鮨一日本料理 (翠怡花園)

营业中

休息中

之前已經食過鮨一日本料理分別係荃灣同埋尖沙咀既分店，覺得佢地食物既質素幾好唔錯，今次專登book左大埔分店試試。店舖細細間，裝修好有日式家的感覺，比人感覺好warm，我幾鐘意😆〈油甘魚刺身〉因為男朋友鐘意食油甘魚，所以專登叫左個油甘魚刺身，刺身夠厚身，脂肪比例唔錯，入口充滿魚油脂香。〈特上十貫目〉黎到日本餐廳必叫壽司，我地叫左特上十貫目，有十款唔同嘅壽司，例如海膽軍艦，三文魚軍艦，帶子壽司，劍魚腩壽司，大拖羅壽司等等。店員仲好貼心提我地要食左啲白身既魚先，最後先食大拖。咁多款壽司入面，我個人最欣賞佢既大拖羅，油份好足，入口即融〈千層海膽飯〉我地仲叫左佢既招牌——千層海膽飯！海膽份量同埋飯嘅比例接近一比一，完全滿足到我呢個咁鐘意食海膽既人。佢既壽司飯都幾特別，係赤醋飯，唔洗點豉油都已經好夠味，海膽味道夠晒鮮甜。〈雜錦天婦羅〉〈蕎麥冷麵〉熟食方面，我地亦都嗌咗雜錦天婦羅同埋蕎麥冷麵。雜錦天婦羅有大蝦、茄子同埋南瓜，估唔到佢既炸物都幾有驚喜，一上枱係新鮮炸起熱辣辣，炸皮亦唔會太厚，啱啱好，夠晒香脆。蕎麥冷麵亦有水準，食埋個麵就啱啱好夠晒飽，大滿足！

最近去咗大埔翠怡花園嘅鮨一日本料理食飯🤣食物質素幾高👍🏻鮨一千層海膽飯$228外表已經好吸引！每一口都有濃郁嘅海膽味道，而且呢個千層嘅概念真係好有創意🤪上錦繡刺身$288呢個拼盤色彩好豐富，好靚！新鮮嘅生魚片一一展示喺我面前，可以品嚐到唔同魚生嘅風味👍🏻鰻魚炒飯$98牛油炒金菇$48鰻魚炒飯香氣四溢，每一口都好滿足✨而牛油炒金菇嘅口感好嫩，金菇嘅香味同牛油嘅滋味完美結合，好好食！仲有啲小食都好正！日本番薯平南瓜天婦羅$68龍蝦沙律$35日本芝士年糕$32味醂魚乾$68唔止係外觀精緻，味道都好出色✨特別係龍蝦沙律，鮮嫩多汁嘅龍蝦肉配埋清爽嘅沙律醬，絕配😋味醂魚乾絕對係上酒嘅好搭檔！酥脆嘅魚乾淋上甜甜嘅味醂醬汁，真係令人回味無窮👍🏻

上星期約左好友食晚飯，好耐冇食日本菜又好掛住海膽，所以黎左lee間日式小店，位置係太和車站附近。千層海膽杯🍚海膽好鮮甜入口即溶，海膽叠高後再舖上金箔，即刻打卡影靚相📸😛 。海膽底下仲有吞拿魚腩茸😎。赤醋飯呈淺啡色，我覺得唔使沾豉油，隨飯仲附送紫菜。日本真蠔生蠔🦪都幾大隻厚肉，有濃郁蠔味仲有淡淡嘅海水味，入口鮮甜爽口。金目鯛魚刺身金目鯛魚表皮鮮紅，肉色呈淡粉色，有豐富嘅油脂，師傅炙燒魚皮後，好有油香味，而且肉質細嫩甘甜。黑松露帶子反卷最喜歡黑松露，配上鮮甜嘅帶子，正呀。炸蝦天婦羅有驚喜，上枱已經覺得好靚，用左素麵做左靚扇作配襯，天婦羅炸得剛好，不會覺得膩。串燒：Order左豚肉鵪鶉蛋串、培根串、日本雞尾串、鹽燒雞腎串。第一次食雞尾串，亦唔係間間店都有，燒出黎又香又juicy，腍腍軟軟，完全冇羶味。煙肉帶子炒飯炒飯粒粒分明，有蛋香味，而且材料豐富，滿足。綠茶蕨餅蕨餅有鮮綠色澤，煙煙韌韌，又香軟。

