香港嘆得起冰室 (已結業)

長沙灣新開左一間茶餐廳，叫談得起茶餐廳，甘岩今日阿媽無煮飯，我就同媽媽一起落樓食晚飯。雖然是新開的茶餐廳，但已經爆滿曬人，仲要係門口等位，估唔到新開張都咁好生意，就真係要試真D。我點了這裡的皇牌鐵板燒——鐵板珍寶雜扒，有雞扒有牛扒，還有香腸和培根等等薯菜，鐵板燒煎得蠻香的雜扒，好味又夠份量，質量係不錯的。媽媽點了鎮江骨餐，是晚餐套餐，呢度晚餐套餐超抵食，有野飲有湯送，試過這個鎮江骨，做得真係不錯，超夠味，甜甜地酸酸地又開胃，而且排骨食得出是新鮮的，用料真係夠靚，好味到想添飯。再點多個菜係沙爹肥牛金菇鍋，這個家常小菜煮得味道也剛剛好，肥牛也夠嫩，炒得也夠香，送飯是很滋味的。野飲都有好多選擇，點了涼粉冰，炎炎夏日食完飯飲返杯當甜品很不錯。冰室來講，能做到這個水準算是高質，以後屋企無煮飯就知邊度可以食家常便飯啦。

今日有點忙 無時間煮晚餐剛巧去左長沙灣做野 順便買外賣回家行過見到呢間門面很新 裝修風格幾港式就打算去試試門口的餐牌好似得幾個餐 原來仲有好多選擇無放出門口因為限聚令關係 唔比堂食 所以真係有D清淨等左大約10分鐘多D 就拎到 (雖然要等 但證明左係即煮都係值得)D.蜜椒一口牛-$78有埋湯同飲品份量一口牛好林 好香黑椒味同埋好多薯仔 薯仔係外面有D甜內裡好棉 好好食 吉列豬扒雙蛋飯配蔥油-$62吉列豬扒反而有D失望 好似有點太乾如果多番D 肉汁會更鬆化雙蛋飯配蔥油無得輸吧飯入面仲有D甜soy sauce  好味! 好邪惡下另外店員很有禮貌 服務不錯飲食業而家太難過了 請大家多點支持新的黃店吧!!!!

特首話6點半後唔俾堂食，唯有買外賣啦online見到呢間餐廳新張期間有優惠，淨返一個禮拜咁啱我符合，又喺附近就去試試門面以Tiffany Blue裝潢+霓虹燈牌好搶眼室內仲加埋近排好hit嗰句俾啲掙扎基本同一般冰室/茶記粥粉麵飯差唔多，仲有大排檔鑊氣小炒/鐵板餐份量充足，飯量都夠晒，可以飽肚但小菜無跟白飯、例湯，要加$12先有當日例湯係粉葛湯，幾有火喉同足料，無味精只係鹽多咗少少(不過平時我煲湯唔落鹽)疫情期間難試味，可以原諒小菜叫咗碟霸王雞$78，真心有驚喜雞肉份量充足，大概係半隻雞，雞油滲出雞皮爽彈，雞肉嫩滑，唔算肥膩蔥花好香口，醬汁濃淡適宜，意外有水準，配白飯好適合滑蛋叉燒飯$63 係茶記港式碟頭飯之一將炒滑蛋平舖白飯上，滑蛋半熟狀，特別爽滑蛋汁香濃，蔥花點綴更有層次加上軟嫩半肥瘦叉燒，有微微肉香，白飯亦夠乾爽有港式味道，鹹中帶甜，叉燒色澤雖鮮明，但略嫌唔夠焦香感飲品更有冰室感，當中咸檸七$23同龍鳳檸樂$23紅紅綠綠汽水冰爽涼快，夏天飲夠消暑咸檸七係七喜配咸檸檬，酸鹹味夠開胃而龍鳳檸樂就係可樂配咸檸檬再加檸檬，雙檸好酸爽同fresh，可以解膩

