馬師傅菜館 (已結業)

乾炒牛河牛肉嘅份量都幾多，大概有八塊至十塊左右，肉質好冧，唔會太乾柴，而且味道唔會太鹹太淡恰到好處。河粉炒得都幾好，唔會黐埋一舊，乾炒牛河最好嘅地方就係唔會太多油，而芽菜煮得啱啱好唔會太熟令到口感食落去清爽啲。蝦餃燒賣嘅水準都幾好，真材實料，可以見到有大大隻鮮蝦蝦肉，而且佢兩粒為一籠，所以兩個人嚟飲茶都可以嗌多幾款嘢食。另外仲嗌左一碟排骨同埋咖喱魷魚，排骨一半肥一半瘦，食落多汁，而且味道比較淡，唔會好濃，適合依家注重健康嘅都市人。咖喱魷魚嘅咖喱汁都唔錯，整體不過不失。舖頭最重要係人情味，呢間主打做街坊生意嘅酒樓，待應都同街坊感情好好，有講有笑，所以對客人有賓至如歸嘅感覺，值得一贊。

呢間餐廳喺荔枝角同長沙灣嘅中間，唔太近地鐵站，所以附近人流都唔算好旺。去到嘅時候，通常都係剛剛婆婆比較年紀大嘅老人家喺度飲茶食飯，估計都係街坊幫襯比較多，所以啲員工同埋侍應態度都好好。叫咗個分題海蜇做涼拌小菜，分題好爽口，就算係肥膏嘅地方都唔會好油膩，反而係好彈牙。鮮蝦腐皮卷，餡料好豐富，亦都好足料，出邊炸到脆卜卜，個皮又唔會太厚，味道同口感都非常之唔錯。呢度仲有老火靚湯飲，今日係西洋菜紅蘿蔔煲豬骨，火候十足，有住家飯嘅感覺。

今日同朋友兩個人去飲下午茶，去嘅唔係大酒樓，而係一間位於長沙灣嘅小店。呢度嘅點心好多都係一盅兩件，真係啱晒人少少，又想試多款式嘅我哋。兩個人總共食咗六款點心香煎韭菜粿餡料味道同一般韭菜餃差不多，特別之處在於軟糯嘅外皮，口感QQ好得意，而且喺一般酒樓比較少見。柱侯金錢肚金錢肚大大件，醬汁非常惹味，帶有黑椒嘅微辣，好好食！馬拉糕呢個最有驚喜，馬拉糕非常鬆軟，滿滿的黑糖香味，又唔會太甜，忍唔住食完一件又一件另外仲點咗，馬師傅鮮蝦餃、XO醬蒸鳳爪、珍珠雞，味道都ok呀！

這日來到長沙灣一間茶樓吃午餐點心的選擇不是太多，但是經典的也有齊另外，我哋都加咗一碟炒河先嚟嘅有叉燒包熱辣辣蒸好送上，叉燒餡料都頗多，包嘅外皮都幾香軟。糯米卷內糯米飯煙銀，花生保持住脆口，味道唔錯。比較少食有芋頭餡嘅春卷，味道濃郁鹹香，春卷外皮炸得脆卜卜唔油膩。乾炒牛河牛肉份量都幾多同幾大塊，味道適中，配合埋韭黃、洋蔥、芽菜、薑絲等，口感更好，炒得都好夠鑊氣，夠乾身。乾炒牛河係午市套餐，佢哋配左一個例湯。估唔到呢個燉湯味道都好好，豬肉同鳳爪燉得好琳，湯水飲落去好滋潤。最後我哋點左杏仁茶作為甜品，非常之香滑，杏仁味道濃郁，加上滑滑的蛋白更加令到糖水香味提升。感覺上馬師傅菜館都有好多街坊熟客去幫襯，夥計態度都好友善，食物嘅質素唔錯，價錢亦都好合理。呢度絕對係同家人約食飯嘅好地方😊

