影片
以上资料只供参考，请与餐厅确认详情
早两晚睇关注组先知泽记原来有牛坑腩食，咁啱今晚新汇江煲仔饭上场，爆多人，噉就行过去try try啰。牛腩好食，自从东京街「翠园」折咗，「东兴」搬咗后大不如前，「金园」质素份量都缩晒水，之后基本我未喺长沙湾食过好食嘅牛腩粉（「新汇江」有啲另类，我入到去好难会单纯食牛腩河；「一兴」未试；步升附近间「嵩记」唔掂），今次好满意，清汤腩唔要求好滑好冧，但唔应该「柴」、黐牙，肥膏牛油应该有，但唔应该太多同「膻」，五泽记呢碗唔止pass晒，愚见系长沙湾一流水平。不过，牛腩淡返少少会更好。都要讲下个汤，偏浓，但冇油味有膻味，ok。依稀有印象食过佢哋嘅鱼蛋，印象唔深，整体系合格嘅，但斋讲白鱼蛋，保安道街市附近𠮶间好少少。个汤𠮶种淡淡咸味系久遗了嘅味道。听同场啲客倾计，好似系某位阿姐在场时啲粉面特别好食。唔知真唔真，揾日再嚟试过。
继续阅读
中午唔想食太饱, 行行下就入了呢间粉面档, 之前食过佢的崩沙腩河, 大约四十, 份量又多, 今次的三𩠌 汤饭也只是44蚊, 价格好合理, 有三个𩠌加一份菜, 环境比较旧, 地下也有点滑, 应该系汤汁落地又唔常清洁, 去的多数系附近的街坊及学生.今次印象最差就系个厨师, 一边煮一边度咳, 个店员叫了佢两次带口罩, 佢都唔理.仲系一边咳一边系度渌面切肉, 吓得我碗汤饭未食完都嗱嗱声走人, 以后都唔会再轻易来帮衬.
继续阅读
楼面职工郁啲就闹客 并且态度极度恢气！好声好气问佢有冇面餐都好似踩亲佢条尾咁，捧住碗面横冲直撞！食品质素同样差劲：劲咸、多油！真系贴$$$买难受！以后唔会再帮衬。
继续阅读
✨年初四夜晚10点，条街好多铺头都冇开，见到窗口玻璃好大镬牛杂，于是入去试下🌝✨价格算抵食，牛坑腩粉💰37，其他粉面基本💰32，加油菜💰10。✨一碗牛坑腩米线，一碗牛筋米线，一碟腩汁生菜，共计💰78。腩肉够淋滑，但系都系好多油脂，吃佐2块都好腻😂牛筋好软，一咬都化开，真系食得出炖佐好耐，腩汁唔系好多香料果种，有d似清汤腩，吃得出牛肉本身嘅肉香。78蚊两个人嘅晚餐都算抵食，而且肉量够数。
继续阅读
成十年前，好钟意食他的鱼面，但近排去过2次都冇得食。老板娘话唔够人手，唔得闲整😰呢间啲面水准好得，虽然不是什么银丝蛋面咁幼，但每次食都大爽口弹牙，值得一赞。今次食过坑腩面，可能价钱太平，供不应求，今次畀咗啲唔系坑腩嘅牛腩，但系35蚊，呢个价钱，即使唔系班腩都算抵食。见到渌面𠮶个阿姐拣嚟拣去，都估到有啲问题，牛腩有少少唔够淋，爽爽地，所以我食牛腩系唔可以一次作准。今日个汤有啲失手，比较咸，以前都未试过咁。整体而言，35蚊一碗牛腩面，都算系咁。但系我都希望佢可以回复往日水准。
继续阅读