香港18餐廳 (已結業)

不太"痴家"的我，每到放假總愛四處遊逛，今天也不例外。到旺角區看看新事物新環境，收獲良多，看看舊事物舊環境也有另番感受。茶餐廳開業，環境和食物質素也相當重要，這間"香港18"店舖位置頗為不顯眼，設於二樓，門面整潔舒適，下午茶時段食客零星落索，不用侍應生招呼已可自行入座。餐牌上的食物價錢由30多元至4O多元不等，隨意點了干炒牛河及雜菜海鲜炒烏冬，再加添凍飲。正如我所說，環境是重要元素之一，樓底高與矮，枱椅擺放適宜與否，燈光調校等等。由於這食店樓底矮關係，不能高談闊論，正正坐於我旁的一枱食客，言語間每句都掛着粗言穢語，令人咋舌兼破壞氣氛!干炒牛河终於出埸，賣相吸引，镬氣十足，帶了微微燒焦味，下了甜甜的醬汁，牛肉和河粉不太油腻，口感一流。再来的是海鮮雜菜炒烏冬，海鲜並不是大大粒的，全都是迷你版，幾番尋找才看見它們存在。但不要少看它，厨師該是先把它們烹調再與烏冬混合，主要的味道源自於它，相反地感到味道更見鲜美。現時物價及生活指數不斷上升，租金昂貴令一般食店吃不消，不得不搬往樓上營業，遊客少了，生意也每况愈下，令人哀傷。

今次同幾個朋友仔聚餐，走左上黎香港18，環境都唔錯，坐位唔會逼，都唔會俾人趕走，星期五黎講，唔算多人，可能因為位置比較難搵既關係。服務員都勤力，見到食完就會幫我地清下張臺。一人叫做一個餐，我就食板燒牛柳仔飯，配黑椒汁，汁多足夠撈飯食，牛柳扒都嫩，整體黎講55蚊可以食到都算唔錯㗎啦，估唔到咁平😂

一行8人去食午餐，見香港18不用等位，就入去試下。寫單的阿姐，落單快、準。我們選了卡邦尼粟米斑塊配意粉，黑椒牛柳飯，焗葡汁雞飯。斑塊咬落去是凍的。想必一早就弄好了，有客點菜就即可上。。牛柳又是一樣，都是凍的。。。味道一般。唯一得焗飯是熱騰騰地上枱。值得一讚，例湯清甜少味精。

香港18 系連鎖系茶餐廳雖然環境比起普通茶餐廳乾淨得多，但系食物既味道就真系麻麻。帶子蟹棒炒飯味道真系一般，炒得吾香口，又無乜味。跟餐仲有餐包餐湯，都系普普通通。最好既系個姨姨好好人，知我想食菜就裝勁多俾我，好有人情味。

抵食又好食的一餐同太太出旺角羅野，當然食埋野先返去啦！去近廣華果邊羅野，行去呢度食都唔算太遠，幾好！先說環境，環境唔錯，地方都闊，又有輕音樂播放，真係幾好！冷氣就大咗d（我個人怕凍）服務，入門口時有人帶位，入到去招呼唔錯，侍應又有禮貌，叫佢做野又唔黑面，仲好快協助👍🏻食物，西冷夠冧（有少少紅色，我估佢比7成熟我），我要碟上，又冇問題！👍🏻，薯條夠脆，溫度就暖暖地！黑汁夠香、夠味👍🏻！可樂唔駛講啦！入貨者，不過可以一提，冰底用碎冰！價錢，係旺角一個扒餐唔駛60元仲有凍飲，已經係無敵啦！👍🏻👍🏻👍🏻整體來就，👍🏻👍🏻👍🏻👍🏻個讚啦！正