週末去馬師傅菜館同朋友慶祝生日及母親節🌹員工態度熱情，菜色精緻，每次到訪也有驚喜及特色美食。地方寬鬆整潔，老闆馬師傅風趣幽默。值得推薦三五之己及節日慶祝的好地方

同朋友久違地去長沙灣戲院睇戲，睇完戲就係附近搵下野食~見到依間幾有氣派既酒樓就入左去試下了雖然餐廳叫菜館，但就幾似平時見到既酒樓啦燒鵝飯首先叫左個燒鵝飯醫醫肚先，同大部份酒樓一樣，都會有一啲燒味飯既選擇，而且價錢都好親民，每件鵝都係啖啖肉，絕不欺場，味道唔會比起燒味店差，唔錯~蝦餃 (兩粒)要讚一讚既係，好多酒樓既點心都係三件起，但依到既點心竟然有二人份，價錢亦都因此平啲，兩個人黎食都可以食到更多既野，真係值得一讚。味道方面，亦都不過不失，係幾好食既~燒賣燒賣都係兩粒~D蝦肉幾爽口，唔錯呢腐皮卷腐皮卷幾有驚喜bo~個表皮係炸到脆一脆，食落好香口，我同朋友都食到停唔到口啊。

約左個舊同事星期六放工後係荔枝角公司附近聚一聚，原本諗住飲茶既我地去到哩間馬師傅菜館，坐低後見到隔離枱既燉湯好似幾大盅同唔錯，反正同事唔齊腳，得兩個人，我地就決定各自叫個午市特價套餐配燉湯飲下餐廳格局似傳統舊式酒樓，地方大又闊落，燈火通明，每張枱都係圓枱形式，方便大家圍埋傾計，大家都容易聽到餐廳伙計幫我地落單前開左壺潽洱茶等我地一邊吹水一邊等食，朋友叫既秘制分蹄飯先到，除左分蹄同白飯，仲有些醃蘿蔔，食完好開胃，分蹄每片都切得好透薄，方便咀嚼燉湯送上：不綉剛內膽外再用膠兜做多層分隔熱力，保溫之餘飲用時又唔會盪到手，考慮周詳，打開個蓋，蒸氣冒出，熱騰騰，畢起好多湯揸係裡面，有元肉、豬肉、雞腳、黨參等藥材，味道適中，唔咸。我叫既汕頭炒米都放到枱上，汕頭炒米當中有魷魚，可能因為汕頭是近海，所以就以魷魚作代表，魷魚切成幼身，加入炸蒜、菜絲混合一起炒，鑊氣夠。

今日遊吓車河去到荔枝角長沙灣附近 見到有間佔地都幾大既中式餐廳 於是入去食個晏晝入到黎仲咁啱見到老細 服務幾親切完全冇架子 而且是侍應都好熱心 仲見到唔少熟客仔 感覺己有人情味 平時都應該好多附近街坊幫襯鹹魚雞粒炒飯🐟$88就咁睇呢個炒飯可能比茶餐廳貴 但係可能係大酒樓嘅關係 炒飯炒出嚟好有鑊氣 而且雞粒嘅份量非常多 差唔多每一啖飯都有炒蛋同埋雞粒 炒飯亦都炒到每一粒分開 油色均勻 每啖都有鹹魚嘅香味 都算對比喺茶餐廳入邊食過數一數二 所以覺得呢個炒飯味道都好值得呢個價錢芒果糯米糍🥭$28原本以為係中式酒樓有椰絲嘅糯米糍 反而冇咁鍾意食 好彩嚟到係我哋平時食開長洲糯米糍嗰一款芒果糯米糍 糯米糍大大嚿 淡淡都係芒果肉 普通舖頭買都要$15舊 呢度兩舊都係20幾蚊 仲可以坐低慢慢食 值返🤗不過望到餐牌見到唔少晚市小菜都幾吸引 可能下次就會叫埋屋企人或者朋友嚟呢度試吓佢哋嘅小菜 可能更加有鑊氣更加滋味😋呢度都幾適合同屋企人朋友嚟吹吓水打發下時間 飲個茶係忙碌嘅生活偷閒🥲

