香辣屋 (已結業)

點解會去食：2018-11-19 今日出街做野，順路又方便，咪揀佢囉食物新鮮程度：⭐️⭐️⭐️即叫即炒，一定新鮮嘅，但d雞的雪味好勁，唧極青檸都掩蓋唔到陣味！食物合適溫度：⭐️⭐️⭐️⭐️即叫即炒嘛，ok la 食物驚喜程度：⭐️完全講唔到佢有咩驚喜，幫唔到佢—————————————————服務員態度：算係好有禮貌，比個正評啦！—————————————————最重要係。。。我會唔會再去呢？重遊指數：⭐️⭐️⭐️

轉季又係時候去買衫。同女朋友去銅鑼灣行到好晏先食晚飯，又唔想食咁多，求其去food court解決就算。過咗高峰時段唔使等位都有位，但係座位偏迫，某啲位俾冷氣吹正，會越坐越凍。炒雜菜($54)有椰菜，芥蘭，椰菜花，西蘭花，蘿蔔條，雲耳同菇。都算多元化，又夠蒜蓉，唔錯。泰式炒金邊粉($71)有4隻冰鮮無味蝦，仲有柴皮雞肉，仲有啲花生碎。係熱辣辣咁食就叫過得去。個粉包嘢飲，我地揀咗熱柚子蜜。好淡，不知所謂。

爛飲o既小肥週二中午又再戰City’Super清酒節有得試飲o既日本清酒項目，飲前唔再食啲普通餃子，而轉食韮菜餃配正菜。正菜購自美食廣場內一家泰式快餐店「香辣屋」。泰式炒通菜（$54）：收銀處通菜個模型翠綠鮮明。新鮮炒出o既泰式炒通菜亦都係一樣咁鮮美，份量仲多好多添。通菜香辣惹味，而且爽嫩脆口，實屬正菜也。後記：講真快餐店都唔會預計會有啲咩特別好o既服務，但可能早一日食餃子時收過哥哥仔o既一杯溫水有啲感動，喺「香辣屋」冇水飲就有少少失望囉。

咦…我係去海港城分店,但係點解database無既?唯有寫係度啦!兩個人,點左兩樣野…泰式海炒飯:少少辣,海份量唔算多,有魚有蝦,但係味道好行貨,最奇係有一件好短既蟹箝或類似物體,但係因為連觳,根本唔係好食到裡面d肉,晒!仲有一隻煎蛋,但係好縮水,又細隻又乾淨淨,個飯炒得油,我唔推介!雞肉湯米粉:所謂雞肉,原來係雞絲,咁雞絲份量又算多喎,而且幾好味,全部係白肉,又有好多芽菜同菜做配菜,幾好,個米粉好幼,入口時口感一流,因為食耐左都唔會發漲,份量又算多,呢個都食得過!而且仲好抵添($25連飲品)!

衛生很差，差到貼地！激氣！要了一個雞翼湯河。吃了兩啖，發覺湯上浮著一隻小強仔，好核突！即刻有想嘔ge feeling~我以往食野如果發現蚊子仔或螞蟻，我都算啦...但係今次係小強囉，即刻搵去換。埋到去，個阿姐已經知發生咩事，二話不說就話可以換過。我覺得呢D事可能已成日發生，otherwise佢無理由咁醒，我咩都未講就知道咩事。無理由再換個湯河架，點知仲會唔會又有小強架！？換了碟泰式炒河，要補錢囉！我覺得好過份囉，而家係你d食物有問題，你仲要我補錢！有無搞錯！！！真激氣！o個碟咁ge 炒河好難食囉，一d 都唔泰式，無味，求其將d雜炒、無味ge 牛肉同河粉炒埋一齊！以後都唔會再幫襯呀！

呢間野既味道都幾好﹐來過幾次D質素都唔會太差。老婆上個禮拜日ORDER左香葉辣椒豬肉片炒河﹐佢話味道好好﹐D新鮮辣椒同香葉令到個粉好香。起碼唔會就GUM用D辣椒醬來炒。但因本人唔係幾食得辣野﹐所以都係ORDER泰式炒金邊粉。都幾好。

晚餐叫左個印尼雞炒飯~個餐$36有野飲d飯係黃羌飯~一流除左飯有雞外,仲有兩串沙嗲雞d沙嗲雞超正!值得再食

其實又唔算真係好平gei...不過都叫ok la...叫左個炒蜆同菠蘿炒飯...個炒蜆好好味...d汁好正...菠蘿炒飯都ok...無乜話特別好定唔好law...總括黎講都算係唔錯...

上次係登龍街食過蠔蛋炒蛋好好味, 今次見到廚師推介就試下蠔仔唔多, 可以用好少來形容, 而所謂既蛋似麵粉團多D, 食味同賣相都好唔得