魚鮮生刺身專門店 (已結業)

今日又過黎銅鑼灣攪D野，食埋飯先走，早早地道道都唔太駛等位真好。我同隻佬都好想食日本野，所以過左黎登龍街搵食。呢間魚鮮生之後我地係灣仔都食過，原來搬左黎呢道，今晚就會一會你。早都真係冇咩人，可以唔駛等位直入，我地以為佢好細，原來其實仲有一層，除左地下之外，上面仲有一層，但我地就冇上去。坐底後快快選野食，今晚我地冇散叫其他野，只叫左兩個 SET。我叫既係『長崎縣雜錦丼』，今晚都係今日最當季既食材，有海膽、吞拿，鯛、三文、三文魚籽，個醋飯仲要係赤醋飯黎，正 !!個海膽勁甜，其他魚都好新鮮，混合所有既料去食，一大享受 !!隻佬叫左『火炙腦天丼』，個腦天其實係吞拿魚頭頂既兩片肉，呢個腦天唔係道道都有得食，應該要餐廳原條拎吞拿魚，先會有少少整出黎。通常見到都唔太會放過佢，都真係好食。腦天油份好高，火炙更為香口，隻佬話佢呢個好食過我既刺身，我認同 !! 不過各有各好味，我個人鍾意醋飯，所以都真係各有各好味 ~

登籠街越黎越多好野食，日本菜永遠是出外吃飯的首選，加上夏天，唔想食熱辣辣既野食，魚鮮生門面不大，原來有兩層，兩層地方較為鬆動定食有12款，有壽司，刺身飯，熱食有各款肉類，鰻魚都有，每款套餐都奉送餐湯及前菜如果不喜歡定食當然可以散點首先店員送上一杯熱麥茶，今天點了一份極上壽司定食$388，賣相非常吸睛，一隻長形碟放上十件壽司牡丹蝦壽司，入口爽甜吞拿魚壽司，好厚肉拖羅壽司，油脂唔會太強太膩，合到好處池魚壽司，新鮮爽口金目鯛壽司，顏色先紅，細嫩肥美三文魚子壽司，每一粒魚子都非常新鮮海膽壽司，鮮甜無比帶子壽司，非常厚肉赤貝壽司，最喜歡它的爽甜，有口感火子炙左口魚裙邊，入口充滿魚油，表現出色鮮活赤珍味丼$268，手掌般大的生蠔，海膽，赤貝，友人吃得津津有味

母親節快樂👩🏻這些年 這麼努力就是要來報答我媽讓她衣食無憂 安枕無憂因為媽咪鍾意食日本嘢所以帶媽咪去食魚鮮生 呢度有多款驚喜套餐😍👍🏻另外仲可以散叫好多燒物同埋前菜菜單嘅物料好特別 佢係用織布做成 叫咗一份極上壽司定食($388)有10件壽司🍣 款款新鮮 其中包括海膽吞拿魚 劍魚 帶子 左口魚 赤貝 大蝦 蟹籽 啲軍艦紫菜仲好脆 一啖食勁滿足魚生即日到港 非常新鮮 食10件好豐富呀！定食仲會包蜆肉紫菜麵豉湯 清清地幾好另外叫咗個鮮活赤珍味丼($268)海鮮多元化 見到生蠔大大隻仲有塊紫蘇葉赤貝好厚身 呈現紫橙色 咬落去好爽口仲有一大版海膽 非常鮮味 入口即溶 感覺非常幸福^_^ 飲番啖蕎麥茶都唔錯！oishi!~不過間店價錢太貴 真係特別日子先來啦

相約朋友食好西，呢間壽司店地方唔係好大，除咗貼了一些日式海報，還有很多figure, 很有趣！晚市有不同定食可選擇，好多都好吸引，尤其係見到人氣No.1既$388嘅極上壽司定食，真係流晒口水，最後叫咗呢個加埋一個本鮪丼定食（$288），兩個些牙食，可以每樣試啲！每個定食都有凍豆腐同埋湯附送，以為佢係普通嘅麵豉湯，點知有蜆肉，相當鮮味，可能係用不同魚既部位淆出嚟，豆腐都好滑。極上壽司定食有十款，左至右包括牡丹蝦、赤身、中拖羅、地金目鯛、深海池魚、活赤貝、原粒帶子、日本馬糞、三文魚子、燒左口魚邊，全部都好新鮮，特別喜歡海膽刺身十分鮮甜，而活赤貝爽爽地都好味。我見識少，後來後來先知原來即日食既金目鯛係叫地金目鯛，感覺魚味特出，唔錯！另外朋友都盛讚左口魚邊好好食😋呢度既飯已溝左醬油，所以食既時候不用點醬油也可以。另外本鮪丼定食都好吸引，估唔到佢用上吞拿魚的四個部位，分別有赤身、中拖羅、大拖羅和面頰肉，能夠一次享用四個部位，相當驚喜！尤其是面頰肉，好似係第一次食，感覺爽黎又有點彈性，但始終還是比較喜歡中拖羅、大拖羅，魚油感重，入口即化，好正啊！以呢個價錢有八片刺身再加埋三文魚子，超值！

