馬祖台灣養生湯麵館 (V Point)

营业中

休息中

🌟馬祖台灣養生湯麵館🌟喺銅鑼灣都開咗分店啦！❤️藥膳養生湯底嘅主食 既好味，又養生，而且仲好抵食！正！😍我哋一人一個套餐，已經包括：小食、主菜及飲品，都係每人$100左右咋！🤩 而且份量好多！💕黑蒜藥膳農場雞米線 $98一上菜已經傳來陣陣嘅黑蒜油香味😍好吸引！先飲一啖湯，湯底清甜滋潤，🥰但又無藥材苦澀味，加埋濃郁黑蒜油味，好驚喜！💕農場雞雞肉好滑🐓，加上爽彈嘅米線，整體真係好美味！❤️推介👍🏻💕香辣養生湯墨魚春卷拼白菜豬肉餃米線 $96呢個極辛辣椒油🌶🌶🌶，無改錯名😂，真係辣得好過癮！加上清甜嘅養生湯中和一下，唔錯！😋💕鹽酥濃汁手作牛丸 💕鹽酥台中福茂貢丸兩款都彈牙、濃郁又多汁，好滋味！😄💕柑桔檸檬特飲 🍊🍋清新解渴！💕愛文芒果茉莉花茶 🥭果味和茶味平衡！

約咗朋友喺銅鑼灣買嘢，買完之後大家都有啲口乾肚餓，想搵個地方食個下午茶，咁朋友就帶咗我嚟呢間新開嘅餐廳，入到去覺得乾淨企理，感覺良好。本來諗住食下午茶，但係見到佢嘅「全日一人商務套餐」有小食、主菜同飲品，好吸引，朋友同我都決定揀呢個，有好多選擇。我叫咗「藥膳養生湯濃汁手作牛丸拼福茂貢丸米線」，小食係「滷水雞翼」。朋友就叫咗「藥膳桃膠農場雞米線」，小食係「椒鹽台中福茂貢丸」。兩個米線嘅湯底都好有藥材味，見到嘅材料就已經有紅棗、龍眼乾、杞子等。牛丸同貢丸都爽滑同有肉味，唔係坊間落好多麵粉嘅肉丸，感覺係真材實料。朋友話雞肉好軟滑，有雞味，好食。小食我哋就一齊share。「椒鹽貢丸」非常香口，貢丸加上椒鹽幾特別；「滷水雞翼」好香豉油味，我仲放咗喺米線上邊影相添😆朋友話杯熱奶茶好香好滑，我杯「柑桔檸檬特飲」就夠晒冰凍。我同朋友都大滿足😁仲有，店員哥哥好有禮貌兼做事勤快，要讚一下。

平時經過銅鑼灣想食得健康啲，見到呢一間新開嘅藥膳餐廳，無論係飯定麵都可以配藥膳湯底，所以就同朋友揀咗嚟食！晏晝三點都勁多人嚟食，好彩我哋唔使排隊我就嗌咗呢個藥膳醉雞配飯，啲雞全部都好多肉，而且仲要係滑身個隻，連個湯都可以飲埋，以我朋友就嗌咗呢一個蘿蔔牛肉手工麵，啲蘿蔔大到成隻手掌咁大，而且啲手工麵食個口都好彈牙，而且索晒啲湯嘅味道，勁入味！個湯入邊都有啲唔同嘅藥材，而且啲牛肉都煮得好軟身！而佢哋免費配嘅飲品，係好大杯而且唔會係好多冰嗰種，銅鑼灣大概$60有咁樣嘅份量，真係好抵食！

之前食呢間舖頭都係去荃灣嗰間而且係打邊爐嘅今次係第一次試佢哋嘅養生湯米線😆😆而呢間舖頭就係馬祖台灣養生湯麵館———————————我哋就嗌咗11號嘅、18號嘅香辣養生湯台灣直送澎湖特A級花枝丸米線（轉左米粉）、三隻滷水雞翼（$29）同埋台中鹽酥福茂貢丸五粒（$30）同埋因為我哋去嘅時候係下午茶時段所以會附送$8嘅嘢飲，如果想轉其他嘢飲就補返差價就得㗎啦⭐️⭐️我哋就揀咗要柑桔檸檬特飲同埋愛文芒果茉莉花茶首先就講咗我食嘅嗰個黑蒜養生農場雞米線 先啦其實侍應一擺低已經好濃黑蒜嘅味道🤔🤔之後食落去其實味道都幾特別因為配合埋都幾多吓嘅杞子同埋我覺得佢呢度嘅農場雞都真係好滑嫩👍👍係完全冇煮到好鞋颯颯嗰啲口感咬落去都仲有少少彈牙嘅感覺之後我個朋友嗰個，其實佢嗌咗小辣但係其實都真係已經幾辣下😱😱但係佢係嗰隻辣得嚟你又好想繼續食嘅感覺😅😅同埋我覺得佢嗰個配米粉係真係比較好食啲（重點係我哋兩個勁搞笑，我覺得佢嗰個好食啲，但係佢覺得我嗰個好食啲🤣🤣）跟住其實花枝丸都真係算有幾多另外嗰兩個小食其實我自己就會比較鍾意食嗰個貢丸多啲🥰🥰因為佢真係好彈牙同埋配埋辣粉好正而滷水雞翼就係正常水準

