香姐雲南米線 (已結業)

荃灣區內有好多米線舖，午餐想快手自己獨食，就去左冇咁多人排隊既香姐米線。去到都係等左5分鐘就入得，一個人食的確係快呢。去到我就點左個小鍋米線+腐竹+雞扒，湯底似係雞湯味，味道還好啦，有落味精搞到要飲水。腐竹都整得岩岩好，唔會搞到又爛又散，剪到細細塊咁，好易咬。個雞扒係煎好左再放落湯度，肉質就同自家製既煎冰鮮雞扒咁啦，平食既話 咁既價錢都冇乜要求。舖頭既伙記唔多，只得一個女侍應，但佢都好快手，態度都幾好，有時落單可能會等耐少少。

年初6諗住食得清清哋來碗米線，行過香姐見有位就坐低啦！叫好咗野食不久，个長髮馬尾高高瘦瘦嘅阿姐過來要求我哋坐去圓枱，理由係有个細路想坐卡位，但係當時前面張卡位都快食完，同埋仲有幾位下，我話前面都快食完啦…佢就話咁你兩坐一邊啦…我哋話ok,一分鐘後，个阿姐又過來話不如你坐前一張，大佬前面張卡位走咗啦…細路有得坐卡位囉！點解大把位係咁要我哋走去第二道?不停打擾客人?好煩好討厭…係趕客行為，結果我哋見佢咁想我哋走，我哋見食物未到即走。永無下次。

第一次黎依到食，二個人叫左二碗米線，二杯野飲，一碟油菜，埋單一百二十幾蚊都不是問題，個問題係我地都覺得好難食👎🏻👎🏻👎🏻米線最重要係湯底都唔得，麻辣唔麻只有辣，小窩米線更加係冇味，豬大腸ok，但牛肉係完全冇味😅

叫左兩個餸既酸辣小鍋米線唔辣，分別係豬頸肉同雞絲。豬頸肉係醃完再炸，好爽口同香。雞絲不過不失。清湯米線係豬骨湯底，都夠味但略嫌唔夠酸，若然可以調高酸味就吸引好多。米線口感彈牙，唔會硬身同淋。整體不過不失，酸度可以再強d。

星期五到香姐一試，事前已經看過數篇食評，所以加點了備受好評的臭豆腐 (但因太肚餓所以淨係影左碗米線) 臭豆腐味道中規中距，外皮比較硬同實。-- 菜單一張兩面 麻辣米線 (走芽菜走韮菜)+豬大腸+蘿蔔 **每碗米線最少點兩款餸**中辣 (個人感覺中辣大概相等於雲X香的小辣)-首先湯底有點像清湯加辣油的感覺，唔濃郁頗很清淡和雲X香及荃灣很有口碑的肥仔米線相比，是兩種風格，比較像是譚X米線，(其實我唔清楚可否開名比較)，湯底就好與否就看個人喜好了，我比較偏愛肥仔的湯底(濃郁刺激味蕾)。-另外如圖所見米線是粗身米線，一碗內我吃到了頗多好似未煮冧的硬米線，破壞了口感，沒有堅韌的感覺，米線本身來講我覺得老闆娘或星林居真的較好吃。-配餸方面，蘿蔔清甜好冧身，豬大腸亦洗得好乾淨，份量亦算多，幾好食。可以加$7有支裝可樂，夠氣夠凍，配米線一流，友人亦選擇加$10有一支豆漿，有黑白兩款任君選擇。-整體而言，湯底及米線較遜色，配餸的味道反而不錯，而且價錢都算不貴，聽講仲有好多招牌的小食，可以再來一試。

之前在網絡上見到有關這間香姐米線的介紹，但一直沒有來，這天，在附近看到有間下午茶都不太划算，結果就到這間米線試一試。友人點個湯米線，我就照舊亦是點了撈米線，端來的時候，就發現份量不多，因為碗子已經不算大，而米線只放了半個碗子，上邊再擺了揀選的配料，就是腩肉以及豬腸。但是以服務而言，這兒的確不錯，因為她會提點你，撈米線須先將面頭與底下的撈勻，又會仔細問你要哪種辣度，包括微辣、或大中小辣。結果，我的這個撈米線，米線比平時的米線店更加粗，底下的確有點兒酸辣的味道，亦都有少許肉粒炸醬。豬大腸份量也不少，可能夾夾埋埋都有10件豬大腸，不太肥膩，中間都沒骯髒。腩肉的質素也不錯，肥瘦均勻，大大片，亦都不會見到一大件瘦肉或者大件肥肉呈現眼前。但是到米線店，最重要還是米線的質素，這兒的米線，第一份量不多，第二雖然他是呈粗條型的，但是非常軟林，煮完之後完全沒有彈牙的咬口，在米線店來說，其實不太合格。之後，端來臭豆腐的時候，又會告訴你，臭豆腐最好沾哪一種調味料。但是，臭豆腐雖然端來的時候有點兒香濃的臭味，但是外皮不算太薄，即使內裏是紮實的豆腐，卻感覺不算口感豐富😪。之前曾經在馬鞍山一間類似的雲南米線店吃過，

