香港18餐廳 (已結業)

今日放假去食午餐 叫左兩個A餐連餐湯熱飲餐包餐包微暖 牛油打開發現已溶牛柳配意粉味道ok牛柳配薯菜份量少 味道ok但飲品中晒伏一杯熱好立克 點解飲到洗潔精定清潔劑味飲左三份一就無飲而個羅宋湯飲到只係辣椒油 難飲到飲左兩啖都飲唔落見到隔離枱先生原本黎左三碗飲左少少都即刻換返晒中湯另外一吐氣係餐飲果度叫一個可樂一個熱好立克 黎左一凍一熱好立克 叫佢換返可樂就亂咁喺張單加錢 仲要唔問佢唔解釋 仲要大聲夾惡 最後有一個好少少嘅侍應換返張岩嘅單同解釋先無事

食物質素越來越差，又越來越貴。人手不足，場咁大得3.4個樓面，落單要等起碼10分鐘先有人應，應完又等多5分鐘先過黎落單。記得上次叫左3個菜，黎左第1個菜之後白飯等人攞黎唔洗講又等5分鐘，第2.3個菜又要隔15分鐘先到，第1個菜都凍哂啦。差評

呢度下午茶餐至6點。5點幾去到。啱晒我。輕食下午茶餐或重手點，當埋晚餐的選擇也有。我就梗係食埋當作晚餐啦。我就食呢個 蒜蓉牛仔柳意粉$43。朋友就食沙嗲牛肉公仔麵+香脆奶油豬仔包（半個）$34。要讚呢個沙嗲湯。並沒有「水寧寧」。更要讚那脆豬。真的堅脆。杯奶茶還可以。

一行九人想在深水埗吃東西沒有任何訂位的情況下有小朋友有BB車也有大人，一想就想到嚟香港18吃。因為這裏的價錢在深水埗來說是偏貴，所以相對的人較少，最終結果的確，嚟到不用等位，一行九人立即可以入座。選擇它的原因也因為小朋友可以食西餐大人可以吃中餐。七個人不想叫七個餸所以選擇了這裏一個二人餐二人餐有多一碟海南雞海南雞做得非常好，夠滑。去骨也做得很好。餐湯是蓮藕湯，煲得還不錯涼瓜牛肉的涼瓜夠苦，好吃，略慊份量有啲小雜菇扒豆腐，非常普通的一味菜椒鹽豬扒，分量很足夠，配菜也很好吃生炒骨，沒有特別檸檬蒸烏頭，魚身很滑，夠肥，這個很好吃兩個小朋友食牛扒以128的價錢來說，質素非常高埋單加埋啲凍飲905蚊，在深水埗來說是貴的。但是有bb車，長輩也想坐得較為舒服這裏的確是深水埗一個很好的選擇深水埗是有酒樓的，但因為小朋友可以在這裏吃西餐這個是我在來的原因，但如果你淨係想食中餐也可以在附近的酒樓吃

西九龍中心內食肆林立，試吓呢一間香港18嘅下午茶餐。個桂林辣醬一啲都唔辣，乾炒牛河非常油淋淋，牛肉片亦係軟淋淋，以茶餐廳質素嘅乾炒牛河嚟講，肯定係一次無回頭。凍飲加3，汽水加5。

年三十，早收工，在肚子不太餓又未夠鐘食團年飯之際，我與朋友走進了西九龍中心的香港18餐廳歇一歇。當時餐廳人流不算多，因此我們不用等候就可以立刻就坐。餐廳環境寬敞舒適，而且還有新年裝飾品，很有新年節日氣氛我們叫了奶油厚多士及藍莓厚多士。奶油厚多士如一般外面都能食到的奶油多，雖然味道不太突出，但也不過不失；藍莓厚多士較為特別，不是普通茶餐廳食到的，味道亦不太甜，是下午茶不俗之選。整體而言，位於西九龍中心的香港18餐廳環境及食物質素都不俗，而且價錢相宜，是下午茶時間歇腳的好去處。