馬祖開到黎銅鑼灣v point真係厲害。之前係中環食過念念不忘，今日係銅鑼灣放lunch決定買個外賣番去食。今日揀左黑蒜農場雞（$68），要新竹米粉，另外加左上湯浸時蔬（$22）。下午茶時間跟$8飲品，我揀左熱蜂蜜茉莉花茶。等左10分鐘左右就齊曬可以開飯。本身分湯上，味道絕對有質素。米粉唔會浸軟。打開蓋已經好香藥膳味。個湯底係落左紅棗，所以比較甜，唔會有藥材嘅苦甘味。米粉份量好足，爽口，雞亦主要都係雞髀位，好多件。生菜就比較貴$22，不過都幾大份，湯底同麵一樣，都係甜甜地嘅藥材味。蜂蜜茉莉花茶，甜度亦有恰度好處，茉莉花散發清香。

2020年8月17日 星期一又到左星期一嘅時間，完全冇心情煮嘢食，因為天氣實在係太熱，根本唔想落街買完餸再返屋企煮飯，於是就同老婆係銅鑼灣行街之後直接搵外賣返屋企食見到呢間餐廳好似係新開張，而且係食台灣菜式，老婆已經心心眼，當然即刻入去睇吓有咩食啦餐廳提供左晚市一人套餐，有齊小食、主菜同飲品，款式仲要有好多添於是我同老婆每人叫咗一個套餐，加埋都係$200左右返到屋企打開個湯仲係熱辣辣，不停有煙出，加上湯同麵分開放，唔怕d麵吸晒啲湯放晒落湯撈勻先發現原來都幾多配料，有木耳、紅棗、冬菇等等，幾重藥膳味之餘，湯底都好濃郁，而且米線都有好多老婆就要左古早牛肉湯手工麵，每一啖湯底都好重紅燒牛肉味，而且牛肉好腍，入口即融。另外蘿蔔都好入味，強烈推薦至於小食我哋揀咗鹽酥墨魚春卷同鹽酥牛丸，兩款小食都好惹味，特別係牛丸，咬落去彈牙得黎，仲夠晒辣，好啱我飲品係檸檬柑桔，酸酸甜甜幾開胃。成餐飯食得好飽

又要買外賣返屋企食啦，今次去咗銅鑼灣買藥膳米線。叫咗兩個晚市商務一人套餐，套餐有一款小食一個米線同埋飲品小食同正餐嘅選擇都好多 。首先叫咗鹽酥墨魚春卷，主菜係藥膳養生湯農場雞米線，另外仲有上湯白菜豬肉餃配藥古早牛肉湯手工麵。外賣全部都有分湯唔使驚個面淋哂 ，仲有外賣全日九折優惠。呢度嘅小食一啲都唔馬虎，鹽酥墨魚春卷，外賣拎到返屋企凍咗都係咁好食，墨魚春卷嘅鹹香味，真係好吸引。另外個上湯水餃個湯底都有藥膳嘅成份，味道濃郁。相對上我覺得水餃嘅藥膳湯底比起米線嘅藥膳湯底更加濃味，更滋補。農場雞米線，雞肉好嫩滑，農場雞嘅雞味特別濃郁，由鮮黃色嘅雞皮就睇到佢有幾新鮮藥膳湯嘅味道但係濃厚嘅紅棗味 。古早牛肉手工麵，牛肉好大舊好足料，牛肉帶有少量嘅脂肪，咬落特別鬆軟，手工麵彈牙又順口。

