魚尾獅餐廳 (已結業)

星期日下午到餐廳,點咗馬拉盞炒通菜,辣薯蓉薄餅,海南雞飯,青芒果木瓜海鮮沙律. 一杯橙梳打及一杯青檸梳打,其中三樣菜單注明係兩條辣椒. 心想應該好惹味啦.沙律先到,樣式頗吸引,豈料淡而無味,後再追加一碗辣汁,依然無味. 馬拉盞通菜亦如是. 更離奇是朋友杯橙梳打亦如是. 本人一心想吃星馬菜,是因為星馬菜夠惹味夠辣. 但真真令人失望. 海南雞飯算好,但雞依然無味咯.但見其食物材料都好新鮮,真係浪費哂. 服務態度就因人而異. 有位傳菜女侍就次次隨手就放低,嚇人一驚.

告訴老公這餐廳食評有很多咸面，可是老公堅持要一試，說不能盡信食評，應自己親身體驗一下。拿他沒法子唯有跟隨。由他拍版叫了馬來咖喱牛肉($58)、特式拼盤($60)、星洲肉骨茶($36)白飯一碗($8)、千層煎餅($15)。濃濃的咖喱汁的確不錯，很香滑、很送飯，故專登後加千層煎餅伴咖喱汁吃。出問題的是牛肉，正確來說是牛，但不是切成一片片的，而是一大的，很難炆得腍，故吃時感到很多筋和很韌，少點牙力也應付不了。最後吃得滿碟也是吐出來的渣﹗特式拼盤包括春卷、咖喱角、雞翼和串燒沙嗲。有三款不同的醬伴著吃。雞翼炸得太乾；比較好吃的是呈餃子形的咖喱角，配合綠色如墨西哥式醬汁吃，味道不錯。但整體都很熱氣。星洲肉骨茶有兩大條很有肉的豬骨，但真的吃不下了；另有豆腐泊枝竹和冬菇，湯面有少許辣油；上桌時亦附有一小碟切片油炸鬼。老實說，個人真的不太欣賞肉骨茶的藥材味道。千層煎餅應是由一條條的麵團打圈組成的，因為用手撕開來吃時很容易便散開成一條條卷狀，有點像酥皮。我還是比較喜歡一大塊的薄餅。老公說或許會再來嘗其他菜式，我則……

今日同老婆試左呢間餐廳, 叫左檳城海鮮喇沙, Rokja(娘惹沙律), 拼盤(有咖哩角, 春卷, 雞串燒, 燒雞翼), 拉茶.咖哩角同Rokja都幾好食. 尤其係個Rokja, 唔常見但整得幾地道. 喇沙同拉茶不過不失, 檳城喇沙湯底似蝦麵, 係有浸油o係面而係無椰漿o既. 其他食物一般而已. 串燒較為失望, 好似炸完先燒, 一d都唔好食. 無試大家劣評既海南雞同肉骨茶. 不過好老實講, 呢間餐廳唔算十分好食,不過以咁既價錢又未至於大家講到咁差. 至少o係新城市廣場唔駛排長龍等位我覺得唔錯.

星洲肉骨茶($36)--雖然不及新加坡般好味,但已算過得去.馬來咖喱雞($56)--咖喱可選大,中,小辣,咖喱味頗濃,不錯.雞卻全是雞肉,沒有骨,比較鞋口.千層煎餅($15)--熱辣辣,好味!馬拉盞炒通菜($38)--通菜很嫩,味道適中,不錯.有一點值得一提,就是某位女侍應喜歡行客人背後和柱位中間的窄路送菜,令客人有不舒服的感覺,希望可作出改善啦!