早幾日我地去左間懷舊嘅菜館食Lunch聽屋企人講依家有得飲茶嘅菜館買少見少因為通常依家嘅菜館只有小菜食 但呢間馬師傅菜館仲保留左有點心呢個特色🤩所以就決定去試下佢嘅手勢.🌟馬師傅鮮蝦餃 2粒 （$20）蝦餃啲皮好彈牙 晶凝通透🥟而且又好大粒蝦 好滿足！.🌟蟹籽燒賣皇 2粒 （$20）燒賣上面有一隻好大嘅蝦仁同粒粒蟹籽🍤
餡料用左蝦同豬肉 比例平均.🌟潮州蒸粉粿 2粒 （$18）粉果嗰啲皮一樣好彈牙 煙煙韌韌其他酒樓啲皮又散又腍 比較起黎呢度真係好出色
而且粉葛、花生、同肉嘅分量都好均勻.🌟五柳炸雲吞 2件 （$18）五柳炸雲吞炸到脆卜卜一啲都唔油膩 加埋甜酸汁一流 超開胃.🌟普寧灌章 2件 （$20）呢個喺其他酒樓係好少有得食 我地都係第一次食呢款係潮州點心味道類似煎蘿蔔糕 但佢外層係用腐皮包住真係好有驚喜 超好食！😋.🌟燒味雙拼飯(叉燒/燒腩仔）奉送是日燉湯一盅 （$66）雙拼飯嘅叉燒好彈牙 口感特別燒腩仔亦都夠腍 係經典嘅燒味飯好少菜館會附送燉湯咁正而呢個燉湯係木瓜雪耳瘦肉湯木瓜味好出 味道清甜 飲得出係屋企煲嘅湯 冇落味精 .呢度嘅點心比起連鎖酒樓真係好食好多仲有懷舊老

馬師傅菜館環境清幽舒適，實在係三五知己相聚傾談的好地方。每次同朋友聚餐，總會有驚喜的菜色😋馬師傅也會不時與在場客人打招呼，交流飲食心得，非常親切。值得推介😄

一行五人，點了四個小菜，第一道來的是叉燒，老實說味道不錯但不至於值160多元，只有大約十塊，平均每塊叉燒16元，太誇張了吧之後來的每道菜，都在挑戰你的耐性極限，叉燒來了之後，差不多隔30分鐘才施施然上第二度菜，是醬爆骨，味道是不錯，賣相也很精美，但份量很少，也就每人兩件左右就完事了又相隔廿多分鐘吧，再來一碟小炒王，真的需要那麼長時間嗎？很懷疑是否只有一個師傅一個爐頭份量很少，時間很長，價錢很貴，感覺不爽，本想再加單，但又怕等很久，最終沒有再下單，吃完就離開了如無意外應該不會再去了，也不建議別人去，因為美味的食物還有很多地方可以吃到，不必到此呆等

近一年已經好耐冇去過堂食飲茶啦。 好唔容易可以食晏去飲茶, 今日黎到長沙灣既馬師傅。 之前係附近返工既朋友都介紹過, 終於可以黎見識下。佢係傳統酒樓既風格。 入到去又唔係好老舊既個種。 起碼佢既杯碟茶具都好新淨, 唔會又崩爛或好多茶跡，已經好有好感。佢既點心都有好多款, 而且價錢好大眾化。 蝦餃, 燒賣, 金錢肚, 牛百葉, 腐皮卷, 雞扎, 雖然都係普通野, 但每樣都幾大件，2個人食都覺得飽。最正係蝦餃，燒賣既蝦都好新鮮, 咬落唔會好實心。 好明顯食到蝦同肉味。金錢肚同牛百葉唔會太濃味。 質地唔會好怪。 因為而家lee種內臟點心, 出面酒樓真係個汁超濃, 會令人食唔到係咩味，而佢最正係，個或唔會收埋芋頭或蘿蔔黎呃人, 真係傳統風格。腐皮卷好特別, 佢既涵料唔係特別多, 但都幾大粒。口感同平時食開既好明顯有分別。 幾好味。雞扎真係最普通不過, 但打開既驚喜, 係佢既雞肉竟然冇連住皮或者肥膏。 lee份心思令人幾意外。後黎，聽到部長同其他食客講, 原來佢地既點心係每朝師傅自己新鮮做既，就真係覺得好難得。 難怪食落咁大分別啦。真係真材實料, 果然好食。