鐵板珍寶雜扒~108$~🐥雞扒、🐷豬扒、🥓煙肉、🍖腸仔真係好大塊扒，🥩份量十足，係大塊到連個碟都擺唔到意粉🍝另上嘅。咁大塊但肉質都juicy，唔會好揩。就連煙肉腸仔都好惹味，外皮表面煎到好香脆。個鐵板都發揮左佢嘅功效，又開始食到完仍然保持住個熱度🔥。至於個蒜蓉汁，so nice!蒜香好重，由個醬汁🧄裏面有一粒粒既蒜粒就知。滑蛋叉燒飯🍛~63$~半熟透嘅滑蛋，加埋蛋漿，撈埋落個飯到好正。而且啲叉燒半肥瘦，燒得好靚，茶餐廳classic而signature既主菜。涼粉冰🍹~23$~濃濃花奶味，涼粉份量都好多，好耐冇飲咁傳統茶餐廳茶飲！龍鳳可樂🥤~23$~新鮮檸檬加鹹檸🍋值得一提係茶餐廳嘅裝修，地道風味，「俾D掙扎」香港人！

由於病毒🦠係6點後會出現而家唯有食外賣啦！長沙灣區黃店外賣💪🏼新式冰室設計簡約整潔而且門口有塊大燈牌影相打卡📸-黑松露炒蝦球 $78小編最愛西蘭花🥦黑松露汁香濃西蘭花索哂d汁好好味😋蝦球亦爽口彈牙送飯一流😉-晚市套餐生炒骨 $73 配餐湯酸酸甜甜最岩夏天食非常開胃🤣屋企比較難煮生炒骨所以通常出街食都會叫黎食😎生炒骨夠哂穫氣好味道😋-咸檸7/龍鳳檸樂去茶餐廳必定要叫呢d特別野飲🤣咸檸非常夠味有d餐廳就算篤爛哂都冇乜味🤔

疫情期間大家都要留係屋企食飯，屋企附近就有呢一間嘆得起，都係一間茶餐廳嚟嘅間餐廳都好新，遇到疫情真係唔好彩...要幫襯下支持下呢一度嘅價錢都好平民我哋今晚食飯就叫咗椒鹽豬扒同埋沙嗲肥牛金菇，加白飯同嘢飲，夾埋都係唔使$200。返到屋企一打開，嘩好足料，勁大份兩個人食都食唔晒，可以食兩餐😂椒鹽豬扒好好味，勁推介。另外個沙嗲金菇肥牛，都勁大份，就會食粉絲都可以食得飽人，味道都唔錯，但係我覺得椒鹽豬扒好食啲。跟餐仲送埋飯同埋湯，正呀，個湯好似屋企煲咁樣，應該冇落味精，好清甜，係紅青蘿蔔豬骨湯！真係好抵食～

餐廳大，位署闊落，座位多。我係比佢一入門口大大塊霓虹燈牌吸引。入面唔播cctvb，只播viutv。.🔷小菜轉餐(+$12) 配飯，湯/飲品。.🔸西檸雞($73)分數: (6.8/10)夠熱，啱啱炸起，個皮又夠脆。炸皮唔會太厚，雞肉夠多，唔會太硬。味道酸酸甜甜，好開胃。.🔸欖菜肉鬆四季豆($73)分數: (6.8/10)啱啱炒出黎，好香口，份量都唔少。味道偏鹹，送飯食就啱啱好。.🔸合掌瓜湯分數: (6.6/10)冰室既湯竟然飲到煲出黎既甜味，唔似味精湯，而且好多湯料，好多合掌瓜。.🔸紅豆冰 (特飲+$9)分數: (6.8/10)好多紅豆，紅豆好夠稔，令成杯都充滿紅豆味。.🔸涼粉冰 (特飲+$9)分數: (6/10)好多涼粉，撈落椰汁，好似甜品咁，不過味道較淡，唔甜。.

