香港仔澤記魚蛋粉麵餐廳

营业中

休息中

早兩晚睇關注組先知澤記原來有牛坑腩食，咁啱今晚新匯江煲仔飯上場，爆多人，噉就行過去try try囉。牛腩好食，自從東京街「翠園」摺咗，「東興」搬咗後大不如前，「金園」質素份量都縮晒水，之後基本我未喺長沙灣食過好食嘅牛腩粉（「新匯江」有啲另類，我入到去好難會單純食牛腩河；「一興」未試；步陞附近間「嵩記」唔掂），今次好滿意，清湯腩唔要求好滑好冧，但唔應該「柴」、黐牙，肥膏牛油應該有，但唔應該太多同「膻」，五澤記呢碗唔止pass晒，愚見係長沙灣一流水平。不過，牛腩淡返少少會更好。都要講下個湯，偏濃，但冇油味有膻味，ok。依稀有印象食過佢哋嘅魚蛋，印象唔深，整體係合格嘅，但齋講白魚蛋，保安道街市附近嗰間好少少。個湯嗰種淡淡鹹味係久遺了嘅味道。聽同場啲客傾計，好似係某位阿姐在場時啲粉麵特別好食。唔知真唔真，搵日再嚟試過。

中午唔想食太飽, 行行下就入了呢間粉麵檔, 之前食過佢的崩沙腩河, 大約四十, 份量又多, 今次的三餸 湯飯也只是44蚊, 價格好合理,  有三個餸加一份菜, 環境比較舊, 地下也有點滑, 應該係湯汁落地又唔常清潔, 去的多數係附近的街坊及學生.今次印象最差就係個廚師, 一邊煮一邊度咳, 個店員叫了佢兩次帶口罩, 佢都唔理.仲係一邊咳一邊係度淥麵切肉, 嚇得我碗湯飯未食完都嗱嗱聲走人, 以後都唔會再輕易來幫襯.

樓面職工郁啲就鬧客 並且態度極度恢氣！好聲好氣問佢有冇麵餐都好似踩親佢條尾咁，捧住碗麵橫衝直撞！食品質素同樣差勁：勁咸、多油！真係貼$$$買難受！以後唔會再幫襯。

✨年初四夜晚10點，條街好多鋪頭都冇開，見到窗口玻璃好大鑊牛雜，於是入去試下🌝✨價格算抵食，牛坑腩粉💰37，其他粉麵基本💰32，加油菜💰10。✨一碗牛坑腩米線，一碗牛筋米線，一碟腩汁生菜，共計💰78。腩肉夠淋滑，但係都係好多油脂，吃佐2塊都好膩😂牛筋好軟，一咬都化開，真係食得出燉佐好耐，腩汁唔係好多香料果種，有d似清湯腩，吃得出牛肉本身嘅肉香。78蚊兩個人嘅晚餐都算抵食，而且肉量夠數。

成十年前，好鐘意食他的魚麵，但近排去過2次都冇得食。老闆娘話唔夠人手，唔得閒整😰呢間啲麵水準好得，雖然不是什麼銀絲蛋麵咁幼，但每次食都大爽口彈牙，值得一讚。今次食過坑腩麵，可能價錢太平，供不應求，今次畀咗啲唔係坑腩嘅牛腩，但係35蚊，呢個價錢，即使唔係班腩都算抵食。見到淥麵嗰個阿姐揀嚟揀去，都估到有啲問題，牛腩有少少唔夠淋，爽爽地，所以我食牛腩係唔可以一次作準。今日個湯有啲失手，比較咸，以前都未試過咁。整體而言，35蚊一碗牛腩麵，都算係咁。但係我都希望佢可以回復往日水準。

今日超趕時間，要所以就看看附近有沒有些潮洲粉，就看到這間入去食，沒想到晚上九點多都幾多人，有粉同泡飯，食選擇都幾多而且價錢都不貴，怪不得咁多人，最後落了二碗食物，牛腩河再叫一個淨水餃五十六元，約五分鐘就有得食啦，牛腩有幾舊比較肥，其他口感都不錯幾軟熟，不過牛肉味就比較少，河粉都夠飽，腩汁比較少，另外淨水餃都幾大隻而入面的料都不少，皮都薄幾滑，一碗入面四隻餃子和少許菜就覺得少了點，可能因為不用三十元的原因，整體味道都可以，但冷氣機有少許滴水有點不好。

好味牛腩飯，$37份量多，而且除咗飯多連牛腩嘅份量都可以覆蓋啲飯，一啖飯一啖牛腩， 簡直係人間美味，牛腩嘅質素都好唔錯，一層肉一層肥膏，層次分明，食落有牛味，肉質軟淋，最後都喺一句：平靚正

尋日幫fd買碗$25蚊魚蛋粉，準備攞碗粉走，問店員攞辣椒油，醋同胡椒粉，店員俾2包醋同辣椒油，但胡椒粉就叫我去自己落，咁唯有問佢胡椒粉有冇得另外裝起，店員就變得態度極為惡劣，話「自己落啦，實食飽你!」無咪話無囉，洗唔洗咁話人呀，我未聽過胡椒粉食得飽人囉，我又唔係貪佢包胡椒粉，只係因為幫朋友買，唔知佢食唔食胡椒粉，廢事加落碗粉度啦，估唔到買一碗粉都俾人咁對待， 我以後都唔會再幫襯佢，叫埋朋友唔幫襯，廢事大家受lee d 店員氣!

一間自稱自己係正宗潮州粉麵係長沙灣。諗住自己住係附近走去幫親。點咗個墨丸米線。個米線好唔足料。米線同埋墨丸都不足。個湯無墨丸味。個米線好彈牙，個墨丸好有咬口。埋單$23。

是晚一個人要回老家辦點事, 沒人跟我晚餐, 不如就探險, 隨意挑選一家店子晚餐, 就來了這裡. 晚上七時, 來的客人全部都是單人, 因為快吃完快走的緣故 環境方面, 只是一般, 還可以的程度.招牌四寶米粉 $22: 6分, 沒有心水的時候, 還是要招牌最簡單, 就要這客招牌四寶米粉, 份量十足, 相當大碗, 就算當晚餐吃也足夠. 四寶包括有魚餃, 魚扎, 貢丸及牛丸. 反而沒有魚蛋. 魚餃個皮偏實, 入面的餡料不夠鮮味. 魚扎就幾好, 足料, 賣相也幾好, 魚肉, 紅蘿蔔及肉碎配搭得宜. 貢丸及牛丸應該是交來的貨色吧, 質感一般, 不夠咬口, 肉味也不足. 米粉方面, 還算爽口.作為街坊小店, 應該是合格的. 見其他客人吃的是各適其適, 而這裡的選擇也委實不少呢.