魚一丁刺身居酒屋 (已結業)

這間魚一丁太糟了我晚上去，見到門口寫著收十一點，到達時是9:45。還有一個多小時，心想不算太夜。坐下拿菜單，看好準備點菜。怎料侍應小姐明示暗示快要收工，最重要是她們要準時收工，有好一些菜到要時間準備，勸我們最好不要點。我心想還有一個小時才關門，預備什麼要一個小時。但阿侍應姐姐堅持，又要好順著她的意收窄點菜的範圍。男友點的吉列豬排蛋飯，豬排脫水硬得像塑膠，咬著咬著像太空食物也不用說。見到後來來到的另一位顧客，在點菜時面對侍應的冷眼及不專心的態度，一邊食一邊覺得背脊骨落...到十點半，看到隔鄰的顧客還在追加食物。但身邊的一群侍應卻歡天喜地說夠鐘可以收這收那，將餐桌上的醬油收得乾淨，真是覺得這是貼錢買難受到極點...到客人走的一刻，那群侍應的態度才最親切

今日朋友生日唸住到LCX魚一丁食午餐定食魚生。點知.......好失望！魚生不生鮮，份量又少。朋友食得出炸豬扒好似過期食物feel。牛肉喲牛肉與一般係街市買到肥牛一樣。總之比起我一年前食佢地午餐定食差好多！還唸住可以一再品嘗美味的魚生！服務又差！

我同男友食左北海道陶燒腸、魚生飯、天婦羅煱燒烏冬、炸雞件同綠茶雪糕，基本上腸仔係指定食物，因為真係超好味的，而魚生飯就真係算抵，１００蚊大大碗，起碼抵過係果度叫ｓｕｓｈｉ，雞件都幾好味，雪糕比ｈ字頭更好食，反而我唔係幾ｌｉｋｅ佢個天婦羅唔係另上，而係就咁浸在烏冬內，口感較差，其實唔叫烏冬，２個人都夠食的了，因為ｄ飯都食唔晒。

朋友生日想食日本菜，3個人叫了5樣野．1) 三文魚意大利風口感一般，醬汁配三文魚不是很好食2) 天婦羅鍋燒烏冬烏冬很爽口，湯底也不錯3) 北海道海鮮魚生飯魚生很新鮮，有三文魚，油甘魚，吞拿魚，甘蝦，三文魚籽... 賣相很好，十分好食4) 溫室菇錫紙燒呢個最唔好食，黑椒和醬油燒金菇，鷄比菇等... 好普通5) 赤豚肉沙律豚肉幾好食，配生菜，青瓜和洋葱．沙律汁略嫌太少．

被安排到坐在"北海道"玻璃門外窗口位置, 景觀一流, 氣溫也像北海道般, 凍到痺, 使人不能久留。那區待應的服務也不合格, 好像只得一位待應主力負責七八張枱, 有時真的叫天不應叫地不聞, 待應木口木面, 態度有時也不甚友善, 這些都是當晚的缺憾。幸好食物都有水準, 尤愛一丁拉麵沙律, 麵彈牙, 芝麻汁夠香, 冷冷的沙律與麵使人吃不停口... 10 分魚生飯也不錯, 賣相吸引, 魚生, 玉子切成細細粒, 混飯一起吃, 美味!蟹粥、蘿蔔牛筋、刺生、日式豬扒飯、牛肉飯、一丁沙律....放滿一整枱, 最後來個抺荼大福, 7 個人吃得捧腹而回, 很滿足。下次要帶備厚外套, 再坐到這區, 慢慢欣賞維港景色後才離去...

都有一段時間無幫襯呢間喇，咁啱今日有少少特別既日子就揀左呢度喇！(同埋大舊話想食D"清"D嘅嘢吖嘛！)兩個人食左︰1)一丁拉麵沙律(芝麻醬) -- 差唔多次次都食，都OK丫！2)帶子壽司x2 -- 原來壽司都唔錯噃！3)三文魚壽司x2 -- 同上！4)三文魚鮫鹽燒-- 不過不失，不過大舊話無乜味！5)網燒牛扒(5成熟) -- 唔止5成，但係都好食！6)鹽燒雞腎(2 pcs) -- 普普通通！7)清酒-- 無飲，唔知！8)西柚+橙(燒酌) -- 唔該大舊幫我搾西柚同橙汁，所以好好飲，係我飲過同類型飲品之中最好飲既一次！有85折coupon，埋單$350，食物OK，而又食得開心就已經足夠啦！

