魚鮮生刺身專門店 (已結業)

以前幫襯過灣仔分店，午餐時間永遠很多人。原來在銅鑼灣的這個分店有樓上，上層比下層大很多，有很多座位所以不用等位。定食主要分熟食類和魚生類，熟食如牛肉、豬肉等價錢較平，魚生類會貴約二、三十蚊。每個午市定食跟餐都有湯及前菜沙律，老實說，味道一般，麵豉湯淡如水🙄同事點了燒鯖魚定食。原條燒魚賣相精美，味道OK，我點的牛舌丼賣相也很美，味道中規中矩。要讚的是：這裡午市不用收加一，感覺更抵，坐得舒服也不用搭枱，貴過茶餐廳少少可以食個安樂午飯也不錯。

是日與老公行經銅鑼灣，發現原本係灣仔既魚鮮生原來搬左過黎，地點好過之前，就腳！一入門口有一排自己食位，岩曬一個人吃，我同老公坐樓上。初初人較少，越坐越多人，枱與枱有很足夠空間。食物路線比之前大衆化了一點，初頭有少少失望，但問一問店員，原來繼續有神秘既廚師發板刺身船～哈哈！當堂開心曬，餐牌又點會滿足到我地呢～點了牛舌及雞翼串燒及三文魚鮫，加一個二人份量特盛廚師發板刺身船。等左一陣，突然黎左盤自家製沙律，正，菜超新鮮。牛舌及雞翼味道淡了一點，但脆到一流。三文魚鮫味道同脆度超正，脆中帶軟。刺身一如預期，足料，有龍蝦，大蝦，大大帶子及邊，大大隻珍寶愛爾蘭蠔，海膽，喜之次片，劍魚厚切，拖羅厚切，油甘魚厚切⋯食完，仲有細心店員幫我地即場煮龍蝦腳頭加蝦頭烏冬，超讚！

星期日晚上於銅鑼灣搵食，行過登龍街見到這間餐廳dinner set係同區黎講唔貴，所以抱住一試無妨的心態走進去Dinner set有好多款揀，好多睇落都好吸引好想食，最後我揀左最愛的鰻魚飯，而朋友就揀了海膽三文魚飯。$88就食到鰻魚飯，仲要係晚市，真係好平雖然鰻魚係切薄片，但份量都唔少，食到最後覺得係食唔夠送鰻魚鰻魚好嫩滑又無骨，味道調得剛剛好，食晒成碗都唔會覺得膩海膽三文魚飯的份量都唔講得少，海膽有5、6粒，好新鮮完全無苦味三文魚更多得堆成一個小山，份量多又好美我地另外再叫左客燒牛舌.牛舌幾厚身，可惜較韌和有渣。

今日Lunch 又去左登龍街覓食今次食魚鮮生～ 印象中呢間店之前係灣仔，依家搬左黎呢度，裝修靚左，價錢都貴左🙈揀左兩個lunch sets一個係壽司拼盤D 刺身、海膽都新鮮，但餐牌上係寫有蟹膏，佢今日就冇 計番十餘蚊一舊🍣，都ok ge，自己最鍾意隻蝦同左口魚邊壽司另外叫左一碗鰻魚飯都幾多鰻魚，但略嫌個醬油汁唔夠多，唔夠黎撈飯除左呢d 仲有好多款揀，滑旦豬扒飯、洋蔥牛肉飯、燒鯖魚等等。 d 熟食價錢都唔算貴，係刺身丼果d貴d~

今日月底出糧曰，同事話要食豪些，要講抵食又豪，當然要食銅鑼灣魚鮮生啦1~先上前菜好醒胃沙律，好重沙律醬2~湯麵豉湯好够味，上面散有蔥和芫茜，茶一壺，無限添加3~主菜豬軟骨入口即化，加入溫泉蛋，冬菇，夢白豚肉厚度十足，染上醬料，咬一口，醬汁流入口腔而通上鼻蕾，又香又好味牛舌唔硬，都是做到入口即溶，超好味好長度的鰻魚啊，好多片啊～加上鰻魚汁，嘩，咬上即化，在口腔飄飄然然，可以再食三文魚厚切，勁大块，又鮮味下次要再來，價錢合理物超所值，唔使加一啊

