香港冰室 (已結業)

忍唔到要上黎講臭你員工散慢乜都唔識 永遠叫個外賣都係唔識俾張非人嗌個汁飯 連汁都冇加 真係唔知好嬲定好笑野食貨不對板完全中伏垃圾真係祝你生意興隆 蒸蒸日上 恭喜發財 聖誕快樂🎁

人生第一次寫食評就俾左呢間野，真心忍唔住好想話俾全世界知間野幾惡劣🙄🙄一入到去間野熱到喊出黎！好似無開冷氣咁😵😵 啲位又窄！好啦叫野食啦，下午茶黎講佢都算貴，款又唔算多，食個撈公仔麵要$48，豬排包都$35！之後叫人黎寫野，舉左手勁耐都無人理，間舖其實好少人，侍應黎講眼見都有三四個，究竟係度做緊乜🤷🏻‍♀️ 話說餐牌上有「吉列豬扒咖哩汁撈公仔麵」既，點知個侍應話：「唔係吉列豬扒係煎豬扒！」我：「餐牌寫吉列豬扒架喎！」侍應：「個餐牌唔啱架！」咩話？🤷🏻‍♀️🤷🏻‍♀️🤷🏻‍♀️餐牌唔啱係咪應該改？或者你好禮貌少少話無，改煎豬扒有無問題 咁咪得，黎到呢個已經燥燥地🙄落完單佢拎返張單黎，落單又落錯，個撈公仔麵變左第二樣野，舉手叫人黎啦又係無人理架喎🙄🙄跟住啲嘢食黎到啦，熱狗同撈公仔麵都係普通正常味啦無咩特別，但個豬扒包個包唔知佢究竟係咪成個下午茶都無人叫於是keep住烘，烘到好似多士咁掂下都變粉咁跌落黎又鞋又乾！完全係唔掂！呢間野完全係食完一肚火！以後都唔會再黎！

明明是時下跟風的冰室，不是餐廳或高檔食肆，明明有位可以坐但又唔比坐，偏偏要你出番去等叫才可以入去，然後唔夠一分鐘又叫番你入去坐番原先果個位，唔好以為佢因為服務，要清理枱面才唔比你坐，錯了！你坐低才抹枱、清食物，咁！為乜要你出番去等，然後又作狀叫你再入番去？對客人來説，真正莫名奇妙！公司規定？又唔係，全店只是短髮女待應才愛玩這個遊戲，如對食物要求不高，還是可以的，但店舖因人為的問題，已足以影響是否再有回頭客，

今日中午出開去旺角始創中心，又係中午食飯時段，見到依間叫香港冰室的食店，餓餓地，見這食店無乜客人，好多坐位任你擇，於是入去試試，店內装修還可以，餐牌幾得意，叫咗個特色推介，牛魔王芝士焗飯再加杯凍奶茶。點知中咗伏，奶茶完全無味，個芝士牛魔王焗飯，個賣相已唔多吸引，食落牛肉，件件都係肥肉，完全唔覺有芝士味。興幸個焗飯還是熱的。絕對用難食用形容。失望及無水準，食咗一半已停手。結果放工後要即刻食咗個杯麵止肚。如果無食物質素要求，只求坐得舒服，不仿試吓，埋單约$50元。但我相信以後不會光顧這食店。

本身諗住快食快走，完全沒有任何期望，叫左個扒餐，無論係塊牛扒，台灣腸定係黑椒汁，都勁咸，完全食唔到，侍應態度極之惡劣，好似欠左佢咁，睇返原來咁多負評，好後悔無睇食評就入黎。完

放假先嚟落雨， 唯有食個靚早餐。點了兩份金牌早餐， 煎蛋雙，奶醬豬，素鮑魚通粉跟凍奶茶。另一份 煎蛋腸仔 奶醬豬 雪菜肉絲米 跟熱好立克。 通粉湯底濃郁，奶醬豬醬夠多，豬仔包又夠脆，奶茶都夠滑。

這餐廳裝修幾靚，但嘢食略為貴一點，份量大晤大，見仁見智，我覺得只屬一般，座晤夠一陣太多人等位，就要走。叫咗兩個餐，不過不失，如果份量大點，足料點，應該會確不同。

mk 頭男侍應態度極之惡劣， 見人食下午茶就明明店仲有位都叫人搭檯（本身入座個陣冇叫人讓位，一聽到人叫下午茶就用差劣語氣暗指食平野就唔好阻住其他人食，去搭檯）另外，落order 既時候個男待應又串個客同語氣態度超黑人憎，亦落錯單送錯野食！ 餐牌推介既瑞士雞翼撈丁除咗面頭有小小味之外， 入邊同白烚無咩分別， 仲要d 肉勁老， 老實講，是但一間街邊檔整既都好食過佢 ... 個撈丁亦係無咩味， 好似水醬+麵咁， 好肚餓既情況下食都覺得好難食 ...連平時食開劣食既友人都一致認同難食， 最後只係勉強ko咗d 雞翼， 個撈丁真係無能為力。唯一可取既就係個豬仔飽，其他無論係服務態度同食物都可以用垃圾黎形容，搞到我去特登係到開個account 黎罵， 先見到原來有咁多負評， 好後悔無睇食評就貿然去咗食， 價錢又唔平

