香港仔一品魚蛋王

营业中

休息中

真係好鬼耐無去筲箕灣喇，如果唔係去開探朋友，應該好少會去開呢頭，我同朋友都未食午飯就隨便搵咗間粉麵舖醫醫肚先見門面啲粉麵相都幾吸引就試了呢到雞翼滷得幾入味，肉質都好嫩滑牛腩河真係有驚喜，首先價錢唔算好貴，仲好大份，牛腩都幾多件，仲炆得好淋身又夠味，河粉份量都多仲好滑添朋友話牛筋河都一樣出色喔，試咗朋友果碗一嚿嘅牛筋，真係炆得好黏口，又夠入味仲好淋身㗎，真係好好味喔另外菜心都幾新鮮嫩綠，唔會烚到過火

而家天氣越來越熱, 去石澳游水真係必然嘅事, 玩到盡興, 就搭返小巴去返筲箕灣, 順便醫醫肚, 雲吞麵好奈都冇食過, 見香港仔一品魚蛋王, 就入去食啦游完水都幾開胃呀, 咁就要咗個雙拼麵, 另外再叫個四寶湯, 再加個魚皮, 同埋個檸檬茶落單3分鐘唔夠, 嘢食就嚟到啦, 先食個雲吞麵再加魚蛋, 潮洲魚蛋係手打, 口感明顯彈牙, 雲吞口感潤滑, 麵夠嚼勁 湯底味道ok! 再加四寶紫菜湯, 紫菜好Q彈, 我最鍾意就係嗰個豬肉丸, 好似爆漿咁! 炸魚皮夠脆, 浸落湯食另有一番風味

熱！熱！熱！一到夏天，就不想出外！但是難得二人放假，就算幾熱都好，都要出一出去。於是無聊極的我倆，搭了架長途車，去到了筲箕灣！輕輕鬆鬆地到達，然後搵個地方醫肚。在巴士站附近，也有數間看似不錯的小店。我們最後決定食粉麵。店內食客幾乎全滿，幸好剛好有位。我點了牛腩河 HKD 25.00牛腩比想像中多，而且好入味，好稔。25蚊就有這麼多的牛腩，實屬難得。不過河粉太多，太淋，散散碎碎的。肥膏的牛雜麵 HKD 25.00走肚的牛雜麵，肥膏話正正常常，但比「群記」的好味！而且夠平！窮人恩物就是這種！ 

上星期到了筲箕灣一趟, 老爸說附近有間粉麵店好像不錯, 於是一同前去試試. 店子位於巴士站附近, 到達時門外還排了幾個食客! 我們被安置在店內深處近廁所位置, 基本上是放雜物的. 雖然加裝了風扇, 但其實是頗焗和熱!餐牌上的食物選擇很多, 各式粉麵俱備. 老爸說, 報導推介魚蛋粉和貢丸, 牛丸 ($23)等等. 於是即管點來試試.魚蛋的魚味一般, 偏軟身而不彈牙, 比起許榮記或德昌的魚蛋還差一點.片頭也炸得欠火候, 顏色偏白, 不彈牙, 而且魚味也很一般; 貢丸雖然大粒, 但幾乎沒有冬菇粒, 與吃肉丸差不多. 湯底味道偏淡, 喝不出魚湯鮮味. 河粉的粉量也算多, 一般滑溜.味道其實很一般, 卻被某些專欄內的作家極度吹捧, 吃起來當然貨不對板, 卻害了我們的肚皮.

在openrice search到這間食評推介的粉麵店·筲箕灣巴士站附近·不難找到·店家的裝修新又地方整潔·唔錯·點了魚蛋粉·湯底用魚骨煲·味道頗鮮美·惜過後很口渴·證下了一些味精·河粉一般·吸收湯後一pat pat·魚蛋就抵讚·軟身微彈充斥着魚味·這才是好的潮汕魚蛋·同區X利的魚蛋有點硬而魚片過鹹·真唔知點解咁出名兼要排隊·相比下這店魚旦出色很多·魚旦給分八十·推介!

第一次去食呢間舖~每次經過呢到都聞到好香味, 不過都唔知係魚蛋香, 定牛腩味~今次點了:1)魚蛋河: 魚蛋河入面有片頭同埋潮州魚蛋~兩個都好彈牙~而且有魚味~2)牛丸河: 呢個好正~牛味好重~而且真係好彈牙~食完一粒就想食第二粒~!!另外, 呢到河粉真係好好味, 好滑, 滑到好似腸粉咁~而且係通透的~!! 好香米味~真係一食難忘~最後, 見到好多人order 牛腩~而且望住司傳切都覺得佢好味~~下次真係要再黎試~

睇過亞視既《香港有飯開》 專程搭巴士黎食都好易揾 就係筲箕灣巴士總站後面鋪頭好企理 乾乾淨淨d阿姐又好禮貌 連收銀既老闆都落手落腳挚枱上菜好唔話得魚片頭魚蛋麵哩兩款雙拼都係$17 超抵!! ( 不過如果係丸類拼肉類就另計) d麵一d梘水味都冇, 淥得稔身, 不過我鍾意魚蛋佢聲稱係香港自設工場整既, 肉質比軟鬆泡泡, 不過食落唔會有陣甜味, 都OK既~魚片頭就口感實d, 冇特別.....但個湯就好正, 真係同我係潮州飲到果d一樣, 好香甜既肉味本身叫左個牛腩飯餐 $27( 奉送上等紫菜湯 ) , 個牛腩半肥瘦, 瘦肉果d位又夠晒稔, 肥果d位又帶少少筋, 超正個腩汁又好香, 撈飯一流!!!! 追加多個淨牛腩都只係$40, 去邊度揾呀~實會再黎啦~

Quick Lunch除咗漢堡飽及快餐廳外，魚蛋粉都可以係另一個選擇(能夠食熱嘢的話)。正係下晝要出席婚禮，Quick Lunch又要出動，依間應該係A貨的舖名，所以價錢無正版咁貴，單併$16，雙併就過咗少少位($24)。叫咗個魚片頭河加腩汁，碗粉上台，有少少o嘴，又有少少喜悅，o嘴係魚片頭好似魚條咁長(唔係發漲後嘅效果)，喜悅係有咁大條魚片頭食。食落魚味存在，都彈牙，只可以D腩汁就唔夠濃，襯托唔到魚片頭。唔知係唔係嗰名嘅緣故，坐多陣等個friend食完都俾人吹離開，好彩我趕時間，否則不歡而散。

必試!!每碗都係$15我食左魚旦拼牛腩河,,雙拼都係$20蚊!!之後聽到個老闆講原來雙拼丸類唔洗加錢!!下次真係要試埋其他丸!!我個fd就食左豬手飯,,$25!!有埋個紫菜湯好抵!!我地兩個加左碟油菜$5!!每人加左杯凍飲!dinner兩個人埋單$64!!又飽又好味!好滿足不過鋪頭比較細,,多人可能要分開兩張台!不過以普通魚旦粉店泥講,,咁既價錢同野食真係好值得一試!成日去筲箕灣食野都係去東大街,,而家多左個勁平民既choice!!