魚鮮生刺身專門店 (已結業)

其實呢間野想食好耐, 咁啱見到中午時段有85折優惠, 就入去試下。入面環境暗左啲, 都裝修得似日本居酒屋。要左個燒雙重鰻魚飯定食。先來一個麵豉湯同沙津 (定食指定動作), 麵豉湯個人覺得唔夠熱, 熱返啲會好啲。沙津得幾條菜仔同日式芝麻醬, 如果有車厘茄感覺會更加清新。 到主角, 啲飯加左醋, 酸酸地幾好食。 個人較喜歡食呢啲醋飯, 同日式食品比較夾。啲鰻魚即叫即燒, 上枱時仲熱的, 好好食, 加上燒完啲油出哂黎, 感覺唔會太膩。一啖飯一啖魚, 好正。 雖然前菜普通啲, 但始終唔係主角, 加上冇加一, 所以都可以接受。之前係旺角食過爆X屋, 相比之下呢間性價比高好多, 爆X屋賣相冇誠意, 又多人。 其實食呢啲野, 搵小店仲好, 出左名之後通常質素都會下降。

如果對魚生要求唔高，其實元氣都已經足夠。不過如果真係有要求，但又唔想千千聲落樓，其實魚鮮生係不錯嘅選擇。 其實我已經食過幾次，每次都試唔同嘅嘢食，連佢哋嘅Omesaki 都試過，所以對呢間餐廳都算熟悉。首先係魚生，刺身係厚切嘅，肥美鮮甜，油金魚同鱆紅魚係我嘅心水。但係佢刺身係逐片計，約廿幾三十幾一片，所以算係幾貴，反而壽司嘅價格上比較划算。生蠔三十幾蚊隻，印象中有三個產地可以揀，都好鮮甜。除咗魚生外都有丼飯都唔錯，丼飯嘅份量係非常夠份量，而且包一個麵豉湯，係一定夠飽嘅。雖然佢哋話牛舌飯係推介，但我試過覺得鰻魚飯更可取，鰻魚肥美之餘又有炭燒味道，另外仲有紫菜比你包住當壽司食，係一飯兩食。而牛舌飯對我嚟講最大嘅敗筆係牛舌唔係燒而係汁煮，所以始終爭啲。食物質素係有保證同埋穩定嘅，不過上菜時間有時看好慢，試過隔差不多半個鐘先上下一道菜。另外，佢哋有兩層，即使下面有幾張空檯，都會叫你上樓上，而且語氣也不算有善。服務態度有待改善。

上次黎已經係年半前，記得餐廳的魚生飯好大份，想返黎重溫坐係下層，左邊的枱非常窄，右邊叫做闊少少。坐底就叫食物。晚餐都有丼飯定食，兩個女生要了饅魚飯同燒三文魚丼飯。等了20分鐘，只有湯和沙律。已經好餓了。鰻魚飯叫做雙重原來係因為有星鰻同河鰻（即平時的蒲燒鰻魚）。星鰻原條上，没泥味，唯小了一點。河鰻只有三小片，而且十分薄，也不夠肥美，吃下去没口感，這一點鰻魚根本不足以伴飯呢 $88，我不如叫鰻魚壽司好了。燒三文魚飯這三文魚熟到不行，没三文魚香，而且就只有掌心大小！雖然有兩層，但是也太少了吧。貨色像是超級市場那些$14/半磅的三文魚皮上的肉碎，感覺很受騙。兩個女生吃完竟然不夠飽，要添一個丼呢！甘蝦丼碟很大，但只有中心的八隻小小的甘蝦和半隻玉子，和下面的飯。没特別甜，就這樣就算了。兩人平均吃了1.5份餐，$180。材料不夠鮮也没特别好吃。失望！

係銅鑼灣好肚餓，諗住行入燈籠街揾食。見呢間日本魚生店唔使等位就入左去。1. 環境乾淨，一坐底就逢上熱茶。2. 打開menu, 見到個三文魚帶子丼張相唔錯，就order呢個,等左唔使5分鐘，就有得食。3. 個麵豉湯偏咸。當佢放底個飯，失望。魚生份量同menu張相好大出入。張圖係三文魚山，但其實得8塊三文魚，兩塊帶子。食落去味道都ok..正常味道。魚生都算新鮮。以呢個價錢食魚生飯，銅鑼灣可以有其他選擇圖片如下—-》

