馬辣台式鴛鴦火鍋 (創興廣場)

营业中

休息中

之前木嘴喺唔知邊度見到介紹呢間台灣麻辣火鍋，身為麻辣中毒者，見到個麻字啲口水已經滴落地，見埋個辣字啲口水更加浸到上頸。加上$168任食兩粒鐘好似幾抵玩咁，所以呢晚就專程黎到旺角試下。呢間鋪無得預先book既，好彩朋友早到去拎飛，如果唔係真係等到木嘴我啲口水浸晒間鋪都未入得。除非閣下6點前黎到，如果唔係真係要有定心理準備要等一粒鐘。湯底有得揀兩款，木嘴當然就有揀麻辣湯底，可惜呢個程度嘅麻辣對我黎講真係不痛不癢，另一款就要左胡椒豬肚，都幾足料，好香胡椒味。張紙上面嘅牛我每款都點左，上到黎就真係分唔出邊款打邊款，但幾新鮮，任食黎講算係好高質。海鮮類有蜆食，唔錯唔錯。除左紙上面嘅野食，其餘都係出去自己拎，身經百戰嘅木嘴出到去拎野食嘅時候都嚇左一跳，因為真係好多野揀，基本上你up得出嘅都有。唔只係野食多野揀，連啲醬料、野飲、甜品、雪糕都好多選擇。野飲連玫瑰花薰衣草茶都有得自己沖，真係大開眼介。而雪糕係竟然有三大個櫃，一個櫃係雪條，兩個櫃係自已畢嘅雪糕，其中一個係dryers，另一個係啲不知名牌子。由於見到不知明牌子雪糕啲味道幾特別就畢左一球薑味一球蜂蜜牛奶試下。一食，木嘴已經後悔，雪糕一啲都唔滑

台灣人氣麻辣火鍋：馬辣，係去台北必食的餐廳，香港依間並不是同一集團！雖然係咁，但見佢係香港都好有人氣，又岩岩係旺角開咗分店，唔洗去到荃灣咁遠，於是決定一試。新開張免加一，成人每位$158，驚要等位，所以5點準時到walk-in，等緊安排入座期間，電話真係響過不停。坐低先係8款湯底入面揀2款，今次揀咗麻辣&蕃茄，個煲夠大夠深，唔驚滾瀉。然後剔埋5款牛肉、2款豬肉、羊、海鮮，再出去自選配料，有超過70種，少見的有原氣條沙鯭魚。醬料有20款選擇，飲品除咗汽水、仲有咖啡、花茶、果汁、夏枯草、竹庶水。有個甜品櫃，但睇落唔吸引，所以冇試食。雪糕都有16款，比較特別的味道有：榴槤、薑、益力多，但我最愛都係石板街。重點黎喇！水滾食得，湯底有色無味，煮完的食物好似白烚一樣！諗住靠醬料補救一下，連沙茶醬都係好淡，腐乳醬味道有D奇怪。食物質素正正常常，牛小排相比之下比較好，海蝦都新鮮，結果最好食的係丸......總結，款式算多，但味道唔合格，差唔多價錢我寧願食牛X鍋，香港馬辣冇下次！

食物新鮮，地方大位濶，坐得得舒服，有特別的食材，如䕬汁皮蛋豬肉丸，爆汁彈牙食時要小心呀，台灣魯蛋肉燥飯，可以自己淋得滿滿的肉燥汁，好滋味，有即包餃子，新鮮即包果然不同那些急凍來貨的，海鮮好新鮮，花甲、蝦、火箭魷好鮮甜，除咗罐裝凍飲外，有夏枯草、橙汁、落神花茶、竹庶馬碲水，我最愛竹庶馬碲水，唔太甜好淸，熱飲除基本咖啡奶茶外，仲可以自己冲花茶，真係好細心，雪糕雪巴都有十幾款，真係大滿足，咁嘅價錢有咁嘅質素，超值！

我同女朋友和媽媽一行三人到旺角試新鋪馬辣，由於我女朋友已經訂枱，五點去到啱啱號開始，櫃檯女侍應帶位，坐梳化卡位，裝修風格有十分火車站感覺，通風系統良好，座位十分多。丸類和火鍋配料選擇甚多，食物質素以$158黎講係十分合理，在場多個女侍應都服務十分好，有禮貌又關注我們口味。由於入座時間頗早，完全係唔使爭位夾食物，飲品種類同放題相約，熱飲也和台北馬辣差原多，唯一挑剔嘅係雪糕種類無台北咁多而且係用dreyes而唔係haagendaz同movenpick同埋無蘋果西打。湯底我地選麻辣同蔬菜精力鍋，岩哂我地食辣又得，媽媽食唔辣又得，牛肉質素OK，收碟速度快，唔怕成桌野無位放。座位有差電位又有WiFi，超級貼心，女侍應更會問d野岩唔岩食，我同佢傾幾句先知原來唔係台北分店，買左個名黎做，但全部野都有9成似！同埋新開左8日度，環境超乾淨！結論係下次會再光顧！

