魚屋

营业中

休息中

係一田超市入面嘅餐廳，我諗都算係一田入面最多人食嘅餐廳，外賣堂食都不斷有客我就第一次幫襯，感覺唔錯當日lunch唔駛等位叫左2款海鮮丼，分別係炙燒三文魚腩三色丼 $128三文魚雙色丼 $88炙燒三文魚腩切得非常厚，而且好肥美，口感一絕，入口就感受到油脂香味，另外油甘魚不過不失，牡丹蝦都好鮮甜三文魚雙色丼嘅三文魚腩無咁厚身，成碗飯無太大驚喜另外仲叫左豆腐餅，又比想像中好食喎！叫丼飯仲會包一大碗麵豉湯唯一係食完要自己收拾，如果上手食得無咁乾淨，檯面未必有即時清潔總結係雖然價錢唔算特別平，但品質唔錯，會再去幫襯嘅一間餐廳。

今日系荃灣中心買野，行來行去搵下午茶，最後都系睇中哩間，因為平時比較少食日式下午茶。下午茶有兩個菜，仲要有湯有飯，就算吾好食都吾會蝕湯(4分)-真系好多好多菜同海帶，味道吾會太濃燒花魚半份(5分)-都系現燒熱辣辣，所以要等-燒的好香，皮肉都好好味黑醋鯛魚(3分)-黑醋味吾多似黑醋，似普通日本醬料味。魚就無乜味啦。環境(3分)-系日式商場的bar 檯，本來都無所謂，系張bar櫈擺腳的地方吾舒服，如果檯底有一條放腳的地方會好d抵食(4分)- 下午茶有咁多食物，味道又吾錯啊。服務(3分)- 買飛啊姐不斷講普通話，我吾介意，但只講普通話又未系時候掛。

阿女由兩歲開始已經係漁屋嘅超級粉絲，每次都係食比目魚定食，懶得嘅係9年嚟水準都依然keep到，絕對冇越做越衰，反而係越做越好。阿女一起身就話今日要食魚屋，食魚屋一定要食堂食先好味，但魚屋有得好少位，又有好多食客，所以每次去到都要等好耐位先有位。為咗避開食晏人潮我們今早11:45便去到漁屋，當時冇乜人仲有好多位，我們便坐在收銀處靠左的側邊位置，今日叫了兩客比目魚定食。熱辣辣的麵豉湯三文魚湯，用了十足，有蘿蔔又有本菇，仲有大大嚿三文魚，一飲入口，鮮味充斥着味蕾。比目魚烤焗得剛剛好，有微微的焦香醬汁味，魚肉仍然十分嫩，再配上辣蘿蔔，很好送飯，超好味😋最開心是看到女兒吃得津津有味☺️

📍魚屋係荃灣廣場food court發掘到高質日本餐廳‼️😋呢間餐廳最出名就係刺身丼飯🍣🐟三文魚帆立貝丼 （$118）三文魚同帆立貝食得出係新鮮貨加上壽司飯既醋味適中會令你忍唔住一啖接一啖咁食🤤🤤🤤🐟三文魚雙色丼 （$88）三文魚刺身再加上火炙三文魚火炙三文魚燒到半熟D三文魚油流曬出黎勁邪惡😚🍲三文魚味噌湯呢個味噌湯真係勁足料‼️有海帶、蘿蔔、三文魚碎每啖飲到鮮甜味👍🏻以food court價錢食到性價比高既丼飯真心抵食👍🏻💯

今日去荃灣廣場一田購物，見到有間日本料理，買完野即刻坐低食。九格海鮮刺身拼盤見佢由 $138 減到 $128 ，都算抵食帶子新鮮，咬落鮮甜味十足海膽都好鮮味大大隻赤蝦超鮮甜，啖啖肉，好正三文魚同吞拿魚都唔錯，仲有壽司底整體來講刺身係好味嘅！另外點咗一條燒花魚，見佢個面好深色，唸住應該會好咸，但食落又真係幾好味，不是太咸，送飯超正！