見到裝修咁特別，滿心歡喜入去試下午茶時段點了兩個餐珍寶腸+半份西多及雞翼撈丁得一個人落單，叫左好耐都未落到單，落單時個男侍應又聽錯。。。送餐送到錯哂，枱號枱枱都唔岩，好混亂。自己嘅餐又比左第二枱，感覺不好.見到落單後過我地個枱都食緊，自己都未食到。我嘅下午茶餐: 珍寶腸+半份西多原來係->半條珍寶腸+半份西多！第一次見。。。得半條珍寶腸，餐牌應該寫清楚！收呢個價錢，完全不值！撈丁無味！好失望不會再試！

今朝因為天氣凍，所以返工前便去食一個豐富的早餐，暖一暖肚。 經過香港冰室，見它有位，便快快入去。它的早餐麵類是可以選擇出前一丁或福面，於是便叫了沙爹牛肉出前一丁，炒蛋餐肉加餐包。等了一段時間食物終於來了，牛肉似乎沒有"處理過", 一D都唔淋。跟住再吃炒蛋，炒蛋是硬的，味道也怪怪，好像有其他殘餘食物的味道 ! 炒蛋和餐肉都是冷冰冰其實很少情況下早餐會這樣出事，餐肉也吃得出是用劣質的，所以怪不得這間餐廳早餐客人那麼少，我想除了它用出前一丁比較有保證之外，其他就不能作評論了。

今日去到附近睇下有乜食隔離店好多人排隊見到呢間唔使排就入黎試下呢到裝修唔算差菜單都幾靚～彩色吸引人但最唔好就係掛住香港個名但menu係用簡體字的「歡迎光臨」點左餐之後先睇下食評原來間野咁多負評開始擔心我食嘅野係豬頸肉喇沙啲豬頸肉係唔錯但個湯係淡左少少對比朋友果個瑞士汁雞翼喇沙個湯好明顯我果個啲色係好啲味道都濃啲但我果個都淡嘅時候，佢果個係更加淡但啲雞翼都唔係差～一般咁啦反而杯凍檸茶唔錯～值得一讚由於見到好多人都話啲待應無禮貌我就覺得一般啦～係講野大聲又無尾音茶記啲叔叔伯伯姐姐係比佢地好啲但今日總算無落漏單，同無受氣。如果啲食物再注意下就最好唔好得個殻。

食飯時間但係無乜客人。叫咗焗芝士咖喱豬飯，餐湯同咖喱都好鹹。飲咗幾啖湯唯有淨食啲菜，飯面頭芝士同咖喱少過啲飯，但係飯底都算正常；奶茶有啲淡，無乜味。普通茶餐廳價錢都算係咁啦。侍應態度嘛嘛。As the only local canteen in the street, a nice stopover for some quick snacks. However the chef is generous with salt in the food; waiters tends to throw the plates on the table

最難食晩餐 以價錢黎計 得個平字 但真係好難食難食到一個點，聖誕節度度食飯都預左貴，就唸住是但食，經過呢間見人唔多，唔使等位環境唔差就入去食，見佢個餐牌好多選擇，唸住揀個有湯既餐，西餐廳通常係紅湯丶白湯2款湯，佢話冇得揀，嗌完等無耐就到，點知一食就中伏，男友食果份豬扒硬到呢，薯條係無限番炸，好難食，我份叫‘’肉眼扒‘’，梳打粉嗱到已經冇唒味，都唔知食緊乜，奶茶完全冇味，粉開果D都好飲過佢🙄野難食當然連冇服務都差過人，廁所清潔程度更加係衰過公廁，唔會再幫襯😌

今晚去飲喜宴，起碼9點先有得開餐，醒目嘅朋友當然要同我一齊先去食個TEA鼎一鼎肚先啦！上次經過已經想試，點解咁記得，因為有脆豬麵包囉！唔講得笑，雖然茶餐只有半個，但佢本身個包堅大個，一半都唔細，即焗熱，又真係又脆又香口，口感又好，抵我記得要嚟試下嘅。佢LEE度嘅茶餐又真係可以當午餐，份量真係幾大，我覺得佢個奄列好大件，好似落咗成3~4隻雞蛋咁多，唔知係咪大份，煮得係熟咗小小，但味道算係咁啦！仲有個沙嗲牛肉出前一丁，佢個沙嗲牛肉都幾好，牛肉夠淋無筋，沙嗲汁幾好味，加上好耐無食出前一丁，我鐘意爽口D，佢又唔差喎，啱我口味。好彩真係要夜食飯咋，佢真係一個好飽嘅下午茶餐，LEE個價錢有足夠份量，都唔算貴啦！

今日中午同朋友在旺角買外賣，落單嗰個已經寸寸貢，然後企咗起舖外等，等了超過十分鐘，再問侍應跟跟，佢話：麥當勞叫外賣都要等啦！另外落單個嗰話：「前面仲有好多單，我哋即叫即做，唔通叫我幫你打佔？」好的，那間茶餐廳不是即叫即做，莫非你係做定再丁返？我都冇叫你打尖，但係咁既效率實在太慢！效率都其次，以咁既態度實在等執！況且d嘢實在唔好食！旺角茶餐廳愈開愈多，佢哋d咁既服務質量如果唔改善，真的是死路一條，唔會有前途！