馬辣台式鴛鴦火鍋 (創興廣場)

营业中

休息中

最近”友人”同朋友食過馬辣，仲予以好高既評價，就決定親自去試下係咪咁正。2人被安排坐側邊卡位，幾舒適。5點幾已經有幾枱食客食緊，時間尚早，食客比較少都唔算嘈(“友人”話上次8點幾食超多人，好嘈，傾計都要講到好大聲)。馬拉沙爹鍋&台式麻辣鍋(2隻辣椒)馬拉沙爹鍋，”友人”認為馬拉味好突出，有一陣好特別既香料味道，類似豬骨湯既馬拉味，幾惹味，唔錯。而我就更傾向普通既沙爹湯底。至於我最期待既台式麻辣鍋，2隻辣椒既麻辣湯底望落好辣，但食落又唔算好辣(個人覺得大約等於三哥3小辣)，連唔食得辣既”友人”都食到。馬辣既麻辣並唔係雲南米線、三哥或雞煲既麻辣。之前買過2款台灣麻辣火鍋醬(寧記同狀元)，馬辣都唔係個隻麻辣。我可以話馬辣既麻辣鍋係有好足料既湯底，但我並唔鐘意尼個麻辣(好失望)。主要係唔鐘意入面既一陣味，但又唔知係咩湯料有尼種味，似係藥材? 嗜好麻辣既我都寧願食隔離既沙爹湯底。不過應該有其他人識欣賞。醬油配料選擇多，唯豉油好似唔夠咸。另外仲有白飯同滷肉蛋供應。馬辣有4款牛提供。“友人”覺得4款牛都好食，佢最鐘意美國牛小排，我就最鐘意牛梅花。溫馨提示：每個盤上都有顏色標示屬於邊款牛。紅色：美國p

今日約左3,5知己食飯,一班麻甩仔吹水,咁就緊係食d大件夾抵食又坐低耐既野啦,朋友建議試下食呢間馬辣火鍋,話係台灣好出名喎！我地下面就打電話黎book左位,專登book早少少,唔怕等位,所以上到去就即刻有得入座,叫得馬辣,當然要叫番個麻辣湯底啦,個湯底黎到,真係紅當當果隻紅呀,哈,好似好辣咁,我地一班朋友就即刻有d驚太辣頂唔順😂好彩另一邊有個豬骨湯中和番👍🏻至於食材方面,我覺得同屋村酒樓既質素無咩大分別,如果出多一兩款gimmick料會吸引多d人黎囉🤔唔記得影野食,打邊爐最緊要個湯底嘛😂

Book左位可以話你無book 到！仲要態度極差cut人線 ！仲可以話反人識唔識book 位仲要推卸責任！係香港真係唔會食！台灣馬辣態度好十倍！香港馬辣簡直不可理喻！唔會食香港馬辣！就算多選擇都唔會食佢！要受氣！

每次同朋友仔講去台北，大家都會話要食馬辣，彷彿馬辣=台北，宜家唔洗再飛去打邊爐，近近地放左工就可以大飽口福喇！價格親民，我地趕得切放工趕來，避過人潮。一入去就見到大大架超吸睛列車，就係靠佢載住我地既美食喇！由於時間尚早，放工既人潮未到，等我地打到一半去添野食時，場內已經坐無虛席嚕！場內裝修同坐位都令人感覺好舒服，一啲都唔迫！食物櫃既火鍋食材款款新鮮，丸類選擇十分多，我最推介相中右下角兩款餃子，因為我係睇住師傅現場包嫁，多汁好味！打邊爐除左食材重要之外，我話醬料都極重要，我最愛炸蒜，試過去到火鍋鋪無炸蒜，我戰鬥力都會大減呀。馬辣提供超多種醬料，包你搵到你想要既味道呀。除左有罐裝飲品提供之外，仲有咖啡同花茶，我比較鍾意食飽後飲杯花茶，消消滯。牛肉每款都各有特式，切得薄薄一片，口感鬆軟，有肉味。除左自行出去列車取食材之外，仲有肉同海鮮都以紙點單，但上菜極快，唔洗擔心！最欣賞馬辣既細心，盛載肉類既器具邊上有相應顏色做記號，我試過無數次出外打邊爐連店員都分唔到肉既種類，搞到食極都食唔到想食既肉。湯底配合各式配料濃度剛好，不會太油膩或太咸。甜品除左各式雪糕雪條外，仲有焦糖燉蛋，唔洗再去食糖水。

星晚六點半去到，不用等位，用餐120分鐘，每人168元。我們點了麻辣及酸菜白肉鍋，麻辣鍋得藥材味，唔麻又唔香，酸菜白肉鍋唔酸，得味精味，唔掂！丸多款但唔新鮮，最好食竟是菜心及西洋菜。花膠味道似豬皮。野飲算多選擇，有可樂，烏龍茶，菊花綠茶，韓國飲品。 幸好有dryers 雪糕，有朱古力，曲奇，芸呢拿， 士多啤梨，芒果味，另外有榴蓮、鋒蜜牛奶，薑和青檸味。雖然好平，但真心唔好食。唔明點解臨走時見到咁多人等？

