魚がし日本一 (AIRSIDE)

营业中

休息中

Airside 有好多新餐廳，上星期揀咗呢間日本菜，主打壽司同丼飯，全部都係吧枱位，環境幾有日本feel✨✨✨.我哋order咗兩碗丼飯，分別係「三味吞拿魚丼」同「火焰漁夫丼」，兩款當飯嘅刺身都相當高質，吞拿魚好鮮甜，三款唔同嘅吞拿魚又唔同嘅口感，大拖羅油脂十足，口感好好👍🏻唔太食得生嘢嘅可以揀「火焰漁夫丼」，刺身用火槍輕輕燒過，多咗一份香氣，帶子、油甘魚嘅刺身都好鮮甜🥰.每碗丼飯都配咗一碗鯛魚麵豉湯，非常鮮甜好高質！❤️.甜品大推開心果雪糕！開心果味道超濃郁，入口好sweet，仲有少少開心果碎✨✨✨.📍 魚がし日本一 (九龍城)九龍城啟德協調道2號AIRSIDE G樓G001號舖

平時係啟德睇show前唔知食咩好，今日無意中發現咗係Airside嘅 魚がし日本一🤤佢除咗有魚生丼，仲有廚師發辦壽司，十貫加手卷都係$398，性格比高！🍣推介🔥火焰漁夫丼，入面有炙燒肥美拖羅、新鮮帶子，仲有少見嘅右口魚，味道一流😋仲有三味吞拿魚丼，入面嘅吞拿魚鮮嫩肥美，咬落去肉質超級滑，配上酸蘿蔔同薑，仲有鯛魚茶漬湯，簡直係無得輸！🍚飲品方面，紀州柚子梅酒🍶同抹茶梅酒都好清新，飲落去唔會太膩，仲可以配埋雪糕🍦🥳 #魚がし日本一 #UogashiNihonichi #CafeDecoGroup #AIRSIDE #sushi #sushilover #aburi #searedsushi #香港日本菜 #九龍城 #九龍城日本菜 #香港美食 #香港探店 #香港旅游攻略

又一東京好店黎香港開舖，座位唔多，黎到要等一陣位。我地無叫出名嘅江戶前壽司，但叫左CP值幾高嘅丼飯，送足料鯛魚茶漬湯，好飲～三味吞拿魚丼 - 吞拿魚好鮮，當中大拖羅同中拖羅我覺得最好食，油脂較多滿口魚油香，飯底適量已加醬油、芝麻同紫菜，刺身份量十足，每啖都好豐富。火炙漁夫丼 - 好多種火炙海鮮，當中海鰻、帶子、吞拿魚最正，好香火炙味，一個丼飯一次過食到6種火炙海鮮，飲啖fresh嘅青森萍果汁，好relax～呢度飲品都真係唔錯，巨峰乳酸梳打乳酸味濃帶巨峰香，非常解喝。而是日雪糕$38竟然食到開心果濃郁嘅味道，令人驚喜。

在啟德人均HKD200 的親民價位，提供著超預期的日料體驗。餐廳是和風現代設計，加上開放式廚房讓食客見證刺身處理過程。🍣 主食類三味吞拿魚丼赤身血酸味明亮，筋膜處理乾淨中腹油脂甘香，厚度切得恰到好處大腹非常肥美，入口即溶的感覺醋飯微暖不黏牙，酸度稍低，更符合本地口味。火炙漁夫丼左口魚裙邊炙烤後油脂化作焦糖脆邊帆立貝表面微焦，中心保持刺身狀態其他幾款魚亦非常鮮甜隨餐還配搭沙律和茶碗蒸沙律菜非常開胃，茶碗蒸蛋使用出汁高湯，非常滑嫩鯛魚茶漬湯鯛魚骨與昆布一起熬制，味道鮮甜🍶 酒飲類大信州蘋果梅酒 （加冰粒）果香清甜，酒體輕盈，冰鎮後更顯爽口晚白柚果酒（加梳打水）比普通柚子酒多出微微苦澀，後調浮現甜香，氣泡感可平衡甜度。🍨 甜品開心果雪糕開心果醬味道香濃，堅果顆粒感明顯，尾韻帶咸香