我係下午4-5點左右入去餐廳所以我上載既餐牌上 未必係晚市既價錢先講講值得推介既食物先1. 大拖羅壽司2. 象拔蚌刺身3. 煎雪魚大拖羅壽司咬落口係好口感既 同埋肉質均勻味道亦好好 有日本當地食既感覺 所以我比足5分 性價比亦相當高 $88/2件而象拔蚌刺身雖然吾夠我食開既新鮮但都保持口感 性價比係高 $48/6片煎雪魚係我今次用餐最後一項推介既美食有非常多肉汁 但8-90蚊 所以佢排第三而不值得推介食物1. 煎鵝肝壽司2. 加拿大海膽刺身煎鵝肝 我懷疑是先蒸後煎😂😂不評論了 但如果平日好中意食蒸鵝肝既人 非常岩食而加拿大海膽刺身 我不太推薦因為食到最後有少少腥但性價比算高 所以只係排第二不推介Overall,我會再黎食因為呢間餐廳價錢平民化食到好味既 非常抵！食到無咁喜歡既口味 都只係浪費左少少錢啫 重點係佢難食極有限 就好似先蒸後煎既鵝肝咁 都有佢特別既一番風味 只係我吾識欣賞🙈

繼續銅鑼灣尋找滋味午餐。店舖不大，座位不多，兩點左右來到，是有座位的。點了個燒左口魚邊飯，是定食，因此有沙律和湯。沙律的菜很新鮮，麻醬份量多，夠沾每一片菜。湯的味道相對淡，不過份量也不少，一看碗身才知道比平常的高，難怪有喝不完的感覺。飯的份量是多的，不大食的我差點吃不完。先說配料：紫菜一點都不吝嗇，至少五片以上，比一般吃魚生飯的食肆都多。而且都沒有淋！這是加分的，證明對食物有要求。至於主菜：燒左口魚邊嗅覺上已得到滿足，加上燒過後魚油更是佈滿每片魚肉，魚油留在口腔又是另一享受。魚油往下流，讓米飯都沾有味道，因此不用醬汁都好吃。份量也是不少的，夠拌一整碗飯。意外之處是：魚子菜單名目並沒有提及魚子，吃的時候，忽然有陣很香口的味道，一看！原來加了不少的魚子呢！非常好吃！總結：$100食午餐雖不算便宜，可是按味道，份量來說，性價比的確很高。

今曰中午约咗舊同事食中午飯，毫無意見下揾咗間近近地食店。店內有兩層，食客可到上層或樓下坐的。由於食客太多，老板娘忙得很，招呼也打不到。稍等一下，向她點了兩個相同套餐。餐牌有丼和拉麵，刺身，價錢由58元至198元不等。當然我們選了最平宜的雞扒丼$58，餐有沙律菜和麵豉湯。先說說雞扒，皮脆肉滑，配有粟米仔，冬菇及流心蛋，再有白芝麻放在日式飯上，味道超正。沙律菜細細塊容易入味，唔似一般又大又粗的。麵豉湯唔咸，飲咗唔會口渴。

好少係銅鑼灣搵食，所以就去咗登龍街一次過睇下有咩心水舖頭可以醫下肚～由街頭到街尾都有唔同餐廳，係拉麵特別多，但小妹一心想食日式刺身，所以千挑細選揀咗呢間”魚鮮生”店內環境以木製傢私為重，燈光較暗但充滿日式情懷。周圍貼上日式懷舊POSTER，唔講以為真係去咗日本街頭既餐廳。睇下個MENU 有烏冬、燒魚定食仲有海鮮同刺身定食，都算多選擇。最後叫咗～＄88 燒雙重鰻魚丼＄138 三文魚海膽丼＄20 帶子壽司隨丼附送前菜同湯，當日既前菜係沙律，唔知會唔會日日唔同前菜呢？湯咸度適中不過昆布量唔多燒雙重鰻魚丼鰻魚丼好有驚喜，原來雙重係有2款鰻魚，上枱時仲暖既，所以應該係即叫即燒。其中一款鰻魚係海鰻，原條上枱，師傅仲將條海鰻包住一舊飯，令整碗鰻魚丼更吸引。 海鰻魚味較重而且薄身D，同碗內附送既紫菜一齊食，好夾！另一款鰻魚店員都唔知叫咩名，食落雖然魚味無咁重但炭燒味濃，所以2款鰻魚各有特色，互相輝映，互不搶戲三文魚海膽丼丼內既三文魚有普通三文魚同三文魚腩，但三文魚少咗一份鮮味同油脂味，同想像中有出入。海膽一共有2片，都好新鮮但份量略為少咗D。整碗刺身飯小妹覺得價錢貴咗D帶子壽司壽司是手握的，帶子不過不

Affordable, fresh sashimi & sushi, very rare in causeway bay. We ordered a mushroom skewer and it was a slightly burnt, the manager apologised and grilled another set for us. Very impressed, highly recommend!

