影片
点解会去食：2018-11-19 今日出街做野，顺路又方便，咪拣佢啰食物新鲜程度：⭐️⭐️⭐️即叫即炒，一定新鲜嘅，但d鸡的雪味好劲，唧极青柠都掩盖唔到阵味！食物合适温度：⭐️⭐️⭐️⭐️即叫即炒嘛，ok la 食物惊喜程度：⭐️完全讲唔到佢有咩惊喜，帮唔到佢—————————————————服务员态度：算系好有礼貌，比个正评啦！—————————————————最重要系。。。我会唔会再去呢？重游指数：⭐️⭐️⭐️
继续阅读
转季又系时候去买衫。同女朋友去铜锣湾行到好晏先食晚饭，又唔想食咁多，求其去food court解决就算。过咗高峰时段唔使等位都有位，但系座位偏迫，某啲位俾冷气吹正，会越坐越冻。炒杂菜($54)有椰菜，芥兰，椰菜花，西兰花，萝卜条，云耳同菇。都算多元化，又够蒜蓉，唔错。泰式炒金边粉($71)有4只冰鲜无味虾，仲有柴皮鸡肉，仲有啲花生碎。系热辣辣咁食就叫过得去。个粉包嘢饮，我地拣咗热柚子蜜。好淡，不知所谓。
继续阅读
553 浏览
烂饮o既小肥周二中午又再战City’Super清酒节有得试饮o既日本清酒项目，饮前唔再食啲普通饺子，而转食韮菜饺配正菜。正菜购自美食广场内一家泰式快餐店「香辣屋」。泰式炒通菜（$54）：收银处通菜个模型翠绿鲜明。新鲜炒出o既泰式炒通菜亦都系一样咁鲜美，份量仲多好多添。通菜香辣惹味，而且爽嫩脆口，实属正菜也。后记：讲真快餐店都唔会预计会有啲咩特别好o既服务，但可能早一日食饺子时收过哥哥仔o既一杯温水有啲感动，喺「香辣屋」冇水饮就有少少失望啰。
继续阅读
咦…我系去海港城分店,但系点解database无既?唯有写系度啦!两个人,点左两样野…泰式海炒饭:少少辣,海份量唔算多,有鱼有虾,但系味道好行货,最奇系有一件好短既蟹箝或类似物体,但系因为连觳,根本唔系好食到里面d肉,晒!仲有一只煎蛋,但系好缩水,又细只又干净净,个饭炒得油,我唔推介!鸡肉汤米粉:所谓鸡肉,原来系鸡丝,咁鸡丝份量又算多㖞,而且几好味,全部系白肉,又有好多芽菜同菜做配菜,几好,个米粉好幼,入口时口感一流,因为食耐左都唔会发涨,份量又算多,呢个都食得过!而且仲好抵添($25连饮品)!
继续阅读
卫生很差，差到贴地！激气！要了一个鸡翼汤河。吃了两啖，发觉汤上浮著一只小强仔，好核突！即刻有想呕ge feeling~我以往食野如果发现蚊子仔或蚂蚁，我都算啦...但系今次系小强啰，即刻揾去换。埋到去，个阿姐已经知发生咩事，二话不说就话可以换过。我觉得呢D事可能已成日发生，otherwise佢无理由咁醒，我咩都未讲就知道咩事。无理由再换个汤河架，点知仲会唔会又有小强架！？换了碟泰式炒河，要补钱啰！我觉得好过份啰，而家系你d食物有问题，你仲要我补钱！有无搞错！！！真激气！o个碟咁ge 炒河好难食啰，一d 都唔泰式，无味，求其将d杂炒、无味ge 牛肉同河粉炒埋一齐！以后都唔会再帮衬呀！
继续阅读