駒記海鮮大排檔

营业中

休息中

因為去咗外國住咗幾個月，所以好掛住香港嘅大排檔式烹調嘅海鮮只係番咗香港幾日就已經忍唔住，今晚特登約咗幾位識食嘅舊同事聚舊食飯即使八、九點已經特登過去，留咗「十點半四位」，去到都係要等好在一早已經留咗蟶子，否則連食都無得食～（十點過去見到已經無哂！）我個人最～～愛食九肚魚，所以每次食飯都會叫椒鹽九肚魚！駒記嘅椒鹽九肚魚真係值得一讚！除咗最基本嘅新鮮之外，個皮唔係一團粉、外脆內軟都做得好好～～ （雖然你可能會話「九肚魚點會唔軟？」但係佢真係做到，令我覺得軟滑得好完美嘅感覺～）下一碟出場嘅就係白灼東風螺！螺肉嘅生熟剛剛好，鮮甜而且肉厚，絕對值得一試！之後就係豉椒炒蟶子，等咗成晚就係為咗食佢！呢間店最好嘅就係價錢唔貴、份量又多～～（呢個係例牌＄９８）所以，蟶子都唔例外，份量一啲都唔ＨＥＡ！而且真心欣賞佢唔會好似某啲店咁成碟殼或者配菜（椒）所以即使四個好大食嘅人食，每個人食嘅量都唔會少～豉椒好香，但唔會太濃而遮蓋咗蟶子原有嘅鮮味 　讚！！再點食都要叫碟菜～尤其我哋呢啲為食鬼～～所以都叫咗碟椒絲腐乳通菜，普通＆穩陣嘢，無咩特別，唔講咁多～～朋友話叫嘅炸豬大腸呢店嘅大腸夠哂肥美，炸得亦夠脆皮～不

星期六晚同朋友到時代廣場傾野，不知不覺傾到9點幾，有點肚餓，2個人走左去附近的大排檔食野，去到門口有好多人等緊，正想搵第二間之際，老闆娘好nice咁同我地講，比10分鐘佢即係換張枱比我地…咁都得??好多人等緊喎??老闆娘話:唔怕，因為佢地等大枱，同埋佢地係熟客一星期黎幾晚，好好朋友的，冇問題!既然佢咁肯定，咁我都唔客氣啦，因為真係好肚餓，坐低冇耐有個侍應好有禮貌佢比左個餐牌我地，睇左陣點左2支啤酒及3款小菜:芝士墨魚丸、白灼東風螺及小炒皇。芝士墨魚丸:外皮炸得香脆唔油，咬落夠彈牙又有芝士慢慢流出，好食!!東風螺夠鮮甜，小炒皇有鑊氣都唔錯!埋單2佰蚊左右，都ok，走的時候老闆娘仲同我地傾幾句及好客氣地同我地道別……唔怪得你咁多熟客…

與舊同事相約到銅鑼灣吃晚飯，起初大家也各持己見不知吃什麼好，其中幾位大哥希望能多坐一會吃點小菜飲些啤酒，因此選擇了"駒記"。其實小弟遇然也會相約友人到大排檔吃飯，但多數限於九龍區，因家住九龍，過海還是第一次，7時左右到達已有6,7成客人，門口相信是老闆娘的姐姐很熱情地招待我們入坐，望一望餐牌，令我驚喜的是款式十分之多海鮮小菜不下數十款，而且價錢非常合理呀!相比起很多茶餐廳還便宜，令人意想不到，經商議後點了幾款小菜及冰凍的啤酒，大家便開始開懷暢飲了，不得不提這次幾款小菜裡的其中兩款:煎蠔餅及避風塘炒蟹…煎蠔餅...這裡的煎蠔餅有別大部份大排檔以大鍋油炸式的所謂煎蠔餅，吃得出是師傅用心慢煎而成的，小了油膩的感覺，而且蠔餅中加入少量的菜圃，令整體更為脆口及味濃卻沒有蓋過蠔的鮮味，不用沾上魚露味道已經很好，讚!!避風塘炒蟹...小弟向來較少在大排檔點海鮮，尤其是蟹，因大多數價錢偏貴，但這裡一隻大肉蟹卻只售百多元，因此便點了一隻試試，上菜時賣相已令人有垂涎三尺之感覺，相當吸引! 試了一口，味道有少許辣而十分香口，蟹肉鮮美入味而且配料足，果然真材實料，驚喜!這道菜真的驚喜!!非常好吃!!配以冰凍的

