香港冰室 (已結業)

今日中午出開去旺角始創中心，又係中午食飯時段，見到依間叫香港冰室的食店，餓餓地，見這食店無乜客人，好多坐位任你擇，於是入去試試，店內装修還可以，餐牌幾得意，叫咗個特色推介，牛魔王芝士焗飯再加杯凍奶茶。點知中咗伏，奶茶完全無味，個芝士牛魔王焗飯，個賣相已唔多吸引，食落牛肉，件件都係肥肉，完全唔覺有芝士味。興幸個焗飯還是熱的。絕對用難食用形容。失望及無水準，食咗一半已停手。結果放工後要即刻食咗個杯麵止肚。如果無食物質素要求，只求坐得舒服，不仿試吓，埋單约$50元。但我相信以後不會光顧這食店。