老師前來探班 , 並站在舖前等我開舖 .... 要老人家等 , 我實在愧疚 , OK, 下午茶我請 ~下午茶 menu ~我點了 Q餐 , 焗肉醬意粉 $ 39 : 焗肉醬意粉 是港式 style , 意大利粉是煮得 " 腍-be-be " 的那一種 , 肉醬的 蕃茄肉醬 sauce 都夠香濃 , 而且是有用芝士來焗的 , 雖然未能做到有芝士拉絲的效果 , 但整體味道仍算不錯 , 吃的就是香港茶記 style 的味道 ~下午茶餐 , 奉送餐飲 ( 凍飲加 $ 3 ) , 慣常喝 Iced Americano 的我 , 就點了 凍齋啡 .... 邊喝咖啡 , 一邊聽老師的人生觀 , 不亦樂乎 ~本篇完 ~

好耐無去西九龍中心，咁啱到晚餐時間喎，又唔想去8樓food court 食野又坐得咁唔舒服喎，咁就沿住電梯搭落黎搵野食啦，咁啱搭到去6樓，見到香港18門面幾光猛，又唔需要等位，仲有卡位比我坐添，一坐低，就有員工攞杯水同餐牌比我揀野食喎咁見到小菜價錢幾實惠，68蚊有1個小菜，仲有湯飲添，今日咁啱中湯係豬骨湯，味道都幾好 叫左個龍蝦汁三文魚焗意粉，剛剛焗出黎熱辣辣，味道幾好仲叫左個蘿蔔忟牛腩，味道幾好，不過蘿蔔唔夠入味，牛腩牛根幾好食地方坐得舒服，下次可以再黎食最重要又唔駛加一，仲要關11點，真係可以行完買完野先坐低慢慢食都仲得添

今日朋友過嚟探我同BB ,又到下午茶時間，就同朋友去咗西九龍中心行街順便食啲野，因為推住BB,所以想搵間舒適啲嘅地方坐，行經啲間港式餐廳,就同朋友一齊入去食首先侍應安排左卡位俾我地，但我問佢有冇BB櫈比BB坐，跟住侍應就幫我地轉左另一個位方便放BB櫈， BB櫈送咗過嚟，但張BB櫈都幾污糟要自行清潔先可以比BB坐，同時亦都冇安全扣，太細嘅BB建議唔好俾佢坐住我同朋友一人叫咗一個下午茶share食，我就叫咗奶醬厚多士，朋友就叫咗香脆奶油豬仔包+瑞士汁雞翼，飲品就我叫咗熱檸水，朋友叫做熱檸茶，好快送上兩杯野飲，因為我哋兩個都唔加糖，檸水普普通通同平時冇乜分別，但奶茶就唔多叫好，朋友飲咗兩啖就唔飲，建議下次去唔使嗌奶茶叫其他嘢飲仲好跟住奶醬厚多士同時亦都送到，花生奶醬都會算OK多，花生都夠脆，厚多士都睇落唔錯，都幾好食香脆奶油豬仔包，奶油味夠重亦都夠香脆，豬仔包呢個都幾值得推介，下午唔多肚餓可以嘗試食呢個，瑞士汁雞翼雞翼好入味，豬仔包加瑞士汁雞翼都算一個唔錯嘅配搭總結：奶醬厚多士、香脆奶油豬仔包、瑞士汁雞翼值得一試，熱檸水普普通通，但奶茶就麻麻地

啲湯好似水一樣，完全唔夠味。野飲（我叫凍鴦），飲落去冇啡味得好小奶味，都飲唔落口。仲有咖喱飯啲咖哩好似溝過水一樣，係我食過咖哩以黎最唔好食嘅一餐。p.s第一次食呢間分店。

