香港嘆得起冰室 (已結業)

位於長沙灣既呢間餐廳, 位置都幾方便, 地鐵站行過去10分鐘都唔洗就到方便就腳, 今日食既呢個係霸王雞呢度晚市既選擇非常之外, 不過有幾款都係隔離打左粒星, 代表係廚師推薦呢隻霸王雞都只係78蚊, 就已經包埋白飯同熱飲, 價錢唔算貴, 當係加餸都抵雞吸收哂配料既味道, 而且好嫩口下, 口感同味道都不錯啖啖肉超好味!! 連D雞皮都係咁好食, 加埋之汁真係一流蘿白牛腩煲蘿白牛腩比例係一半一半, 除左有牛腩之外仲有牛根係入面, 入味之餘仲好豐富下

今晚阿媽唔煮飯，我就負責買外賣返屋企，行到過去長沙灣呢間嘆得起冰室，個名同裝修都幾得意，所以決定又俾次機會佢啦！「俾啲掙扎」佢都識，呢間冰室都好鬼潮啫！其實我都好鍾情於港式茶餐廳，因為密密麻麻嘅餐牌，真係好多選擇。我就揀咗兩款都係有手指公推介嘅小菜。呢個蜜椒一口牛份量十足，滿滿嘅一兜，而且唔似得出面某啲茶餐廳咁有半碟都係三色椒加洋蔥之類。嘆得起冰室嘅出品就比較貨真價實，牛肉粒同薯仔嘅份量都多，而且佢嘅牛肉好淋，老人家冇牙都一定食到，薯仔嘅外面本身係炸過，再用蜜糖黑椒汁兜番，掛到啲汁，好味到不得了！另外仲叫咗好邪惡嘅黃金蝦球，蝦球總共有10隻，每隻都爽滑彈牙又夠大隻，外面再有鹹蛋黃醬包住，真係邪惡得來又好味！小菜加多$12就可以有白飯一個，然後再配飲品或者例湯，今日嘅湯係中式嘅合掌瓜紅蘿蔔煲瘦肉，飲落都唔似有味精，唔錯。另一個餐就配左檸檬茶，都夠大杯！呢餐真係非常之滿足

晚上約了朋友在長沙灣附近交收物品，順道在附近搜索外賣晚餐。這次連外賣餐盒也準備了。被這餐廳的「比啲掙扎」吸引了！（當然也不抗拒晚餐的菜單啦🤣）由於家裏已煮好湯及炒青菜，於是點了兩款肉類菜式：霸王雞及沙拉骨。個人覺得霸王雞很不錯，雞肉還算嫩滑，價錢合理。沙拉骨則是小孩至愛，很快已經清空了。（我個人一向麻麻沙律醬🤷🏻‍♂️）等外賣期間，發現其實店內環境頗舒適，可惜仍舊限堂食影響了生意。如果可以堂食，我會很想一嚐那鐵板餐🥰

疫情關係，夜晚禁晒堂食，收工仲要買埋野番屋企食。老媽子話買左d燒味外賣，叫我落茶餐廳整兩個餸番去開餐。咁啱經過呢間好似新開無耐又見人少少，隨便啦。叫左個霸王雞，同椒鹽豬扒，又幾有彩蛋。霸王雞其實佢落嘅芫茜同椒絲都幾足料，啱晒我呀媽需要食好多香菜類嘅人士。至於椒鹽豬扒，就算買完大半個鐘後食都仍然係香口嘅，算唔錯。連餐有飯有野飲，好似每個餐要加12蚊。兩個飯分開裝，都唔細，夠3個人食，咁就飯都唔駛煲。

經過長沙灣比呢間冰室嘅餐廳名吸引住，叫做 嘆得起冰室 🤣，加上門口嘅食物圖片夠晒吸睛，今次就買外賣返去嘆得起先！餐牌食物款式很多，平時好鍾意食滑蛋嘅我見到呢度嘅王牌燒汁蛋蓋飯咁吸引，仲有六款口味，即刻揀咗個廚師都推介的「 #滑蛋叉燒飯」及中式小菜「 #霸王雞套餐」，仲送中式例湯及飲品，兩袋外賣即時攞返屋企慢慢嘆。⊰⊹════════════════⊹⊱✎ 食後感 ：✨「 #青紅蘿蔔湯」先濕濕口好暖胃，入面嘅豬肉好林好軟口，仲好入味添。「 #滑蛋叉燒飯」驟眼睇叉燒嘅份量都幾多而且好大塊，滑蛋確實好香滑，食落去有點入口即溶的口感，撈埋飯同埋蛋汁一齊食好Creamy。「 #霸王雞」雞幾份量都頗多，而且多肉少骨，醬汁加上蔥花芫荽及辣椒絲，令到雞件很入味，而且雞肉肉質滑嫩，配埋白飯一齊食認真滋味。食飽飽飲番杯凍檸茶爽一爽喉嚨，呢一餐 #中菜 晚餐確實很滿足，而且性價比很高呢！

