香港冰室 (已結業)

兩人在寵物街看見被鐵板吸引了進去。晚餐餐牌底於$100，還免加一。友人和我不約而同叫了西冷配雞扒。怎料份量大得我們都未能完成全部。預設的餐食只有薯菜（薯條和西蘭花），如要轉為其他炭水（飯、意）需加$10！有點貴！羅宋湯比花園餐廳的為濃，味道不錯。面包加熱得合時，能保持軟軟的。扒呢，牛肉就未必能比美百多元的，但份量搭夠，反而雞扒除咗皮較厚外，味道好好！不過如果晚餐吃飯不是A MUST，其實還划算得很。有湯、有包、有扒有薯條，還喝了熱飲同啫哩做甜品，只需$78。希望他們能賺得到，繼續維持下去吧⋯

今日放工同朋友 一齊路過旺角搵嘢食順便去買啲嘢， 咁啱路過呢一間冰室， 見到價錢唔貴一個鐵板都係78蚊或者88蚊， 仲有嘢飲同埋有湯有包。 咁即刻就入去試下啦。 見到佢都幾有誠意，原來鐵板係香港嘢嚟嘅。我哋兩個都係叫咗一個雙扒， 開頭諗住呢個價錢都唔會話太好喇， 但點知上枱嘅時候真係喜出望外， 兩塊扒仲大過我塊面。 再加埋薯菜根本唔需要加十蚊加個飯。 食到 我哋兩個男人都覺得好飽。 食完諗住走啦，阿姐好有禮貌咁叫我哋留低， 原來仲有個甜品送㗎， 仲要係好傳統扒房食嗰啲啫喱。 我個人唔係好鍾意食甜嘢， 呢個就啱啱好啦唔太甜， 仲好彈牙。 雖然話成身唔算話高級扒房咁好食， 但對住呢個價78蚊仲唔使加一， 真係冇投訴呀！！

去魚街買魚，途經這間茶餐廳，門口的侍應，跟我說下午茶餐開始了，望一望手錶已經2:15，那麼早就有下午茶？但也有點肚餓，入咗裏面。裝修有點懷舊，地方也整潔。裏面已有幾枱客人我叫了一個蛋牛治，凍檸茶等了5分鐘唔夠來齊了😊蛋牛治新鮮整給我的，味道不錯👍凍檸茶，我沒有說少甜，就是淡了一點🙄食嘢途中，聽了我後面，和左手邊，叫左午餐的客人，向服務員說，叫了很久的午餐，一直都未有來😒，而服務員態度，也敷衍回答，已追，當我食完，他們的午餐都是還沒有來😰這次消費$38，沒有加一服務費

男朋友同我食早餐，然後去番工，近近地揀返喺太子食先，經過水渠道附近，見到有幾間茶餐廳，第一間就見到呢間，一於入去試吓先，menu其實都好多款式呀，我同男朋友都揀咗「自選美式早餐」我就要左腸仔，豬柳扒漢堡，炸魚柳❤️❤️男朋友要左薯餅，火腿，雞扒，「凍奶茶」同熱檸水🥰🥰🥰好鐘意哩度有得自選形式，鐘意食咩就食咩😍😍個人對條腸仔炸得好脆表示欣賞🤩🤩魚柳可以大塊啲就好啦，雞扒用左美極豉油調味，好正💕💕💕杯「凍奶茶」少甜左，茶味好出🤪🤪

一句話：比錢買難受 就係呢隻喇。。。千萬唔好比佢個門面呃到呀，我就係咁入左去喇！！！！！首先，招牌雞翼撈公仔麵麵底好硬，雞翼好鞋，鞋過趙柴呀！！！！！！！個餐入面個奶油豬烘到硬到不得了。。。烘到勁乾，咁簡單既食物都可以難食我真心佩服！！！！杯茶走仲有澀口嘅，犀利！！食物難食唔在講，個point 係d 員工態度真係十分犀利呀！！！差到不得了呀！！！特別係四眼哥哥仔！！！！！真心唔好黎呀！！！$70當比左乞衣好過喇！！！

