13
3
1
港铁荔景站 A1 出口, 步行约5分钟
继续阅读
电话号码
21560612
附加资料
只招待會員
营业时间
今日营业
18:00 - 23:00
星期二至日
18:00 - 23:00
以上资料只供参考，请与餐厅确认详情
四年前黎食過，但個經歷非常不好當時本身諗住同屋企人黎屋邨附近食個簡單晚飯，點知搞左成兩個鐘先上曬菜食得完，成家人坐到人都癲😂好似係因為裡面一邊教學一邊做菜比啲客，所以先搞咁耐四年後再黎，已經唔係上緊堂，但都係咁慢🤦🏻♀️坐左一個鐘只上左其中兩個主菜同沙律，如果好肚餓就唔好黎啦，真係餓到人都傻😂係呢個小屋邨有西餐食都幾有趣但野晚就唔係所有菜式都有提供，而且份量都有少少細，但好彩啲野食都幾好食，又唔算太貴聽講中午人手比較多係各方面都比較好，都有人推薦過外賣
继续阅读
朋友相約到「香港西廚學院」享用泰式午餐。濶別兩年，環境變動不大，但食物依然美味！多款餐包任楝，我楝原味餐包、岩鹽切條包，真的吃到鹽架😅😅少少辣的泰式沙律，沙律汁調配很合味道，粉絲經過冰鎮處理特別爽，有咀嚼口味！很重忌廉味的南瓜湯，顯得又香又滑。主菜是肉碎窩蛋飯賣相不錯，肉碎用泰式香料與調味，味道不賴，抵是嫌略鹹少許！登！登！登！凳！我喜歡的甜品華麗登場！甜度很適合，有椰子脆片、杏仁片添香加脆，甜品主材料是很綿糯的紫米，好吃喔！凍檸水沒有苦澀味！是次消費$102。餐後我入會做會員，未來一年與家人、朋友可以大快朶頤！
继续阅读
炎炎夏日🌞🌡到訪了西㕑學院👨🍳👩🍳，用HKD$ 129 就食到十分清新，以🍅為主题的3-Course Lunch set，仲有手工麵包及一杯冰涼🍋飲品，十分恰意，真係好抵食！😋😋😋雖然超值，但不論精緻擺盤定味道質素，做足誠意～～❤️🔥視覺及味覺衝擊力！年青見習生由接待至用餐也親切有禮💝💖💘餐廳定期更新menu, 驚喜及創新🥳這一天雖然要加班，但吃了美味午餐，又给力工作。期待下次學院重開晚餐時段，我一定再來品嘗美食💗
继续阅读
標題太搶眼罷😅，應該係「談情一流」至真，先睇頭幾張相片，星期六晚全程得我一枱客，肯定不會撞到朋友，環境舒適，地方乾淨，氣氛燈光柔和，建議情侶要有高穩耐能力才來幫襯，因為此處並非正式餐廳食店。店名清晰「西厨學院」，是訓練少年厨神的地方，可惜今晚得我一枱人客book位，所以學院沒有安排其他學員OT，也沒有安排導師帶領，只得一個「少年學神」在場服務，由入門口+帶位+點餐+煮食物+上菜+收碟+沖咖啡+cashier+洗碗，都係佢一個人包辦曬。問佢一句，答你半句，目無表情，唔緊要，都係唔好騷擾佢做嘢，怕佢分心打爛嘢。原本見佢$298~兩人晚餐，心想非常抵食，但係原來主菜只可選一樣，我覺得唔夠飽，所以加咗沙律和甜品。湯ok，多士普通，條魚ok好食但份量少，比較奇怪是包餐飲，但只得咖啡要加$20🤯，甜品「紅酒啤梨」出色👍，最後結帳大約$400~我想比多次機會自己，下次應該要平日中午來試Lunch，我估會有多啲學員和有導師帶領，希望不會再令我失望。
继续阅读
3743 浏览
幾個月前上到嚟祖堯村祖堯坊嘅「彩龍船中西美食坊」食下午茶，偶然見到呢間「香港西廚學院」，八啩一下，原來除晚市外，逢星三四五都有午餐提供，而且，4道菜只賣$89，無加一，感覺非常抵，不過，星三四五都喺返工日，無機會啦！但最近痠情關係，有個別日子喺在家工作，咁中午都要放飯架，所以，搵其中一日同老婆上去食晏。原本喺想訂12月16日晏晝，但店家話呢個星期只做12月17日、18日（星期四、五）兩日，喺做聖誕節午餐，5道菜，定價$129，已包加一，之後學院會放假，直到新曆年後先開返。所以，趁有機會，12月18日都OK，菜單如下：不過，到訪當日，在門口仲貼多一張聖誕節午餐，只做12月25日、26日（星期五、六）兩日，同樣喺5道菜，定價$150，已包加一，菜式跟我今次食到嘅有分別。一入門口，裝修成一間咖啡店模樣，無詳細過問，我估喺教學之用，因為，佢哋除上述時間開放供應午餐，其次就只有晚上開放有做餐飲生意。防疫都做得好足，職員第一時間會要求客人量體溫，消毒雙手。之後，再由職員帶路，屈個彎就入到餐廳裡面，地方唔喺好大，加上由於限聚令關係，全場只安排到8張枱共16個位。裝修簡約，但亦算幾骨子，加上偌大嘅落地玻璃窗，喺欠咗少少陽光，外面仲有啲露天位，不過，就未有開放。雖然話裝修簡約咋，但餐枱上嘅擺設一點都唔「馬虎」，仲帶點舊式西餐廳或扒房嘅情調，餐具都排列好，可以講一絲不苟。