抗疫期間每日都要諗買咩外賣番屋企食, 咁岩今日想食小炒, 屋企附近開左呢間香港嘆得起冰室,門口夠晒光猛, 入面個燈牌仲好吸晴!叫左2個小菜, 加左飯番屋企食, 3條友都食唔晒,, 實在太大盒!因為我地全家都係食肉獸, 叫左椒鹽豬排同埋黑椒牛仔骨~椒鹽豬排真係茶餐廳先食到既野, 因為太需要鑊氣, 而呢份就做得十分好!!就算拎到屋企都仲係好香口, 仲有D 炸蒜真係好香, 撈飯一流!黑椒牛仔骨都好淋, 成盒都係肉, 超抵食!!

今日屋企唔想煮飯，又買左d外賣返屋企食。估唔到又有意外驚喜！我同媽咪每人叫左一個餸菜share黎食，分別係霸王雞同蒜蓉汁西冷牛扒。個霸王雞睇落去好多香料似好辣，但佢煮得好入味之如一d都唔辣，正因為佢有好多香蔥、辣椒、芫荽令到佢好香，而且食完都唔覺味精味好重，啲肉都唔少，好送飯！個西冷牛扒就更加唔使講啦，雖然有少少筋，但整體黎講啲肉大大件又淋又好食。個湯係蓮藕章魚豬骨湯，有蓮藕食好幸福，同埋佢個湯真材實料，好養生呀～

沒有堂食的日子, 唯有外賣, 以前總喜歡去中價餐廳慢慢食慢慢嘆, 但帶回家, 還是以實際為主吧。今日放工路經長沙灣, 見到這間冰室幾多選擇, 幾好好評, 今晚就食呢間啦。霸王雞因為是小菜的關係, 霸王雞份量相當的多, 對得起這個價錢。曾經試過有餐廳的霸王雞有其調味香而雞沒味, 很失色, 但這裡卻調味和雞同樣出色, 雞夠滑溜又有雞香, 皮薄薄的, 入口有淡淡豉油、莞茜、蔥、薑香氣, 令人刮目相看。黑椒牛仔骨這個菜式就適合喜好味濃的朋友了,  黑椒十分香口很好下飯, 牛仔骨都很嫩, 軟腍易咬, 長者都可以吃到, 和霸王雞一樣也是份量十足。十分豐富。今晚的是冬瓜湯, 有湯有料, 所選用的豬骨湯料好靚, 煲完湯仍然好淋可以吃, 還有肉味。紅豆冰紅豆煲到足夠的淋, 有起沙, 容易和椰奶混合, 邊喝邊撈起紅豆來吃, 是飲品也是甜品, 很完美的一餐。

香港人想吃餐安樂飯越來越難，好在坊間還有不少抗疫餐，好像這間嘆得起！就真的是人人都嘆得起的店了由＄５０到＄１００的餐都有，價格算是合理餐廳的設計光亮乾淨，不過６點後還是暫只能外賣吧我點了霸王雞＄７８好大一份，幾乎有半隻雞！重重的份量內含雞腿，胸，背，翼，滿滿的薑蔥加上一點甜的雞油香，雞肉肥瘦適中，不會太多碎骨，這價格實在是抵！金沙蝦＄７８也是同價錢的金沙蝦份量較少，不過味道調得很好，咸中帶點甜，鹽糖份量控制得不錯，真正做到起沙，外皮不會過厚，咬下去脆彈有致，正！湯附送的粉葛唐排湯帶輕微的辣，似是下了些胡椒吧，湯底很甜但不似下了味精，滿天然的感覺，絕對值得一試不一定要點飯，點小菜也是很有水準，大家不妨試試

I came to Cheung Sha Wan to visit a friend and decided to buy takeaway from this 冰室 for dinner at my friend’s place. This 冰室 had a very bright and eye catching entrance with pretty clean and new interior renovations.We ordered two 小菜 to share. We topped it up by $12 each to get plain rice and a soup or hot drink and then topped it up further by $9 to get iced red bean milk.We only waited like 10 min to get our food and the hot dishes were certainly freshly cooked. They were all well packed with