去開魚街就去食早餐，之前已經食過一次，第一次食都還ok，尋日再去食，十一點左右早餐時間，望入去有兩張空枱，係門口同個四眼既哥哥講我三位，佢話未有位，咁我只好自己行入去坐低。枱無人執，我帶住個歲半小朋友，成枱污糟碗碟刀叉，小朋友成日想搞，我都有抱好佢怕佢掃左d碗碟落地，但等左一陣都未有人收，我老公就有禮貌地同個四眼哥哥講: 靚仔唔該可唔可以幫我執一執？叫佢靚仔已經係十分之有禮貌，之但係位四眼員工就大聲喝話等一陣啦！非常無禮貌，之後我老公就大聲問要等幾耐，位四眼哥哥就發脾氣大聲叫門口收銀位員工: 唔好入啦！我相信對面街金魚鋪都聽到之後就大力掉手上既碗碟落洗手盤，全間鋪既客人都呆哂！我一家就未食已經飽哂，走得啦咁既服務態度~開得係呢個位置預左多人，只係隨口一句叫佢幫手執一執枱都要受氣，咁既態度無得彈

坐底叫咗個水牛焗豬扒飯( 多汁 )，來飯的時候吃了一口，發現唔夠汁，禮貌地有請員工俾碗汁，點知餐廳員工竟然話 :你d飯嘅汁都撈勻，我話唔夠 你再俾碗我啦，點知問都無問聲 拎我個飯走 ，到我叫停 問點解要拎我個飯走，佢d同事開口話你唔夠汁 而家幫你拎返入廚房加汁再焗，我話唔需要啦 你另外俾汁我得啦 ，凍喎 d汁 ，我: 得啦 ，知後劈低翻個飯俾我 ，嘩 ！呢個員工 真係好無禮貌 ，無講聲拎走客人個飯 已經唔啱 亦無解釋，問你點解拎走我個飯要由第二個員工答我，仲要劈返個飯俾我，道歉都無句 一d都唔覺得自己禮貌上好有問題

一朝早出到太子諗住搵間茶餐廳食早餐行過通菜街見到呢間冰室，見到餐單都好多選擇，一於就入去試吓啦因為我睇中左佢早餐有得食瑞士雞翼，因為真係唔係度度早餐都有得食瑞士雞翼所以就二話不說嗌左個瑞士雞翼通粉配腸仔炒蛋一上枱果然有驚喜，呀，一碗通粉竟然係有三隻瑞士雞翼，係三隻呀，老闆果然好闊佬，成件事感覺好良好瑞士雞翼隻隻都好入，就咁望到啲雞翼已經變晒色，係入味瑞士雞翼嘅顏色呀，食落真係好夠味道，而且配埋啲有坑炆嘅通粉一齊食，好正呀，坑炆通粉索晒啲湯

今日（2.4.2019）中午同同事去食飯，食咗個日式芝麻醬撈烏拼雞扒，一上檯，張相同個圖係兩件事，差啲以為去咗第二間食（商品說明條例包唔包埋出餐？唔包幾時會包埋？）原相☝🏻成個餐☝🏻唔講雞扒係凍嘅，個份量連一個女仔都食唔飽，咁我同同事私底下傾，講呢個餐只係值30蚊咁上下，冇耐有個類似店長嘅阿姐走埋嚟好冇禮貌咁想拎走我個餐，我就話你做咩？阿姐話：你要唔要取消呀？！要食就唔好咁多聲氣，我就話：我幾時話取消？個阿姐就只係loop要唔要取消呢句？連同事都發火話：我哋之間傾計又關你咩事？我哋都未同你哋投訴，關你哋咩事？最後嬲爆爆咁埋單就走人大家如果可以寧願行多少少去其他地方食嘢好過