今次朋友介紹馬辣台式鴛鴦火鍋位於旺角始創中心14樓全層地方好大，座位夠晒寬敞仲有大電視睇添環境仲好舒服👍🏻嘢食方面係自助形式選擇很多可以講真係任君選擇.....基本上可以講你平時打邊爐想食嘅嘢呢度都有👏🏻👏🏻👏🏻牛肉方便落單選擇非常細心醬料方面呢度有20款醬料真係很多，可以講多不勝數慢慢俾你配搭🙊嘢飲方面有四個大雪櫃，唔同款式飲品都有可能會令你花多眼亂😂😂😂但最驚喜竟然有我細個最喜歡飲碧泉蜜桃茶❤️其他仲有幾款雪糕俾你選擇😋😋

一早知道荃灣開左呢間，不過一早已經問過台灣馬辣得知香港冇開分店就知咩事，7月尾台北旅行返黎，返黎當日食左台北馬辣火鍋，已經心思思勁想再食，知道呢間係冒牌都忍唔住返黎香港4日就去試下，心諗你個名，logo都抄得咁足，個湯底冇十足都有六七成呱，就咁就去左旺角呢間試啦，因為驚多人所以食早啲時段，未夠五點半就入座，被安排坐單邊卡位，order左少辣同胡椒豬肚湯同每款牛兩碟就出去拎配料，醬油幾多選擇，食物配料都係大路丸腸比較多，扇貝未解凍好全是冰痴實左夾唔到，冇台灣咁多海鮮，台灣有蟹，蝦，蚵仔，蜆，青口任拎，可能驚香港人會拎走哂所以唔會放任拎，第一round個是日海鮮冇黎到，第二round先黎原來係沙白，好似每日都係沙白咁嘅？等食途中老公已經去畢回本雪糕，oh no，點解畢返黎啲雪糕已經係一pat pat溶哂嘅，老公話全部都係咁，畢左都要食架，食完我出去睇下試畢，嘩，全部都係乳酪咁軟林林架，好明顯有問題啦即刻搵個職員叫佢睇下，佢睇完話應該係師傅唔記得開制定咩，叫我等陣再出黎畢過，我問大約等幾耐佢先話叫人換，等左大半個鐘終於換到啦，換左果已經有啲硬身左少少啦，希望頭先溶左果啲唔會有菌肚痛啦講返另一

見佢21:30後任飲任食$152一位好抵食所以試下，本身期望唔大，因為始終平價火鍋，點知又有驚喜波！上到去見個場好大但都好爆場，一坐底當然立刻落湯底。點了台式麻辣和胡椒豬肚鍋，另外有肉類同海鮮類可以點，牛肉都是來自美國，有成4種咁多，我當然全部點來試一試！2個湯底我比較喜歡胡椒豬肚，無咁刺激，清清地好香既胡椒味，又唔會太辣。牛肉碟旁有顏色比你知道自己點了邊種牛，我最喜愛牛小排同黑牛，肥瘦剛好，喜歡吃肥既建議點牛五花。醬料吧幾有氣勢，諗到既醬汁都會搵到！連飲品都好多選擇，熱既，凍既，果汁，汽水，清熱既都應有盡有！食物種類繁多，打邊爐既用料擺放整齊，感覺好清潔，仲用左架黃色火車裝飾好搶眼另外仲有大量甜品包括Dreyer’s 雪糕，連榴連雪條都搵到，去到雪櫃先發現有稻庭烏冬，好煙韌友人大讚呢！

聽人講得多好抵食所以早早就走去book位啦， book咗位門口都有好多人喺度等緊位,真係好爆場!!鍾意食辣一定要揀麻辣湯底，係台式鍋嘅一部份又有鴨血。$158呢個價錢，其實我冇特別期望好高,點知上到去之後真係超驚喜, 係個心不停諗點解可以咁抵咖??!!揀料得一張order紙係可以揀牛肉同埋海鮮類，藍色嘅無骨小牛排係最好食嘅, 紋理又靚, 厚薄適中, 牛味不重但勝在鬆化, 不會是爛肥牛!其他全部都係喺出面自己自取, 自己夾嘅時候覺得佢比起一般火鍋餐廳還要多款式，應該有嘅都有, 少見如 沙掹魚, 火箭魷,扇貝,冰豆腐,油炸鬼,冰嘅稻香庭烏冬都有。原來沙掹魚打邊爐係咁好食咖😍 又滑, 又甜, 一定要試呀。火箭魷 係非常鮮甜, 同沙掹魚一樣係想連續要食幾件。好多類型嘅丸都係比較少見, 又有醉雞 , 滑牛。一定唔會悶親你。再睇睇飲品有啤酒汽水等，仲有七八款自製飲品果汁，糟朽玫瑰花茶菊花茶可以自己炮製非常驚險。其實最後仲有即整pancake , 多款雪糕, 甜品 同生果,不過又飽又滿足嘅情況下,真係食唔到咁多。