受疫情環境影響下，而家多左人著重左健康衛生，我都決定食得健康D先至得，見呢到主打養生湯麵，一於幫襯下先。今次就叫左藥膳古早牛肉湯手工麵($75)、上湯浸時蔬($22)、另外下午茶時段會奉送$8飲品，咁我就飲凍愛文芒果茉莉花茶(補差額$2)純手工製作極辛辣椒油：枱面有樽調味料，中意食辣嘅人士可以加D落去自行調味到齊野食，先黎張合照藥膳古早牛肉湯手工麵：比起平時台灣牛肉麵黎講更加出色，個湯底係用上牛骨同唔同藥材黎煮，絕對真材實料，湯嘅味道係紅燒牛肉嘅香濃味之餘亦都充滿住養生藥膳味，飲落帶點甘香食到中段再加D手工製嘅辣椒油，香濃湯底帶點辣辣地更加惹味，咁就可以一碗牛肉麵食出2種風味牛肉數量多，大大件，煮得夠腍好入味，而蘿蔔煮得夠淋身，清甜無渣。至於今次我就揀左手工麵，麵條粗身掛湯一流，食落好滋味上湯浸時蔬：由於用左藥膳湯黎浸住嘅關係，所以生菜味道更加清甜你會見到成碗湯D藥材材料非常足料，食完菜之後仲可以飲埋碗湯，夠清甜又健康凍愛文芒果茉莉花茶：呢到芒果味唔會太過濃，唔似其他地方D芒果特飲係用D糖漿咁溝出黎，配埋住茉莉花嘅清香都幾夾呢到免加一，埋單$99，無論係食材或者湯底都份量十足，用心製作

銅鑼灣新開既藥膳湯底舖頭👅係附近返工嘅我又點可以錯過呢~~6點冇得堂食 打包翻公司先😙😙藥膳養生湯 農場雞飯🍚在雞湯中加入中藥材真的很補又有營養👅👅而且雞件份量很多又超級滑嫩🥳🥳 吸了滿滿的藥材味🤩🤩真是值得一試的喔我配了飯所以可以整湯飯👅yummy~Set餐仲可以加個小食 緊係揀菜啦😘夠哂健康！！如果冬天食既話就更加爽了🥰🥰藥膳古早牛肉湯手工面🍜牛肉面除咗湯底最重要梗係牛肉啦🥩牛肉肉質扎實經過燉煮後而不柴👍🏻口感紮實的手工麵條也值得一讚！！超正的仲有小食鹽酥手作牛丸😚係台灣嘅味道啊❤️跟餐附送兩杯飲品🧃🧃冬瓜茶最正！! !

馬祖台灣養生湯麵館 網址: 地址: 銅鑼灣登龍街18號V Point地下2號舖食物本身加上中藥，可以在平日飲食中攝取營養，養生又健康。出開銅鑼灣見到呢間新開的台式藥材雞，有麵有飯。過了6點一於買回家晚市一個套餐約100元左右，包一份小食，主菜同飲品第一個小食要了雞翼，煮得入味，皮肉好重魯水汁味。魚肉春卷餡幾彈牙比較愛飯，所以有藥雞要了飯。個湯藥味其實唔重，淡淡的藥味，湯水仲幾甜好好飲添。而雞就有5件左右，切到幾大塊，都食到肉架。另一個麻油湯雞，香麻油味，飲完好暖====================

Taiwanese Lifestyle Noodles🐥🍜 I Love it💛💫..要食米線🍜 又想吃得健康點、養生點❓第一時間 我會諗起佢❤️。。因為真係真材實料，味道足又大大碗，食完真係好滿足。.呢度主打藥膳雞湯米線🐥🍜，但亦有其他湯底選擇：黑蒜雞、麻油雞、蟲草雞、桃膠雞、農場醉雞、麻辣雞...雞 全部都係雞🐥，滿足愛吃雞的你。.若然唔好雞，呢度都藥膳古祖牛肉湯底🐮，其他藥膳/香辣養生湯底，配其他配料呢，一樣味道棒棒的喔。想食白飯🍚❓一樣有其他飯食架。.ll $67Cordyceps Flower Medical Farm Chicken Vermicelli Soup with Rice Noodle勁滋補既一款藥膳雞湯🐥，湯頭勁濃郁 好足料 很鮮甜。趁未吃米線🍜，先喝喝湯頭吧，一定沒讓你失望。雞件份量亦足，雞肉質滑滑。.ll $75Medical Beef Handmade Vermicelli Soup with Rice Noodle牛肉🐮大大件，帶筋炆得鬆軟入味，滿有濃濃藥膳味道。但相比雞湯 喝下會偏向古祖味道多一點，各有不同，一樣好味道🖤。而且牛肉份量真的很足料，亦大大

