馬泰 (已結業)

青咖哩什菜軟殼蟹配油鬆餅午餐, 包甜品及餐茶$64, 價錢中等.賣相好吸引, 淺青色的咖哩汁, 鋪上軟殼蟹及西蘭花, 好靚.味道方面, 青咖哩汁果然比黃咖哩汁SPICY, 但都可接受到, 而且咖哩汁好滑, 好味道, 西蘭花大大件, 好新鮮, 但軟殼蟹十分細件, 炸皮好厚, 蟹不夠脆, 咬落有好多油, OH....配上的油鬆餅是值得推介的, 新鮮製造, 暖暖的, 點青咖哩汁, 好味, 一塊真的不夠喉, 想食多塊.甜品和餐茶真是好一般.

朋友生日,一行八個人,可以叫好多野食呀,真係開心~~~叫左個4人套餐,再加野食...頭盤,有牛油雞翼,米紙卷,雞絲海折,個雞翼都幾好味,唔會好dry丫,雞絲海折都幾特別,都好味冬陰公湯,唔夠濃味,唔算太辣,唔夠熱,因為佢唔係用熱爐烘住比我地...燒豬頸肉,都算大碟,唔係炸出黎,真係燒咁o既,唔dry,ok...蠔仔蛋,lei個就比較濕左d喇,蠔都幾大隻,冇乜腥味,ok...墨魚餅,都幾好唔錯,好彈牙咁丫,又唔會炸到過火..good...牛柳粒,lei個就麻麻,老左d喇..咖哩牛腩,都幾大碟,咖哩唔係好辣,咸左少少,牛腩都林o既,ok..青咖哩雞,全餐最唔得o既一樣,好稀,冇咖哩味,d雞係雞條咁又鞋...bad薄餅,叫左原味同蒜蓉,ok架,點咖哩唔錯...炸雞,lei個都幾好,唔會炸過火,唔太dry,味都ok...good...炒貴妃苗,都幾好,我地仲encore多碟,但反而第二碟就炒過火左少少...炒金邊粉,好味...足料...又大碟...good菠蘿炒飯,個賣相就麻麻喇,佢切個菠蘿切得唔好呀...個炒飯都唔太油,ok...冇叫甜品,因為我地帶左蛋糕,要讚佢唔收切餅費呀!! good!

同妹妹兩個人七點去到馬泰, 當時店內人好少我地點左...冬陰公: 有兩隻蝦, 味道較酸青咖哩雞: 之前食過, 今次想妹妹試食薄餅: 等左好耐先到, 因為佢地miss左張單, 七點咁人少都miss左張單...軟殼蟹卷: 皮好厚, 蟹唔脆...消費满100蚊, 就會有一個印, 可當$10使用..今日食飯總數係$270幾, 我埋單減左$200...

見Open Rice啲食評都唔差, 網上面寫話啲廚師曾擔任過咩5星級酒店嘅總廚, 就應該ok啦咁諗. 所以今晚我屋企人去試, 叫咗個4人$428套餐.啲嘢食係okay都好食, 夠飽, 不過上菜就上得好求其. 湯同頭盤未上, 先上其中一個主菜, 跟住差不多全部主菜都上齊, 啲頭盤都未到... , 我地同waiter講頭盤未黎, 但係都冇用. 我地就無奈咁食住檯上面啲嘢先, 但係張檯滿嗮主菜之後啲頭盤先黎. 完全唔注重先後次序.重有, 斟茶啊嬸問我地要唔要添茶, 我地話唔使, 佢就冇理到繼續倒! 話"佢地見到啲茶杯唔滿會鬧我嫁, 唔想飲就唔好飲, 留響到啦"

呢次已經係我第二次去食第一次去食係表姐帶既記得係食左海南雞飯之後可能係試難忘啦之後帶朋友嚟呢度食lunch再去行街呢次係食左個雞湯河粉d湯好雞味好濃好鮮甜好有正宗雞湯既應有味道再伴住d河粉同雞肉真係冇得頂啊飲埋杯正宗椰汁簡宜直係爽當佢上哂我地點左既食物等到我地食完佢地仲會每人送番一個甜品日日都唔同人人都唔同咖d甜品我記得我2次都係唔同第一次係芝士蛋糕第二次係朱古力蛋糕總之點都好得閒要去試試

見到openrice有d人話個冬蔭功湯好酸唔夠辣, 但係我覺得ok wor! 好好味, 好開胃, 正呀~依家諗起都想再食仲有係個羊膝都唔錯整體黎講間野幾好, 下次會黎開呢頭會再食~