幾年前食過，覺得無咩特別，所以久久沒有再試，但今次食返有驚喜。兩人食﹕1.朱古力乳牛($24)2.一丁拉面沙律($58)3.三文魚籽凱撒沙律($58)4.吉列炸豪($50)5.三文魚卷($75)食評﹕1.有雪糕係面。2.推介一丁拉面沙律，面彈牙，芝麻醬好香。3.可以不吃4.粉薄，但豪太細5.內有半油果及芝士，略膩。環境﹕一流，可以望維多利亞海港，但一係訂位，一係早去(6:30pm)，而且黃昏景才是最美。泊車優惠﹕在海港城消費滿$200，有兩小時免費。

男友的好朋友從外國番來，帶他試下呢間日本菜。見食評多人推介，一來要左個拉面沙律，d芝麻醬幾特別，可以一試。跟住彩虹魚生卷，個人覺得單件壽司會好食d。至於網燒牛柳真係一流。d肉好，好美味，朋友都讚不絕口。仲有個天婦羅湯烏冬，我鐘意食扁烏冬，味道都唔錯。不過，其實仲有好多好多選擇，因為未黎食過，所以唔係咁識叫，下次會試下其他款式。仲有叫左支saka，好似飲火酒咁。走果時見到侍應捧住一大碟長腳蟹，賣相幾好，好想食。X)

次次經過都好多人...所以無等位...唔知呢排係咪WORLDＣＵＰ．．Ｄ人好快走．．ＳＯ．．未到８點已經有位2個人食唔得多叫左~1. 拉麵沙律2. 三文魚卷3. 鐵板芝士豆腐一丁沙律個汁好好食呀~我選左芝麻汁...D麵好彈牙...唔錯呀.....三文魚卷~~好新鮮..都好食...仲有芝士豆腐...D芝士味唔錯~~~我幾欣賞呢~~呢度D野唔錯呀~~我下次1定會再幫襯囉~~~^^

預左豪一餐, 之前又食過幾次覺得幾好, 而爸爸媽媽又未試過, 所以揀左”魚一丁”..因”魚一丁”實在出名多人, 所以我就醒目地book定位, 去到就有得入.. 眼見勁多人還在排隊等位.. 那一刻真係.”爽~”佢帶左我地去一間海景玻璃房, 個景好得.. 爸爸媽媽最歡喜啦..點左:成吉思汗羊肉鐵板- 自己煮, 爸爸媽媽話好好味.. (因為係我煮的, hee)海鮮鍋- 都係自己煮, 個湯底勁甜, 勁多海鮮.. 有魚,蠔,帶子,魷魚, 鳥冬等, $200都幾抵食燒鱈魚餅- 好滑.. 同埋個質感好怪冰凍紅三文魚sashimi- 幾特別.. 都幾好味.. 好似更加能帶出三文魚的香味拉麵沙律(芝麻汁)- 每次都必食~! 拉麵好爽口!~三文魚+魚籽飯- 三文魚籽都幾新鮮, d飯暖暖地咁.. 幾好味!三文魚卷- 包住芝士的三文魚卷.. 真係好正!炸蠔芝士麵包卷- 油左少少.. 因炸麵包~ 同埋無乜芝士味豆腐丸- 好香豆味.. 配合埋香菇o個d.. 正!蟹粥- 如可以多d蟹就更好, 份量都幾大~ 菠蘿啫喱特飲- 今日的special, 但.. 都幾hea!~曲奇咖啡冰- 媽媽指定話想試.. 但.. 失望!

今日同朋友shopping完就約左老公食飯.行行下就想去食魚一丁.去到等了2張台就有位,我地坐左出面,雖然出面係要坐d金屬椅,同日本野有點兒格格不入,不過勝在有view同埋會靜好多,空氣都清新好多~我地今次叫左:3點刺身(好似係4月的"事啤so") 有2隻鱈場蟹腳,帶子同埋甜蝦幾隻我覺得個蟹唔錯,有海水味,當然唔可以話同北海道比較,不過都食得出鮮甜味,在香港食到的都算幾好~吞拿魚蓉魚生飯有點怪怪的,不會令人覺得難吃,但也不會推介比人三文魚三文魚子魚生飯本來我係叫海膽飯,但果個waiter哥仔話好唔抵架,得好少海膽架,好離譜架...下柵千字,你係我會唔會照叫?我見佢咁勇敢叫我唔好叫,我就叫左三文魚三文魚子魚生飯喇~都叫唔錯,三文魚都幾肥美,幾大塊.本來諗住叫d小食,最後都係冇叫,不過好彩冇叫,因為單單以上3樣野已經飽飽lu~

