香港18餐廳 (已結業)

家住長沙灣，經常到西九龍中心覓食。西九龍中心集多國美食，當中包括美國、泰國、日本美食等。不論平日或假日，都有很多遊客及住在附近的人到西九龍享受美食。當中，我便有數個心水食店，而【香港18】便是其中一個常聚腳的地方。因地方寬敞，坐位舒適，店員亦有禮。上星期自己一個便在那裡食了一個【咖喱蝦球飯】及加HKD10配餐湯及熱飲。當日我選了中湯，排骨冬瓜湯好有家的感覺，好好味。咖喱又香又惹味，唔太辣，蝃球大大粒，彈牙有咬口，一啖餸一啖蝦，果真一絕，一個人的晚餐，都不錯呢！

原本諗住入嚟食龍蝦芝士伊麵，睇睇下個餐牌見到特級牛柳餐，就叫嚟試吓啦！個女侍應問我要幾成熟我話七成，同埋可以揀碟上或者鐵板上，咁我就揀咗鐵板上，配薯菜。原本我都有D驚會鐵板上七成來到之後會變咗10成熟，好彩來都之後裏面都仲有少少紅應該真係七成嘅，食落口都非常之軟身唔實，雖然講唔上係特級嘅味道，但係90幾蚊來講都算係好抵食，起碼好過我之前喺某一啲牛扒餐廳食嘅牛柳。不過佢呢個餐配嘅帆立貝就真係麻麻地，唔係啲咩新鮮帆立貝，食落冇咩味，冇乜驚喜。成個餐有餐湯有餐飲， ＄100有找都算幾抵架啦，下次來先至再食返個芝士伊麵。

星期六都要返工幫手，是慘的。但啊頭都算識做，請大家下午茶慰勞一下。千揀萬揀之下叫左個奶油脆豬+瑞士雞翼配凍咖啡。總價$29。個奶油豬只係最邊邊嘅位有少少脆，係烘得太短時間所致，可惜。但牛油同煉奶嘅量就幾足，滲左大半個包咁濟。反而瑞士雞翼就好好了，個瑞士汁較得啱啱好，食落惹味。我諗用個包黎蘸黎食都可以的。而且啲雞翼煮到入晒味又腍，好食。整體黎講都唔錯，幾啱下午茶一班人打下牙骹。價錢又實惠。

新鮮滾熱辣，得閑又有相揸手所以就馬上打番篇文～其實第二次黎呢間香港18食晚餐，同樣地食番呢個芝士撈麵今次叫左呢個豬頸肉龍蝦芝士撈麵（$48），隔離連一碗湯底，係比你加黎撈落麵到一齊食不過我建議你睇左個麵先決定洗唔洗加湯，免得溝淡個芝士味道豬頸肉有9條，份量都唔算少見到滿滿芝士😍好鬼正第一時間緊係撈撈撈！撈到咁上下，今次睇落芝士份量麵好多，比上次多好多，相對冇咁乾身，就咁食麵可以食落去濕身，唔會齋食食唔落口，可惜芝士味欠奉，可以話係淡茂茂！☹️而豬頸肉都ok，冇乜肥肉，亦都冇乜燒焦部分唯有自己加d鹽，調調味，都可以吊番少少味出黎，唔係都食到冇哂mood至於我杯熱華田，超淡👎🏻飲落仲似溝左少少好立克咁款既味道裝修方面都幾得意，見到牆上既鹿仔都好可愛，在場內既裝修都有一番感覺臨尾一提，waiter將我杯熱華田落錯凍華田，初初上檯嚇一跳真係要check清楚張單😂

I went there after work to eat and got the special soup with various vegetables and meats (37HKD) and sizling udon noodles with mushrooms and vegetables (62HKD). The place had a wide variety of dishes and drinks to choose from and nice quiet athmoshpere.Huge portions and filling, especially the udon noodles which were also really tasty. the soup and the different meats on it were also delicious, but the dish consisted mostly of off these thin noodles that were kinda bland, especially when compar

平日沒有時間煮飯，都會到深水埗西九龍中心覓食，今晚便去到【香港18】，皆因抵食美味，又免加一。好久沒有食泡飯，便叫了一個【鮮茄牛肉泡飯】(HKD47)。泡飯超大碗，多湯又多料。鮮茄鮮甜多汁，牛肉薄身大片又嫩滑，泡飯配上湯料亦很夾。我加了少少辣醬作調味，味道份外可口。

差差差，行到入去，好多位但無侍應，有嘅都係啲都睇你唔到，叫左好耐先有人理，我叫左個黑椒炒豬頸肉意粉，一食啲豬頸肉係硬到咬唔到，超差，難食。我唔會再過來食囉！！ ！

