馬得里

平日晚上8:50，經過見到有兩張卡位吉咗，見唔使等位，所以諗住入嚟試吓啦，點知等咗接近5分鐘都仲未安排入座，於是上前問下兩張卡位係咪有人book咗？Reception 話要問經理等佢安排先可入座，一問於是經理就好大反應話梗係唔得啦，要三至四個人先可以坐。對於依個安排，係正常繁忙時間絕對理解，因為我們得兩個人。但對於今晚等左5分鐘都無人用果兩張枱但又要客人係門口等，服務完全唔靈活，兩張枱冇人坐都唔放客人入去呢個安排我覺得唔係太合理。對於餐廳經營今時今日依種安排更加不能接受，人要變通，生意先至會有得做。重點係入座後5分鐘就見到有兩名客人同樣可以安排被坐卡位，對於呢個安排表示唔明白😆😆P.S 西冷扒肉質好霉，醃料味道好濃，但肉眼扒味道OK，薯條份量好多！…查看更多

健身後需補充極大量的蛋白質，看見此餐廳提供港式鐵板餐，便試試看。打開餐單，選了戰斧豬排餐，具大的份量霸佔了整塊鐵板，厚切足料，高溫鐵板淋上黑椒汁，頓時煙霧沸騰，香氣四溢。豬排表面微焦，切開後粉嫩誘人，生熟程度剛好。入口肉質鬆化，脂香豐腴，而家肉味濃郁，主菜水準不錯。配料提供薯菜伴碟，不過不失，忌廉湯無甚驚喜，配料亦欠奉，牛油餐包尚算鬆軟。港式奶茶亦不俗，入口絲滑。最驚喜的是最後提供的啫喱，讓人感受專屬香港的飲食情懷。…查看更多

本人第一次幫襯，平時見到好多人排隊，就搵咗星期六夜晚去試食，試完之後真係只得一次，絕不再去，服務態度真係好差，首先本人兩公婆入座後，叫了兩set餐，一set叫豬手餐、一set牛舌扒餐，之後再叫多個意粉，點知來的時候比咗杯檸茶兩杯，陸續再上豬手同牛扒，張枱放了兩個餐已經冇曬位，張枱切牛扒時up下up下，我當然同啲店員講可否𨍭另一張枱，佢話5可以，我冇辦法之際，我將檸檬茶放了隔離枱，有位老少少男待應話，如果有客人要座位，你啲嘢食要放回位😔😔😔，我重有二個麪包、二個湯都未嚟，點放在張枱呢，再想叫其他食物都冇可能啦，食得好辛苦，完全冇諗過人的感受，睇到我哋當時好狼狽，都唔肯轉過枱給我們，重要比說話客人聽，睇到都當睇唔到，食到趕頭趕命，好辛苦😓的一餐，絕對冇下次，如果你哋要幫襯，諗過度過會有哩啲情況，你哋接受到先好去幫襯，食物有幾好食都好，環境又幾靚都好，都已經無用，沒有心情再食。…查看更多

同巴士迷朋友黎左荔枝角行街，經過呢間餐廳，窗口望到人地食野好和味，見價錢冇想像中咁貴，就即刻貢入黎。雞扒司華力腸飯 $75未食都有十分。雞扒好大塊，煎得好香，司華力腸好味，飯同燒汁都好好。份量非常多，幾好。跟湯忌廉湯好大碗。凍檸賓另外加$8幾好，有檸檬味，味道幾重。牛扒炸蝦薯菜 $75雖然有生有熟，但口感比全熟好好多。雖然有日式炸蝦，但經過西式調理。菠蘿薯條都幾有港式風味。見到隔離檯大檸樂好大杯！下次要試。環境偏向舒適，裝修頗新，播英文歌。服務主動進取，希望可提供qr code落單，因為呢度人多。座位之間都好近，張檯又比較細，食野都要就住。附近有個一人客人，竟然仲安排搭檯，本人就覺得唔係幾好，始終呢度唔係收街坊價。總結而言，野食唔係話特別好味，但如果想大食一餐，又有啲氣氛，可以考慮呢間。下載app可以儲分又可以用下coupon。…查看更多

🥩 必食指數 🥩🥩🥩🥩（5🥩為最高）長沙灣廣場馬德里這頓，直接把我香迷糊！奶油意面裹滿濃郁醬汁，上面鋪的食材新鮮又入味；牛排分量給得超足，肉質嫩滑，醬料也很搭；薯蓉烤得剛剛好，綿密中帶點焦香，每一口都好滿足～餐廳環境舒適，燈光一打，食物看起來更有質感，不管是自己來享用，還是和朋友聚餐，都很合適，影相打卡也超出片，味道更是不輸大眾熟知的西餐廳！📍長沙灣廣場馬德里hkfoodie #foodie #長沙灣搵食 #意面 #牛排 #薯蓉 #西餐 #打卡必食 #香港味道 #食咗未…查看更多