今天早上去了位於旺角的香港茶餐廳，幾個月前去過一次覺得這裏的食物在茶餐廳的水準來說還可以，今天便再去。我們一坐下侍應便拿出了枱布擦桌子，不抹桌子還好，擦完之後馬上出現十分倒胃口的臭味。我們馬上取出自家紙巾幫忙再抹一次，先至可以點餐食早餐。我點了之自選豬扒熱香餅太陽蛋，茶餐廳不能要求那麼多但最少東西應該是要熱的，相信這是基本要求。熱奶茶還是有茶餐廳的水準這個是可以的。除了服務生用臭布抹枱之外，其實他們的服務質素還是很好的。

星期六中午趕時間係旺角有嘢做，見呢間唔使排隊，諗住就近食快手食完就算。11:50分入座，門口收錢姐姐話無已經早餐供應，咁我地諗住食午餐/常餐所以無所謂入到去舉極手都無人落單，隔咗好耐，有個伺應攞餐具過嚟，我地就想順便落單，伺應好串話：未得架，未夠鐘，午餐要12:05先有。咁我地見餐牌話常餐係全日供應，就諗住叫常餐啦伺應竟然話：常餐都一樣，未有！嘩，咁即係呢間餐廳11:30-12:05係無嘢食供應嘅！從來未聽過常餐都要午飯時間先有，於是我地急急腳行出嚟，去隔離食算數以後唔會再幫襯

這裡的待應好似大哂咁 命令客人去邊坐 去邊坐 攪唔清楚自己的身份 完全不懂做生意 咁既服務態度 都唔明個老細點請人 請著尼d人 即是同公司倒米 應該好快消失 冇哂心情點餐 香港冰室 做衰哂香港

星期一晚放工係金魚街寵物鋪睇下狗仔，順便食埋晚飯，原本想食民華，但諗諗下想試下新野就一路行行到金魚街街尾，揀左呢間香港冰室。睇睇個menu 大部份食物都係50-60蚊，價錢都算正常。我地揀左一個常餐- 鮑魚汁花膠冬菇撈出前一丁配奶油豬同炒蛋。另外叫一碟芙蓉蛋飯。奶油豬唔夠熱要扣分炒蛋唔滑...可能無加奶同牛油去炒....重要無蛋味鮑魚汁撈面算中規中矩，但都係唔夠熱至於個芙蓉蛋飯呢就普普通通，算係合格水準原本諗住呢個價位既冰室應該有番咁上下水準，可惜味道令d人失望。

太子附近真的有太多不同種類的冰室，岩晒我地呢啲日日要出街食飯的人，呢日揀左去呢間食lunch, 望晒幾份餐牌，比呢個牛魔王芝士焗飯吸引左😋即叫即焗，所以來到係非常之熱，先講下個焗飯底，啲飯係炒過，好好食，加埋啲芝士，好香😋不過呢，啲牛就太鞋了，唔夠淋，仲有好多筋係度，咬極都唔斷😅咬到啲牙好倦😅整體呢間可以再來試，下次要試下其他野先得。

天氣涼左，未到食晏，個肚都打晒鼓。終於等到放lunch，即刻同同事衝去熱辣辣嘅焗飯。香港冰室有好多焗飯選擇，好似小編我比較鍾意食焗意粉嘅人，可以將個飯轉做意粉。究竟食焗豬扒飯意粉好焗牛魔王意粉好呢？啲相望落去好似好正咁，又開始我嘅選擇困難症水牛城芝士焗豬扒飯意粉意粉有認真焗過，成個意粉熱辣辣，個芝士面都焗到溶晒，芝士可以再多d😍。塊豬扒有煎過，都算厚身同埋大塊，啲肉都幾林，味道唔錯。番茄汁就甜咗啲，唔夠大家樂個汁好味。整體來講都比大家樂同大快活優勝嘅!