高興 (已結業)

今日係牛頭角行，打算係觀塘係晚餐。以前幾乎都食過晒想食既觀塘餐廳，不過呢一間就無食過，所以簡左佢喇。入到去，個環境又幾古典。仲有個pay既counter。每張枱都會有張「用餐說明」，係以開心做主題，講下點樣點餐、點樣比錢之類。一見到menu有 蒜香豆豉鯪魚意粉，就醒起之前係有上網睇過呢間餐廳既介紹。味道真係好驚喜，因為真係好好食，又好香口。本來以為意粉一向都係卡邦尼、肉醬、蜆肉之類，豆豉鯪魚又意外地好夾喎，夾到我覺得每個人黎都要試下。另外就係頂級美國肉眼，5成熟，佢的確做到5成熟，唔會太生、唔會太熟，就係我地order左既5成。呢樣好多餐廳都做唔到。份量都幾大塊，雖然未到頂級個種咁高質，但係都叫做多汁、牛味重，無乜筋。最後跟餐叫左杯 棒子摩卡，拉花好靚，味道都好好。呢間餐廳感覺到佢既用心 同 頗高既質素，推介！

這次是第二次到高興食晚飯 由於晚了點到達時 已是晚上9:15只有意粉同意大利飯可以下單了第一次晚飯時 叫咗三道主菜最出色的是海鮮意大利飯好好味 海鮮新鮮經廚師煎香調味後 非常美味今次都是必食之選 一點都沒有差別 非常好味今晚可能晚了一點 沒有live band上一次 可以邊吃飯邊聽歌好正呀！🤗通常有live band 的地方都會很嘈但這裡剛剛好，真是晚飯的好地方炸雞腿又大件又好味 是不錯的選擇另外 由於不用加一收費真是好味低食呀！

之前食過幾次架喇，佢質素都keep 得好好，所以間中都有幫襯架！我至愛食佢all day breakfast!! $74，跟一杯橙汁！我覺得抵食，出面閒閒地都100大元架要！all day breakfast有乜食，睇張相就知喇，但我好欣賞佢其實每款食物都有少少心思架！等我逐樣講！蛋，佢唔係齋炒蛋咁簡單，佢加左少少薄切薯仔，無咁單調腸，又唔係普通腸咁簡單，一刀切開，有芝士beat出黎，而且唔細條，有兩條出面一般跟煙肉，佢這跟Parma ham，即時提升左個性價比！而且份量好足仲有多士，佢配果款jam 好清新好好味！茄汁豆，蕃茄同炒菇就無咩可以太特別，所以我唔講喇😂今日仲叫左一個lunch set ，蘑菇意粉，好香garlic味，不過配料就太濃味意粉就淡左少少環境一流舒適

在觀塘工業區中，有個靚靚超舒服咖啡室，忙碌的休息站，假日都有遊人專登去飲嘢食嘢，平日（食晏時間會好多人）偷閒好地方，此店在工廠大廈地下經大堂進內，不用上樓，但要經過大堂，第一次難搵，都算隱蔽，店內裝修環境舒適，與外面走廊對比大，設身在內就另一個世界 食物美味，廚房真係有心（Heart) 製作，不會求其了事，飲品咖啡亦很好，光顧了幾次，都能保持水準。咖啡，公司三文治，和漢堡包都是我食過又覺得值得推介嘅。。

同幾個同事放lunch食黎食去都係個d，今次走遠少少黎到工廈個頭試下呢間「高興cafe」！餐廳內環境裝潢，每個角落都有不同既主題同背景，好適合打卡影相Lunch亦有多款選擇，花多眼亂，樣樣都好岩我口味樣樣都好想食最後....我都係揀左A餐「意式香草蕃茄海鮮意大利粉」$58份量都唔少架，材料十分足料，濃厚既蕃茄味帶一點香草，我自己就鍾意加入幾滴既辣椒仔一齊食，帶點辣更開胃「美式炸魚配粗薯條」$48超大份既薯條，超大塊既炸魚炸得金金黃黃脆卜卜，睇得出炸呢份小食既廚師十分用心又細心！一定係個好廚師！面頭上配上Cajun粉令整個炸物更香口野味午餐包一杯凍/熱飲，奶茶夠滑夠香整體餐廳印象十分好，每位員工都面帶笑容，高高興興為客人點餐，不得不讚一下寫單個位妹妹仔記性十分出色，食物性價比高，價錢合理，值得推介