姑仔兩年前曾光顧這裏, 覺得不錯, 於是這晚請大家到這兒吃飯.吃飯前看到食評這麼差, 差點想轉地點, 但最終還是試一試, 一試覺得: 也不錯啊?由於我們已經訂位, 而且時間尚早 (7PM), 所以一去到便有位了.老闆娘跟伙計都很熱情的招待, 但其他食客均以說普通話的居多.我們不好海鮮, 只點了幾個小菜, 伙計也沒有嫌我們只叫平價菜, 也沒有遊說我們叫海鮮.我們一行6人, 點了: 風沙雞: 夠香夠脆, 又夠惹味 椒鹽鮮魷: 有水準 香橙肉排: 肉排鬆香, 但橙味不夠, 但當一般甜酸肉排來吃就很好吃 沙嗲肥牛煲: 有水準 水煮牛肉: 牛肉腍滑, 味道不錯 水煮魚片: 不太夠辣, 魚片有小骨, 吃時要小心 椒絲腐乳通菜: 不過不失 椒鹽豆腐: 這個後叫的, 等了很久, 來的時候豆腐很靱, 不脆連埋7個白飯和一枝可樂, 埋單只要 $604, 老闆娘還主動計齊頭 $600, 勁抵食而且整頓飯我見所有伙計都態度很好, 其他食客也沒有爭執, 下次可以再光顧~

可怒也！！！ 　本人是土身土長香港人！香港身為美食天堂！海鮮大排檔更是香港數一數二旅客必食之地方。1月18號晚我帶左4個日本黎ge朋友去銅鑼灣，途中佢地話想食海鮮，但由於我地時間緊迫，我就係附近一間海鮮店食啦！但見好多都好長人龍，我地亦無咩時間等位，所以唯有硬著頭皮去了這間向來也沒多興趣光顧ge鋪頭。 因為此店不用等位，以前亦曾光顧過兩至三次，未有如此惡劣的感覺。但今次不知是否見本人之朋友全是外國人，感覺非常惡劣！！事源我們一行5人，先點了7碟菜：基圍蝦(例)，扇貝(4隻)，賴尿蝦(例)，聖子(例)等。當基圍蝦到的時候真的非常愕然，那裡不足半斤，店員說例牌有一斤，我當然向店員投訴，但他竟答說："呃你就緊加啦！依度半斤啦！" 吓！算，感覺已很差。後來我有多一個香港朋友前來，我們再後加一碟炒飯，那飯在餐牌寫$48，後來我發現單上寫$58，我再同店員跟進，店員再跟其他店員說："個客炸型呀！" 心情真的惡劣至極點，其他的價錢我已沒興趣跟進。到結帳時，我已醒目，自己先計了總數，果然，真係再想多收我們錢，我真的嬲了，當然再跟他們理論，最後收回我計的價錢。他們那樣是欺騙顧客嗎！？是因那裡太多外國

Went at 7pm on a weekday, and it wasn't crowded yet.Inquired about steamed fish and was told that it'll cost around HKD 480 for a steamed sea bass. Decided to forgo the fish option as I wasn't in the extravagant mood that night.Ordered the following dishes:1. Scallop with garlic and vermicelli (HKD 68, 4 scallops) -- 4 of 5 stars. The fried garlic on the vermicelli was very tasty. Scallop was fresh too. Be warned though, some people may not like the strong taste of garlic.2. Ginger and scallion

零晨十二點行完書展，見到呢間大排檔仲未閂門，所以就試一試佢，點知就出事了！我跟男朋友二人，叫左椒鹽九肚魚，豉椒炒花甲，雜菜海鮮煲椒鹽九肚魚（$58）：啲炸䊢仲厚嚿魚豉椒炒花甲（$68）：成碟有接近一半既花甲係冇開口的雜菜海鮮煲 （$58）：無乜特別，一般水準之下真的很久沒有試過咁不濟的宵夜，服務雖然OK,但係啲嘢真係唔好食...