女小編今日放工要趕去上堂，所以快快入左呢度食個快飯！依家做緊優惠，加入做會員就送一個豬扒包，梗係即係加入啦！豬扒包好有驚喜😍 唔好以為送既野就唔好食，真係幾好食，皮脆同豬扒鎖住D肉汁，幾Juice ！完全無咬到牙痛🤣另外叫左個鐵板西冷牛排意粉👉可能牛扒煎得熟得濟既關係，有點韌，但個意粉夠乾身，幾好咬口同本身有蕃茄醬，食落唔錯。鐵板燒豬排伴倫堡紐腸飯👉豬扒唔韌, 反而德國腸好食過豬扒，夠味😊

今日約左一班好耐冇見的朋友，打算去食妹記再去飲野，點知一去到妹記門口，勁多人，目測都有廿幾人，拎位個員工話要等10張枱，即刻放棄因為肚餓我地呢個時候他見到原來妹記隔離都有間餐廳的，二話不說就入去，得一兩台有人一睇份menu，哇左出聲，估唔到呢個年代仲有d4x蚊既晚餐，我便嗌左個焗豬扒飯加凍奶茶，都只係48蚊焗豬扒飯食評：都唔差的，首先個賣相唔差，原本以為個飯size較少，但我都幾乎吃唔晒！味道不錯，豬扒好軟熟，汁既份量都夠撈飯，唯一要挑剔的係靠邊既飯好硬，係太乾個隻硬，我第一啖仲以為d飯未熟咁！

HK18 這間餐廳位於旺角，早前已經試過午餐，味道唔錯，午餐價格由45.00 元起，有湯及飲料，相對便宜。今天到達餐廳已經2:30 啦，待應姐姐話有下午茶下午在茶有好多種類，最後㨂左咖哩牛腩飯原來下午茶份量都唔少，賣相都唔錯咖哩汁好香、微辣，唔會太稠，配飯一絕牛腩好腍，入味，不過，有小小肥下午茶好抵食，不過，侍應姐姐好忙，落單要等一等，俾啲耐性

11月6日晚上，同朋友行完山後就坐車過去旺角搵野食，搵左一段時間最後選擇嘗試這間，味道一般，價錢有些唔值，不過都係快餐店也不能要求太多，飲品都無咩特別，只係唔要求，冰既份量也有點兒太多，除非附近沒有好野食，否則都不會再去幫襯

香港18啲下午茶餐幾抵食，要咗碟桂林辣椒醬乾炒牛河，另加$6配奶油豬！奶油豬味道其實間間都差唔多，好難會整得唔好食！所以無咩好講~😂桂林辣椒醬乾炒牛河，炒得唔算太油，牛肉亦唔韌，不過我開頭食，完全食唔到辣椒醬味，食到中間先食到辣味，應該係辣醬炒得唔夠勻，因為有辣醬惹味好多！坐位亦舒適寬敞，價錢亦大眾化，抵啊！👍

星期日同男朋友得街行到又攰又餓，經過女人街就比香港18個抵食dinner menu 吸引左上去可能成9點先食飯，入面唔算多人，可以直接入座因為男朋友太餓，就叫左個晚餐鐵板牛仔柳，再加個豬仔包。牛仔柳夠林，又多汁，而且52蚊包湯包野飲，旺角黎講都幾抵食不過佢話最驚喜係豬仔包，外脆內軟又夠香，就算食完個飯，飽飽地都仲有mood食我自己就叫左個貴少少88蚊嘅half cooked鐵板西冷，果然價錢同質素係成正比嘅，塊扒既厚身，但係又夠軟滑juicy ，而且大大件，女仔要食哂真係有啲難度！值得一讚係，half cooked 真係half cooked 無煮過火，拍得住專食扒嘅地方茶記價錢，扒房嘅質素，員工態度同環境都唔錯嘅餐廳，可以一試！