朋友話想飲冬蔭功,因為大家近葵芳區,諗起呢間泰式餐廳,上來睇評價好壞參半,但又估唔到幾得喎!!!我地order左: 拼盆, 咖喱雞+油酥餅,一個二人餐,除左有頭盤柚子沙律,米卷,仲有一碟海南雞同鮮魷,因為我本來要戒口,只飲少少冬蔭功,主力食咖喱雞(唔辣)同埋拼盆!拼盆絕無欺場,好大碟,份量好多,仲有3種醬汁比我地點,唔係好似之前呢度有位朋友講無醬送喎!overall個盆我食左9-10件野,全部都85分!尤其蝦餅同豬頸肉!停唔到口呢!而黃咖喱唔太辣,又好creamy,我覺得好好味!雞肉唔會死實實咁喎!個湯夠味,但如呢度朋友說,酸味較重,不過合格有餘!野飲方面,雖然order左個2人餐,但4個人的飲品都有半價,無取巧,埋單500蚊!大家都好滿意呀!!!服務方面開頭都以為好差,但完全唔係,d野order左未到15分鐘就上哂,好有效率,我地7點入去半滿,後來8點未夠已經無咩位剩!招呼都唔錯呀,有個後生仔仲識講笑咁,幾nice!而斟茶阿姐又好風趣,我話唔使斟啦,飽喇,佢話唔得,唔可以比客人隻杯無水,可能有人以前投訴過啦!但服務真係好滿意呢!!!推介!!

我們五人同行，點了一個套餐＄３９８，然後有個牌寫住滿＄２５０，可以六折再加一碟咖哩蟹。（之前看過食評，有人已經說另外加咖哩蟹的話，加一是以正價來計算的。所以我們點的時候，問了侍應一聲，她說是的。）那個咖哩蟹，看起來很大，實際沒什麼肉…而咖哩的味道，也不太辣，而且汁很多，於是我們點了一客薄餅來沾咖哩。冬陰功的辣度不足，酸比辣的多，但味道還可以的。說真的，這裡的東西比我預期遜色了一點點。也許，這個價錢，不應只有現在的水準，我想可以再高一點！

友人生日所以約飯局，因為其中一位友人趕唔切去原定既地點，所以改左去葵芳食飯，上openrice睇到呢間野既食評好似唔錯，所以就去呢間食飯啦～～友人同女友先行到達，我到達後一坐低友人就話我知頭先後面枱客向經理投訴ｄ蝦唔新鮮(梅既)，所以我地唔食蝦類～～我地叫左冬陰蝦湯 (友人話個酸味完全冚過哂辣味)鮮魚竹笙清湯 (正常味道)特式拼盤有牛肉串 x 1, 雞肉串 x 1, 春卷, 酸辣無骨鳳爪, 豬頸肉, 蝦餅 (全個併盤正常應該會比一碟泰式甜酸醬或者酸辣汁, 但係冇囉, 原來個"特式"係要乾梗~~~馬沙拉咖喱配雞肉 (無特別)鐵板蠔仔餅 (旦冇旦味, 蠔冇蠔味)蒜茸炒貴妃苗 (見佢menu張相有一大堆炸蒜茸喺菜面，但係黎到實物係得好少仲要係係咁依灑上面，我一食，係完全冇味，冇菜味，冇蒜味，想點？？？）鮮菠蘿煙鴨胸炒飯 (呢個我飽得滯冇食)烤薄餅 (呢個係我至愛既食物，好多地方都會係即叫即整，再唔係整定既都會用熱力去keep住塊薄餅係熱既，但係呢度係凍架囉，超唔開心呀)活燒白鱔 (冇特別，冇應有既炭燒味)燒隻雞全翼 (友人叫既)燒司華力腸 (原本呢隻腸係少少鹹，但係燒完之後係好好好鹹囉～～)

今日原本睇戲,但係太多人沒有睇,所以去左食飯,今日連續第二日食泰國菜,係我第一次嚟食,叫左酸辣鳳爪唔酸唔辣,無咩味,羊膝唔記得個汁名,叫了塊薄餅同一碗飯撈汁食幾好味,燒牛仔骨都幾好,馬拉盞炒通菜原本應該好香,又係無咩味,啲食物個樣幾靚,味道比想像中一般,最差係唔夠冷氣好熱,食到出汗

2010年04月10日，13:30被交銀騙了到荃灣，衹辦信用卡，不願替我開証券戶口，不爽要來碗肉骨茶解悶，好爛的借口年紀大無記性，要向食友求救，才找到這店。週末中午人不算多。被安排至靠牆位置。二話不說點了肉骨茶，價錢不便宜(HK$60)，暨然安撫自己做理由，無所謂啦幸好食友提醒，叮囑我，要預先要求加熱因為這要求，下單後2分鐘，女侍應過來，告訴我單點肉骨茶是帶爐上，肯定夠熱。另外有套餐，帶白飯和餐飲，便改要套餐。5分鐘後誤送鄰桌的齋啡到，苦而不香。10分鐘後肉骨茶和白飯到肉排在深啡色的湯內浮沉。藥味芳香濃郁，口感沉厚。肉排鬆腍，不失口感，應不經高速煲處理，而經長時間慢火泡製。白飯粒粒向東，夠嚼頭，是無飯男兩星期的飯量。單尾送來的小西餅，被我拒絕了，因已被白飯KO雖有點失誤，但整體服務不算差。會再試其他特色食品。