今個星期已經係第二度黎AIRSIDE行街食飯，今次揀左呢間日式餐廳，食材新鮮。油甘魚洋蔥焦醬丼油甘魚切得厚薄適中，魚肉油脂豐潤，油脂香氣濃郁，入口即化，肥美鮮甜， 洋蔥絲爽脆解膩，與魚肉融合得恰到好處，三味吞拿魚丼三味吞拿魚有赤身、中吞拿魚和大吞拿魚，赤身肉質緊實有彈性，味道清爽微酸，帶有吞拿魚獨特的礦物風味，中吞拿魚粉嫩色澤，油花如大理石紋般均勻分布，入口即化，甘甜豐腴卻不膩口，大吞拿魚是近乎霜降的油花，魚肉呈淡粉色，入口瞬間即化。鯛魚茶漬湯湯頭清澈帶煎茶香氣，鯛魚片薄切嫩滑，茶味適中。青森100%蘋果汁蘋果汁酸甜清爽，果香自然。九州甘王草莓乳酸梳打草莓味濃郁，乳酸甜度適中，氣泡感足，適合夏日解膩。開心果雪糕質地綿密，開心果味香濃厚。

“三味吞拿魚丼”($248)“火炙漁夫丼”($208)“青蘋果乳酸梳打”($38)“九州甘王草莓乳酸梳打”($38)“雪糕”($38)又又又去咗啟德食嘢😝今次嚟咗呢間魚がし日本一🍣餐廳主要提供丼飯,壽司我地各點咗一個丼飯分別係三味吞拿魚丼,火炙漁夫丼三味吞拿魚嘅係赤身,大拖,炙燒大拖大拖油脂豐盈,入口即化🤤火炙漁夫丼有好幾款刺身例如帶子,鯛魚等☺️炙燒完成碗飯都充滿魚油香氣😍2碗飯都配咗鯛魚茶漬湯鯛魚高湯配有鯛魚刺身同少少飯,味道鮮甜飲品點咗青蘋果同草莓乳酸梳打🍏🍓最後仲叫埋開心果雪糕做甜品,好滿足😆

今日喺Airside發現一間高質嘅日本過江龍餐廳，主打丼飯同壽司，裝潢都好日本feel，大巴枱形設計可以望住師傅整壽司。火炙漁夫丼配搭茶碗蒸蛋同沙律，超正！火炙漁夫丼嘅魚肉鮮嫩，燒得恰到好處，配合鯛魚茶漬，更加提升咗鮮味。茶碗蒸蛋好嫩滑，沙律新鮮爽口，整個套餐平衡得好好。三味吞拿魚丼係另一番滋味，三種唔同風味嘅吞拿魚，每一口都有唔同嘅驚喜。魚片新鮮嫩仲好滑肥美。入口即溶。飲品方面，青森100%萍果汁清甜可口，好解渴；而巨峰乳酸梳打則帶來一絲清新的氣泡感，配合甜品特別合襯。最後，開心果味雪糕，濃郁嘅堅果香味，絕對係一個完美嘅結尾！

我哋兩位8點幾入座，服務員阿姐提醒話21:00截單我哋都好配合即刻落曬單，但食咗十五分鐘就要我哋埋單🫥跟手趕住執走啲碟 全程黑面用表情話你知你阻住佢收工其實佢可以喺我哋入座之前講聲已經截單🫠見佢咁趕我哋都唔敢食得慢最後整個晚飯過程只係少於半個鐘走嗰時都係唔望人咁悔氣講bye bye 大快活都唔會咁 鍾意畀呢個價位受氣就去試下🤙🏻🤙🏻居然有咁多好評🤡食物：壽司飯太硬，海膽賣相靚但有苦味唔會回頭 無下次了

Airside 呢間壽司舖頭細細，不過人氣旺盛又真係未食過喎，見佢有個呑拿魚丼好吸引就去試試三味呑拿魚丼 （$248）呢個真係估佢唔到咁正！睇下件大拖既油花，幾咁靚！食落去仲要油脂味好香，有入口即溶既感覺！超正呀😍😍😍中拖就魚香同油份好平衡！都係水準之作而個飯底仲有啲芝麻同紫菜！都好好食另外，呢度叫野飲都好正！朋友要左蜜瓜乳酸梳打 （$38），而我叫左個清酒品嘗 （$88）咁既價錢真係出乎預期！而三款清酒各有特色，有埋張卡仔介紹 👍🏻👍🏻而食完飯，仲會有個湯！呢個湯 大大力咁讚！鯛魚茶漬湯不計成本，放成塊鯛魚係上面，個湯又熱辣辣！正

