馬師傅菜館 (已結業)

同朋友久違地去長沙灣戲院睇戲，睇完戲就係附近搵下野食~見到依間幾有氣派既酒樓就入左去試下了雖然餐廳叫菜館，但就幾似平時見到既酒樓啦燒鵝飯首先叫左個燒鵝飯醫醫肚先，同大部份酒樓一樣，都會有一啲燒味飯既選擇，而且價錢都好親民，每件鵝都係啖啖肉，絕不欺場，味道唔會比起燒味店差，唔錯~蝦餃 (兩粒)要讚一讚既係，好多酒樓既點心都係三件起，但依到既點心竟然有二人份，價錢亦都因此平啲，兩個人黎食都可以食到更多既野，真係值得一讚。味道方面，亦都不過不失，係幾好食既~燒賣燒賣都係兩粒~D蝦肉幾爽口，唔錯呢腐皮卷腐皮卷幾有驚喜bo~個表皮係炸到脆一脆，食落好香口，我同朋友都食到停唔到口啊。