在荃灣競爭激烈嘅地方往往好食的食店就是多人或是需要排隊，可能需要走到大鴻輝或是荃新天地附近。而言在荃灣廣場內的一田超市內有一間叫漁屋的店舖。最欣賞他們u字型嘅設計，食客只要看有位便可以坐下，但前題係先叫嘢食。有外賣或堂食以供選擇。此外作為即刻可以看著職員為我們烹調定食或用刀切刺身。最喜歡他定期有不同魚生蟹類刺身的定食配套，有時有些特價東西會於冰箱來展出，需要留意下。次次選取了蟹刺身定食十分吸引，蟹子蟹膏多以及有生蝦刺身以及三文魚刺身配套，圍起來只需要百五蚊左右十分吸引。如有需要可去一田超市內購買日本嘢飲。可惜的是座位少，且等候嘅人比較多，對於想傾計的朋友未必是一個好選擇，我們食飽後就將座位讓給其他乘客進食。印象中曾經試過芝士龍蝦三文魚海鮮丼也是十分吸引。

突然間想食魚生飯過下口癮，朋友推介一田魚屋大件夾抵食。晚市時間，幾乎滿座，自己找位置坐下。看看餐牌，不但有魚生飯，還有多款熟食選擇。下單後，店員遞上一大碗味噌湯，裡面有大量湯料，三文魚肉碎及白蘿蔔，好味到要清碗，飲完都已經飽了一半。海鮮丼包括了蝦，帶子，北寄貝，玉子，三文魚，海膽，蟹籽，包羅萬有。相宜的價錢表示了質素，不能要求太高。

臨近收工時間去幫襯，燒魚已經無咩款啱食，於是點了四色丼飯A包麵豉湯，有海膽牡丹蝦三文魚帶子，一上枱見到海膽就搞唔掂啦...已經溶哂睇落唔多新鮮......掙扎左一陣，心諗人地都差唔多收工，唔好叫人換，最後鼓起勇氣照食，食落未至於有臭味，都有d甜味，口感欠奉，但都係食左少少就放棄...其他刺身味道尚可，蝦肉都算結實，不過飯係暖暖地感覺怪怪，應該要注意番飯嘅溫度會影響刺身！總結都係燒魚優勝，西京燒比目魚同想燒三文魚頭真係性價比高

今次我去左荃灣一田行街，諗緊食乜好之際就見到呢間做日式丼飯既鋪，掛住食野唔記得影鋪位🥲 佢係bar枱咁樣食既，另外有個位係外賣既刺身壽司咁🍣我見佢做緊鰻魚祭既既推廣就叫左雙色鰻魚丼（$138），佢條白燒鰻魚真係好大條😍 呢條鰻就冇鰻魚汁既，食到佢原本既鮮味，而條鰻魚都幾滑，另一半就係一塊塊平時壽司食到既鰻魚，配上鰻魚汁就好似食緊壽司咁🤣 呢碗飯好岩鰻魚控食，我食得好滿足，而且跟餐佢仲有碗麵豉湯送😋我跟餐可以優惠價加配埋鰻魚玉子燒（$38），玉子燒再配上鰻魚汁又有另一種口感，鰻魚就同個飯一樣咁好食，玉子燒都係好好，唔知過左鰻魚祭仲有冇得叫🤔呢間鋪個感覺就係d刺身好新鮮，係坐位差小小，兩個人以上排排坐bar枱就傾唔到計，最後佢張單好搞笑，打錯曬d字，丼寫左井，鰻魚玉子燒變玉樣玉子燒😂😂

魚屋滿滿丼 $168牡丹蝦、三文魚、三文魚籽、油甘魚、海膽、帆立貝、北寄貝、蔥花玉子燒 & 紫蘇葉，魚生鋪滿了醋飯，新鮮而且不會吃到膩貝特盛丼 $158好大的蠔！喜歡貝類的不能錯過~魚屋嘅魚生飯性價比好高🦐🐟🦪但總覺得三文魚湯冇以前咁鮮甜 😗