不明白為甚麼下面D食評咁差, 但係今次連我D俺尖鬼都話OK喎?我是星期三晚去幫襯, 人唔算多, 點咗幾多嘢食, 有掂有唔掂。先講掂啦:嗰晚D海南雞飯幾好食, 飯是椰香飯, 雞夠味又頗滑羊laksa, Ngong耶式少油炒粉, 唔錯。一般項目:串燒, 薄餅唔掂:肉骨茶,十分失望。香茅冰,唔知點解味道變咗荔枝冰食得飽每人埋單$80左右, 算唔錯當日招呼都唔錯,尤其是部長。

昨天二人在那裡吃了三道菜:1)馬來咖哩牛肉--咖哩很香很濃,牛腩亦都很腍,加上薄餅一齊食,口感味道都一流!2)娘嘢雞肉炒飯--用甜豉油炒的飯味道不錯,但雞肉用了雞胸,很"鞋",而且沒有什麼味道3)馬拉盞炒通菜--菜雖然有點碎,但夠新鮮,配料夠,炒得很惹味食完覺得這間餐廳也不錯,還想下次來試試海南雞飯及喇唦(因見到周圍很多人叫了海南雞飯...),之後打算來OpenRice給個好評,才發現這間餐廳原來評分極低,不知是不是餐廳已作出了改善?不過我也打算再次幫襯,試一試其他款式的菜是否真的如網友所說.... :>

因為好想食番新加坡風味既海南雞飯，見佢打正旗號主打新加坡食品，但最終係極度失望，個海南雞飯d雞完全無味，個飯如白飯般，個d串燒又唔香又唔熱，真係比佢個外表所騙！

平日中午, 周圍都唔係好多人, 大部份食店都只有3/4滿, 唯獨呢間係1/4滿. 由於好懷念美味海南雞同喇沙, 所以冒險入去呢度.叫左一個檳城雞肉laksa$38, 個湯杰杰地, 一層油浮面, 見倒有d唔開胃, 味係spicy但唔香. 由於太spicy, 我問waiter 可否比一碗清湯我溝下, 佢話, 我地無清湯, 只有滾水. 大家試諗下加左滾水之後會係咩味...另一個星加坡牛仔骨laksa$42. 呢個湯就正常少少, 但牛仔骨好UN, 咬唔開, 只係食倒幾啖就要放棄.飲品叫了凍銀菊露$18. 呢個你真係估佢唔倒, 杯野黎到, 面層係冰, 底係螢光黃類似菜蜜的物體. 唉, 用$20買一杯$5都唔使0既凍菊花晶...當日有個女侍應好嚇人, 她在我附近一路行一路kam kam清喉嚨, 最後仲打開個放在水bar隔離的食物渣滓大桶內ka-tu! 令完先唔開胃的我有想死的感覺.

今晚去沙田大會堂聽完張煒晴同香港管弦樂團,心情靚靚,諗住去試吓呢間都算新嘅星加坡野,叫左幾個基本菜:肉骨茶、海南雞飯、白咖哩羊、千層餅。先講肉骨茶:第一下啲藥材味會令你以為有料到,可惜一飲便知龍與鳳,簡直就係一碗只有藥材味嘅味精水,連最基本嘅胡椒味都冇,又無神神加埋啲腐竹落去。我保證你飲完第一口都唔想繼續。海南雞飯:賣相幾好,仲成得用正宗帶少少苦嘅濃豉油。雞就一般,最失敗係飯。唔用黃油飯,餐\廳用薑蓉飯,點知飯好似糊仔咁,扖左兩啖就唔心情再食。白咖哩羊:白咖哩幾香,點知一食羊就舔野。感覺係急凍貸色、明顯同咖哩分開煮、好靿收、咬兩啖就迫住放棄。千層餅:幾好,可能因為佢\地有個印度廚。不過,如果成間餐\廳淨係得個小食配菜千層餅好,咁唔該你轉做街邊,立即係商場消失。最後唔夠15分鐘就埋單,過隔離Triple O\'s食過。