加班日，為了近近地解決肚子的所需而又想慳點時間，我們都會去選擇公司樓下的大排檔。是日公司緊急召集，人人OT，我們一行4個人就簡單地，係樓下的大排檔，食飽先繼續做野。祥興，明記都食過，是晚我就建議了食另外的駒記，好讓我完成寶靈頓道三寶的 "Hat Trick"，縱使駒記是三間中評價最為低的一間，但鑊氣小炒，海鮮美食，晚晚傳上來公司的香味，令我們覺得，這裡任何的一家大排檔，包括了街市內的，點都有返咁上下水準。一行4人，我們首先就每人一隻帶子。豉汁粉絲蒸扇貝最是好食的了，豉油香，一定是落了麻油，不然香味不會那麼的濃。扇貝新鮮，味道甜而且非常之爽口，蒜蓉味夠重亦是另一香口原素，香口可愛。 手揸骨說是這店的特色，用了醬汁去燒總好過避風塘式的風沙口味。是豬肉，而且是豬仔骨，肉質十分之嫩滑，肉味十分之香。畢竟是豬仔骨，肉又嫩又腍，而且最重要的是夠香口，佐酒一流，飲番杯玉冰燒就最啱。 食飯，總有一個菜，而通菜就是通常在大排檔都會叫的蔬菜食品，因為家裡的爐不夠猛，是沒有可能炒出好味道而且好口感的通菜。這個通菜，夠爽，腐乳味恰到好處而且

到銅鑼灣食晚飯是少之又少的經驗, 這天剛巧同友人們在在離島行完山,搭船返中環後, 不知怎樣的混混鱷鱷中去了銅鑼灣, 亦是友人帶路才懂來這裏, 當晚叫的也只是一般大排檔菜色, 不過味道/份量就強差人意了,是夜柯打如下:炸墨魚餅$78- 8塊, 形狀話圓唔圓話方唔方好奇怪嘅做形, 底面的顏色有深淺,食味普通, 有幾用心做可想而知,薑蔥田雞$58- 好少見薑蔥田雞會有支竹, 送的吧, 梗唔係,田雞份量少咪搭下欄囉,個汁嘅色幾深下,重以為係蒜子大鱔煲添燒雞半隻$78- 肉嘅質地炸到有點乾硬化了, 煎蠔餅$48- 呢個算是最接近標準的一個了,辣酒花螺$138- 呢個最搵苯, 花螺細隻之餘無乜螺或者講蜆介類的味,只食到辣油味, 大量乾蔥同唐芹放在內面, 唔好以為客人唔知先得架,老細,,價錢就收足,貨就交三成, 生菜煲$58-呢個算是最接近標準的一個了,但睇相都應該估到太多油呢這裡不會再來了, 一次就夠了, 大排檔做得有水準的,很多地方都有, P.S : 我們旁邊有柖自由人叫滿枱面咪又係要食剩一半走人, 其中一個都話太難吃了, 唯有放棄, 連外省來的都識得分別好食唔好食,更加唔好講本地人啦,

朋友本想食隔離明記, 點知無開. 咁就幫襯咗呢度. 返o黎睇番Open Rice先知食評麻麻, 不過我又覺得唔錯喎! 唔知係咪見到太多劣評而改善咗呢?豉椒炒蟶子 - 蟶子漲卜卜, 豉椒炒得幾有鑊氣. 唔錯.香炸墨魚餅 - 手打墨魚好爽口, 而且炸得好香口.西蘭花百合花枝片 - 花枝片好新鮮爽口, 加埋百合, 韮王, 冬菇同西蘭花一齊炒, 味道唔差, 不過油咗d.香煎蠔仔餅 - 成個碟咁大, 蠔仔唔太多, 蛋多, 味道一般.豉椒炒鵝腸 - 同炒蟶子嘅味道差唔多, 而且份量都唔少, 鵝腸爽脆, 青椒重好甜添. 蒜茸粉絲蒸扇貝 - 個扇貝好細粒, 反而蒜茸粉絲就比較多, ok啦!P.S. 現場坐位迫咗d, 而且比較嘈.

