影片
坐66x入到嚟好口干，见到$15乌龙珍珠奶茶，之后又嗌咗个章鱼烧同埋辣鱼蛋，跟手出去出面啲长凳度食。鱼蛋一蚊粒竟然系陈皮鱼蛋，味道浓系有啲辣，章鱼烧好好好新鲜，章鱼切得几大粒，酱汁多，好惹味。个乌龙珍珠奶茶又唔甜味道啱啱好，下次有机会试埋佢个普通珍珠奶茶，整体来讲都几有惊喜👍大兴邨里面有好多地方可以坐，环境又清幽，建筑又特别，尤其是我呢啲市区人入到嚟，好似去咗第二个地方咁，当去咗个小小嘅旅行🤣
继续阅读
根据番现有手头上嘅资料显示，挂名(香港街头小食)嘅小食店，全港应该只系剩番三几间，我以前帮衬开沙田𠮶间，不过𠮶间可能顶咗手，D食品质素越嚟越差，后尾我都再冇帮衬呢间小食店，但屯门呢间就唔同，虽然只系卖一D好普通嘅小食，而且地方并唔起眼，但胜在小店真正100％用心制作所有食品及饮品，而且店内员工都有依足安全措施戴上口罩(因武汉肺炎疫情严峻)，以及全店均采用透明胶板挡隔食物，避免街外灰尘污染食物，店主卫生意识相当足够，喺呢间店有各类小食，章鱼烧、鸡丝翅、咖喱鱼蛋、格仔饼、烧卖、墨鱼丸、牛丸、肠仔、珍珠豆浆等等，而且价钱平，专做街坊生意，丰俭由人，我返嚟屯门系旧地重游，寻找昔日童年味道，个感觉都真系几唔错！
继续阅读