呢間新派茶餐廳裝修潮特，唔洗怕污穢。期間限定仲有身份證優惠💳唔同時段只要有指定數字係括號內，即享免費午餐或晚餐一份！而括號外有指定數字即享午餐或晚餐8折優惠🤩💗鐵板珍寶雜扒($108)鐵板分別有雞扒、豬扒、腸仔同煙肉。厚身雞扒食落依然嫩滑鬆軟，證明封鎖晒肉汁，而且冇雪藏味。雞皮煎至脆身，皮下脂肪少🐥；薄身帶骨豬扒肉質結實偏瘦，但一d都唔硬冇過熟，幾容易切開。預先用香茅醃製，所以好惹味🐷；腸仔就係普通貨色，表面煎至焦脆🌭；煙肉肥瘦適中，味道夠鹹香🥓。旁邊嘅西蘭花新鮮翠綠，唔會得白烚個陣草青味，口感依然爽脆🥦。今次揀咗配濃稠嘅蒜蓉汁同意粉🍝💗金沙蝦球 ($78)蝦球沾上薄薄嘅粉漿後炸至金黃香脆，再加入牛油鹹蛋黃翻炒🍤蝦球份量十足，大約12-15隻，食落爽口彈牙🦐面層掛滿濃稠鹹蛋黃醬，口感沙沙地有蛋黃粒，陪外甘香惹味。加$12仲可以配飯同湯或者飲品🍚💗鮮茄牛肉炒蛋($78)蕃茄煮完後唔會溶溶爛爛，依然保持到一件件，味道新鮮自然，醬汁濃稠，酸酸甜甜好開胃🍅牛肉片非常足料，食落冇鬆肉粉味，而且口感唔韌🐮可惜炒蛋份量較少，有喧賓奪主嘅感覺🍳另外仲有少量爽脆嘅洋蔥🧅同草菇🍄作襯托。💗紅豆冰($23)

香港嘆得起冰室kay gor 今日去開長沙灣見到間新餐廳。有港女最愛tiffany blue 簡單裝修，環境舒坦。沙薑雞雞才是我最喜歡吃的。雞肉, 很嫩滑, 雞皮, 很爽彈. 其實不是這裡的招牌菜, 但水準一點也不賴.沙姜味入晒落隻雞到，味道都幾好，估不到有甘高水準黑松露炒蝦球好香，蝦彈牙新鮮蝦球夠大隻，肉質結實，但不論蝦香或是松露香氣算很强翡翠西蘭花，選材是合理, 調味都岩岩好竟然可以食到甘高質數既菜式, 真心覺得好值支持香港小店, 一同抗疫

屋企附近開左間新茶記🧐前排見佢好多人，今次終於有機會去試到‼️門口隻Tiffany 色好吸引😍，入到去仲有個打卡位，都真係幾靚💕之後坐低冇耐，不停聽到「炸炸聲」😂差唔多枱枱都食鐵板😆搞到我都要整番個🤣🔹鐵板雜扒 跟薯菜 $88 ：終於到我最期待嘅「炸炸聲」😂汁都未落，已經「炸」緊🤤個鐵板有雞扒、豬扒、煙肉、香腸同埋一堆薯角😆整體基本嘢都齊晒😎而佢最出色嘅係雞扒🐔又厚又大塊👍🏻薯角都有驚喜💕真係炸到外脆內軟食完真係超滿足🥰🔹霸王雞$78 ：霸王雞蔥味夠晒香🤤餸飯真係一流👍🏻最緊要係佢d雞都幾滑，我地兩個都覺得幾好食😍仲要份量又多又大大件‼️$78黎講又有例湯又有野飲價錢都唔算貴😎鍾意食雞既朋友不妨試下👍🏻茶餐廳黎講，水準都算唔錯😎最緊要係乾淨企理‼️我覺得佢門面裝修同打卡位都值得一去👍🏻味道：4/5服務：4/5環境：5/5抵食：4/5

放工同屋企人過嚟長沙灣呢邊探親戚，去到食飯時候大概8:30pm，就周圍搵食啦。見到呢間餐廳幾光猛，而且係大街好容易搵，乾淨企理嘅感覺，就一於入去試吓。最近疫情關係大家都少咗出街食飯，但係呢間餐廳嘅預防措施都唔錯，有晒隔板，有晒探熱步驟，令客人食得安心。同屋企人最鍾意食小菜，叫咗兩個小菜跟餐餸白飯同嘢飲，首先上菜嘅係熱辣辣嘅南瓜湯，夠晒熱，唔錯。然後就係紅豆冰，我好鍾意每一個餐廳都叫紅豆冰試吓，因為唔算好多餐廳做得好，而呢個餐廳我要重點推介佢哋嘅紅豆冰。首先椰奶夠香，好香濃，而且紅豆夠沙，豆又夠多，夠晒甜。啱啱好😍真係好好飲。之後就係霸王雞，賣相好靚，而且雞件有夠多，$78來講份量算好足夠啦。雞件好滑，醬汁唔會太鹹，味道剛剛好。沙拉骨就係我細細個都好鍾意食嘅小菜，呢個沙拉骨醬就多咗少少，但係味道好唔錯，排骨都夠軟身，唔會粒粒都有骨，好好送飯。