不時行過見到好鬼多人，今日食宵夜，走黎試下，人氣依舊旺盛，明記同駒記之間，黎左駒記。寫食評之時，2個ok面，5個喊面，以今次幫襯，食物唔算唔好食，至少都可以俾個ok面。炒蜆，炒得夠惹味的，不過蜆既質素就不敢苟同，靠獲氣搭夠的炒蜆。招牌雞，呢碟最似樣，皮夠哂脆，香口。椒鹽鮮魷，唔知係咪師傅唔記得落椒鹽，無咩椒鹽味，碟野跟個泰式醬，似係泰式炸鮮魷先岩，不過都係合適既佐酒小炒，飲杯。食物有大排檔獲氣，人手唔夠，服務算是不錯。

嘩，返來打食評先知原來呢間食咁劣評，都唔爭在加埋我呢個吧﹗睇完南華，去呢道食大排檔飲下啤酒，明記關了做裝修，有待應來招徠就試下呢間駒記﹗其實都係食宵夜，是旦點兩個餸便算﹗辣酒花螺，$78價錢不便宜，個汁鹹得要命，雖然0的類似辣椒油的東西成呎厚，但吃落不辣之餘亦沒有酒香，一味死鹹，到底點整出來的呢？猶記得我當然親自下廚都一定好食過佢﹗螺本來都幾彈牙亦都實淨，應是新鮮貨，可惜是個汁的粗製濫造浪費天物。不辣無酒香死鹹是這螺的特色，有興趣就試下﹗小炒王就仲衰，埋到來一見，咁似0的頭頭尾尾既？西芹、藕片為主，何來惹味？鑊氣唔夠似白灼，蝦乾有兩粒、仲有0的炸左既白飯魚"碎"，我好強調係碎因為真係無條靚仔同原整。吃大排檔我成日都覺得碟小炒王好反映出0個一度既食物水準，小炒王當然係最好的東西用唔同既方法整再炒埋一碟俾0的客送啤酒，但係呢一碟真係..........睇到已經唔多開胃，十分失望﹗唔喊唔得啦，食兩樣兩樣都咁差，算了吧﹗

二十人影完煙花一齊去食晚飯, 由於預計銅鑼灣人山人海, 所以行遠d去灣仔鵝頸橋.去左一間叫銄記既地方. 原本以為大排檔應該大大蝶, 點知仲細蝶過酒樓午市點心紙tick既小菜.我地分兩台坐, 我果台十人.鼓油王中蝦$88得8小隻海味雜茶煲所謂海味係魷魚蘇幾條, 好勁MSG椒絲腐乳通菜仲細蝶過麵檔加十幾蚊蝶果D, 而且排列不整, 好似唔知邊度攪出來既連西檸雞及京都骨都細細蝶, 大佬, D食材好平既噃!最正常係白飯.我果台十人連啤酒4支,汽水2罐$722, 冇下次仲有個waiter勁叩我地叫海鮮, 我地唔叫就黑面飯後有幾個人去左老麥補倉!

昨晚同兩個朋友一齊去咗呢間駒記, 因為聽朋友講呢間o野好食, 所以就入去試吓。大家心裡都好想食椒鹽賴尿蝦, 點知拎出來o既完全唔像樣不單止, 仲要係"梅"o既tim!!!! (我o地落單o個時又唔同我o地講聲一隻賴尿蝦HKD180......) 仲要貨不對辦。仲有o個個駒記小炒重同埋炒介蘭 超級無敵咁油, 仲有個煎蠔餅勁勁勁咸, 真係想收買人命。而最衰o既就係佢o地d侍應個個都黑口黑面又唔願做, 唔講唔該借借就推開我個朋友...... 出o黎食o野都係想開開心心啫, HKD180一隻難食賴尿蝦都唔同你計喇~仲要咁o既態度, 真係激死人喇!!!!!

媽話想食蒸魚, 又想去大排檔, 今晚和她上了街市內食.本想去榮記東成, 但人山人海, 媽又俾哥哥仔 "呢邊有位", 咁就坐底左.本想起身走, 但哥哥又幾好招呼, 算啦, 因媽已餓了.知道津記已關門, 看看 menu 係寫住 "鉤記", 但張單則係 "駒記", 咁到底係"鉤"定"駒"?點都好啦, 叫了蜆仔豆腐油墨菜湯 ($68)+ 條細麟 ($120)湯先上, 幾大碗, 蜆幾多, 但菜就略少. 湯底係魚湯, 幾甜但胡椒味太重, 蓋過了鮮魚味不少.雖菜不多但兩人都幾夠食.過一會魚便上了. 蒸得過熟了. 不知是否如哥哥仔所講係游水的, 但都係新鮮的.兩味送都係ok 既.