而晌餐廳內，透過一面大玻璃，喺可以直接睇到廚房運作，由外籍導師指導，做菜就交由一班年輕學員作「煮」，真真正正嘅「學生餐」，透過實戰去體驗一下餐廳嘅運作！而部份學員就「客串」侍應崗位，裡裡外外各司其職，適逢聖誕，更着起聖誕老人裝應吓節。Classic Prawn Cocktail with Melba Toast菜單全英文，加少少註解，不過，甫坐低，學員都會作一個簡單嘅介紹。前菜、甜品都喺二揀一，我同老婆兩個人，唔需要煩，就正正兩樣都試到。呢個「雞尾蝦」真喺打響頭炮，首先賣相好精緻，甚有高級西餐廳做菜嘅影子，主角嘅牛油蝦，好清爽，肉質彈牙，而下面青瓜薄片捲住嘅喺牛油果、意大利乾蕃茄、蝦肉……等等做成嘅沙律，配上酸香帶微辣嘅醬汁，非常醒胃；再配搭烤脆咗嘅薄麵包片，以及以火槍燒過嘅牛油生菜，都反映好多細節位好用心。Melon with Parma Ham睇個菜式名，相信好多人都知會喺咩，不過，嚟到會有驚喜，其實，睇菜牌嘅描述，都會再了解更多，因為唔單止有巴馬火腿伴蜜瓜，仲有哈蜜瓜雪葩及炸芝士球。巴馬火腿未至於好油潤，但鹹香十足，襯以清甜嘅蜜瓜，非常搭配；而炸芝士球超脆口，芝士味好濃郁軟綿，又一啲都唔油；最後先至食個哈蜜瓜雪葩，可有清清味蕾之效。Lobster Bisque 有出去食開西餐都知，一客龍蝦湯單點賣到$70、$80，甚至更貴，而一般西式套餐都好少供應龍蝦湯，大多數都喺乜乜忌廉湯之類，除非喺晚市賣到3、4百以上嘅套餐。故此，百零蚊嘅午餐大俾到龍蝦湯實在喺賺突。難得嘅喺，個湯嘅蝦味非常突出，好濃郁，又夠熱辣，質感啱啱好，唔會太厚，亦唔會太稀，真喺好好飲。Christmas Turkey with all the Trimmings主菜3揀1，我就揀個夠貼節日氣氛嘅煎火雞，火雞胸、雞腿都經過慢煮，然後再煎香，所以，入口一啲都唔嚡，相反，都幾嫩滑，配上小紅莓汁，感覺好唔錯，而且，有一小件「pigs in blankets」，仲以為喺乜，其實喺香腸煙肉卷，甚具油香。A Vegetarian Christmas餐廳都照顧到素食人士，所以，老婆就揀咗呢一款素主菜，賣相有啲似聖誕肉批，但其食材喺烤烘過嘅果仁、白甘筍、醃漬過嘅紅菜頭，再加入素菜汁所做，同樣伴上小紅莓汁佐食。雖然明知喺素食材，但食落真喺幾有「肉感」，有陣陣香料味，而且，多種食材產生出多層口感，喺一道頗有趣嘅菜式。Roasted potatoes, Carrots and Turnip puree and Brussel sprouts 主菜喺配有薯菜，不過，好得意，我哋兩人份嘅薯菜另碟上，再由侍應夾上碟，包括烤薯仔、甘筍蘿蔔蓉（我初時以為喺蕃薯蓉）及炒小椰菜。啲薯仔烤得外層脆口，好有薯味，甘筍蓉亦打得軟滑，小椰菜好爽口。Lemon Tea餐牌無列明，其實喺有包餐飲，但免費嘅就只限檸水、檸茶，想飲咖啡嘅則需另加$20，此外，就無其他選擇。Christmas Pudding with Brandy Sauce 接近尾聲，喺上甜品嘅時候，呢一款聖誕布甸絕對喺傳統，食過嘅朋友就知喺一道烘焙嘅甜點，內裡混入大量雜乾果，簡單加入麵粉焗成嘅蛋糕已非常好食，熨熱香甜，味道芬芳，再淋上白蘭地汁，簡直喺完美嘅結合！Sherry Trifle 另一款甜點真喺唔知乜嚟，睇餐牌嘅介紹，有好多嘢，如生果、海綿蛋糕、雲呢嗱吉士、甜奶油，好期待。以傳統雞尾酒杯盛載，放咗幾粒紅桑莓，賣相好靚。單睇面頭嘅甜奶油嘅粒粒黑點，就知用雲呢嗱籽做，唔喺用香精油，喺誠意，而下面喺紅莓果肉夾雜海綿蛋糕，酸香鮮活，好好食。事後，睇到佢個聖誕餐牌，有個中文譯名：英式奶油水果杯。Mulled Wine and Minced Pie 由於賀聖誕關係，最尾再送上暖暖嘅紅酒及迷你豬肉批，前者喺加咗啲玉桂及八角去煮，飲起嚟更容易入口，又滲出陣陣香料味，感覺真喺幾唔錯；而豬肉批就唔喺好多驚喜，叫OK啦。用餐過程中，外藉導師不時會出嚟問吓客人嘅意見，而學員晌招呼方面雖然有少少生手，但都感受到佢哋都好盡力做，亦好殷勤有禮。順帶一提，每一環菜式，都會同步出菜，例如，前菜嘅蝦沙律及巴馬火腿配蜜瓜，都如一般高級西餐咁，一同上枱，絕無前後腳。而且，上菜嘅流程好順，即喺一道菜接一道菜，唔急，亦唔會隔得太耐。總之，無論食材嘅配搭及用料，服務嘅態度及流程，都予人稱心之感，真喺有着高級西餐廳嘅水平，但只喺百零蚊大眾化嘅價錢！
继续阅读