呢間魚生店門口不大，入去原來樓上有層，十分舒適闊落，同朋友晚上來各自叫了一個定食。極上壽司定食招牌壽司定食用長碟裝，十件壽司一字排開，好豐富。壽司有拖羅、牡丹蝦、赤貝、魚子、海膽、池魚、左口魚、鯛魚等等！刺身好爽滑新鮮，口感極佳，用料確係高質！拖羅油脂均勻豐富，海膽頗為鮮甜，池魚、左口魚等都好肥美，池魚配以薑蓉作點綴，食起來更添風味！極鮮蟹肉丼賣相擺盤都要好靚好高級！呢個丼有各種唔同煮法嘅蟹，分別係蒸蟹肉、炸蟹腳、蟹肉沙律以及蟹膏！蟹肉好多而且鮮甜，蟹腳炸得香脆易咬，而蟹膏十分濃郁，撈埋軟腍嘅日本米飯，啖啖都充滿蟹嘅鮮味，非常滿足，鍾意食蟹嘅朋友一定唔好錯過！每份定食都配有玉子蛋卷同湯，湯並非日食好常見嘅麵豉湯，而係昆布蜆肉湯，味道比較清，無麵豉湯咁鹹，個人非常喜歡！

2021年4月25日。晴。銅鑼灣。呢日嚟到登龍街，思鄉情濃，決定食呢間魚生丼舖位喺登龍街中間入面好有居酒屋氣息，裝修帶有濃濃嘅東瀛味道～餐廳原來樓上都有位，牆身仲有手繪畫，可愛又精緻！食物方面都有唔少選擇～白咖喱都有！呢版睇落就最吸引喇，睇到流晒口水！！三文魚丼，$88呢個係男朋友嗌嘅三文魚丼全部都係定食，有餐湯同前菜送～餐湯就係蜆肉麵豉湯，鮮味十足！前菜係胡麻醬豆腐，都好味～主食當然係更加正！！三文魚新鮮，仲有牛油果粒，兩種食材好夾～（P.S.男朋友唔食得生蛋，所以走咗蛋，走寶！）拖羅丼，$168拖羅丼係餐廳嘅人氣No. 1！一場嚟到，緊係要試～拖羅丼其實係吞拿魚三食，有炙燒、赤身同埋吞拿魚蓉三個食法，一次過滿足晒三個願望！！吞拿魚食落當然非常鮮美，但最鍾意嘅係吞拿魚蓉，撈飯真係冇得輸！另外仲要一讚嘅係佢個飯底，個飯唔係簡單嘅醋飯，係已經稍微調咗味，帶淺啡色，所以食嘅時候都唔使再加豉油已經夠味～仲要唔使加一～喺銅鑼灣算幾抵食！

對於香港人來說日本總是有一種難以抗拒的魅力，疫情下大家都不能夠外遊，不如就留港找間日本料理一解對日本的相思之苦。極上壽司定食 ($388)壽司以廚師發辦的方式因應當天的貨源選取合適的配搭，賣相相當吸引。壽司有牡丹蝦、拖羅、赤身、金目鯛、深海池魚、活赤貝、帆立貝、海膽、三文魚籽及左口魚邊。拖羅油分適中而無筋，魚味香濃，吃得滿口甘香。活赤貝口感爽脆中柔軟幼嫩，味道鮮甜。海膽肥厚飽滿，紋理分明，味道濃厚甘甜。三文魚籽晶瑩飽滿，入口爆開沒皮沒渣，迅速溶掉在口中，鮮味十足。

裝潢很親切，很喜歡木材的質感，而且裡面也有不同玩味的模型，很酷。🍽極鮮蟹肉丼我選擇了比較特別的蟹肉don。蟹肉有3種煮法-炸軟殼蟹、蟹肉和甲羅燒。炸軟殼蟹很香脆，不會太油，但是又帶出了蟹肉的香。蟹肉碎也有很多，很新鮮，和已經調味的壽司飯拌勻一起吃很惹味。當然不能忘了滿滿蟹膏的甲羅燒，大家記得把飯放進蟹蓋裡充分拌勻，不然可能會比較腥，未必每個人都能接受。每個套餐也有餐前小食和麵豉湯。🍽 極上壽司定食到日本餐廳不能錯過的當然是壽司定食。這天晚上有牡丹蝦、赤身、中拖羅、深海池魚、帆立貝、三文魚籽、海膽和燒左口魚。牡丹蝦大隻又鮮甜；拖羅當然油脂滿滿，入口即溶。帆立貝的size超級大，甚至可以分開兩口來吃。三文魚籽非常鮮甜，咬下去滿滿魚油的味道。海膽份量不少，而且也算新鮮。最後火炙左口魚當然非常好吃，燒過的左口魚的油脂被逼出來，聞上去已經流口水了。下次午餐會再來一次，丼的選擇更多，而且性價比很好。