今日同老媽子去左西九龍間香港18食下午茶，點左一份紅豆菠蘿包，一份奶油脆豬拼雞翼紅豆菠蘿包表面焗得香脆，配上香甜軟淋既紅豆，味道不會過甜，老媽子覺得比茶餐廳既更好味另外，奶油脆豬亦脆卜卜，淡淡的奶油香味更加令人食指大動，而雞翼係用瑞士汁調整，雖然細細隻，但味道咸淡岩岩好，雞皮表面有光澤，咬落十分嫩滑，而且肉汁豐富，不錯

平常好少過來呢邊食飯，咁啱想睇下考車牌的章程，所以才過來西九呢邊順便晚餐。去food court望過下，超多人，原本睇過op個兩間韓國料理真身未如理想，便轉戰6樓睇下有無啱食。就碰到香港18了。門口放左啲餐牌見款式都多，望一望餐廳入面人流對辦就試下囉。坐低叫左條倉魚，本來想叫個奶油豬食，但叫左咖哩牛腩有酥油煎餅2塊跟餐，又叫左吉列魚柳芝士龍蝦汁撈伊麵，都驚吃不完，就惟有放棄奶油豬啦。吉列魚柳芝士龍蝦汁撈伊麵先來，實物睇望都ok，而且是勁多芝士，肥死，可是好好味，芝士醬和伊麵混在一起，好有芝士火鍋的感覺！魚柳亦炸得很不錯！外脆內軟，魚肉滑得緊，有種棉花糖的口感，肉身又夠厚！48元包飲品堅抵！必食推介！咖哩牛腩亦有驚喜，咖哩汁夠香，椰味不會太重，而且香而不過辣，牛腩又夠腍！原本見到腩肉瘦瘦的，都驚好難咬！想不到都炆得好腍喎！而且蔥餅炸得很香脆，中間又夠煙韌，吸收埋咖哩汁，一絕！完全停不到口！想不到咀挑的我，竟然也甚覺滿意！個倉魚就反而蒸到有小小過了，不過也還可以啦！蒜汁都好重手下，不過我都好食得咸的，所以覺得都ok.

由出面望入去係吸引到我同朋友入去既， 入面係新裝修，用左好多鏡所以個feel好大咁。 d野食有d太鹹。 可能係我同朋友無叫飯， 就咁食所以就變左太鹹。 叫左一個炸魚芝士撈麵，呢個其實算抵食有得配野飲。 我都鍾意d炸魚既， 碟菜同個雞煲就偏鹹。

今日返左學校搞啲文件，諗唔到去邊食lunch，就求其去左最多野食既西九龍中心，突然醒起入面有間叫香港18餐廳，見個名古靈精怪咁，又係新開，就同個friend入左去試。門面幾新淨，入面驟眼睇有成五、六十個位，好闊落下，我地12點幾去到，唔係太爆，但卡位唔多，過左10分鐘出面已經排哂隊。餐單方面基本上都冇乜特別，一般茶餐廳既菜式，佢地有個set lunch既menu，上面係大路既茶記飯餐，包西湯同熱飲，凍飲加$3，我就叫左個焗芝士蕃茄煙肉雞扒飯，好足料，有哂大大舊蕃茄係面，雞扒同煙肉又鋪滿哂，汁同芝士既配搭一流!啲飯又唔會焗到乾哂，好食!最緊要一定食得飽，女仔或者細食既友可以share一份添!朋友叫左燒汁鴛鴦扒飯，望落細左啲，不過賣相都算唔錯，兩杯凍OT加紅湯，主餐出得好慢，等左差唔多成10分鐘有多，可能中午食飯時間，佢侍應又唔夠，anyway，埋單$111，以宜家既物價黎講算係正常水平，不過不失，以西九黎講算係其中一間少有既另類選擇，放飯既時候可以一試。

今天與小朋友行深水埗玩具街，買了其至愛的玩具後，並約了居於深水埗的朋友到西九晚餐。本來朋友想食果間蕯X亞意大利餐廳，可是周末晚市好多人在等位，所以轉移目標，去樓上的餐廳，朋友話有六樓間椰林閣喎！上到去，變左另一家餐廳，幸好等待的人數不多，好快可以入座了。點了几個晚市套餐，另配奶油豬一個，其實奶油豬係比留二位小朋友食嫁，如果晚餐表現良好，當作獎勵，可是雙方家長都認為佢地表現一般，每位小朋友只能食一小部分，其餘由大人分享。奶油豬仔包包身無白粉比較乾身（可能早上枱的關係）但表面牛油已經溶化，達至平均的蝕入豬仔包內，相信塗牛油之時，豬仔包是有一定溫和，如果當時趁熱享用，一定好好味！入口尚算軟熟，包的密度夠高，口感實在，要咬多几下！餐飲-熱奶茶已落一包糖，待餐後慢慢嘆，點知放涼後，表面形成一層layer.茶香不足，入口削脷（鞋口）。令我雙眼乸埋一執+皺眉。晚市的茶膽/茶精可能煮得太耐了，咪搞到唔滑囉！幸好座位尚算闊落(放到BB車),可以和朋友享受ok的晚餐！