魚米之尊 (已結業)

三女一男上去食晚飯，十幾廿碟，已經唔記得，多數細細碟，剛好一人一件咁，的式別致，大部份都幾好味，最深印象係梅粉車厘茄，最無厘頭係「齋魚生」──一人兩片唔同色但一樣味既粉團。突然黎煲大大煲蟹湯，稀稀地取其鮮而已，兩隻蟹都唔係太多肉。三位女仕食力稍遜，最後有三兩碟都食剩一半。另外當晚侍應超搞笑，成晚妙問妙答，可惜佢地太忙，多次招手都黎唔到我地張枱。

行到邊食到邊，我地見『魚米之尊』，誤以為只係有米線食，但唔係bor，最後我地反而無選到米線。選了:『小唐菜竹笙魚粒魚湯』- 好飲『怪味魚腩』個汁酸酸味味好開胃好野味，炸到脆卜卜，正。不過老公話麻麻，真係各人口味不同，好難講的~『木魚瓜煎餅』- ok ah『蒜蓉蒸蝦飯』- 好味『蒜蓉粉絲蒸扇貝』 一人一隻，每位8元雞，不過無味的，有點失望~飲了一個0樂, 八元。飲了一個可樂, 又係八元2人埋單160 不過果度好鬼應聲, 好嘈囉.

午餐吃了蕃茄魚湯米線整個餐都蠻不錯可是配搭錯了!點了炒金菇肥牛!那個獻汁"傑"到不能形容令整個肥牛都變得很膩而且肥牛真的很肥就是10%肉,90%肥膏這樣但如果是計分量就OK吧

因為cow仔介紹花生先生去食過, 花生先生又再推介..所以今年 ben 朱生日就去哩間試下先...訂位先.....7大1細...唔該我都係第一次到這店, 一開始會有哥仔問大家 : 有 d 乜野食唔食架? 佢就會通知廚房開始上菜.....因為唔知道有乜野餸既..都好期待...前菜: 車厘茄加話梅粉(鮮甜),貢菜(爽),星星魚旦(可愛), 因為不停咁上菜, 但每一度菜都不同, 所以沒有仔細記下, (同埋朋友唔比我影相,因為一出就即刻食哂,嘿)直至大家飽為止. 雖然菜不停地上, . 食左好多道菜, 只粗略記得有蒸帶子, 咖哩朱扒法包, 芝士焗蠔(big size個隻,正)薯仔鴨, 炒大蝦, 蟹湯(很鮮甜), 木桶排骨, 蒜蓉蝦飯, 鮑片小溏菜, 蒸魚頭......還有......記不下了......還有...甜品! 飲品任飲!!! 正!

第一次到魚米之尊. 這店很特別, 會不停上菜, 直至大家飽為止. 雖然菜不停地上, 但每一度菜都不同. 今晚一行13人, 食左好多道菜, 沒有仔細記下, 只粗略記得有3/4 道冷盤 (最特別是車厘茄加話梅粉, 不但令車厘茄更甜, 還更鮮), 2道素菜(豆腐, 豆角), 蒸青口, 咖哩薄餅, 薯仔鴨, 炒大蝦, 蟹湯(很鮮甜), 木桶排骨, 蒜蓉蝦飯, 鮑片小溏菜, 西芹炒肉粒, 豬軟骨排, 蒸魚頭......還有......記不下了......還有...甜品! 飲品任飲!!! 正!朋友說, 每一次光顧也有不同菜式. 期待下次試這店的新菜.每人只需 $125 (冇加一), 地點方便, 裝潢不算豪華, 但延舒服, 不擠迫.

噚晚經同事極力推薦下，決定即時訂枱去試一試先，但因為訂位太多，要8點半先有枱開飯，仲要去樓上舖添有幸誤打誤撞下去了樓上私房菜，環境氣氛ok 喎..經肥佬推介下選了168菜式，嘩!!不得了...!!昨晚菜式：火腿雜椒洋葱炸米粉沙律 (好香蔴油同洋葱味)素魚生、蕃茄仔(話梅粉)、生灼魚皮 忌簾汁炸生蠔 - 隻蠔蠔好肥味..面頭層脆漿剛剛好什菜天婦羅 - 脆卜卜..但底無油喎 豉汁炒田雞扣 - 自己整唔到翠荷千層豆付 - 刀功好!泰汁大蝦蟹湯(有蜆，蘿白，支竹) 好鮮味但太大煲la..每人兩三碗都清唔晒..被逼放棄蒜茸蒸大帶子鮑魚菇小棠菜 - 比起其他菜式..有小小失色..荷葉蒜茸蝦蒸飯泰式椰汁糕 - 好香椰汁味..都不太甜...good每上一道菜，我兩都估計做法材料，雖然這餐飯食了足足個半鐘，但真係好好味，好高興同埋好飽 (肚腩即時脹大)。我地仲打算下次帶埋屋企人再戰..因為肥佬話菜式日日不同呢!! 哈哈哈