星期六放工約了朋友到銅鑼灣食午餐，因為工作關係好久沒有過香港了，平時通常都會在九龍多，所以朋友約在銅鑼灣也不知道食什麼好，經其他朋友介紹下知道銅鑼灣的登龍街有很多餐廳，尤如一條食街我和朋友到後行了一圈，決定選擇了這間叫做「魚鮮生刺身專門店」食我們的午餐。和風牛肉丼 - 牛風牛肉丼牛肉和雜菜的份量超多，雖然不是什麼和牛，但是牛肉的質量都是高質的，入口香軟冇渣而且油脂香濃。溫泉蛋烏冬 - 溫泉蛋烏冬烏冬十分煙韌有咬口，加上溫泉蛋的配合每一口都充滿蛋汁，簡簡單單卻滋味無窮咖喱豬扒丼 - 咖喱豬扒丼豬扒是即叫即炸十分脆口豬扒肉質嫩滑多汁配上濃滑香甜的日式咖喱汁和白飯絕對好味在今天百物騰貴的時候這個價錢和質量實在有超值的感覺

銅鑼灣條登龍街真係愈黎愈多野食，仲要間間都幾高質，今次食到一間有質素既丼飯！親愛的寶貝們仲食緊爆丼屋？仲排緊爆丼屋？太傻 b 鳥！呢間丼飯專門店比爆丼屋既食材更新鮮更抵食！丼飯既種類真係多到唔知點揀，衝破種種難關之後，baby 同 baby 揀左最想食既三個丼丼，每個丼飯都跟好好味既蟹柳絲青瓜絲沙律同麵鼓湯，份量大價錢抵！先黎講呢個 #三文魚帶子丼，實物其實真係幾高，啲三文魚有 3,4 層樓咁高啦 (即係 3,4 寸呀)，而且仲壓到實一實，所以份量真係好多，飽肚之選，三文魚亦都幾靚，再加埋頂上醉曖既新鮮帶子，正！之後就鰻魚怪既天地 #燒雙重鰻魚丼，雙重意思即係兩種唔同鰻魚，一種係普通鰻魚，一種係特長海鰻，都燒得好唔錯又冇骨，份量亦都唔少，反正又係鋪到滿一滿 😍最後就係終極邪惡之選 #厚煎鵝肝蟹肉丼，正所謂有圖有真相，no photo no talk，堆蟹肉真係差唔多佔成半個丼，真係好抵食，再係堆蟹肉放上魚子蟹子真係好邪惡！講到最邪惡一定係超過成寸厚既鵝肝 😛 真係好厚而且煎得好香，真係無法抗拒，呢兩樣撈飯食真係冇得輸！呢款丼係我覺得最抵食最好味既丼 🤤🤤🤤———————————————

朋友介紹黎試試，話唔洗$200就可以食到鋪滿成碗嘅魚生飯，結果黎到發現真係無花無假！門面唔多光鮮，但入到去就發現同一般嘅日本餐廳差不多裝潢。$200有大大碗又新鮮嘅魚生飯，有salad又有湯，好抵食！但雞泡魚乾就認真唔OK啦，咬極都咬唔開...

As you don't expect cheap fresh sashimi so you can't expect good food come in cheap price. We ordered the superior omekase tonight and were satisfied with what we ordered. They all came in sets which includes appetisers, sashimi, mains, soup with noodles, desserts. Live cuts shellfish with a lot of selections and sashimi. the extra fatty toro looks delicious and taste brilliant.

not as fresh as the last visit 😔 settled at the second floor which is noisy as Chinese restaurant and we can barley talk to each other ... 😑 10 pieces of #Canadianuni but not as sweet and fresh as last time $198 😑The seaweed comes with the uni don is around 3 pieces but there was like 7-8 pieces for the minced tuna and uni don. .😑#salmonbelly fresh but dun feel like its belly as it's just thicker than normal cut $16 per piece .😵#flatfish crazily oil and too melting that we can barely taste the f

本來去到銅鑼灣，預約左一間餐廳，點知去到佢先話冇booking，搞左一大輪，我地決定轉場。臨時臨急唔知食乜好，結果行左黎登龍街呢邊，其實食拉麵都經過呢間魚鮮生幾次，喺門口裝過餐牌，又唔係話好貴，決定一試。餐廳裝潢幾有日式風味，用上木枱木凳，有一邊靠牆嘅「面壁位」，方便自己一個食飯嘅朋友；另外有數張四人枱，空間感足。牆上貼上一啲日本風海報、天花掛上燈籠。事後先知原來餐廳仲有2樓，大部分預約嘅客人都會被安排坐樓上。因為我地係walk in就坐樓下，當日係平日晚上，樓下完全冇其他客人，就由我同男朋友「包場」。餐牌選擇豐富，有刺身、生蠔、沙律、串燒、燒物、鐵板、炸物、丼物、拉麵、冷麵等，定價中上。但晚市供應定食，以魚生飯為主，包括前菜、湯，價錢比單點容易入口，丼飯定價 $78-$198，視乎魚生款式。例如拖羅、海膽、鵝肝、松葉蟹呢啲就屬於比較貴價嘅材料；但一百蚊樓下嘅款式都有8款，豐儉由人。我地點左兩客丼飯、一份小食。前菜：蟹籽沙律冇乜味，大量沙律醬，青瓜、蟹柳唔多，蟹籽係少。不過係附送嘅前菜，要求唔能夠太高。湯湯夠熱，但味道偏鹹，味精感重，飲完會口渴燒雙重鰻魚丼 $88賣相都唔錯，鰻魚份量頗

