駟馬拖車潮汕飯店

营业中

休息中

說過不來結果來 小妹生日無處去以前大愛潮州菜 今日等位好秩序四十分鐘唔算短 人生七十等幾許花茶一壺帶甘香 座位安排有間距一盅蒸飯廿六元 一人一盅好伴侶份量十足餸也夠 鳳爪排骨來不拒大力推薦叉燒包 內餡豐富細心煮腸粉嫰滑牛肉夠 吃飽咱們三條女彩虹燒賣搞噱頭 味道麻麻沒評語大鑊沒有水晶包 影響本人好情緒安心出行無門神 員工表現欠基礎

今次同屋企人嚟依度做節，同屋企人試一試佢嘅套餐。雖然套餐裏面有啲菜式要臨時轉款，但係菜式嘅味道同份量都有保證。屋企人對呢一餐嘅味道都有讚，炒飯同魚都做得好食😋，就是個鵝片喺刀工部份可以有一定嘅進步。大致上係依間鋪裏面都坐得舒適，份量足夠，味道好吃，員工嘅服務態度唔差。相信屋企人對呢一間舖頭都有良好嘅感覺，亦都會有機會會再嚟呢一度。雖然舖頭面積唔係好大，但係佢嘅菜式都相當豐富獨有特色，難怪每一次嚟嘅時候都要等位，當然等嘅時間係合理嘅，所以大家有機會都可以嚟試一試。

想試呢間潮州新店好耐。適逢今日端午節，家姐地约埋我同二佬一家帶老媽子出關飲茶兼做節，於是就揀咗呢間。茶市點心選擇同一般酒樓差不多，味道亦一般。潮州嘢就試咗煎蠔烙，方魚肉碎粥也是乏善足陳。點咗枝竹咸菜豬肚但竟然無。甜品既水晶包，芒果卷等又無。反而中午餐牌上無既反沙芋佢話有，咁一定要試啦。但好失望，個反沙芋好似唔係正宗做法。似係將芋頭炸好後掉落沙糖堆撈勻佢就當係。如果係普通酒樓你比d咁貨式我我算自己唔好彩，但你打正旗號係潮州酒樓我就覺得不可原諒。所以無下次囉。

😡😡😡😡上星期閒日到過此店飲下午茶,已經發覺服務質素不到位、但整體食物質素中上、值得再試。當今晚決定外賣晚餐時,馬上不作他選,再到此店外賣4人套餐:3餸1湯4白飯,盛謂$390.怎知遇上九流的樓面設計,加上垃圾級的服務質素...最後係食咗一個憤怒的晚餐😡😡😡九流的樓面設計係知客櫃枱背對收銀櫃枱,如客人要外賣,先要繞過知客到收銀付款,付款后、冇人通知你在那裡取外賣、所以一般人又會走去知客枱等候; 但原來外賣煮好后是放在收銀枱前面、誰去通知客人呢？答案是:関人x事,總知唔関我事！😡😡😡垃圾級的服務係今晚我19:36付款后、走回知客枱前面等外賣,直至20:13仍未見到外賣。期間見到堂食客人約6、7成,而知客櫃枱前面站著1位經理、1位知客和2位服務員、他們只顧在互相關懷、問候雙方,完全當面前的外賣客人透明,就算我去追問情況、也只是冷淡回覆:未得,從不関心外賣情况、客人感受。直至我到收銀枱投訴時、才發覺原來外賣已經在等候我很久了😡😡😡😡這種服務、食物質素有幾高都冇用！用"垃圾"嚟形容已經算是很客氣了！😡😡😡😡

很久沒有出外食飯，因為訂到房，所以和好友聚一聚。房間間小小，有獨立冷氣.和空氣清新機，遲兩日會有埋洗手間，完全不用外求。食物方面，鹵水鵝片和掌翼淋滑，韭菜豬紅，鹵水豬腳仔和海蜇手撕雞很夠味，最好用作送酒，蠔仔粥鮮味，兩面黃焦脆，方魚芥蘭爽口，沙茶牛肉炒河可以加多少少沙茶味就完美了。點心方面，帶子腸香滑，潮卅粉果好好味，香芋蒸崧子餃好夠芋頭香味.只是鳳瓜唔夠淋不過味道足夠，香煎腐皮卷香脆。甜品.鴛鴦水晶包中蓮蓉同奶黃都係自己師傅整，非常香甜；超水準嘅棗皇糕，完美的炸煎堆仔-芝麻餡料，好有蔥香味的反沙芋，細細件，食咗冇罪惡感！🤣🤣🤣仲有我自愛白果芋泥！絕對完美的一餐開年飯。

香港仔有好幾間酒樓，假日都有好多人等位飲茶！最近有一間執咗，等咗個幾月，終於開返間新嘢！雖然話係潮洲飯館，但係早午市都有點心食。趁聖誕節假期，就湊熱鬧嚟試啡新嘢。12點幾都有好多人等位，好彩預先响網上攞咗飛，去到等咗10分鐘就有位啦！我哋3個人竟然被安排咗去一間獨立麻雀房，只放咗塊圓枱板响張電動麻雀枱上面，3個人坐得好舒服。話時話，我哋雖然坐咗入房，但無比人冷待，招呼仲好好添！我哋叫咗幾款點心，有蝦餃、燒賣、雞扎、鳳爪和义燒包，樣樣都幾好食，above average. 另外，緊係試吓潮洲嘢，叫咗滷水拼盤、蠔仔粥和海蜇手撕雞。滷水有鵝片、紅腸、腩肉、鵝腎和豆腐。鵝片有啲「鞋」，但係滷水都夠入味！蠔仔粥嘅蠔仔都算大隻，有鮮味，不過如果比多啲方魚可能再鹹啲，鮮味再出啲就再好味啲！整體上，第一印象唔錯！點心比潮洲嘢好食！新裝修，服務又幾好。雖然價錢中上，但可以再幫襯！如果下次都安排坐獨立房就好啦！