已經想食馬辣好耐啦⋯聽講好食而且質素高。話說今日同朋友搵食，咁岩見到哩間新開即火鍋店，當然係即去食啦⋯其實我地坐左差吾多20mins都未有湯底，我地都有啲無奈，好彩叫完人轉頭就黎到。半自助模式，除左肉之外，其他茶水醬料甜品都可以自取，節省人手同時方便客人，而且定時有人refill。吾知係咪新開張，人手有啲少，叫極都無人黎，服務質素就有代提升⋯每碟肉既份量跟人頭，所以會叫多幾碟，質素都吾錯，而且甜品都多選擇。除左服務差咗啲，其實都可以考慮再去。

去過台灣的，多數都試過馬辣，當然這間好像和台灣沒關係，但懷念一下都不錯，之前在荃灣開，因對我黎講有點遠，所以一直沒有去，這次旺角開，可以試試因為訂9點半時段，上去很快有的坐，點單紙是湯底和比較特別的肉和海鮮，都是任叫的，應該因為盡量需要先解雪和盡量新鮮而出面基本上都算多款式選擇，我個人鍾意食的牛骨髓，魷魚筒和鮮牛，都可以係出面任拎，基本上一盤俾人夾哂，幾分鐘後會有出現番，效率幾高，仲有 汽水果汁花茶都任飲，美中不足無酒，另叫都好似無另外因為新開要做宣傳，見到角落都係到影相之類，都食咁耐影咁耐，走個刻都仲未影完，專業係唔同d雪糕甜點都各有幾款食，整體不過不失啦，因為免加一，每人都係百4蚊，係mk打邊爐，仲要咁多野任食任飲，係低食既

食材五新鮮 湯底一般食完舉手叫賣單 等左五至十分鐘都無人理明明見到都扮睇五到 姐係咩意思好 最後有個男員工送牛肉去隔離枱 我先算係叫到人幫我 我同佢講話賣單 個男員工竟然話如果你地甘急自己走出去自己賣單 到底咩態度 我同朋友都聽到火滾

之前已經想試荃灣果間既馬辣，今次出開旺角見到佢新開，所以就去試下。兩個人食，呢度係冇俾兩個人既卡位，係4-5張二人枱形成的長枱，出入不太方便。湯底我地揀左麻辣及胡椒豬肚湯，湯黎到發現胡椒豬肚湯並唔係胡椒，係平時泡椒鳳爪既泡椒，我諗係可能佢怕唔夠辣所以落吧!麻辣湯底內有豆腐及鴨血，但湯底味不夠濃。食物方面，有牛肉、豚肉、羊肉同海鮮可以係紙上面叫，蝦好新鮮，但叫左4-5次，只係黎左2-3次，是日海鮮係蜆，D蜆都唔錯，食落無沙，每次黎都有好多!出面可以揀既食物種類都算多既，午餐肉好厚切，丸類都算多款，菜有2-3款可揀，但無食麻辣果陣最中意落既豬紅但有蜂巢豆腐！飲品冇啤酒架(雖然我唔飲)，凍飲有罐裝汽水多款，韓國罐裝飲品（忌廉溝鮮奶、芒果汁等）、道地冬瓜茶、烏龍茶果D都有，如果唔飲凍野都有熱茶果D可以自己沖。醬料都有好多款可以揀!甜品有多款雪條、雪米糍可以揀既，但係我自己就無留意佢有冇其他甜品

真心覺得抵食，168不用加一，抵。食過佢台灣分店，呢一間加入左香港既食品，識得localization, 哈哈，好多款式。老闆仲幫我地整熟d牛肉，佢個人好nice又講得笑。PS 仲有榴蓮雪糕，紅豆雪條。好正。PS 廁所好乾淨，哈哈，欣賞。PS 但食完都係有陣味，但無其他店甘強。抽氣可以再加強下。

九點出到旺角，念住食牛氣，點知仲要排長隆（每次遇到要排隊，我地都無耐性🤣），攞左飛等左五分鐘就唔耐煩，就閃人，經過創興，見到裝修後幾靚，就係門口望望，有人排傳單，就是旦攞幾張睇下，有牛牛，有馬辣，有至尊⋯⋯都有少少糾結（食邊間），見到馬辣有好多花牌，於是就決定去14樓（因為直覺覺得新開張，D食物應該唔錯）。一出笠，就有人帶入去開檯，環境唔錯，都幾熱鬧，我地坐左最入果張二人卡，好細張檯，所以我地就念：陣間攞少少，食完再攞吧。（一開始都念住食，所以都無影相）D野食都可以，就係有D食物有少少怪味。餐單✔️D牛啊羊啊豬啊，蝦🦐同是日海鮮（今日係蜆）都唔錯，新鮮過自助冰櫃D肉肉，特別係蝦，好新鮮，無黑色蝦腸，點佢地D豆瓣醬，好味道。五花肉好爽口，羊肉無臊味，肥牛肥瘦岩岩好⋯⋯（我地點左麻辣湯底➕皮蛋芫西湯底）由於佢係台式火鍋，所以有滷肉飯食，但我本身都唔鍾意食滷肉飯，所以無試，直奔雪花肥牛類，飲料同甜品都好多選擇，特別係雪糕，最意外就係有即整既香蕉班戟（我睇住個阿姐整），好味道👍。食完一輪，我地去攞甜品，一返來見個檯吉左（我地都沒埋單，沒食完，員工就行動執檯，太有效率啦😱😵🤦‍♀️）食左一大堆，飽飽