又係放工食飯既時間@@"汲取左上次去MB食飯都八點幾先返家既情況,今次早早經九塘去沙田,因為可以有快車返屋企嘛=]menu 7 要食既爭一間就食晒,不過今日唔想食煎炸野,於是於「炸彈」(@OP度見到唔多好評)滿佈既1樓度搵自己合意既@@"@日本野同呢間揀,見到個菜單寫既描述都OK正路,所以就入左去啦@@"叫左個小辣版黑豉油雞肉炒河+ Singapore Sling*先講飲既先啦=]一飲之下,咦,感覺藥水?!根據個人斷估偵查,應該係梳打水落得太多但係酒精類份量落得太少之故@@"而食既,同香辣屋分別唔算大,感覺唔到馬拉戔既存在@@"至於Service方面,唔知點解男仔係比女仔多笑容同埋會解釋返個Menu內容之類@@"ps:我到而家打食評先知呢間既喊面都咁多"

四個大人兩個小孩, 因為另一間食肆要等位, 所以試試這一間。由於兩個小朋友要食飯, 想選擇不辣的, 可是只有海南雞飯合格。(另外一款不辣的焗飯沒有提供)肉骨茶–排骨偏鞋, 有藥材味, 不過不夠濃, 附送的油條, 好像是隔夜的。海南雞飯–雞太腍且沒有雞味, 湯是青紅蘿蔔, 不過有些怪怪的味道。沙爹串燒–可選雞/牛/豬/羊, 但不可混合, 所以只選了半打豬, 豬肉有點不太熟, 沙爹醬味道ok的。蕉葉燒銀雪魚–很失望, 說是燒的但不點也不算燒, 外皮有一點脆但太咸, 內裡的肉質又不滑, 不知是否不新鮮…白咖喱牛肉–白咖喱味道不錯, 可是牛肉不夠入味, 吃這個一定要有白飯或薄餅, 否則浪費了好味的汁。千層薄餅–好像油酥餅, 算是最正常的物體, 好吃!!!馬拉盞炒通菜–通菜太碎濕濕, 味道很夠, 夠得有點多且頗咸。娘惹式海鮮炒蘿蔔糕–這是可以任配搭的, 可選不同口味/不同配料, 蠻期待的, 可是待應說廚房漏了單, 所以沒有來。環境方面- 尚算舒適, 檯與檯之間不會太窄。服務方面–差不多每個待應都未瞓醒, 要碗要叫三個待應才拿到, 每次叫才有人加水, 漏單不知是待應問題還是真的是廚房問題, 但最神

前幾日去新城市廣場,見到呢間個樣好似幾ok, 同朋友就入去試吓...個男經理似路人甲,自己係經理連基本service都差, 落單又好唔專注, 寫3樣嘢都可以落漏, 仲要唔好意思都冇句,其他員工就ok喇.嘢食...叫咗個雞肉喇沙,味道都算ok,不過雞肉好"鞋",海南雞飯...個飯朋友話冇乜味,雞就ok咁啦,個湯個樣好杰冇飲到.仲有叫咗惹娘豆腐沙律同肉骨茶...都算ok既~其實新開張味道差d都可以接受,但係連基本service都做唔好,咁就唔會令人想再去試囉.何況,個場有咁多間餐廳,唔一定係要食呢間囉!

前兩日去左食晚飯,兩個人叫左:羊架湯喇沙一般,羊架超鞋!海南雞飯雞冇味,反而個湯幾好.馬拉盞炒通菜成晚最好食係呢樣,不過呢味冇難度.珍多冰冇味!總括黎講,唔會再去.

I and my friend were looking for a restaurant in City Plaza for lunch today. But all restaurants were full of ppl. Then I found that there were plenty of free seats in a restaurant called 魚尾獅. Since we didn’t want to wait, we decided to have lunch at this 魚尾獅.However, I found that my decision was totally wrong. This restaurant is very poor. The taste of food is ok (just ok). But the service is far below the standard. I have never had such bad experience in other restaurants before. When

最近很想食海南雞飯，見到有，就當然試試啦﹗一試之下，難吃到不得了﹗海南雞的雞是雪藏雞，一點雞味也沒有。完全不似海南雞飯﹗又試了海鮮喇沙，海鮮不新鮮，沒有喇沙的style。學阿妹話：簡直比food court水準仲差﹗永遠不會再試﹗