一睇發覺原來呢間食店有咁多劣評...小弟早排夜晚同朋友去左食個米線..發覺都唔錯呀..當時佢地都差唔多收工叫了個$50蚊既餐有米線,小食同飲品米線可以轉魚麵湯度既胡椒味幾夠,食落d麵都唔會話冇味不過d waiter竟然收起晒d糖(因為我叫熱飲所以要落d糖)非常無奈好彩叫番佢地都會比番...可能果陣d 都係女侍應啦服務都唔係好差最後食完收銀發覺貴左原來茶錢要收兩蚊一位的,但係就冇列明希望佢注意下啦。

沈晚一家人去慶祝媽媽生日星期四打去訂位已經得返最後4個位真係要早d訂ar一去到叫左野飲先我個honey茉莉花茶就甜左d 私房菜有10幾度菜以海鮮為主每一碟分量都唔多可以試到唔同菜個人覺得有幾味幾好同幾特別1) 心形魚蛋+章魚丸魚蛋爽口彈牙章魚丸外脆內軟2)魚皮比較辣但好爽唯一係可以再乾身少少3) 蟹湯好清好鮮味有2隻蟹+幾隻蜆+蘿白+枝竹不過如果加d芫茜同蔥應該會更好味飲時加d胡椒粉更好4)酸辣魚 (大約係咁ge味la)應該係魚"較"部分非常滑,唔太辣酸+辣配得好好5) 豆豉雞用個竹筒載住雞有走過油好入味我本身口味淡d就覺得味道有d濃6)豬排包(咖哩)係一個大麵包入面載住咖哩豬排咖哩好香而唔太辣7)春卷係長條形ge芝士蝦春卷芝士味都幾重但唔"漏"果度環境好好我地坐卡位頭頂有好多玫瑰花另外燈光暗暗地近水吧仲有一排吊住ge燈同一個心形燈飾好柔和好舒服講真4個人$500去酒樓都食唔到咁多野3日內去過呢度同佢樓上2樓果間價錢差唔多但呢度好食好多(o係樓上係打邊爐)

跟site 的同事到這兒吃午餐，點了麵餐，包米線、吐司、餐飲，$30。超經濟！米線可選三款配料，選了炸菜、豬肚絲、紫菜，都好味。那奶油吐司，幾得意，但lunch 吃toast，有點奇怪，但都算幾好味。餐飲選了熱奶茶，都OK。經濟好味，會再來。

上星期同同事去食lunch,佢地米線個魚湯真係好甜好味道wo,我成碗飲哂都唔覺好口乾,真係唔錯。可惜......唔知大家知唔知,佢地lunch收費係1:10pm 前埋單就有平,雖然1人平得十幾蚊,不過一班人就平百幾啦。呢個本來係好事,可惜出事。果日我地食完野,好老實,1:10左右啦,埋左單,大家去個toilet準備走人,咁岩有一班人黎,有個肥佬店主/waiter黎趕我地張桌同隔離桌D人走,態度.... 我岩岩由toilet出黎,聽到佢大叫「我係唔係無權趕你地走呀」。我相信呢個係個別事件, 如果有只追求味道既朋友想去, 唔好叫公仔麵or飯啦, 魚湯米線真係好好味。

朋友生日, 我地5個人黎呢度食...呢間係食私房菜, 有分$120 同$160兩種, 我地揀食前者。之前book左6個人, 不過有個fd臨時黎唔到, 去到佢話照比6個人份量, 收第6個人半價(即係埋單$120x5.5)。之前睇open rice 都知好多碟野食, 咁而家5個人食6人份量, 實食唔晒, 浪費食物...佢有問有咩唔食, 我地話冇...其實我唔食魚皮, 雞腳同素魚生, 好彩我d fd食。黎左以下18款菜式, 有前菜, 1個湯同主菜, 由前菜開始講啦:1. 車厘茄: 係生既車厘茄上面加d粉, d粉係金梅片磨成既粉。我d fds 話好食, 咁唔差既...2. 心型既魚蛋: 魚蛋果d味, 唔使評論啦...有個fd話街市有得賣...3. 涼拌魚皮: 我冇食, 不過見到我d fds 食左幾件, 應該唔難食4. 雞腳: 我冇食, 同上, 見到我d fds 食左幾件, 應該唔難食5. 素魚生: 有紅色同粉紅色兩種, 2種個味冇咩分別...佢比埋wasabi 同鼓油, 我有2個fds 食先, 食完冷笑同大笑...咁我都試下啦, 個味做到魚生咁, 有d腥腥地, 好似, 不過質感唔似--爽ga,