而家香港真係開始進入夏天模式啦，去到邊都真係超級無敵熱，所以約人食晚飯都一定係約喺地鐵站直達嘅商場，咁就真係一啲都唔需要熱，唔需要驚成身汗去見朋友會臭死人！今日就揀咗啟德站上面Airside嘅呢間日本餐廳，環境幾舒服，又乾淨，最得意就係佢啲天花燈個造型就係以前細個買外賣壽司嗰個豉油魚樽咁嘅樣，超得意！呢到d食物質素都幾好，都係一個抵食嘅選擇！呢度最出名就係食丼所以我哋都叫咗兩個，第一個就係三味吞拿魚丼，作為吞拿魚愛好這樣我，第一眼就被呢個吸引，的確佢三款嘅肥美程度都不一食落覺得更加特別！食得出係超新鮮，一定唔會係平價壽司嗰種染色吞拿魚，另外飯同醋嘅比例都剛剛好，襯托魚生真係好配！間餐都會有個鯛魚魚湯，都係勁出色，勁鮮甜。另外呢度嘅紙巾都幾好味，唔會太辣，又甜甜地。若得朋友，就叫埋雪糕食，柚子味雪糕唔會太甜，好適合亞洲人口味。

AIRSIDE商場又新又大食肆非常多選擇，天氣開始熱想食日本嘢！今日揀咗一間高質壽司店食午市套餐！🍚海鰻魚丼 看似平凡的經典料理，卻散發着不凡魅力。用的是星鰻即日本稱為穴子，牠的脂肪比較少，口感相對較為清淡爽口，肉質細緻，與甜美的醬汁配合得天衣無縫！ 套餐附帶：沙律～麻醬沙律茶碗蒸蛋～嫩滑美味😋配料有香菇魚板魚肉⋯ 鯛魚茶漬湯～鯛魚味噌湯加入鯛魚刺身及米飯波波，非常之鮮甜🧡🍚三味吞拿魚丼 三味分別是吞拿魚赤身、中拖羅及大拖羅 ，從清爽到濃郁，是一次由淺入深的味蕾探索，大拖羅粉嫩肥美，油脂甘香入口即溶，令人回味無窮！巨峰乳酸梳打果香滿滿味道一流！蜜瓜梳打店員說是夕張蜜瓜，果然好香甜重果味得來又清爽👍🏻開心果味雪糕 雪糕蘊藏着極濃郁的堅果香氣好好味，是平凡生活中的小確幸！

魚がし日本一 味道評分:☄️(必食之選)>☀️>🌤>⛅️>💨☄️三味吞拿魚丼(配鯛魚茶漬湯) $248我估三款分別係火炙大吞拿魚腩、中呑拿魚同埋吞拿魚，前兩者的油脂帶來了順滑的口感，配搭淡淡的魚香，後者口感feel到條魚有肌肉好健康😂另外有較濃的味，三款各有千秋，但都好高質！強烈推薦鯛魚茶漬湯，新鮮有魚味，feel到有用心熬製😍☀️火炙漁夫丼(配鯛魚茶漬湯) $208如果你想一次過享受4款不同刺身，拆盲盒咁樣，就可以揀依個餐，今次有帶子、左口魚、大吞拿魚腩等等🥰好味！順帶一提，佢哋嘅壽司醋飯都好好食👏🏻☀️晚白柚果酒＜不加糖>（杯） $78☄️大信州蘋果梅酒 吟釀仕込（杯） $78食飯想配個小酒，店舖都有幾多日本果酒選擇，酒可選配冰、蘇打等好專業~辛苦的人生就需要一杯🥃白柚的甜度較弱，反而個酒感會重dd；蘋果梅酒的味道較濃，先是梅酒，後調是蘋果香，層次分明~☄️柚子雪葩