The second time coming to this restaurant, satisfied food and services. Nice, energetic and helpful staffs with good quality of food.Always order the black truffle french fried, you can tell the difference when you saw it. It is much more tasty than normal french fried out there, even before enhancing with black truffle sauce! Also ordered meatballs this time, little spice but yummy!Will come again, maybe try coffee next time

第一次食既時候見野食幾好，所以星期六便相約了朋友在此下午茶。可惜今次waitresses服務極衰，我們2點45分到餐廳，當時仍然有好多空位，我們點了2個餐另加多1杯野飲，但食完後再加多一個甜品。當時可能4點多，餐廳仍有人在進食，店長便突然氣憤地把枱上既水拎走，好像我們得罪他們。直至5點多店長氣沖沖走來說你地會唔會食埋dinner呀我張枱有booking呀！說完又再西口西面。說真的如果當初一早有禮貌示意要交枱，我們會離開，但不用西口西面拎走d水，俾錢又西口西面，好似得罪全家，當時餐廳仍有客人進食，而且大部分員工都自己坐埋一邊休息，我們只係坐係度傾計又唔阻你休息。咁如果阻住你落場又何必做下午茶又要做cafe。咁我建議寫明計時進食，唔好拎cafe名義但實際係茶餐廳服務

本身今晚比母親大人落左order 同拒d朋友食飯點知林收工打黎話唔洗我岀現正唸緊自己煮定食埋先返，咁岩得咁橋老表打黎問我有無飯局😆😆😆😆咁岩遇到咁橋，我就「高高興興」過海搵食喇。我就第一次去老表就食過幾次兼推介雖然第一次去，叫得個咁既名，個人認為都係d比較新派形式既餐廳黎就好似電話叫得『蘋果』，當年都係拒第一個做touch mon 啦一去到岩岩有一張二人枱其餘全滿！星期一晚咋wor 😆因為我地兩個都唔係極級餓，所以叫左d比較輕盈既野食 (雖然我地二人都食四樣野🙈)點飽都一定會叫甜品🤣除左老表推介pancake 外見到拒用Mövenpick 雪糕已加分💚上野食速度快員工收野又爽手大概哩個原因令拒地九點幾都仲坐爆👍🏻👍🏻推介哩間小店。💚💚下次要食另一隻味既pancake

這一所位處觀塘工廈的小cafe，一向有不少擁躉支持的。驟眼睇落，這兒吃的東西事實跟尋常的茶記或西餐廳沒有太大分別。那這裡又有甚麼過人之處，可以吸引那樣多人來幫襯 ?一走進店，看見那裝潢格局，我就開始知道點解了....邊食邊看到不少食客跑到這書架旁打卡拍照。不好此道的我，還是專心食嘢好了....第二個這兒熱爆之原因，相信是和價錢有關....兩口子一人點一份餐，加埋百多大洋，算是頗公道....不過吃完後，心裡已立定主意，決定就要將這兒blacklist....首先，小弟眼前的這碟蒜茸汁煎豬扒拼芝士腸飯，說實話，無論賣相以至味道就跟我在學生飯堂食的頹飯根本就沒兩樣。汁十分稀身而蒜味淡；豬扒雪味甚重且有被"喇"過，肉味全失；芝士腸是包裝之物，若連這個都有問題就真是荒謬....至於太太的日式咖喱炸魚飯則好一些，魚肉雖仍有濃烈雪味但起碼有甜味日式咖喱來遮掩。肉的外皮算是炸得酥脆的，不過肉本身是沒有底味吃起來自然便較乏味。日式咖喱在到處吃味道都是一式一樣，以之來伴飯，永遠是冇失拖....說老實，食完後，我真的不甚高興....