有日，去荃灣有特別任務在身，行咗陣先驚覺友人未食正餐，友人提供幾個不同選擇，有中有西的，喝湯王如我就當然揀咗呢間香姐食米線的友人係撈米線王所以當然揀撈米線啦，撈米線有花生蔥去增加香味，仲有醬汁香姐用嘅係粗米線，個人就相對喜歡幼身米線，可惜大腸味道唔錯又夠爽口，腩肉則一般我就叫咗小辣嘅小鍋米線，揀咗豬潤同魚肉春卷豬潤就略嫌太薄，有少少鞋口，春卷就ok,湯就因為有肉碎加持都唔錯見到餐牌上有臭豆腐即叫味道唔錯，但比起馬鞍山果間點辣椒鹽，呢個汁就冇咁出色

今日想食清清地，又再次嚟食香姐喇再次光臨，都係要揀返我上次好鍾意食嘅羅白同蛋😂😂😂蘿蔔好入味好淋，真心要try try 有睇開我食評既人or 食開車仔麵既人都知，蘿蔔係好多米線店，同車仔麵店都不合格既，依間真心強烈推薦佢個米線係有咬口既，5係淋淋地嗰d💁🏻‍♂️叫左豬耳同牛柏葉，2樣都好爽口，本身我地一早嚟，未有太多人，食食下，full house 犀利今次叫埋2個小食，係丫，雞翼怪又出動，食炸嘢最怕係油到爆，其實如果拎開件嘢食，下面浸哂油既就fail🧚🏻‍♂️依間2樣都無依個狀況，個餃好juicy 添丫，本身諗住食清d,又忍5住叫左炸嘢添😂總括嚟講，小店有❤️做可以睇到， 個人推薦蛋同蘿蔔加炸餃😂

依排周圍去揾好嘢食，食個無數咁多既半生熟蛋，我個認為香姐嗰個又平又好食雖然外面好多都有得食，不過質素參差今次叫左蛋加蘿白，一如既往，個蛋好好食，雖然今次望落去熟左小小，不過都係流心嫁😍😍蘿白好淋，好味，上次喺其他米線店又中伏，蘿白硬到😐又唔入味，都係光顧番食開既小店安全d💁🏻‍♂️叫左豬頸肉貢丸涼拌米線，平時唔時貢丸既我，今次竟然覺得好好食，肉質彈牙，好咬口，有冬菇喺入面，唔係出面cheap cheap hot pot 嗰d cheap cheap 丸，相信有食過平價邊爐的朋友仔會明我講咩😂😂豬頸肉都醃得入味，不錯哦仲叫左麻辣手撕雞，老闆娘好細心咁調較左小辣俾我依d BB級食辣既新手，麻麻辣辣，好開胃，加埋樽可口可樂，為辛勞既星期三畫上完滿的句號。小店人情味濃，本小編最鐘意光顧大家都要支持下，唔係第時就全部連鎖店嫁喇

今日年三十，本身諗住去另一間食米線，但已經收爐，之後見到只有這間米線還開門，就來了！！選擇也不少。同事叫了酸辣米線，要另加兩個餸，叫左鹵水溫泉蛋，韮菜雲吞，出菜比較慢，溫泉蛋賣相好靚，真的流沁呀！！同事話隻蛋好味我的酸辣米線加木耳同韮菜雲吞，木耳爽口好味的，個湯底不算太辣，我點了小辣，湯底入面有腐皮，葱花，仲有芽菜，酸菜，豬油渣好特別。雲吞也是好味道的，賣相靚，唔會好散身的感覺。米線也okay的。不會太淋身！！蒜泥白肉，好厚身所以不是好入味！！同事的炸醬。感覺似辣椒醬多d，份量也不多，另一同事叫麻辣米線，味道夠辣，不過份量唔夠，米線比較小。

香姐雲南米線已經開咗一段時間，之前睇過報導講過下，但一路都冇時間去試，今個星期六放工就行咗去試。因為時間太早，去到舖頭都冇乜客，後尾陸陸續續先有客人。見到d人叫汽鍋雞，好似好得咁。米線可以揀嘅餸同其他米線舖差唔多，最特別都係豬油渣炸醬，價錢都係差唔多~枱面有幾樣調味料，麻辣粉、辣椒醬同最特別係有樽叫韭菜花嘅辣椒。佢呢隻韭菜花同平時食到嘅唔同。呢度有樽裝汽水，而家好似多咗餐廳有得賣。豬大腸韭菜餃酸辣米線 原本想食麻辣但見到佢個酸辣有豬油渣炸醬諗住試下，點知……首先係佢d酸菜，係我唔鍾意果種醋酸味。其次就係湯底冇味，餸又唔好味。豬大腸唔夠稔唔夠入味，韭菜餃冇韭菜味但又好稔!就連米線都唔好味，好似發脹咗咁，完全無彈性。所謂嘅豬油渣炸醬，我成碗只揾到呢粒，完全食唔出咩味!韭菜花味道唔辣，有d香，不過唔算太好食。