晚晚喺屋企食飯 老媽子為咗準備三餸一湯 游走幾個街市 我實在過意不去 提議食外賣小菜 🥡🥢 一樣有飯有餸有老火湯 但自己就慳咗好多功夫-🐔霸王雞 (連湯連白飯 $78）即係蔥油鷄 有成半隻鷄咁多 包埋飯同湯🥣 算係抵食 有鷄肉味 靈魂在於嗰啲薑蔥絲同爆香咗嘅豉油熟油 灑滿鷄件上面 好睇又好食鍾意食薑蔥絲嘅朋友 一定食到心花怒放🥰 鼓油熟油過鑊後更加香口😋 勺幾匙用嚟撈飯🍚 係我嘅指定動作-🧆沙拉骨 (連湯連白飯 $73）排骨件切得細 一啖一舊 肉件帶些少肥肉 沙律醬非常多 包滿每一舊排骨 相比生炒骨嗰重酸味 呢個沙律醬屬於奶滑🥛少酸 唔會蓋過豬肉味 各有特色💕-📍嘆得起 香港冰室九龍青山道373-379號地下

抗疫期間都唔知食咩好，煮到悶悶地唯有嗌外賣，見呢間新店開張，價錢又唔貴，最緊要唔使煮，行入去見裝修好靚仔，牆壁上都係啲霓虹燈字句，香港人，俾啲掙扎，新開張各樣野都好衛生，一於試吓先🥳🥳🔺媽媽指定要食砂礓雞，店員話用上走地雞來做的沙薑雞，重點沒有多餘脂肪，用上沙薑粉黎醃雞，淡淡的薑味，雞肉肉質細嫩可口，食而不膩，而且雞皮好薄，食落又好爽口，份量好，簡直係愛雞人士一定要食嘅，媽咪食到停唔到口❤️🔺 黑松露🥦西蘭花炒帶子蝦球🦐 ，呢味餸其實好簡單，但係要keep到蝦球炒得啱啱好，唔會過老，又真係有啲難度，呢樣餸有菜有海鮮，好健康呢，蝦球大大粒，唔係雪藏係新鮮嘅😘配埋黑松露真係好夾🤩套餐包飯，嘢飲同湯，嗌左一杯涼粉冰同埋紅豆冰，天氣咁熱真係啱晒，涼粉冰好足料，個涼粉底份量好多，而且味道唔會好甜啱啱好🤩紅豆冰椰汁味好出，大愛。

不是第一次光顧新開張的香港嘆得起冰室早前推出身份證優惠的時候吃過，味道不錯餐牌的款式選擇花多眼亂有港式燴飯、皇牌鐵板、精選小菜、炒粉麵飯、秘制咖喱、常餐、湯麵、王牌燒汁蛋蓋飯、包類、窩蛋熱鍋拌飯等是菜式定位非常全面的茶餐廳霸王雞 - $78半隻大雞份量很多蔥爆霸王汁炒香雞件，散發陣陣蔥油香加上芫荽及薑蔥辣椒更能顯出雞肉的結實口感黑松露炒蝦球 - $78新鮮蝦球所製成，每粒爽脆彈牙鮮甜再加上用香氣突出的黑松露菌醬提鮮，香氣四溢西蘭花翠綠鮮嫩，口感很爽口且掛汁能力高龍鳳檸樂&檸檬可樂 加配$9龍鳳檸樂和檸檬可樂的分別是除了新鮮檸檬片，還加入醃漬咸檸檬多了一份酸酸咸咸的味道，很大的味蕾衝擊

逆市中新開既冰室，餐廳牆上有霓虹燈招牌寫住「香港人！比d掙扎」，有啲窩心感覺🥰場內環境都好大，座位都好多，每張枱都有足夠既距離，坐得舒適。-🤍椒鹽豬扒 $73🤍沙拉骨 $73-🤍椒鹽豬扒

今日突然好想鋸扒，比我搵到呢間餐廳，仲可以外賣添。疫情關係夜晚冇得堂食都唔怕，一於買返屋企慢慢嘆。Menu款式好多種類。揀咗「皇牌鐵板」珍寶雜扒，一次過滿足哂我屋企隻食肉獸😋雞扒成塊面咁大塊，仲有豬扒．煙肉．腸仔，配薯菜...加埋黑椒汁好惹味，雖然外賣無鐵板"炸炸聲彈哂油"嘅感覺，但味道一樣咁正，跟埋餐湯，個湯好多料，連平日唔鍾意飲湯嘅小朋友都話好飲。仲揀咗我最愛嘅「霸王雞」雞肉滑嘟嘟，唔會太肥膩，夾住薑蔥一齊食，辣辣地正到暈。跟埋白飯同飲品。炎熱天氣飲杯涼粉冰好正，有咬口👍🏻餐廳環境好乾淨舒服，坐位多又寬敞，等疫情緩和可以再嚟坐低堂食嘆一嘆。