我猜孱四出搵食,今日初試牛刀,為這家餐廳寫下第一篇食評。今晚和女友逛新都會, 路經馬泰餐廳, 便無所謂地進去吃晚飯。這裏環境ok, 枱椅排成一列列的, 整齊企理. 恰似一個昏暗的飯堂。我們點了以下菜色: 1) 馬來巴東羊膝 - 一對香嫩的羊膝, 配以椰香汁料, 用一朵嬌滴滴的花和數片椰肉點綴, 椰香撲鼻, 很具馬來亞椰林景緻, 一進口, 那馥郁的椰香令人聯想起咖啡色的椰子糖, 是一道值得推介的特色菜。2) 泰式海南雞飯 - 一般貨色, 跟大家樂的功夫海南雞飯差不多。3) 串燒菠蘿和串燒雞肝 - 正常質素, 只是把食材放在火上燒熟即可。4) 油鬆餅 - 甘香酥脆, 佐菜佳品。本來還點了一道蟹肉炒粉絲, 但兩次都落錯了單, 第一次來了蒜香牛柳粒, 第二次卻是菠蘿炒飯, 風馬牛不相及, 服務分是要扣一點了。最後還是無緣吃此粉絲。總括來說這頓飯算不錯。

今日好攰 之後去左新都會諗住食夜晚啦然後我同我五個屋企人 傾下食咩啦我地考慮緊去同樣新都會既甘味定馬泰我地見D食評都OKAY 又未食過 就去試下啦我地去到 睇左一陣餐牌 就落單叫野食大概叫左八樣左右 我最記得一PART 而且係唯一既印象因為佢地個個串燒係要六串以上咁叫 咁我地五個人 我地就想叫多D啦我: 雞牛各半打某男侍應: 蛤? 我地要最少要三串! (串嘴)我: (諗) 咩啊? 我咪話各半打囉某男侍應: 得得得 對唔住對唔住我聽錯 (重好串)我: 你重講到我錯咁囉某男侍應: (唔出聲繼續寫)我: (繼續落) ...然後 我地係到吹下水啦 坐下坐下 等左一個鐘左右我地見到隔離檯遲過我地落單 但一款筒飯都黎左我地一樣都未到 我就問其中一個侍應我: 可唔可以同我睇下 點解咁耐重未到?其中一個侍應: 我唔清楚 我地冇收到單喎 你地等等先 (走開)(叫左個女人黎 應該係經理之類)我: 你地可唔可以解釋下點解會冇落單呢?佢: 唔好意思啊唔好意思啊 我: 唔好講住 咁張單去到底左邊? 寫左嫁嘛!佢: 你地係邊位同事同你地落單?我指住個個男侍應 佢就用對講機問佢: 咩咩號檯張單落左去邊?某男侍應就企

三月中旬轉季期間胃口麻麻，是時候轉變口味，調節適應春雨綿綿的天氣。午市雖然人不少，但消費較附近南亞菜館高，獨個兒找張檯其實是無難度，適合怕排隊的人士作快速午膳。午市「炒檔」量多下炒的泰式河粉不會好到那裡，要了米網餅配牛柳粒，等約十分鐘左右出爐，扣除落單時間，效率實在是很高。是日米網餅是涼吃的，蘸上魚露，也算開胃，但風味上就不及即製的熱吃風味好了，牛柳粒雖然炒得老身，但區內人怕吃生，穩陣波無投訴，無經梳打處理，肉粗粗的來得較軟腍乏味化學牛來得對口味，埋單$70，量少無添加以區內水準來說，也無什麼好投訴了。

自己第一次寫食評, 原因真係不吐不快尋晚一家3口搵夥食, 見到呢間有open rice入圍, 試下都好order 左咖哩牛腩, 海南雞, 炒雜菜, 活燒金菇牛肉卷同雞脾菇食品味道OK, 弊就弊在d service先黎咖哩牛腩, 諗住order 白飯, 結果等左20分鐘都未有再3摧促先見個waiter去廚房攞出嚟, 但d牛腩已經涷晒注意, 除左白飯之外, 呢20分鐘其他野一樣都無嚟仲見到其他奇景, 隔離枱d人食完d碟會自己攞去d吉枱度擺, 結果張枱變左碟山環觀整個場, 只有3位waiter, 真係少得可憐, 佢地真係做得好辛苦, 態度都好好, 但得個幾個人點做眼見全間餐廳出錯菜同追order嘅記錄可謂打破晒同行記錄半個鐘後d餸先開始上, 不過上到枱都涷晒仲有係d餸嘅份量真係少得可憐, 一個手掌大d嘅海南雞, 3個人人每人都係有3舊咁大把, 咁就收我85蚊, 可怒埋單可憐個waiter咁辛苦, 佢自己都話人手好唔夠, 廚房又唔夠人, 好難搞如果呢間野仲係咁, 再好食都無用