疫情關係都真係少左出街食飯但真係有啲掛住個湯底又知道佢喺銅鑼灣開左新分店所以都冒險走左去食😋——————————————————佢地個政策似乎係間間都有啲唔同咁你想食某樣野就要去番某分店但最大路嘅雞同牛就每間都有👨🏽‍🦱叫左黑蒜特A級花枝丸未食已經聞到好大陣黑蒜味一飲就知用左好多黑蒜同藥膳尼煲湯湯底唔油又清甜係中環分店嘅味呀😍一碗有六粒花枝丸Size剛好可以整粒放入口從未食過粒丸入面可以有起碼五六粒花枝仲要粒粒都花枝都好大粒有咬口下次去都要再叫中島我今次叫左個養顏桃膠雞竟然係雞髀位😍仲有大量桃膠食完好似即刻靚左😌😌普通藥膳湯底雖然少左陣黑蒜味但一樣咁清甜架配埋新竹米粉去吸收湯汁每一啖都可以連粉帶湯入口👍🏻小食都唔差牛丸好有牛味又彈牙炸得通透得尼又唔熱氣一咬落去即刻爆汁不過一定要趁熱食墨魚春卷炸到外脆內嫩火候啱啱好如果可以配一個酸酸甜甜嘅醬就更好跟餐飲品叫左黑糖冬瓜茶清甜解渴又唔過甜既冬瓜呢個真係我杯茶愛文芒果茉莉茶好特別嘅味道芒果味好出㗳落先慢慢飲到個茉莉花味幾清爽😂😂中意食辣可以試下佢個手工製辣椒油我費時破壞佢個湯底所以就無試到😛——————————————————◈ 藥膳養生湯澎

年頭係天后食過一次後馬祖台灣養生湯麵館，便對他的養生湯底念念不忘最近銅鑼灣分店推出晚市一人商務套餐 ，可選小食、主菜和飲品。非常抵食👍🏻小食我們選了鹽酥墨魚春卷和麻辣白菜豬肉餃，好味到食唔停口，好有台灣風味。主菜：黑蒜藥膳農場雞米線依個係必選推介，黑蒜唔單止好味營養價值非常高，加上紅棗味道十足，香甜而不會過濃，配合嫩滑的雞肉和米線，淡淡滋味，可以喝盡整碗湯滋補一下。藥膳農場醉雞米線農場雞雞味濃郁，肉質嫩滑，個湯底好香花雕酒味，真是一流的配合。飲品方面選了冬瓜茶和非常有驚喜的愛文芒果茉莉花茶 。兩杯都甜度適中，清新解渴，好啱夏天飲。

Lunch @ 馬祖養生湯麵館 (CWB分店) ~Menu ~天氣炎熱 , 坐下來即刻要點兩杯 黑糖冬瓜茶 來飲 ~藥膳古早牛肉湯米粉 : 份量大 , 湯底味道濃郁鮮甜 , 且有陣陣清幽之香味 ; 牛肉切得大件，且烹調得軟腍入味亦帶點兒嚼勁 , 味道豐腴且滿有肉香 ; 米粉爽口彈牙 , 讚 ~藥膳農場醉雞米線 : 份量大 , 藥膳湯底味道濃郁 , 充滿藥材的香味 ; 醉雞是連皮且有骨的 , 斬得公公整整 , 雞件鮮嫩又入味 ; 配上滑滑的米線 , 好吃 .... 藥膳湯+醉雞 , 還真的有夠補身 ~鹽酥 台灣-澎湖 特A級花枝丸 : 一客有5粒 , 花枝丸爽口彈牙 , 吃得出有花枝肉在內 , 味道鹹香惹味 ~本篇完 ~

因為疫情嘅關係冇得去旅行，想食台灣野嘅癮又起😋朋友推薦銅鑼灣有間台灣餐廳☺️佢仲要係我最鍾意嘅藥膳，養生呀嘛😍Menu好多選擇，套餐包左一個小食，一個主菜仲有一杯飲品，一於外賣返屋企唔使煮🤟🏻▫️小食有藥膳上湯濃汁手作牛丸，湯味勁香濃😊而且係台灣嘅味道呀，而牛丸方面，牛丸好彈牙，牛味即刻爆發晒出嚟，好掛住台灣呀🥺▫️鹽酥濃汁手作牛丸，台灣鹽酥煮法，有別一番風味，脆脆地既外層，加埋七味粉，係比較香口，牛味更加濃郁😚▫️藥膳養生湯農場雞飯，藥膳養生湯好滋補，落咗芫荽同埋杞子😘農場雞肉質肥美，雞皮嘅脂肪亦都唔算好多，真係皮薄肉口，而且都算嫩滑雞味都好香，喜歡食雞嘅朋友切勿錯過。▫️麻辣藥膳牛肉湯飯，藥膳湯係最濃味嘅，最有台灣藥膳排骨既味道，湯唔算好辣，反而更加惹味添，牛肉炆到好淋，咬落去牛味飄出黎，食到人停唔到口。鍾意濃味嘅朋友可以選擇呢一個藥膳湯飯😋😋▫️最後嗌左杯無糖茉莉花茶好清香，食完濃味嘅藥膳湯，飲番啖清淡嘅茉莉花茶即刻有洗滌味蕾嘅感覺🥳