原來荃灣都有分店呢間餐廳平時lunch經過勁多人排隊反而晚市又唔係好旺 入面都好多卡位坐得都舒服 晚市最主要係鋸扒仲有啲意粉同埋西餐🍝每一個晚市set都包餐包、餐湯飲品同埋甜品 成個set勁豐富餐包都幾好食 好鬆軟餐湯可以揀白湯或者紅湯白湯就好稀 紅湯就正正常常飲品就包熱飲 凍飲加$4杯凍檸茶都正常 檸檬利賓納就加$8唔係好好飲😂 甜品竟然係啫喱真係同傳統港式扒房嘅甜品一樣喎可以揀落花奶或者唔落個人覺得落咗都冇乜分別啫喱嗰個味太重😂 不過都好食嘅蜜椒鹹豬手 ($148)可以配飯/意粉/薯菜 揀咗薯菜隻豬手勁大隻！不過個皮可以脆啲入邊連住太多肥肉😂入面都啖啖肉 調味都唔錯點黃芥末醬食好食👍🏻另外都有配沙律 清新薯菜份量都好多 兩個人真係食唔晒！黑松露野菌煙三文魚意粉 ($108)呢個又係勁大份 佢個碟好深好Creamy嘅黑松露醬 好食！意粉口感都啱啱好 滿意😎法式焗田螺 ($18)叫主菜可以另外加叫呢一個小食一份有四粒 下面仲墊住啲薯蓉薯蓉比較鹹 不過田螺就比較清淡所以兩個夾埋都幾好食同埋呢個價錢嚟講都好抵食整體所有嘢份量都勁大仲要勁豐富 呢個價錢都真係好抵食👍🏻…查看更多

好耐冇食扒，啱啱見到社交平台好多人推介呢間【馬德里】，就約朋友嚟試試～今次叫咗個鐵板牛舌拼肉眼扒餐，由頭食到尾都有驚喜！首先會上餐湯，我揀咗羅宋湯，味道香濃、酸度啱啱好，唔會太鹹好易入口，開胃得嚟有誠意🥣～加$1仲有熱辣辣嘅餐包，牛油一搽即溶，熱騰騰咁食落真係幸福感滿分🧈🫶主角登場前店員會問你想配黑椒汁定蒜蓉汁，我梗係揀返最經典嘅黑椒汁啦，食扒冇黑椒真係唔完整🔥！鐵板上枱滋滋聲聽到都開心～牛舌超嫩滑，一啖咬落完全唔韌，入口即化咁滯，真心推👍。肉眼扒原本想要五成熟，但唔知係咪聽錯咗，上咗七成以上，不過味道依然OK，冇乜韌，肉味都保持得住，屬於嗰啲穩陣扒房水準～整體嚟講性價比高，氣氛唔錯又唔會迫，想食返塊正正常常、有火喉、有滋味嘅扒，【馬德里】可以收貨！…查看更多

鍾意嚟呢度食下午茶，選擇多又坐得舒服。呢個時段唔算繁忙，所以服務特別好。（全日早餐$66係包凍飲價錢）不過要留意返，原來佢下午茶到5:15完結，但係佢餐牌好似冇update。…查看更多

服務態度非常惡劣，下午5:10入到去，問一位成熟男侍應，問他取下午茶和午餐的餐牌。 他說無啦，得晚餐。午餐，下午茶去到5點3。 明明未夠鐘。旁邊女士給我午餐和下午茶的餐牌，女士和朋友應該差不多吃完，她們應該比我早到好多。男侍應看到之後，立即從我手中的餐牌搶走，並大聲說擺得喺度嘅餐牌就係得呢啲。我話之前呢個時間仲有午餐下午茶，佢話好多個月前改咗啦。就算餐廳食物更好都係假，服務態度行先。難怪咁多人北上消費。不會再介紹朋友去這裡吃東西。…查看更多

食早餐食到谷鬼氣，等個粉等左十幾廿分鐘都唔出，你無就同人講無，最後唔等埋單走，個收銀仲話打折俾我，平左2蚊，多謝晒喎。仲有個樽既鹽好恐怖，都唔知點食，無下次失望之選。…查看更多

份量十足，CP值高嘅一間港式牛扒餐廳最值得一提係服務態度👍🏼🥳👏🏻平時好少寫食評，但真係忍唔住一定要贊下呢間餐廳👍🏼🏆已經接受港式服務態度突然感受餐廳嘅笑容，耐心聆聽order同客人互動，同小朋友玩傾計突然好感覺🥹有heart🫶🏻既餐廳Please keep up the good work 👍🏼💪🏾…查看更多