大埔愈來愈多美食我都仲未試，今次就行去位置較偏既鮨一日本料理，雖然餐廳唔係喺啲人多熱鬧既地方，但我哋入座之前餐廳入面都座無虛席，可見受歡迎程度都頗高。味醂魚乾 $68以味醂調味同烘乾後既魚乾，充滿油香，配上蛋黃醬同七味粉食用，簡直係最佳既佐酒小食！龍蝦沙律 $35真係食到大大粒肉既龍蝦沙律，比較light既前菜，非常開胃。日本芝士年糕 $32兩面烤至微微金黃，一咬開就湧出流心芝士內餡，勁邪惡勁吸引呀😍上錦繡刺身$288 海膽、三文魚、北寄貝、帶子、牡丹蝦、油甘魚等咁多種刺身做成拼盤，每件都非常厚身，口感鮮美。鮨一千層海膽飯 $228 （日本海膽）面頭係對到成座小山咁多既日本海膽，色澤鮮黃，口感濃郁，下面鋪滿拖羅蓉喺飯上面。沾上wasabi同豉油嘅海膽用紫菜包住嚟享用簡直係味覺的享受😋日本番薯平南瓜天婦羅 $68炸至金黃既蕃薯同南瓜天婦羅，即叫即炸，外皮香脆可口，內裡保留蕃薯濕潤綿密口感，火喉控制得好，又唔會有炸到滴油既油膩感。牛油炒金菇 $48呢道係其中一道令我驚喜既料理，外表平平無奇，估唔到入口超濃牛油香味，仿如食卡邦尼意粉般既creamy。鰻魚炒飯 $98通常出去食饅魚炒飯都係得面

約咗好朋友食晚飯，佢介紹我去鮨一日本料理（大埔分店) ，入到去好有feel，而且店員嘅服務態度非常友善！令我令我食指大動！我哋傾吓食吓叫咗👇🏻🌸日本真蠔，清淡嘅海水味但蠔味濃郁，入口creamy但帶爽脆！🌸金目鯛刺身，肉質細嫩，味道鮮甜，淡粉色的肉色與鮮紅的魚皮幾咁靚。 魚皮經過炙燒後，更激發其皮下油脂嘅香氣，口感極佳！🌸千層海膽杯杯！我好鐘意食海膽依款係正宗日本🇯🇵海膽，海膽味道濃厚甘甜，回甘強，超級鮮美，加上金箔，真係視同味覺嘅頂級享受，不可不試！🌸黑松露帶子反卷，鮮甜的帶子啖啖肉配上黑松露超級好味!!🌸串燒方面我叫咗豚肉鵪鶉旦串、培根🥓串、日本雞尾串和鹽燒雞腎，雞尾串唔係度度都有得食，油香豐富，外脆內軟，包保你一試難忘！讚🌸煙肉🥓帶子炒飯，材料豐富之餘，飯粒粒粒分明，可見廚師🧑‍🍳嘅功夫🌸炸蝦天婦羅🍤 脆脆的口感一點都不油膩呀！🌸抹茶蕨絣，顏色好看像翡翠，口感煙韌的抹茶蕨餅，不會太甜，作為今餐的完美句號。

今日去大捕探朋友，友人推薦了這間日式小店，位置在太和火車站附近。店舖面積不大，老闆打造成日式小店，使人感覺溫馨自在。兩位美少女服務員，更是盡心盡力，殷勤招呼。👍🏻👍🏻讚我們點了牛油果🥑蟹肉沙律🥗、廣島蠔🦪、池魚，味道一般般。串燒有驚喜😋串燒牛舌～牛味濃郁，油焦香鎖着肉汁，難得！水準之作。👍🏻👍🏻👍🏻免治雞肉串燒～也是非常不錯，外面香脆，裏面柔軟！👍🏻鹽燒三文魚頭～燒得有點過火了，味道亦只屬一般。天婦羅～也做得不錯👍🏻炸粉厚薄適中，而且夠乾身！美味可口！

星期五去食簡單晚餐，兩個人叫咗一個花雜錦魚生飯定食（切粒），同埋錦銹魚生飯定食（切片）。朋友唔夠食，再嗌多咗一個蕎麥麵，同埋一串燒牛舌。魚生選擇都夠多，有我最鍾意食嘅白身魚，池魚同埋吞拿魚。串燒都好好味，下次要食多春魚串燒，同埋燒粟米，見到隔籬枱叫，好似好好味🤤同埋可以再試吓其他種類，例如壽喜燒。食物嘢保持一貫水準，新鮮好味。餐廳環境比較細，所以如果多人，就要book枱。小人同埋時間早都應該有位。

今個月是朋友的生日，於是來到了尖沙咀的人氣食店嘗試一下日本料理.餐廳環境佈置明亮，加上有不少日式的擺設，令人感受到舒適的感覺.白子也是本人的最愛，入口甘香，細滑的感覺令人十分之回味，加上十分之新鮮並沒有內臟的味道.廚師刀工十分之細利，加上池魚魚味十分香濃，感受到幸福的感覺.鵝肝廚師烹調得外皮十分之香脆，但內裏卻保持細滑的感覺，配上紫菜的手卷，簡直是最美好的配搭.清酒煮蜆肉，蜆肉比坊間一般大隻，吸收了清酒的香濃，水準十足.這一間餐廳所有米飯也是日本產的，令人感受到信心，加上廚師也會和客人有不少的互動，令客人感受到賓至如歸的感覺！

