香港街頭小食 (大興商場)

营业中

休息中

坐66x入到嚟好口乾，見到$15烏龍珍珠奶茶，之後又嗌咗個章魚燒同埋辣魚蛋，跟手出去出面啲長凳度食。魚蛋一蚊粒竟然係陳皮魚蛋，味道濃係有啲辣，章魚燒好好好新鮮，章魚切得幾大粒，醬汁多，好惹味。個烏龍珍珠奶茶又唔甜味道啱啱好，下次有機會試埋佢個普通珍珠奶茶，整體來講都幾有驚喜👍大興邨裏面有好多地方可以坐，環境又清幽，建築又特別，尤其是我呢啲市區人入到嚟，好似去咗第二個地方咁，當去咗個小小嘅旅行🤣

根據番現有手頭上嘅資料顯示，掛名(香港街頭小食)嘅小食店，全港應該只係剩番三幾間，我以前幫襯開沙田嗰間，不過嗰間可能頂咗手，D食品質素越嚟越差，後尾我都再冇幫襯呢間小食店，但屯門呢間就唔同，雖然只係賣一D好普通嘅小食，而且地方並唔起眼，但勝在小店真正100％用心製作所有食品及飲品，而且店內員工都有依足安全措施戴上口罩(因武漢肺炎疫情嚴峻)，以及全店均採用透明膠板擋隔食物，避免街外灰塵污染食物，店主衛生意識相當足夠，喺呢間店有各類小食，章魚燒、雞絲翅、咖喱魚蛋、格仔餅、燒賣、墨魚丸、牛丸、腸仔、珍珠豆漿等等，而且價錢平，專做街坊生意，豐儉由人，我返嚟屯門係舊地重遊，尋找昔日童年味道，個感覺都真係幾唔錯！