日日經過都見到坐滿客人同男朋友嗌左2份大蝦拼肉眼扒，食物都ok尤其欣賞跟餐嘅餐包 熱辣軟熟唔係比啲擺左好耐硬哂嘅包比你入面有多位員工，個個都有禮貌香港黎講個人認為真係好少可我會因佢地嘅態度而再去幫襯上餐收餐都快，員工明顯係做野的見到有tips box，實在值得比tips…查看更多

落單唔夠5秒，就上酥皮湯，酥皮唔熱、湯無味。 咖哩牛脷飯，飯就一「pat」，伴碟菜唔熱嘅。鐵板牛肉，唔使5分鐘就上，我懷疑一做整好，就咁放上鐵板，牛扒好「韌」，只有過度醃製嘅味道，伴碟菜都係唔熱！$168，鐵板牛扒，質素連快餐店也不如！…查看更多

每早的外賣早餐，我試過羅宋湯通粉，牛肉粒和火腿粒兩種選擇。牛肉粒口感軟嫩，有時會遇到滑口的肉，運氣好壞不一；火腿粒則普通，沒有特別驚喜。湯通常很好喝，但有一天似乎沒有加鹽，讓人有些失望。通粉是有紋的，我個人偏好無紋的，像隔壁長江的那種，總體來說還算好吃。另外，我也嘗過沙嗲牛肉通和鮑片通，牛肉的表現不錯，但鮑片就顯得有些寒酸，份量少了不少。價格稍貴，同其他餐廳相差在 8-10 元，外賣如果沒有折扣的話，未必會天天光顧，感覺偏貴。晚餐我點過西冷，味道很好，質素不亞於金鳳。羅宋湯的表現超過金鳳，酸甜辣的平衡和湯的濃稠度恰到好處，是我喝過的最佳羅宋湯，師傅的用心可見一斑👏🏻。餐包每次都能熱住上比客人，口感更佳，注重品質的廚房總會做得越來越好。（題外話💡大家要珍惜目前還做得好的廚房，因為普遍餐廳命運都是一開始做得好，後來可能錢給不足，就換廚房，愈做愈差了。）西冷更是不必多說，肉汁香濃，我配上黑椒汁，味道極佳，黑椒汁不像外面的餐廳，顆粒多會影響口感，但馬德里不會，做得非常好，我甚至用來撈意粉，吃得很舒服。晚餐還點過燒春雞、豬扒、雞扒和燒鴨胸，前兩者一般，不特別，但菜式選擇豐富。而雞扒做得非常出色，大份且滑嫩，有肉汁香，搭配咖喱，讓我一口氣吃完🤣，非常推薦！我還試過燒鴨胸炒三色椒意粉和牛舌三色椒意粉，份量都很足，非常好吃。…查看更多

近來收工後去開呢頭打機多，但有時未食飯，想搵下野食，呢度附近多數都收10點前左右，咁岩今晚未食飯9點左右過到黎，每次路過見到呢間扒房都坐滿人，今日午餐食左車仔麵，想食番餐肉飽滿下，今晚就決定單拖試試。想食得舒服唔怕有根有骨，所以點左鐵板牛柳，7成熟，白湯餐包，另外8元配個意粉。白湯味道可以，唔太濃又唔太稀，水分比唔重，值75分，如果入面有多啲粟米粒就有啲口感，可能我9點都差唔多埋尾。餐包就稍為唔“札實”😂，不過都夠熱夠香，會提供雪條棒搽牛油。牛柳上枱，呢度得兩走汁，黑椒汁或者燒汁，我一向不吃辣或者刺激性嘅食物，所以係燒汁。一淋上去，熱辣辣吱吱聲，佢呢度有紙巾供應所以唔驚啲汁會彈到身。意粉係香草意粉，唔會味道太DRY。7成熟牛柳肉質夠滑，肉汁亦都鎖得好，塊牛柳見到些許血色係面頭，切開非常易，唔會太熟又唔會太生，兩件牛柳都一樣咁靚。薯條有十零條，用扭紋薯條，落左汁之後都唔太淋，有口感。最後食完差唔多，侍應突然奉上啫哩做甜品，我見餐牌本身係冇，但佢每枱客人都會有。如果唔要奶記得同佢地講聲。啫喱正常發揮，唔會係甜品店水準，但絕對唔會失望。杯奶茶稍微茶味偏淡，但水吧落個奶量撞隻茶又岩岩好。總結，久唔久食一次鐵板回味下係值得，由其係細細個以前去開銅鑼灣某一已結業既老店，想回味下新鮮鐵板上菜淋汁既滋味。至少本人今次兩塊扒絕對對得住個價錢唔會跌錢！👍🏻PS：記得係有加一服務費，侍應服務都幾好…查看更多