今日喺旺角突然之間好想打邊爐，醒起今日同事介紹過嘅呢一間馬辣台式鴛鴦火鍋，佢話個性價比好高，就上嚟試下先。由於我哋好早上到嚟，所以唔使等就好快有位，但係只不過係入咗之後攞完嘢食嘅一瞬間，已經開始見到門口嘅人龍，臨走嘅時候等位嘅朋友更加充斥著整個大堂，利害。一坐低鬼死咁肚餓，即刻睇下有乜嘢熟食食下，見到喺打邊爐自助區比較少有嘅滷蛋，喺打撈之下仲發現有唔少滷肉碎，旁邊仲好貼心地有一煲白飯添，即刻整咗個台式滷蛋滷肉飯試下，滷肉非常入味，不過唔可以食太多，要留番個肚繼續戰鬥。自助醬料區一共有成二十款，除咗間間都有嘅薑蔥蒜醬之外，呢度比較特別嘅係有埋薑蓉，蘿蔔蓉同埋洋蔥粒，而最最最啜核嘅，係竟然有埋花椒油，將少少花椒油落埋落個豉油度，川味嘅感覺即刻倍升，圖為我嘅最滋味配搭，生熟蒜洋蔥乾蔥豉油再加花椒油，so yummy。呢輪成日都無血到，食番啲豬潤同埋滑牛肉嚟補補佢先，豬潤同埋滑牛肉都異常咁鮮紅，每一啖都係食得出嘅鮮味。要另外order嘅鮮蝦同埋片都係任食，不過收到order先即叫即切，好過擺喺自助區度咁耐，點都新鮮啲，鮮蝦爽口彈牙，肉身非常鮮甜；白鱔片完全無骨， 我覺得係今晚最好食嘅一樣嘢。脆

無論天氣幾凍幾熱都好, 我都好鐘意打邊爐, 因為就朋友放工時間, 又唔想諗食咩, 所以都係食打邊爐~雖然係平日既9點半, 但仍然都有好多人等位~呢間餐廳環境都好大, 唔會坐到好迫同埋好嘈~任食火鍋黎講, 呢度都幾多醬料選擇~除左肉類同海鮮, 其他食物就係出面揀~種類都有好多, 店員仲會keep住refill, 唔怕冇得食!因為朋友唔食辣, 所以就叫左個鴛鴦鍋..一黎就梗係叫左肉先啦, 堆到勁高呀~海鮮就揀左蝦, 蜆同魚~仲揀左好多配料食tim檯面仲有壺湯可以自己加湯, 用完出面都有得拎tim~另外飲品同雪糕都一應俱全, 真係食到飽飲到飽以任食火鍋黎講, 呢間環境同食物種類都算幾好下次一定會再黎食呀

同同事OT膊殺完, 梗係要食反餐補數啦一大班人, 重要過左十點, 選擇已經無乜好多但火鍋必定係首選一行人沖左去創興 - 馬辣去台北必定去食, 係香港就未食過上到去, 衣個時間重要坐無虛席食物超多款式揀, 你想食乜都有超誇張. 包你食到盤住個肚反屋企調味料都有2行, 每行10款揀除左觀裝飲品, 都有好多自家制飲品檸檬茶, 夏枯草, 竹庶馬蹄水, 橙汁, 洛神花茶, 乳酸汁應有盡有雪糕甜品都係乜款都有得食,每款都可以試小小 而牛肉同豬肉同海鮮就係自選紙上點保持肉質新鮮做法

今日Happy Friday 同男朋友去食飯，我們決定去食好耐無食的馬辣火鍋！我們每次都必叫佢的麻辣火鍋湯底同沙嗲湯底！而且收費又平，最重要佢的牛肉的質素好高，有好多選擇，所以我們好中意！另外火鍋配料亦有好多選擇，基本的全部都有，仲有現場即包的水餃🥟，好好味！餐後甜點的種類繁多，我們每次都必食雪糕先捨得走！溫馨提示，因為每次等位都好耐，所以如果去，記住download 個THE GULU去拎定飛，甘就慳返好多時間！

今日同男朋友係㕵角行街👫✨餓餓地就去左創興廣埸14樓打邊爐🥢🥢一入到去 👍🏻👍🏻坐位好舒適......食物好多款式..有丸款,肥牛,雞 豬 墨魚仔,蝦🦐,菜,菇,甜品 而飲品有花茶tim👍🏻🤤價錢亦好抵,,材料新鮮👍🏻👍🏻👍🏻👍🏻👍🏻肥牛重牛味🐮🐮🐮🐮蝦🦐大大隻 爽口鮮甜牛丸好好食🤤墨魚仔大大隻，咬落去有墨汁 新鮮甘香仲有榴槤雪糕tim✨✨✨✨✨✨✨✨👍🏻👍🏻👍🏻👍🏻👍🏻👍🏻👍🏻

打電話訂枱，去到就話無record, 俾埋phone record 佢哋睇，都可以唔認數，沒有誠信可言!!! 最基本既訂枱都可以甩，訂枱要小心!!! 起外地點好都無用，嚟到香港就攪到咁.