這間CAFE 已是第二次光顧的了，無他的，因為食物份量不小器﹑色香味俱全，而且環境也舒適呢 ! 所以，喜歡來這裡 每次必叫的卡邦尼意粉，份量滿滿的，而且煙肉的份量也很多呢 ! 另外，沙律也是很不錯的，有不同的NUTS，而且沙律菜也很新鮮，必叫! 另外，西班牙海鮮飯也是很不錯，海鮮的份量很足，而且味鮮，所以很快便被吃光光了!值我一提的是，爐魚感覺一般般，但價錢頗高，約$150，所以性價比較為低，其他的很不錯!如果大班朋友來就更合適! 值得一讚的是，店內人手充足，服務員表現禮貌及主動，感覺良好。

今日第一次去呢度食晏，叫咗一個 芥末唔知咩肉丸焗飯。上枱賣相幾好，食第一啖即刻想笑；使唔使咁咸呀，咸味過晒先覺得有少少芥末味。跟住試下粒肉丸就覺得有啲好似騷味，別外有啲雞肉添；個味道好唔新鮮，似就嚟變懷嗰隻 … 最後食咗一半唔敢再食，仲可唔可以再幫襯呢

在觀塘上班，已經去高興幾次了，今次試試午餐別的菜色。lunch set: 黑松露雜菌意粉 ［7.5/10］首先是黑松露意粉，份量幾大，價錢合理！外貌雖然普普，但勝在黑松露忌廉味夠重，一口接一口好快食完菇既種類有三四種，份量多之餘d菇都切得大大件，讚！lunch set: 煙肉露荀意粉 ［6/10］waiter 告知露荀沒有了所以會轉做菇，雖然不太影響味道，但味道真的比較淡，不過不失。不過份量價錢一樣合理。下次來還是推介泡菜雞肉烏冬鍋！

［觀塘工廈］- 與閨蜜共聚的好地方我同兩個best fd 事前已經book 左黎呢度食晚餐，諗住試下觀廈既cafe 會不會有意外驚喜 一入到餐廳 個裝修好靚 好文青 空曠得黎又舒服 絕對係坐得舒適既好地方 打開Menu 每樣食物都好吸引 好想嗌哂佢地呢度係我地當晚嗌左既野食 其實真係樣樣都幾好食 色香味具全 ［牛油果鮮蝦墨西哥片$44］ *［黑松露醬粗薯條 $42］*［香燒魷魚釀蕃茄香草意大利飯 $64］［大蝦柚子沙律 $62］ ［韓式泡菜烏冬鍋$62］*［檸檬酸忌廉楓糖Pancake $50] ［*］特別推薦 絕對值得一試美中不足就係 呼喚左個店員幾次 唔該 可唔可以比三杯水我地，佢地第三次先有人肯送上比我地 哈哈 不過整體都唔錯既 👍🏻👍🏻

位置有啲難搵，要行入大廈入面推門先見到。門口都充滿懷舊味道。入到去就會見到呢個超懷舊嘅髮廊設計，可以係呢個位置用餐。牆上面亦有不少懷舊裝飾。餐牌上寫明點餐貼士，好貼心食物方面選擇都好多，有All day breakfast、意粉、意大利飯、小食、沙律、日式咖哩、甜品.....種類多。餐具水自助。先來個黑松露醬粗薯條熱辣辣即叫即炸，用手攞要小心，太熱會辣手。黑松露用料足，好香黑松露味，醬較杰身。熱辣辣嘅薯條配上黑松露醬好夾，好好味，食到有啲漏可以轉點茄醬，交替食，好快清咗半碟海鮮意大利飯一啲都唔漏，好快清晒，蝦夠彈牙，扇貝唔夠味，得表面有鹽，其他都ok墨汁意粉有啲失望，意粉太乾，冇汁，乾爭爭，青口比海鮮意大利飯嘅青口入味。唔洗加一

今次係第二次食，上次同朋友黎食完個卡邦尼意粉一試難忘記就想返黎食多次醬汁好濃，好重cream味仲好邪惡😈我地仲點左水牛城雞翼，因為雞翼本身都好重味，個牛油果醬點左都食唔到任何味道。但雞翼keep到入面嘅肉汁，冇過熟，肉質嫩滑炸魚都好好味，唔太乾薯條方面我就覺得上次個黑松露薯條醬更正喇😋