湯, 白羅白吸收湯的精華, 濃郁的蠔鮮剌激味蕾。 辣味並沒有"妹仔大過主人婆"蓋過蠔的鮮味。嚐辣者必點!! 地獄辣王更可要求加辣!!燒羊架羊肉的羶味令不少人却步, 鮨一的燒羊架時間掌握得宜, 保留了微微的羊羶味, 啖啖肉的口感

去咗大埔剪髮，當然要搵食啦！經過翠怡商場，新開了一間新日本料理，見到有秋刀喎，九月份，正是秋刀的季節，平時要去到天后、中環那些老店才見有秋刀刺身，好吧！區區揾野食出馬！餐廳佈置平時民簡單，門口一張壽司吧枱，很有親切感，令我又想念起我愛的日本 好吧！就叫老板發板吧！（不時不食，很多日本人入到餐廳般，信任師傅，就任由他們安排食乜）主角：秋刀刺身一般人以為秋刀係平價魚就唔好食，其實只因为唔夠肥美秋刀才做燒物，燒物時連內臟一齊燒所以先有d苦味出咗，但做得刺身的秋刀一定係唔會腥哼哼，香港唔係到到有得食就知道其實臥虎藏「秋刀」也！秋刀刺身上枱了，刀工一流，令骨多的秋刀也「骨」「肉」分明。食下，魚肉甘香濃郁。吃畢，嘴巴裏瀰漫着陣陣微腥又鮮甜的油脂，那獨特的味道，真的其他魚難代替。信心有了！隨後上枱便是蝦和拖羅吞拿魚的肥魚腩 ， 布滿雪花紋 ，入口魚油四溢 ， 鬆軟酥香，感覺融化了！蝦都好大隻，彈牙，口感十足。蕃茄沙律：食咗咗多油脂落肚，呢個沙律剛好清清喉嚨，師傅又幾細心喎。熟食上場了！有燒牛舌和天婦羅蝦（因為友人係蝦魔，所以食完生要試熟喎）燒牛舌：燒得唔夠乾身，如果改為厚燒牛舌，或者又會比薄燒好！天