係旺角倫敦酒樓對面果間魚米之家(係2樓), lunch同d 同事去食lunch, d service好差, 點差唔再多講, 煩完一輪, 走黎話1.10pm好埋單. 唔係就要收貴我地~果時成間野都冇咩人. 我地就5個人好啦. 埋就埋, 跟住埋左單. 我地坐係度傾計.有條肥仔黎趕我地走. 話俾左錢好走人, 如果唔係又收錢, 我好不滿, 跟住都只有走。我同d 同事講: 呢間野此後唔駛黎。條肥仔waiter 唔知係waiter定老闆, 聽到拍我膊頭問我講咩*野, 我話: 我同我d 同事講. 呢間野此後唔駛黎佢話: 我*您**, 我係趕您地走, 唔撚得呀我話: 得, 我同我朋友講野, 關您咩事?咁一路講緊我d 同事去出緊門口, 我都出緊去佢跟實我黎*, 話: 您地咪未撚番黎囉. 您講咩撚咁多野我話: 咁我同我同事講. 您嘈咩野佢話: 您咪係旺角俾我見到你果時巳經好多人望住, 我望住佢, 話: 咁您依家想點?佢又唔撚出聲. 好似想開拖咁. 其實果時我都預緊佢想開拖, 而且都好想先發制人開佢拖。但心入面諗緊, 如果開拖. 有警察到點好, 我仲穿住公司制服. 又多人睇到, etc跟住有個水吧佬入黎拖佢

其實呢，呢間餐廳d野食真係唔錯架~又無網友門講得咁差姐~~有時個老闆就係惡d，但係其實設身處地咁企係老闆個面離睇，其實都幾難做.其實亦都明白到佢要承擔的壓力ge....由佢開第一間舖個陣，我就以經開始食佢地d野，我覺得整體緊係唔錯啦，話晒以價錢而言，都非常合理丫~宜家執左銅鑼灣間舖，長註係王角，又要開埋私房菜，真係唔係聽落去咁易架!你話邊有咁多老細，連買送都要自己去丫!或者好多人唔清楚阿老闆啦!亦都將會有人話老闆唔應該把自己的壓力去報於客人身上，講就容易，做就難啦!大家問下自己，都知道自己有時都會因為壓力大，向人發脾氣啦!其實我只係覺得大家應該要有量解的心理去食野~仲有，雖然未食過私房菜，但係聽咁多位的留言，都明白點點。咁大家應為，無餐單的話，邊個去諗送呢？日日都係咁諗，老闆d頭髮一日比一日小啦，陰功~野食小的話，其實都應該諗下究竟大家食左ge野。符唔符合經濟原則先得架~咁人地開大門口做生意，無理由要有蝕架姐？我支持老闆，但係亦明白大家ge感受，我好希望大家可以量解下老闆啦!!

上個星期試左呢間野, 朋友話食私房菜, 重要$120噤平, 所以一試。因為個日太多人, 老細叫我地去左朗豪坊間離個間食, 聽聞個間食貴d, 要$160, 但我地係被迫黎, 所以都係收番$120~環境ok 喎~唔差~服務唔錯, 可以叫好tim~唔似其他網友所講服務態度極差~可能坐係$160 既地方掛~野食講真就一般啦~完全無主題可言, 得閒比個法國麵包加士多啤梨,一陣又比辣椒抄豬扒, 感覺有d 怪~ d 野普通, 唔難食, 全餐食得幾飽, 但唔覺有咩得別, 同落樓下茶餐廳食差唔多~唔覺係私房菜~所以$120 食"私房菜"一定抵, 但對比番d 野食就......

我朋友book咗7:30pm, 點知7:00pm人齊, 咪諗住先上去, 去到我地話book咗7:30pm, 肥老細同我地講, 你地黎早咗喎(大家都無出聲), 咁想點呀, 如果你未準備好, 咁咪叫我地行吓先囉,又唔講野, 個侍應幫口叫我地出面坐住先. 當開始食嗰時, 前菜一湧而上, 由於我地係一班女仔, 一坐低梗係傾吓偈, 點知我地同肥老細講, 可唔可以黎慢啲, 一枱都係食唔切(有禮貌), 佢答"前菜咋喎, 一人一件都好快食得晒啦" 我地話, 真係食唔切喎, 佢答"好, 咁你地話慢,我就同廚房講慢上, 但你地唔可以再催單"...........吓! 咩說話, 咩態度!態度就超差, 但食物都OK既