登龍街一向食店雲集,今次就黎到呢間#魚鮮生 食刺身丼飯！店內空間較少，大概容納廿人左右。主打各種日式丼飯外仲有幾特別嘅白咖喱手拉烏冬系列所有丼飯均附前菜、麵豉湯。前菜：麻醬凍豆腐蜆肉大大粒又無沙。拖羅丼 $168丼飯調過味，又會太酸。中意食拖羅就可以試下呢個拖羅丼，炙燒、刺身、拖羅蓉加入日本蛋汁 一啖滿足唔同口感！ 魚鮮生標榜採用日本拍賣嘅海膽梗要一試！果馬糞海膽丼 $248 我其實都幾中意食海膽,但好怕食到唔靚嘅海膽成陣味。果然色澤偏深橙，食落回甘creamy, 正！

舌尖的日本@魚鮮生刺身專門店 網址: https://地址: 銅鑼灣登龍街31-35號地下電話: 25741238=============日本食物賣相精美，放工要做外賣仔，我住個區沒什麼好餐廳，因是老區，唔想虐待自己個胃，我都會係公司附近買有蜆肉海帶湯，清甜好飲呀，仲細心去殼。海葡萄是前菜，沖繩特產，魚子口感一粒粒好爽口用牙咬開爆出海水鹹香汁，點醋酸酸地平均彈海水味仲好食。飯類食物飽肚，老人家又要有米氣落肚，$88玉子牛定食，粒溫泉蛋先係主角，流心夠滑，牛肉飯在日本開好多專門店，呢度食到絕對高一級而且唔貴。$168鹿兒島黑豚肉定食，炸到脆身因為有麵包糠，豬味突出有肉汁。礙於外賣所以沒點刺身類，待堂食再食吧！@sushiyu.hk @魚鮮生刺身專門店

@sushiyu.hk 𝙞𝙨 𝙩𝙝𝙚 𝙥𝙡𝙖𝙘𝙚 𝙩𝙤 𝙜𝙚𝙩 𝙞𝙣𝙚𝙭𝙥𝙚𝙣𝙨𝙞𝙫𝙚 𝙗𝙪𝙩 𝙜𝙤𝙤𝙙 𝙦𝙪𝙖𝙡𝙞𝙩𝙮 𝙨𝙖𝙨𝙝𝙞𝙢𝙞 𝙙𝙤𝙣! 𝙩𝙝𝙚𝙮 𝙖𝙧𝙚 𝙖𝙗𝙡𝙚 𝙩𝙤 𝙨𝙝𝙞𝙥 𝙩𝙝𝙚 𝙛𝙧𝙚𝙨𝙝𝙚𝙨𝙩 𝙨𝙖𝙨𝙝𝙞𝙢𝙞 𝙛𝙧𝙤𝙢 𝙩𝙝𝙚 𝙩𝙧𝙖𝙬𝙡𝙚𝙧 𝙙𝙞𝙧𝙚𝙘𝙩𝙡𝙮, 𝙬𝙝𝙞𝙡𝙚 𝙠𝙚𝙚𝙥𝙞𝙣𝙜 𝙞𝙩𝙨 𝙥𝙧𝙞𝙘𝙚𝙨 𝙘𝙤𝙢𝙥𝙚𝙩𝙞𝙩𝙞𝙫𝙚 𝙖𝙣𝙙 𝙖𝙛𝙛𝙤𝙧𝙙𝙖𝙗𝙡𝙚. 𝙬𝙞𝙡𝙡 𝙙𝙚𝙛𝙞𝙣𝙞𝙩𝙚𝙡𝙮 𝙘𝙤𝙢𝙚 𝙗𝙖𝙘𝙠 𝙖𝙜𝙖𝙞𝙣!😋.價錢好大眾化既魚生丼飯專門店，鋪頭用左暗黃燈光，加上木色系裝修好有居酒屋feel～ 本鮪丼用咗四個吞拿魚嘅部位，赤身、中拖羅、大拖羅、火炙面頰肉，估唔到呢個價錢會可以食到四個部位！面頰肉爽口帶彈性，不過都係鐘意大拖羅多啲，入口即化，魚油感重😍 極上壽司一客有十款當日精選既壽司，當中最出色當然係日本馬糞海膽、金目鯛、深海池魚、原粒帶子、左口魚邊、中拖羅，不過最喜出望外既係竟然有活赤貝，鮮甜爽口，定食包埋豆腐沙律同海帶湯，壽司飯仲係用赤醋飯，呢個價錢咁既食物質素同地段真係幾超班！

