影片
更多
2018-08-07
319 浏览
一早知道荃灣開左呢間，不過一早已經問過台灣馬辣得知香港冇開分店就知咩事，7月尾台北旅行返黎，返黎當日食左台北馬辣火鍋，已經心思思勁想再食，知道呢間係冒牌都忍唔住返黎香港4日就去試下，心諗你個名，logo都抄得咁足，個湯底冇十足都有六七成呱，就咁就去左旺角呢間試啦，因為驚多人所以食早啲時段，未夠五點半就入座，被安排坐單邊卡位，order左少辣同胡椒豬肚湯同每款牛兩碟就出去拎配料，醬油幾多選擇，食物配料都係大路丸腸比較多，扇貝未解凍好全是冰痴實左夾唔到，冇台灣咁多海鮮，台灣有蟹，蝦，蚵仔，蜆，青口任拎，可能驚香港人會拎走哂所以唔會放任拎，第一round個是日海鮮冇黎到，第二round先黎原來係沙白，好似每日都係沙白咁嘅？等食途中老公已經去畢回本雪糕，oh no，點解畢返黎啲雪糕已經係一pat pat溶哂嘅，老公話全部都係咁，畢左都要食架，食完我出去睇下試畢，嘩，全部都係乳酪咁軟林林架，好明顯有問題啦即刻搵個職員叫佢睇下，佢睇完話應該係師傅唔記得開制定咩，叫我等陣再出黎畢過，我問大約等幾耐佢先話叫人換，等左大半個鐘終於換到啦，換左果已經有啲硬身左少少啦，希望頭先溶左果啲唔會有菌肚痛啦講返另一
講返另一期待嘅牛肉，可以按碟邊顏色去分辨咩肉，不過我返位時老公已經放左幾碟落去，已經分唔到咩打咩啦，只可以講有兩款好厚身好鞋好un，呢個真係冇得同台灣比呀，台灣我地係不停order牛架，因為唔un，香港un到食多左出面啲配料，真係諗都冇諗過會咁，出面嘅飲品我試飲左檸檬茶，唔係檸茶味，橙汁以為係果汁先生，點知係橙汁汽水，乳酪乜乜好淡，夏枯草得個甜，至於個麻辣，sorry，真係一啲都唔似，呢個完全冇抄到，好失望，打邊爐最重要個湯底一啲都唔吸引，如果當係一間普通嘅火鍋店我覺得可以接受，但如果係抄人地但又抄唔到就太失敗喇，我就冇下次喇，始終正版贏十條街~
題外話，當晚我地都有肚痛，不過我就冇屙，老公就有喇，唔知關唔關事啦
张贴