喺旺角搵食選擇係多，但想坐得舒服可以慢慢傾又似乎冇咩選擇...呢間餐廳就正正坐得舒服唔使等位嘢食ok又平。焗肉醬意粉: 某豬不停咁話呢度嘅肉醬意粉好好味，其實就誇張左嘅。不過味道唔錯，絕對有連鎖pizza店嘅水準，而且用料都唔少，除左免治牛肉仲有腸仔!鐵板黑椒汁牛仔柳配薯菜: 牛仔柳有兩塊，薯條嘅份量非常多，仲有唔少蔬菜，份量十足。牛仔柳好淋，但就冇咩肉味，黑椒汁都冇咩特別，整體表現不過不失。

星期六中午，我和男友去這間餐廳吃午餐。中午1點15左右，餐廳只得很少客人。環境方面，由於沒有太多人，我們2人坐4人卡位，十分舒適！我們叫了2個set lunch的A,B餐，A餐是黑椒雞扒飯（轉了蒜蓉汁）， B餐是蒜香牛扒（配薯菜）。雞扒飯方面，雞扒份量適中，而且十分厚。不過白飯就比較少。雞扒十分嫩滑，又有肉汁，十分美味。蒜香牛扒方面，牛扒十分大塊，而且十分厚。牛扒雖然全熟，不過完全不（鞋），不韌，而且又有肉汁，十分美味！Set Lunch送餐湯和熱餐飲，中湯味道不錯。價錢方面，雞扒飯$48，牛扒餐$49，免收加一。總結來說，這間餐廳食物味道不錯，而且抵吃，是吃飯的好選擇！

朋友介紹話旺角有間茶餐廳啲野好平好抵食，問她攞左資料後一直未有機會試。星期日果日出旺角買啲野醒起呢間茶餐廳，於是乎上去睇下，入到去都見到好多人，啲員工有禮貌地問幾多位，之後就安排坐位比我，打開餐牌見下午茶啲价錢唔算貴，下午茶既時間由2:00-6:30,唔怪得我朋友話有時放左工黎呢度食埋下午茶既炒粉麵飯，都係$40左右，然後先返屋企，跟住就唔食晩飯啦！睇完餐牌後，我叫左個下午茶C餐:午餐肉公仔麵配香脆奶油豬仔包，一杯熱咖啡。然後叫佢比杯水我。過左一陣，啲食物到啦～先黎碗麵，用個有柄的湯碗裝住，見到有兩片午餐肉，小小蔥花灑係面，再加小小生菜絲。兩片午餐肉切得唔均勻，一片薄啲，而另一片就切得厚啲，而午餐肉亦有煎過表面，但冇煎香的味道，不過好彩冇成口油淋淋感覺，咬落去啲肉質好爛有啲咸，至於公仔麵煮得不會太淋，麵條咬落去唔會有未煮熟的感覺。跟住黎香脆奶油豬仔包，咦！點解好似比人咬左一啖甘既 ，應該係分得唔均勻啫，不過我又冇諗住換，一睇就知它烘得唔夠時間，摸上手微熱，試了一啖只係有少少脆未至於淋，而牛油煉奶搽得均勻，不會感覺太甜，也不會一咬就成口煉奶或者成口牛油。最後杯咖啡到啦，原來係即磨咖啡，

在外忙了一個上午，終於到了下班的時間，一個人在旺角，最方便還是茶餐廳，於是再次到來此店。時間尚早，還有很多座位，不需要等候就可以入座，而且還有免費上網服務，的確是個休息一會的地方。餐牌上很豐富，多個午餐選擇，有點口淡淡的感覺，來個湯飯是不錯的，選擇了一個鮮茄蛋肉碎湯飯。只是上網不多久，就已經送上這個大大碗的湯飯，又紅又黃的，色彩鮮艷，已經很吸引。蕃茄湯味濃郁，鮮香的蕃茄味，令胃口大增，有增加食慾的感覺。蛋花與肉碎配合得剛好，不咸不淡，再加上蕃茄湯的香味，很有層次感。飯雖稍軟，不過以口淡淡的我，又覺得不錯，正合此刻口味。以樓上的茶餐廳，不錯的食物，舒適的空間，還有免費上網服務，的確可以讓人放鬆一下工作的緊張心情。