香港冰室 (已結業)

星期一晚放工係金魚街寵物鋪睇下狗仔，順便食埋晚飯，原本想食民華，但諗諗下想試下新野就一路行行到金魚街街尾，揀左呢間香港冰室。睇睇個menu 大部份食物都係50-60蚊，價錢都算正常。我地揀左一個常餐- 鮑魚汁花膠冬菇撈出前一丁配奶油豬同炒蛋。另外叫一碟芙蓉蛋飯。奶油豬唔夠熱要扣分炒蛋唔滑...可能無加奶同牛油去炒....重要無蛋味鮑魚汁撈面算中規中矩，但都係唔夠熱至於個芙蓉蛋飯呢就普普通通，算係合格水準原本諗住呢個價位既冰室應該有番咁上下水準，可惜味道令d人失望。