長沙灣其實係美食天堂，有好多非連鎖嘅 小店。佢哋嘅食物用心製作，非常高質。菜館亦都唔例外。舖頭門口唔起眼，行到入去先知原來入面好大，好乾淨，座位寬敞。當日星期六下晝，我大概兩點去到，舖頭仲有好多客人。有好多係熟客，有啲同經理有傾有講，有啲自己開埋白蘭地坐喺度慢慢歎😂菜館其實有啲似酒樓，佢有好多海鮮，又有燒味，又有小炒，都幾多食物選擇！我叫咗蒜蓉炒西蘭花68蚊， 燒腩仔湯米48蚊， 馬師傅鮮蝦餃（2粒）20蚊。我幾鍾意佢啲點心兩件起四件止。 可以每樣試少少，冇咗飲茶一定要一大棚人飲嘅限制。叫得馬師傅鮮蝦餃果然係招牌菜，蝦餃好大粒，蝦肉好大粒，足料好味，皮薄餡靚。燒腩仔湯米：燒腩仔同米粉分開上，雖然48蚊唔平，但係佢真係畀足成碟燒腩仔，而且燒腩仔嘅位都好靚，每舊都有少少肥膏，個皮炸到脆咯咯👍👍

我媽咪最鍾意食點心，趁著週末帶咗佢去長沙灣「馬師傅菜館」，店內裝修簡潔明亮，感覺乾淨衛生。星期一至日11-4pm都有午市特價點心；也有多款午市特價套餐，奉送是日燉湯一盅，經濟實惠木瓜雪耳南北杏燉湯燉湯都幾足料，有雪耳、木瓜同南北杏，味道濃郁鮮甜，火候十足貴妃雞飯雞肉都幾滑溜，充滿鮮雞味，配上鹹香惹味薑蔥油，味道一流馬師傅鮮蝦餃一籠有兩隻，適合二人分享。餃皮厚薄適中，晶瑩剔透，包着爽口蝦肉蟹籽燒賣皇大大粒嘅燒賣表面有一粒原隻蝦，黃色外皮包着蝦肉及豬肉，啖啖肉蜜汁叉燒包粒粒叉燒肉餡充滿蜜汁香，蒸包鬆軟熱辣辣，甜甜的馬拉糕份量十足，香噴噴的馬拉糕，一客已經分成六件，適合多人共享。熱騰騰，口感鬆軟，甜美可口，充滿黃糖香

朋友經歷幾個月在家工作嘅日子後，終於要回歸辦公室返工🤣，所以星期五我哋又可以約食晏喇！我行近佢嗰邊食，大家都想食心點(小新叫法)，於是就去咗「馬師傅菜館」食食🥢。呢度有點心食，亦有比較經濟嘅炒粉麵午餐，選擇唔少嘅，所以都見到成群結隊嘅打工仔嚟幫襯。點心方面，好多款式嘅單位數量都係以兩粒為主，啱哂兩個人嚟幫襯，可食多幾款✌🏻。馬師傅鮮蝦餃($20/2粒)，蝦餃大大粒，水晶餃皮厚薄適中，蝦肉彈牙。蟹籽燒賣皇($20/2粒)，燒賣賣相唔錯，面頭有大大隻蝦同蟹籽，豬肉同蝦肉餡比例啱啱好。山竹牛肉球($18/2粒)，牛肉球超巨型，就算得兩粒，都要用大蒸籠先夠放。另外，我好鍾意佢有勁多腐皮。鮮蝦腐皮卷($18/2件)，腐皮卷即叫即炸，外皮酥脆，入面同樣係塞滿新鮮蝦肉餡，配埋喼汁食，好味道！五柳炸雲吞($18/2件)，好耐無食過呢款點心喇，好有懷舊酒樓嘅味道。炸雲吞皮好爽脆又唔油，沾埋甜酸汁食無得輸。味菜燒鵝絲炆米($68)，炆米味道唔錯，燒鵝絲份量幾多，另外仲有唔少配菜，包括三色椒、芽菜同韭黃等。當中菜名所述嘅「味菜」即係鹹酸菜，佢無想像中咁重口味，仲能提升炆米粉嘅口感。不過留意返，炆米係一人份量