位於荃灣一田入面既魚屋，一直都有唔少話佢既魚生飯扺食，今日放工就黎左堂食試下～我叫左一個三文魚雙色丼（$88），有三文魚生，又有火炙三文魚，一次滿足哂😅三文魚油脂都幾多，而且都好新鮮，火炙三文魚油脂香仲突出，佢既份量都唔少，呢個價錢黎講非常合理。 套餐另外仲包左一碗三文魚湯，呢個三文魚湯絕對值得一提，因為佢完全可以同元気既三文魚湯有得比😂真係好濃郁既三文魚湯底，仲有好香既葱味，配搭魚生飯非常正呀！

平時去日本餐廳食西京燒比目魚定食基本都要$148以上的價錢，但呢間的燒比目魚價錢只係三分一，仲要好食過好多餐廳，又香甜又有油香！性價比超高！白飯加$10仲可以追加明太子/蟹肉/吞拿魚蓉等！最好味都係配明太子，鹹香一絕！定食跟一碗三文魚麵豉湯，有蘿白魚肉煲，唔會一味死鹹！ 值得一提嘅係佢跟埋嘅泡菜蘿白條，鹹辣餸飯一流，但可能有少少搶左魚味！另一款抵食之選係三文魚頭，去居酒屋食個魚頭都$68，但呢間食只需$38，邊到搵！不過三文魚頭始終肉唔多，可能無咁飽肚！雖然坐位係bar枱形式，坐就唔會坐得耐，但咁既價錢真係無咩要求！

25-7-2022 (Mon)同老公放假,天氣咁熱,又要去冷氣場所降溫,亦都唔食熱嘢,最好就係食壽司啦,原本想去Donki,但對腳好自然咁行咗嚟荃灣廣場,咁就入嚟一田食啦,我哋嚟到睇吓雪櫃入面嗰啲,有啲有原隻飽魚,有啲有蟹,而兩樣都有嘅就只有一盒叫海鮮丼,賣$158.00,於是我揀呢盒;老公就揀咗混混丼,同樣係$158.00.海鮮丼可即刻拎嚟食,咁我食先喇,左上角嘅嘅應該係吞拿魚生同唔知咩魚生,口感都OK,味道就一般,壽司飯口感味道唔錯.中間嘅灸燒三文魚卷,內有滿滿沙律醬,好豐富.下面嗰件唔知咩魚卷,OK冇問題.八爪魚片同赤蝦都正常冇問題.而蟹蓋呢?面有蔥粒,蟹肉同蟹籽,撥開睇,原來有蟹糕,我哋撈勻嚟食,味道都算幾鮮.原隻飽魚口感正常,燒汁味燶.而混混丼呢?海膽顏色唔差,但開始有變.魚生碎都冇問題.而麵豉湯就係海帶三文魚麵豉湯,鹹淡適中.味道係3.46分

Went for takeout. Ordered assorted fish bowl, miso egg plant, spinach, clams and the mackerel. The egg plant was huge and quite tasty. The clams were a bit small, perhaps because it wasn't in season ?Mackerel was nice and well prepared. The spinach however I didnt like that much. The fish bowl was nice with a variety of sashimi. It was a bit stringy for some reason. They gave you a free miso seaweed soup with tofu which was quite nice. Delivery came quite quickly so would order again.

其實，呢度仿照日本🇯🇵，好貼地既坐位，坐得唔舒服，bar枱比較窄，很難放下食飯，除非只叫一個丼。 價錢相對唔係好平，不過，勝在魚生都新鮮既，味道也不錯😌🇯🇵二人前 🍶🥢•🦞芝士龍蝦🧀•🦀蟹柳飛魚子沙律🥗🥙•黑松露炙燒海鮮丼🦐•塩燒鱈魚鮫🐟•🥣味噌湯🥣•白飯🍚🧀🦞有驚喜，啖啖肉😋 塩燒鱈魚鮫🐟就有點失望😞，人哋啲魚鮫大大隻，好整齊，我哋不知是否套餐關係，魚鮫分成4塊，店員話太大，所以剁成4件，但眼見其他人的倒不是啊，有點被騙感覺😤😤加上，店員只得收銀員說話及態度比較好，其他店員好像溝通不到，言語不通，態度麻麻👎🏻，有待改善