Lunch time 附近餐廳都排長龍，見呢間唔洗等位就入去食。$58和風牛肉飯，牛肉係厚身又多，不過勁鞋，衰過吉野家。唔值呢個價，去食吉野家好過！唯獨粒菇最好食，勁厚身又多汁。温泉蛋煮得過左龍，有八成熟 ; 朋友碗丼粒蛋直頭係完全熟晒。去吉野家食好過。朋友叫左豬軟骨丼，都係失望。碗麵豉湯勁咸，飲左幾啖就飲唔落去。沙律菜新鮮。$20/2件，海膽大蝦壽司，有點失望，海膽呢？係薄薄一層，完全感覺唔到有海膽味存在過。蝦肉質係ok，好過爭鮮。不過呢個價都預左冇乜料到。食完呢餐，三個人都頹晒，冇晒心情

窮小姐今天和2位同事去了登龍街試了魚鮮生刺身專門店的午市套餐. 所有套餐皆包恬一杯熱茶,麵鼓湯及一碟日式沙律,由於餐牌太多選擇,窮小姐選了很久才決要了三文魚帶子刺生飯套餐. 來的先是熱茶, 麵鼓湯及一碟日式沙律. 當我們吃完後三文魚帶子刺身飯便剛好來到. 刺生飯放得很精緻, 大大的帶子放在多塊肥美的三文魚刺身上面. 而帶子刺身的頂層放了小許三文魚子. 由於刺生太新鮮甜美, 所以窮小姐幾口已經把它們放進了肚子. 原價$88的套餐已經不設加一, 竟然另外再有85折!!!真是十分抵食!!!!!!

今日喺openrice選左呢間餐廳食丼飯～點選左極上海鮮丼同松葉蟹三文魚子吞拿魚溶丼海鮮丼食材尚算新鮮，美不不足之處係帆立貝未解夠凍。松葉蟹膏鮮甜，蟹肉加魚溶加蟹膏拌沙律醬食法都幾新鮮。奈何wasabi同Miso Soup無咩heart...wasabi係現醒唔係即磨，令到食感大打折扣。Miso Soup 亦都係用溝出黎，欠缺心思。但service值得一讚，所有staff都對客人好attentive,差唔係其他食評講得咁差。

由於男友晚上要練波, 所以5點左右到銅鑼灣搵食。走到登龍街這個美食集中地, 見到魚鮮生有折, 師奶仔當然要入去試試啦!食物種類都不少呢~有丼有小食~我們只點了一客丼餐跟小食~選了三文魚大蝦丼, 跟湯及沙律~三文魚大蝦丼真是不得了!!! 超多三文魚, 有8-10塊, 而大蝦雖然只有一隻, 但都超大隻!而豆腐沙律的豆腐亦很滑, 好好味, 雖然不太特別, 但CP值超高!已將此餐廳放到"我的最愛"一列, 希望下次都可以保持質素吧~!

作為新界妹既我，黎到銅鑼灣真係完全唔熟路然後朋友就介紹左呢間日本餐廳比我試下，去到咁岩撞正下午茶時段全單8折，我地即刻衝入去試試佢！入面裝修都幾靚，而且d日本茶好好飲😂😂松葉蟹膏壽司  $20鰻魚壽司 $20松葉蟹膏溝左小小蟹肉好鮮味而鰻魚都好軟棉棉，一咬就開，搭配埋d醬汁係加分位，唔需要點豉油都好夠味！呢兩個都ok好味，但略嫌d飯硬左d，有dd未熟透呢到仲有免費WiFi提供，可惜我走個刻先發現🙃🙃

Date: 6Aug下午茶時間在登龍街找非拉麵類的日本菜真的很不容易，在沒有太多選擇的情況下又不用排隊，就在這兒坐下來了。↑跟餐沙津：有白蘿蔔絲，青瓜絲，沙津菜；沙津汁微酸，食到最後有輕微辣味，很開胃！↑跟餐麵豉湯：和沙津相比，麵豉湯沒有驚喜了，味道很淡。↑三文魚帶子丼(少飯)：三文魚厚切又夠凍，灑在上面的芝麻碎很香！只是略嫌帶子份量太少，只有一粒↑空運雜錦丼（朋友點的）：有角切三文魚，帶子，油甘魚，吞拿魚，都算新鮮的。魚生份量也不夠，朋友「就住食」才勉強不至於最後只吃白飯總括來說，魚生新鮮的，只是份量不太夠。個人覺得在下午茶時段有折才算抵食。