蒜蓉牛仔柳意粉的牛柳軟度適中，有好多牛筋，凍奶茶既甜味適中，唔太甜，適合比較飲少甜的奶茶，紅蘿蔔太過「林」，瑞士汁豬扒炒公仔麵，好多椰菜頭……希望好好改善。。。

之前跟好友食過寶哥感失望，路過見到呢間店就說好找天去食，今次跟好友在此午餐，令我想起六年前在深水埗工作時偶爾到此午餐，但當時的照牌係椰林閣，現在只係改咗名而已，都係果個集團😅😅😅跟好友見到呢個超值餐牌，我們就一人叫一款餐~~~$39可以在飯加湯和熱飲真係抵，我飲合掌瓜湯，好友飲羅宋湯，佢笑說覺得有點辣而未能飲清，而我就乖乖連湯渣都食埋好友的雞脾飯餐賣相不錯，如果係男士食未必會飽😂😂😂相反我個餐真係飽到不得了，炒飯底，有粟米白汁，感覺幾好食，能夠食飽飽真好本身用開storellet的我更可以儲分入會有迎新禮物，但因為今次食的餐太超值，所以不能享用迎新優惠(￣∇￣)但我感意外係本身入會自動多200分，間中幫襯儲分仲可以享受更多美食呢度下午茶餐都好似價錢不錯，找機會再來幫襯

中湯，西洋菜湯，有少許西洋菜，間中會有雞腳在內，還好，不覺太重味精。逢星期一的午餐，吞拿魚帶子焗飯，只在焗飯中間有一顆帶子，焗完又有點醬汁，味道普通。而吞拿魚則呈絲狀，猶如罐頭吞拿魚放在飯上面，微酸，味道也不差；但底下還是多了點油。星期五的午餐，枝竹牛腩飯，相比男人浪漫枝竹火腩，這個較具誠意。柱候醬配牛腩，送飯必勝，汁醬太少伴不了飯，過多太稀又浸淋飯，這兒則剛好。牛腩不多，三四件，質素有保證，不會太瘦痴牙，一層層的模樣，美味。枝竹吸汁，入味！環境算不錯，卡位大大張，人流不多不會搭桌，比起街上茶餐廳，這兒乾淨而人少，價錢便宜，可間中光顧一下。

星期日晚去西九龍買完野搵食，附近間間食肆都爆滿，得呢間門口較少人，入去睇下，見剛好有位就坐低。打開餐牌，都有好多選擇喎，太太想食湯飯，我叫左個椒鹽鮮魷，個仔本來想食海南雞飯，我話佢知呢樣好易中伏，要食就去食開信得過0個幾間食，於是佢改口要左個腿蛋治。OK咁就大家各式其式喇。本來想叫野飲，但要另外散叫，咁就諗住野食到左至叫。落左Order後，至見牆上香港18下面寫左「椰林閣」幾個字，已心知不妙。鮑片雞湯飯：水還水飯還飯，兼完全係味精味椒鹽鮮魷：有新鮮的炸味和粉味腿蛋治：最明智的選擇！幾杯野飲即時可以慳返唔叫。其實可能係我地問題，如果一早知道係椰林閣，就幾大都唔會叫湯飯同小菜。個仔見到個餐牌仲話唔好叫扒(佢對扒有要求，驚唔好食)，諗起都想打鑊佢。奉勸一句，去到呢類餐廳叫西式野好喇，扒類或焗飯之類應該冇咁易出事。如果咁不幸好似咁我地叫左呢尐，真係仲慘過去大X樂。其實點解唔放棄餐牌上多餘嘅option，專心做好有信心嘅菜色呢？服務方面，唔夠人係平價食肆嘅通病無謂深責，不過一次又一次隨口應左人之後冇左件事就唔係咁得。要搵就搵著西裝個位唔知係咪經理喇，正常好多。成晚我地都無心討論餐飯好唔好食，不過

兩個人去食，分別叫左焗芝士龍蝦汁雜菌三文魚飯同埋美國西冷牛扒七成熟，份量好足，三文魚飯好大碟，啲料好香，個飯有質素，對女性來講仲會多左少少。至於個牛扒味道好,好juice ，有沙律、餐湯同意粉送埋，真係好得。$258好抵食。