Sad Monday ,秋意濃濃，口淡淡又想食酸酸地既嘢，今次💁🏻‍♂️提議去食雲南米線，米總本人都食5小，不過咁得意湯底既米線就第一次食好家庭式的小店，老闆娘份外熱情友善店內又有好多選擇，竟然見到。。豬油渣mix 酸辣米線？！！😱😱😱😱問翻老闆娘，豬油渣，自己整的🤔真係見都未見過🤔我就叫左蘿蔔豬膶炆雞小窩米線，重點，蘿蔔好林，好入味，好好好好食！平時有時去有啲米線店，蘿蔔好明顯就啱啱先煮，硬到媽媽都5認得😩依度就5同，係本小編最愛既一咬即淋的蘿蔔😍😍豬膶又唔”send”,炆雞炆到好淋，好入味，有d 花椒八角的味道，入哂味！ 湯底方面，有酸菜同好多新鮮豬肉碎，完全落足料整，相信依d小店先會做到💁🏻‍♂️叫既肥牛腩肉滷蛋酸辣米線，滷蛋旁邊嗰一炸嘢，就係傳說中嘅豬油渣，撈埋一齊食，好香好特別，鍾意食嘢味嘅朋友要try try 哦，個蛋我俾滿分，個蛋好像拉麵入面嘅溫泉蛋咁，有蛋汁流出來腩肉好明顯就有滷過，鍾意食一層皮一層肉一層5油既脂肪嘅人就啱食啦炸餃子，聽老闆娘講係新發明，餃子好明顯就係生炸既，5係炸完又翻炸嗰d,好乾身唔係好油既，好食麻辣雲耳，個雲耳好爽好香，不錯哦，胃口唔細既人可以try

呢個星期雖然假期多，但工作量堆埋一齊其實一樣咁忙，仲要好多同事放假，真係做到忟忟地。朋友突然話出黎食下野睇下戲，又好呀，真係要抖一抖。放工到了公司附近的一間米線舖，見好多街坊食都應該唔差啦，睇完餐牌，隨意點左兩碗粉同小食，坐低等食嘞。涼伴米線（$25）加鹵水蛋（$5）同韮菜餃（$5）自己點左呢碗，要了小辣，米線太淋無咬口，個辣醬幾香，勝在多蔥多芫荽夠香口。加配料方面不過不失，蛋鹵水味不濃但軟心，餃子皮厚餡多，ok啦。麻辣米線（$23）加腩肉（$7）同肥牛（$7）朋友要了中辣，佢話辣度ok，夠麻夠辣，米線同樣太淋，配料方面兩種肉都好肥，哈哈，佢就係鍾意食肥，都有數片，感覺ok。麻辣手撕雞（$28）雞絲配青瓜絲，麻麻辣辣幾惹味。鹵水豬大腸（$28）大腸入味有咬口，每一圈腸都好肥呀，正呀～份量偏少，男人唔夠飽，女人就ok嘅，價錢味道中規中矩，勝在小店有人情味，店員一家人態度良好。

經過享和街見到間話自己正宗雪南過橋米線，睇啲相又見佢真係有啲似正宗，門口仲寫咗個由細睇到大嘅米線故事，就入去試吓啦！可惜嚟到湯底完全唔夠熱，同平時出面啲清湯無咩分別，完全無過橋米線嗰種湯底feel, 啲餸亦已經係湯入面浸咗唔知幾耐，失望！啲餸鞋到不得了！又無味，真係唔多ok!又鞋份量又少，不過啲餸質素唔得，俾得多都無用。荃灣米線真係好多間，但講到正宗，真係無！以前有間係好好食嘅，可惜係6 7 年前執咗！至於香姐，經過唸唔到食咩，可以一試嘅，但唔好抱太大期望。

先前睇蘋果日報講到好ok, 專登走去試，但希望愈大，失望愈大 😂叫左麻辣油渣同手撕雞米線，感覺好新穎：麻辣油渣係橙紅色似咕嚕肉咁，無麻味，辣度只係約譚仔10小辣，最搞笑係口感 --- 完全唔似油渣！！ 同食開既油渣麵既好唔同，無咬口無痴住dd肉既肥膏，似豬皮多d ...手撕雞根本只係雞柳切絲，一條條雪菜肉絲o個d 絲咁，呆左 ....湯底偏清，叫中辣，但係清湯加辣汁，無左正常既一片紅油海....可惜無影相，但算啦，反正唔會再去 唯獨抵讚係老闆娘好有禮貌，環境算乾淨企理