依家喺大埔食海膽就會諗起鮨一佢有加拿大海膽（$168一份）同埋北海道馬糞海膽（$388一份）揀今次係情人節到訪，又叫左份加拿大海膽食，真係好鮮甜！自從上次食完第一次之後，我就經常性念念不忘，到左情人節又搵到個原因又尼呢度食今次叫左：➡️牛油果蟹肉沙律➡️加拿大海膽一份➡️味噌煮牛舌➡️壽司（蟹柳、北寄貝、甜蝦、蟹肉蟹膏係尼錯左既）➡️海膽帶子卷全部都好好食！沙律入面材料既配搭好fresh，海膽就好鮮甜脹卜卜！牛舌啖啖肉，有啲似食緊蘿蔔牛腩既感覺。壽司同埋海膽帶子卷好鮮甜！

第一次寫食評，呢間野係大埔又貴又唔好食，3個人食左2500，除左海膽杯 ok之外，真係好難食其他野，d 刺身完全冇味，勁難食，冇下次，招呼又唔係好，店舖又細，唔明點解仲有人幫襯，。

平日中午來到，餐廳幾細，座位都坐唔滿🤔叫左個吉列豬排手打烏冬 （$65）豬排都炸得幾脆，但炸粉有dd厚烏冬口感只係一般，唔似手打，似超市貨多d整體不過不失，冇需要特別去試~

午市套餐跟餐有沙律、中華沙律、麵豉湯、飲品，唔需要加一，經濟實惠 五品刺身飯定食有帶子、油甘魚、三文魚、甜蝦、八爪魚各兩件，擺盤比想像中精緻，帶子真係有兩粒原粒，三文魚同油甘魚都十分厚切，非常肥美，甜蝦嘅蝦肉亦好鮮甜，唔會淡茂茂，八爪魚就一般，以依個價位嚟講整體算係唔錯最最最抵食嘅係午市套餐加$6有三塊三文魚刺身，雖然係切得比平時細塊啲，但係都一樣新鮮好食，而且只係加$6真係激抵，好建議大家加嚟食

同屋企人假日食個晏仔，揀左哩一間日本菜🇯🇵。佢既午市套餐都好抵食，包埋前菜、沙律🥗、麵豉湯同熱飲，仲可以用$6超抵價加購刺身三片，而且免加一。而家雖然無晚市，但可以用午市價錢叫外賣🍱，都好抵阿。三色丼定食 $82有四片三文魚、三片帶子同兩隻甜蝦🦐。帶子都算厚片，唔會好似其他餐廳咁切到薄薄咁。整體上都不過不失，唔預佢超新鮮鮮甜，合乎性價比得黎味道正常又抵食👍🏻。不過略嫌佢既飯比較黏，一舊舊咁🍚，唔夠粒粒分明。加購既刺身都係三文魚🐟黎，同樣都好足料。和風牛肉飯定食 $65佢既牛肉唔係用肥牛🐮，而係真係一片片牛肉。牛肉煎得好香，軟硬適中，配菜除左有洋蔥絲🧅，仲有紅蘿蔔絲🥕，加上燒汁煮到焦化左，非常送飯。

同屋企人去左食lunch 日本野黎講CP都唔錯～Lunch set有前菜，沙律，湯我叫左六貫目配細烏冬 鐘意食佢知沙律 係芝麻醬黎 加埋粟米幾正～烏冬口感彈牙湯底清清地幾暖胃👍🏻六貫目就係六件壽司（set定左係咩壽司）壽司飯比平時既會小啲啲 食曬會飽肚既～魚唔腥 帶子都幾鮮甜👍🏻整體分數：7.68

因為喺附近返工嘅關係成日都會經過呢間餐廳 次次都見到佢滿座所以都冇乜機會入去食🥲🥲🥲有一次經過見到佢有兩個位梗係即刻唔執輸入去攞位啦咁就成就左我第一次食呢間餐廳啦餐廳環境都幾擁擠 可以話同隔離枱冇距離咁滯喺疫情嘅情況下 感覺唔係咁舒服不過都理解佢舖頭細 真係做唔到咁多位好啦講返嘢食先餐廳Menu呢都幾多選擇 午市有一版全版做魚生 一版全版做熟食仲可以用優惠價加$6換三件刺身 幾抵！佢每個set 都會有前菜 味䁬湯 沙律但其實張枱好細 根本就擺唔到咁多嘢希望呢方面可以改善下至於魚生方面其實係幾好食 魚生夠凍夠新鮮整體都唔錯 有位嘅話會再食