香港味道 (已結業)

前幾日又同男朋友去左新蒲崗食飯，今次去左間叫做香港味道的茶餐廳，因為佢咩都有得食，有港式，又有台式等的不同食物，我叫左個晚餐b，蒜蓉火腿豬扒飯，而男朋友就叫左個台式肉燥雞扒飯。坐左一陣就先上例湯，都叫清清甜甜，味道ok，但未至於好特別。之後飲品我揀左奶茶，正正常常，我覺得佢茶味比較重，我會比較鍾意啲茶味重的奶茶多啲。主菜方面，蒜蓉汁的味道適中，都係幾合大眾口味，而火腿有煎過下，唔係白烚，所以會比較香口，豬扒就有炸過，炸完又唔會話大乾身同好硬，連埋汁連埋飯一齊食，都幾好味。而男友的肉燥飯，呢個肉燥飯的配料都幾多，有粟米粒和香蔥，仲有啲肉燥幾好食，但就其實唔係太似台式的味道，而係比較似魚香茄子個種有芡汁加肉碎，而雞扒都一樣有炸過，雞扒味道ok，表皮香脆，入面又無變得太乾，而且有調過味，係黑椒雞扒，所以都ok。以下評分以5⭐️為滿分推介⭐️⭐️⭐️

兩個人一大朝早行過新蒲崗唔知食咩好，就比間室外好熱鬧既茶餐廳吸引左入去室內有卡位我地就坐低，然後熱情有禮既店員好快黎serve我地。雖然一開始因爲冇開抽氣扇有啲焗，有其他客人提起問題就即刻解決左。啲員工有講有笑令成間餐廳氣氛都好輕鬆好有香港味道同人情味~我地就嗌左2個早餐，跟住傾2句已經送到，效率超快價錢又平賣相同味道都唔錯，雞扒好脆口好香，杯凍奶茶唔係好甜啱啱好超正啊！我地兩人都食得超飽，真係值得再黎啊

新蒲崗雖然係岀名既美食天堂，咩茶式都包羅萬有，好多連鎖食肆已經試過好多次。咁岩見到以前麗斯戲院果個轉角位有間茶記，其實開張左好幾年，但一直冇機會試😝。入面環境唔算大，都算坐得舒舒服服同勝在夠整潔，同朋友嗌左個西多士同豬扒包，價錢合理，經濟又實惠。但係我個豬扒包等左好耐都未到🙄，原來d伙記漏左單，不過好快就送到嚟。等左咁耐終於食到個招牌豬扒包，果然冇令我失望，包夠熱，豬扒嫩口多汁🤤，值得再試！

是日下午無聊經過，雖然沒有華麗裝修，但見門外都坐了不少客人，所以決定嚐嚐。首先老闆招待有禮，感覺良好，我點了乾炒牛河及凍珈琲。等了7-8分鐘，終於有得食，牛河明顯是即叫即炒，炒得很香，非常有鑊氣，味道也得適中，老闆還主動問我是否需要醬料，好細心啊！一般坊間茶餐廳的凍珈琲一般都珈琲較淡而且很甜，但他卻配合得相當好，珈底夠厚，加冰後仍得有濃厚珈琲味。很多所謂的冰室都有冷冷下午茶，但濃郁的香港味道，卻在這間平平無奇的小店找到了。支持小店！

菠蘿咕嚕肉（$62）-好多時咕嚕肉會煮到太酸或太甜，食過好多次好中伏，好開心今次食到味道酸甜適中嘅咕嚕肉😉，味道夠哂正中，外脆內香嫩，味道夠哂開胃呀😗！- 梅菜蒸鯇魚（$70）-梅菜味道偏甜再帶少許咸味😜，提升左魚嘅鮮甜味，鯇魚食落肉質嫩，口感彈牙，梅菜用黎撈飯就啱哂！-蒜蓉炒白菜仔（$52）-食蒜味好香，白菜仔新鮮，唔會煮到過火😙，口感仲有少少爽口！-口水雞（滿$150，加$30）-雞肉尚算嫩口，配埋醃料一齊食，食落味道麻辣，帶點咸香。-

運動前緊係要來個開心早餐，年初三都無咩邊間茶餐廳開門，見呢間香港味道開左，就試下。好耐無食公仔面，就唔理肥唔肥食返次，叫左個正正餐蛋面，蛋是糖心的，餐肉都煎得香，食落都ok水準。熱檸茶都茶味幾香，其實奶茶檸茶永遠都是茶餐廳重點，呢樣做得好，就要再來了。

陪女朋友食早餐，之前見到路過呢間d炸魚柳好似好正，就入去試試。例牌又叫杯奶茶，茶味香濃，唔落糖都已經好好飲。熱切期待塊炸魚柳又真係炸得幾香口，個沙律醬都幾正。女朋友個餐塊牛柳又幾軟幾入味，面包都幾新鮮。二十幾蚊個早餐都算抵，不過男仔食又未必夠飽。

食物質素同態度都一流，特別個招牌菜雞煲一流加埋杯奶茶簡直係冇得頂，極力推薦！而且地點都非常方便平時一日三餐都可以喺嗰度搞掂，以後一定會繼續去幫襯。香港越來越少這種充滿人情味的餐廳

行行下街見人食海南雞飯就俾佢貌相吸引~走在入去香港味道光顧同區茶記午餐質素一般,份量少香港味道已經算同區較高質素嘅茶記~入到去叫左個午餐海南雞飯+凍奶茶海南雞飯+飲品 $35 凍飲+$2下午茶時間,點1個茶餐+22 可以加配乾炒牛河,星洲炒米,豉椒排骨河 相當超值適合叫多個人去食~我下次會去試下6:30前去當食埋夜晚又省一筆😂