(8/4)不明文規定自己人生日輪住食，三月生日的那位，故於今天補祝。友人喜歡吃這間，故訂了座，被安排坐了除鞋的位置，光著腳吃。見了個餐牌，有個半放題的餐，大致上四個人都能夠吃掉整個餐牌的食物，除了壽司任食外，其餘的略寫：前菜：三文魚意大利風、迷你一丁沙律、突出三種（髮菜、魷魚鹽辛、辣泡菜八爪魚）燒物：鹽燒鯖魚、太子貝牛油燒、牛舌鐵板燒煮物：牛筋蘿蔔煮、牛舌汁煮炸物：天婦羅盛合、吉烈蠔、魷魚餅手握壽司、火炙及手卷甜品：雪糕三文魚意大利風，有些少沙律醬及茄茸，伴以三文魚，頗醒胃；一丁沙律，沒有一丁，只有菜及魚生，但都不錯，醬汁突出；突出三種，不是我杯茶，那魷魚咸到似食鹽，可以不叫。燒物，鹽燒鯖魚，意外收獲，不錯，鯖魚新鮮燒，喜歡吃魚的可以試；太子貝牛油燒，太子貝燒至大半熟，牛油及汁料比例剛好，散叫也好；牛舌，只是一般。牛筋蘿蔔煮及牛舌汁煮，可以的話，還是剩腩、剩什更勝於此。天婦羅，真的不差，不是油膩膩的，蝦新鮮炸；吉烈蠔，本身都幾喜歡吃，沒有出水，炸得不算太乾。魷魚餅，是很多人喜歡的。壽司類，二十幾款，已忘記了吃了多少，整體來說你不會擔心吃完肚痛，猶其是帆立貝、生蝦、甜蝦，新鮮甜美，當然不

今次遲訂位,五個人都只得坐西式table,唔係入面要除鞋d廂座.友人點了拉麵沙律,食過先知點解咁多人叫呢個好似撈凍公仔麵o既冷盤. 個白芝麻汁好味到不得了. 香香o地又有些少酸酸o地,極之醒胃. 好彩我o地有成五個人,否則食完佢都飽大半.是晚都叫o左好多唔同款o既食物,如南瓜併番薯天婦羅,蟹粥,燒鱈魚餅,魷魚潰物,松壽司併盤,刺身併盤,牛肉烏冬,海胆飯,鹽燒雞軟骨,醬炒魷魚.較出色o既係牛肉烏冬,個湯底甜甜地,烏冬又粗又chewy,非一般拉麵烏冬. 刺身同壽司o黎講,是夜八爪魚,吞拿魚,甜蝦同海胆都鮮甜口味. 平平o地係到食刺身都算唔錯.中價日本菜值得推介o地一間!

2個人order 左:1) 拉麵沙律(芝麻汁) : 次次o黎都叫呢個o架喇.. 係我魚一丁最愛!! 係第2度搵唔到咁好食... hee~~ d 拉麵彈牙.. 芝麻汁好食到飛起.. 次次都要lai 乾淨唒先開心..heee!!!2) 5點刺身: 有吞拿魚, 三文魚, 蝦, 金槍魚同埋墨魚.. 好貴呀.. $180 蚊.. 但係比想像中失望.. d 魚生食落唔係特別新鮮.. 同埋size 好似比以前細左.. 我記得上次o黎食係好好食.. 但係今次就麻麻地.. 冇咩味道!3) 鐵板牛利: 呢個好食呀! 好爽.. 一d 都唔un.. 4) 汁燒雞翼: 等左成30 分鐘先o黎... 最後食到咁好味就算佢補番數啦!! =p 佢個汁好得呀.. 成隻雞翼入唒味!!!5) 清酒: 一般啦!!

同好錫我嘅老公去食晚餐,叫咗四樣食物,一叮拉麵沙律,??網燒牛肉,??魚生飯,温室菇錫紙燒.拉麵沙律..我o地試嘅係豉油汁,清清地好味道網燒牛肉..它一客有八九件牛肉有肥美的也有纖瘦的,醬汁帶少少酸甜跟牛肉配搭得很好,完全不覺得牛肉肥膩.魚生飯..魚生好新鮮,買相相當不錯,七彩繽紛很吸引食慾.温室菇錫紙燒..雖然無乜特別,但我勁愛菇,所以都係好味!!我o地book咗7:00pm枱,佢比間房有窗口位,嘩~~~勁正.有郵輪,維港&幻彩詠香江view.好清靜好舒服,初時都唔覺,但到走嘅時侯,行到出去出面好鬼嘈.對比好大！老公..你記住你話會同我再去！多謝老公.啜~~