第二次到訪登隆街，嘗試另一間的日本菜。門口裝修具日本風格，但嘗試後卻(另有一翻感覺)。 店舖內很細，座位很迫。我們坐近牆的單邊行位，冷氣滴水。見門口餐牌顯示有酒飲，就打算試試日式炸物送Sake。但奇怪的是，入到去沒有提供Drink List給我們。 見沒有酒類，唯有柯打了兩客日本定食。一份是鰻魚，另一份是左口魚。第一口所謂的麵豉湯，好稀，且咸; 相信是(開)出來的，不是師傅(煲)的。 至於(飯)，就是本人覺得最差的。一碗盛滿的飯(實心的)!!!!! 飯水太多，猶如中國米煮爛飯! 一入口，跟本不是一般日本餐廳的級數。 碗飯超大碗，但同餸不成正比!! (看圖)談到價格：看價錢，不算貴。只求填飽肚，一定可以滿足。一個鰻魚定食只需$88，左口魚只需$98。 但有心吃正宗日本餐的就需認真考慮。

1-2 人前 刺身拼盤 $198 有海膽、三文魚、甘蝦、吞拿魚、白肉豚好厚切！好新鮮！好甜美呀！😍 白肉豚好似第一次食， 好食wo. 中意左添🙈咁高質既刺身，以呢個價錢黎講，係幾抵食👍🏼空運壽司丼 $188 真係好吸引！好豐富！😍相機食先！包羅萬有，見到都流口水🙊 食邊件先呢？🤔哈哈！壽司都好鮮甜，食到日本既味道😂 果然名乎其實👍🏼 炒雜菜，好大碟，幾好食的，味道比較清淡三文魚丼$78 估吾到丼既三文魚刺身都咁肥美！😳 又大碗，好抵食！lunchtime 食仲抵，吾洗加一😂

上次嚟登龍道食 lunch 經過過呢間餐廳見啲 lunch set 幾抵都想試下（熟食嗰啲 $58 都有交易銅鑼灣嚟真係算好平！）結果嚟到都係想食生冷嘢 😂魚生丼就 $78 起，不過我都覺得唔算貴餐廳外面有幾條魚，門面唔大好容易就會 miss 咗入面都細細哋但啲位都擺得唔迫，都幾好坐我見有條樓梯，唔知係咪有兩層lunch set 跟個麵豉湯入面都幾多昆布，但係愈飲愈咸沙律就唔錯嘅，仲好多蟹柳絲𠻹點解我話照騙呢？因為我就係比呢啲成座山咁嘅丼吸引到嘅我都知一份錢一份貨，但實物就係唔同咗啲【三文魚丼】成個花之戀咁，完全都唔係 menu 咁不過啲三文魚都肥美同有幾多片嘅～呢個就 $78【特上三色丼】$128，即係 menu 左下角嗰個實物真係爭勁遠！！！個拖羅一督咁..朋友話味道都 ok，但個賣相真係麻麻

今晚和幾個舊朋友聚會，見這間日本菜價位怡人，所以選了一試。登龍街上的餐廳人流通常很多，但這餐廳卻意外地並不多人。可能是因為新開張和星期一晚吧。店有兩層，我們訂了位被安排在上層。它有散叫的餐牌，亦有晚市套餐。晚市套餐的價錢比較其他晚市便宜，份量不多，但晚市亦不宜進食太多，淺嘗即可。我不想吃生的，於是點了燒雙重鰻魚飯。它有幾片細鰻和一片長鰻。長鰻還包著一團飯。我比較喜歡細鰻的肉質較嫩。燒汁亦挺多，兩片紫菜包著燒汁飯吃也很可口。另外它的配料還有三文字和碎蔥，的確令人驚喜。隨餐還附有湯和沙律。我十分喜愛那個沙律，是蟹柳肉和雜菜條沙律。蟹柳肉很多，沙律醬亦配搭得當。我們坐了將近四小時，店員亦沒有打擾我們，環境相當清靜。以這個價位能有如此享受，亦算是物超所值了。