登龍街食街呢間日本野成日經過都想試，今次終於約到朋友去試！一入去店內細細，以為得好少位，之後見有人上去，原來佢地仲有樓上位置架～睇睇餐牌，我地覺得定食最抵食，所以一人叫左一個set ：📍極上壽司定食 $388 佢哋既十件壽司係當日精選，一上到黎成張枱咁長haha！今日分別係有活赤貝，深海池魚，金目鯛，海膽，吞拿魚，原粒帶子，燒左口魚，中拖羅同牡丹蝦。我最鍾意嘅就係中拖羅，佢入口即溶嘅口感，仲有左口魚火灸過啲油脂豐富到不得了，另外牡丹蝦肉新鮮彈牙又係另一必試之選～～📍鮮活赤珍味丼 $268呢個見到好多人都叫呢個，佢入面有幾款海鮮，活赤貝，生蠔，海膽仲有帶子～全部都好新鮮，海膽味甜即溶口感不得了，而且份量都幾多～📍呢兩個定食都會附上蜆肉湯。入面嘅蜆肉大大隻，令到個湯充滿蜆蜆嘅鮮味。

今日黎到一間裝潢好有心思嘅日本餐廳，呢度食物選擇豐富，價錢合理，我地揀左兩款：極上壽司🍣定食 $388 壽司款式好多，最鍾意就係炙燒左口魚，油脂滲出，味道濃郁甘香。帆立貝大大粒，味道鮮甜；而赤貝就鮮甜彈牙。仲有珍寶牡丹蝦口感豐盈，夠鮮味。另外不得不提嘅就係海膽味道超級超級超級濃郁！另有拖羅、赤身、 三文魚籽等，可以一次過滿足有選擇困難症嘅我。本鮪丼 $288赤身、中拖羅、大拖羅鋪滿左成個碗，仲有好多三文魚籽做點綴，賣相好靚，睇得又食得！赤身肉質軟厚實，中拖味道甘香，肥瘦適中😄大拖夠曬肥美，入口即溶！佢嘅壽司飯都係好好食嘅，一粒米都冇剩！隨餐附上海水味十足嘅海葡萄，鹹鮮味十足，質感爽脆。另外有海帶湯，佢啲蜆肉好鮮甜食物質素非常唔錯，用料新鮮！呢度好有去左日本嘅感覺，坐得舒服，好啱傾密計，值得再黎🥰

位於銅鑼灣的魚鮮生，是一間海鮮丼專門店。餐廳設在人來人往的登龍街，不管是店內，還是店外都有大量客人。即使我們預早訂座，也等侯了15分鐘才能入坐，人氣旺盛呀! 魚鮮生共有兩層，不過今天坐下層，所以未能看到上層的環境啦。店內裝潢走傳統日式料理店風格，四周圍貼上日文海報，播放著日本歌曲，形造氣氛。 餐廳除了海鮮丼外，原來亦有各種小食、沙律、串燒、刺身、壽司等供應。不過我們專程為海鮮丼而來，所以沒點其他菜式啦~ 極上壽司定食 $388 季節限定的極上壽司定食，是每日限定發售的哦! 想品嚐的朋友仔，記得早點光顧啦。 10件壽司，整齊排列，包括: 牡丹蝦、吞拿魚、拖羅、深海池魚、金目鯛、赤貝、帆立貝、三文魚子、海膽和燒右口魚邊。壽司質素不俗，比想像中好吃。當中我們最愛肥美的拖羅和炙燒過的右口魚邊，油香豐富，令人回味。不過這個定食真的等了好久，差不多等了一個多小時，超級肚子餓呀。本鮪丼 $288 我最愛吃吞拿魚的我，二話不說點選一份本鮪丼啦! 一次過可以品嚐 吞拿魚、拖羅和炙燒拖羅，滿足貪婪的胃口呀。丼飯調味得宜，不過兩個丼飯真的等了好久，建議餐廳要增添人手呀。

同朋友黎到燈籠街食晏，誤打誤撞入左呢間日式餐廳，門口雖然唔係好明顯，但勝在小店刺身新鮮，性價比幾高👍🏻午餐Menu包一份主食、前菜、餐湯，除左刺身丼仲有熱料理丼、烏冬等等餐前小食係麻醬凍豆腐餐湯係蜆肉麵豉湯，味道清甜，唔錯同朋友各點左一款刺身丼三色鮮味丼有北寄貝、蟹肉、帆立貝、蟹籽拖羅丼有大拖羅、吞拿魚蓉、炙燒拖羅、魚子刺身好新鮮，飯本身已經調好味，而且壓到好實，份量超多❗️再配埋蛋汁一齊食勁正啊🤤