小店創立於1989年，主打新鮮日本刺身，店內環境唔大，全吧枱，可以望住師傅製作食物，感覺有啲似食緊Omakase。私心推介三味吞拿魚丼，集齊吞拿魚三個部位，可以感受到唔同部位嘅口感同魚油比例。赤身即瘦肉，不含油脂，呈紅色，帶咬口、中拖粉紅色，脂肪比例較高，入口滑溜，帶魚香氣、大拖羅最正，顔色偏白，脂肪分佈似雪花，入口即溶，令人一試難忘。唔受得生冷嘢嘅朋友仔建議點火炙漁夫丼，採用多種時令海產，經火炙後魚油香氣四溢，微微焦香氣，打卡able又好味。附送嘅鯛魚湯反而有驚喜，湯底超甜，如果可以單點就好啦。飲品提供多款酒精類，紅葡萄柚果酒酸甜帶有苦澀感，沖縄酸桔仔果酒飲落清新、最後要埋杯雪糕幫助解膩，為呢餐作完美句號。

係啟德想食日本野，今日揀咗呢間日式餐廳😋魚がし日本一，日式裝修牆身仲放左唔少靚酒。呢度主打壽司、丼飯，以日式吧枱圍住廚師，可以一邊睇到師傅烹調美食，一邊同朋友傾偈。廚師特選壽司10貫+手卷 $398呢度嘅壽司真係好新鮮賣相靚仔，每件壽司精緻得來份量又啱啱好。我最鍾意食海膽同大拖羅。海膽呈鮮橙色，入口甘甜絕對高質！大拖羅入口即溶，脂香爆棚🤤油甘魚爽口又回甘；鯛魚肉厚又鮮美；火炙鯛魚油脂甘香；赤蝦鮮甜可口；鰹魚洋蔥漬鹹香味濃；池魚爽甜多汁，每啖都食到幸福感!而香蔥吞拿魚蓉手卷更加係一絕，軟綿嘅吞拿魚蓉混入香蔥，口感好豐富，就算唔加豉油都夠鮮夠味，真係好滿足。油甘魚洋蔥焦醬丼 $158油甘魚美味鮮甜，充滿魚油香氣，呢個最特別之處係加咗勁多洋蔥焦喺面，洋蔥焦增加咗口感，混合一齊超美味！另外，呢個飯亦添加白蘿蔔，蘿蔔酸酸甜甜，食落去更加開胃！鯛魚茶漬湯鹹香鮮味, 清湯的高溫將鯛魚肉燙至微熟，肉質滑捋捋,🤤魚肉味濃鮮香海鹽雪糕雪糕鹽味恰到好處，入口保持雪糕應有嘅香甜，質地仲好軟滑，為呢餐帶嚟完美嘅總結！呢度仲有大量日本酒可以選擇，因為我哋揸咗車就揀咗蘋果汽水，同埋蜜桃汽水❤️竟然俾埋冰杯我哋😙飲完透

今日去咗啟德Airside一間叫「魚がし日本一 」嘅餐廳食晚餐，餐廳嘅座位全部都係吧枱位，可以望到師傅喺入面準備食材嘅過程，不過座位嘅放腳嘅空間略嫌較窄，坐得唔算太舒服。每個吧枱位都有熱水、抹茶粉同豉油樽，顧客可以自助沖茶。🍊 三味吞拿魚丼丼飯有齊大拖羅、中拖羅同吞拿魚赤身，每款各有三片，魚生嘅厚度適中，大拖羅充滿油脂嘅口感，中拖羅肉質軟滑，吞拿魚赤身嘅味道最為濃郁；丼飯配有醃蘿蔔同酸薑燉配菜，而且附送鯛魚茶漬湯，鯛魚湯嘅魚味濃郁，混合少量珍珠飯、紫菜同芝麻變成茶漬湯一齊食好有日式風味；另外可以加$38嗌是日雪糕，柚子雪葩嘅味道清甜，中間混合柚子皮令到雪葩嘅口感豐富🍊 油甘魚洋蔥焦醬丼丼飯有多片三星嘅油甘魚，味道清甜而唔油膩嘅白身魚充滿鮮味，配搭帶有甜味嘅洋蔥焦醬、炸蒜同青蔥，味道層次豐富🍊 沖繩酸桔仔果酒生果酒帶有酸桔仔嘅果香味，味道酸酸甜甜非常開胃，酒精濃度唔算高，飲落去好容易入口🍊 巨峰乳酸梳打乳酸梳打係冇酒精飲品，飲落去氣泡感好重，適合食完濃味嘅湯飯之後飲，味道充滿巨峰提子嘅果香，唔算太甜📍 九龍城啟德協調道2號AIRSIDE G樓G001號舖位置就腳：🍊🍊🍊🍊🍊餐廳環境：🍊🍊