茶餐廳係香港本地文化, 試過去外地既茶餐廳簡直完全係兩回事, 香港既茶餐廳真係無可取締😎知道嘆得起冰室做緊指定身分證號碼優惠就專程過嚟試吓...餐廳裝修好有心思帶懷舊氣息...座位寬敞...光猛潔淨🥶茶記做扒餐呢間有返咁上下！叫得皇牌鐵板當然要試一試啦...鐵板美式西冷, 當黑椒汁淋落去鐵板果吓"喳"一聲真係好正！而呢一下"喳"一聲就係我由細到大都鐘意据扒既原因😆😆牛扒肉質又淋又彈口😋另外叫多個精選小菜黑椒牛肉茄子煲, 呢味係大牌檔必點系列之一送飯送啤酒的確一流👍🏽🤤🤤

近排發現好多新開張食肆呢間係其中一間位於長沙灣冰室嘆得起冰室辛苦返工 志在搵食新開冰室 裝修乾淨企理 不在話下地板唔會滑脫脫枱面唔會癡立立而且店內都好多坐位時間尚早 6:30嘅我哋已經食晚飯啲間冰室除左常餐 仲有好多選擇 先黎：套餐包中湯一碗職員好好 原本得一碗但佢私人送多一碗過我老黃瓜蘿蔔湯 湯清清 唔重味精一邊飲湯 一邊聽Beyond 川味口水雞份量大 初時以為口水雞底下放有配菜再望清楚 原來底下都係雞肉即係代表 呢碟雞足足有半隻雞份量 足料至於雞肉 唔會過於老 味道唔會過辣香港人口味既口水雞我對咕嚕食物有一種情意結咕嚕蝦球蝦球大粒 粉漿不會過厚 蝦肉爽 味道酸酸甜甜 正老實講 初時對啲間冰室無乜期望帶住一個身心疲累嘅身體 食飽飽就算結果 好味呀 下次可以再食報告完畢

因為間餐廳做宣傳。身份證有(1)字可減$50。點咗個燒汁吉列豬扒蛋蓋飯加個涼粉冰。埋單扣咗$50只需付$17。間餐廳橫裝好重香港FEEL。室內有neon light燈牌。有廿四吋有電視。老闆先上個靚湯。份量少得可憐。不如唔送好過。個燒汁吉列豬扒蛋蓋飯賣相好正。個蛋抄到恰到好處。唔算好乾身。入口爽夾滑。個吉列豬扒炸到金黃色。入口爽嫩。上等食材。個涼粉冰入口清涼。原價$23跟餐只收$14。好抵飲。個人推介香港口味好重的嘆得起。

夜晚黎到長沙灣，💛有新開黃店，裝修幾好，✨門面大大塊霓虹燈寫住「香港人比啲掙扎」，😂入面電視都寫明固定頻道播 Viutv .🙈不過店員服務的確有待改善，好似個個都唔太理人唔點講野·🤩得知呢間黃店新開做優惠，而家身份證括號有指定數字就有得扣五十蚊.蜜椒一口牛 配白飯 $78😘呢個真係幾高質，整得唔錯！🌟推薦🌟🥔薯仔外脆內軟，加上有蜜糖好香甜🐮牛柳粒夠腍一啲都唔會un，好惹味配飯真係一流！燒汁香蔥蝦仁蛋蓋飯 $68雖然係普通菜式，但🍳啲蛋夠滑，而且🦐蝦仁大大粒🤓不過蝦仁可以再彈牙啲，燒汁可再多啲就perfect 啦！