鮨一日本料理 (翠怡花園)

 

話說我因工作關係時常到不同地方食野，見平時自high得多，就決定同大家分享下。而今日我就來到呢間鮨一日本料理，鮨字在日本有刺身之意，真係令人期待。點知，師傅拎嘅第一碟唔係一般魚生，而係「白子」。
我望住呢舊白潺潺，疑似腦袋嘅物體，望望師傅，再試一試，入口即溶，配鮟鱇魚肝更是鮮味一流，但我仍然係要問：「到底白子係咩嚟㗎？」
終於，佢答我：「係鱈魚嘅春袋。」

1

日金針魚X鱈魚白子配鮟鱇魚肝

⋯⋯嗯⋯⋯老實講，我本身諗住食下三文魚吞魚海膽帶子海蝦就收工，但呢下少女含「春」真係唔知比咩反應。後來我查返資料，原來白子係日本流行食物，可打邊爐可煎炸亦可生食，只係小女子小見多怪啫，而且只有一年只有冬季食得到，好補身㗎。

必食海膽同拖羅呀~

$228

不過第一次的確係會有心理障礙，明白嘅，第二回合我就試返壽司拼盤，特別推介海膽同吞拿魚腩（拖羅），食識海膽都知，要大大塊，金黃色，d粒粒要分明而堅挺先叫正，鮨一果然不負我所望，但海膽的確好鮮甜！而拖羅先甜後甘，鮮味揮之不去亦令人難忘。

1

串燒拼盤

$94

1

好靚，完。

$68

此外，煙肉帶子串燒同天婦羅都不容忽視，今餐真係又驚又喜。
小總結：雖然開波要我食春袋，但後尾d刺身咁正就算數啦！價錢對返食物其實唔過份的，環境雖小，但勝在整齊清潔，小店亦流露人情味～聽講大埔翠怡街都幾多好野食，下次再探索下啦。