首爾石鍋燒

营业中

休息中

旺角的首爾石鍋燒其實已經幫襯左幾年。久唔久就會想起佢個「泡菜烤肉豆腐鍋」。先上前菜兩碟四款。我覺得青瓜和泡菜尤其好味夠刺激開胃。今日同朋友來食。我點左「泡菜烤肉豆腐鍋，配白飯」。這個湯鍋已經食過好多次，但係每次都叫，因為佢個泡菜湯實在太好味。材料豐富， 有豆腐，烤肉，雞蛋，泡菜，韓國魚片，和粉絲。我尤其喜歡湯鍋裏面粉絲索滿泡菜湯的味道和口感。我還會將泡菜湯放入白飯裡當湯飯吃，每次都會成碗白飯飯食晒😋😋！朋友唔食辣所以叫左「蔥蒜牛肉粒石鍋飯」。上台時仲糸Si si 聲。賣相好唔錯，色香味俱全。牛肉粒大大粒有牛味很嚼口。連埋蔥花和炸蒜勁香勁惹味。檯面有一支韓國辣椒醬可以加一些提升味道。小食叫左「泡菜薯條」，泡菜辛辣惹味，薯條係我最鍾意嘅粗薯條即叫即炸熱辣辣好香脆🤗🤗。兩個主食可以加兩杯野飲半價。我地叫左凍蘆薈茶同埋凍紅棗蜜。食熱野飲返杯冰涼飲品好正！

旺角平靚平之地，中西日韓泰都要有，就係女人街，今日吃個韓國菜先。門口招牌色以粉色設計，每個字都不同色，好吸引人視線，一望亦知走韓國風。內部裝修偏向型格， 牆上做了很多飾櫃，以不同的韓國酒料做主題，例如啤酒，燒酒等。坐低之後，侍應自動波提供餐牌和小吃，招呼反應快。泡菜石鍋飯$76，熱騰騰，有牛肉、泡菜、牙菜、雞蛋，搞伴均勻，每口都充滿泡菜和牛肉味，牛肉比較腍，加通泡菜的爽口，每口有腍有爽，雙重享受。韓式燒牛肋骨$90，一碟鋪滿牛肋肉片，牛味香濃， 醬汁没有蓋過牛肉味， 蒜片亦不辛辣，不吃生蒜的可以拿開，份量有點多，兩個人未必可以吃完泡菜烤肉蔥餅$58，要脆內軟，內內泡菜肉碎，每一口都有泡菜和肉碎，味道比較濃香。真露原味$68，韓國燒酒還是第一次飲，感覺易入口，酒精不濃，還有多種味選擇，男女都合適。可能配炸鷄都不錯。價錢合理，座位舒服，以二至四人枱為主，好適合情侶或三五知己開心地吃飯。

旺角鬧市飄來泡菜石鍋香 Cp值頗高 平民版韓國料理 出色豆腐鍋【首爾石鍋燒】‼️‼️.人來人往嘅通菜街，周圍都係餐廳，到底食乜好？想價錢實惠又食到大大份嘅美食？【首爾石鍋燒】係個好選擇！食完又食，已經吾係第一次幫襯🤣～餐廳位置好就腳，就係通菜街，好易搵到！入到門口已經聞到陣陣石鍋香味，又好似真係每張枱都有叫石鍋，一定要試試😋先得。前菜嘅份量同種類都多，有泡菜，大豆牙菜，粉絲，青瓜，好爽口開胃金菇肥牛豆腐鍋即叫即製，新鮮熱辣上，要小心，真係好熱好熱！入面有好多好大舊嘅嫩滑豆腐，個底仲有粉絲，好彈牙！金菇肥牛嘅份量同相多，成個湯整體好清甜，用嚟送飯或烏冬都好好味😋😋.泡菜石豆鍋飯配烤牛肉粒必食推薦！石豆鍋飯好香，仲有脆嘅飯焦，好正！上面嘅大豆芽菜攪勻後一齊食更有口感，烤牛肉粒好有牛味，同肉汁都好鮮甜，仲有少少辣味泡菜，好惹味！泡菜烤肉蔥餅煙煙韌韌好有咬口，中間夾住少少辣泡菜同香口嘅烤肉，食落好開胃。蔥餅有大概6吋大架，建議share。煎泡菜餃一碟5隻可以當小食，表皮煎到卜卜脆，金黃色嘅賣相好吸引，一啲都吾油膩，酸酸甜甜，正！真露燒酒好貼心咁比咗兩隻小酒杯我，入面仲有一小塊檸檬🍋，香濃嘅燒酒味好

通菜街真係有好多好野食，選擇好多，今日特登搵間韓式野， 唔洗排隊，但基本上坐滿哂人。應該都系好食的餐廳。 餐廳主要用石鍋為主，石鍋既好處就係保溫，我地食到最後啲食物都仲出緊煙的。見到有個2人餐，🥘 就決定叫呢個套餐Ｃ。🍛先上小食，有青瓜，芽菜、泡菜、粉絲； 青瓜好爽口，有少少辣，泡辣辣辣地好開胃。熱辣辣一齊上左兩個鍋。秘製烤肉豆腐鍋 加金菇肥牛 轉韓國手打烏冬佢呢碗鍋勁多肥牛🐮， 烏冬煙韌彈牙，湯底唔算好辣，如果加番多泡菜味會更惹味，豆腐吸左湯既精華，唔錯。雞肉傳統石鍋飯勁大兜飯，雞肉份量多，好抵食，好足料，有蛋，粟米，蘿蔔絲，芽菜，食落好健康，本身味道比較淡，加埋辣醬好好味，最後仲食埋香脆既飯焦。韓風一口雞唔厚粉，個皮好薄好脆，雞肉亦好嫩滑，配有個紅色醬，本身以為係韓式辣醬，原來系茄汁，有小許芝麻粒更加好食。原來茄汁配炸雞味道都幾夾。餐飲要凍檸茶同埋奶茶，男朋友話奶茶幾好飲。有驚喜，估唔到韓式餐廳都飲到茶餐廳水吧味道。另外仲叫左小食煎粉絲餃子🥟 擺放出黎個賣相都幾靚，幾用心💪🏻 餃子皮好薄，餃子個皮角會有少少脆口，其他部份就好似蛋餅咁煙煙UNUN，入面有粉絲同肉碎，點埋個燒汁食真係好

今日同男朋友黎到女人街既首爾石鍋燒😍我地大概七點半黎到，好彩男朋友一早book左位咋🥰我就比較想試下佢呢度既豆腐鍋，所以我就叫左個海鮮烤肉豆腐鍋配白飯，而男朋友就食年糕烤肉豆腐鍋配白飯。我地仲額外叫左個煎韓國泡菜餃子，因為唔知點解突然好想食🥟🎈煎韓國泡菜餃子我幾鐘意食呢個泡菜餃子🥟佢有啲似平時出邊食既個啲煎餃，但係入面就係泡菜黎，幾特別🤤-🎈海鮮烤肉豆腐鍋配白飯第一啖食落去個感覺好正！好暖胃啊！入面有青口同蝦🦐佢其實都有好多料係入面，而重點係佢仲有粉絲添！我食得好開心，一路食一路飲佢個湯暖暖胃😳😳-🎈年糕烤肉豆腐鍋配白飯其實男朋友叫個個同我叫個個真係差不多，不同之處係佢個個多左啲年糕，但就冇我個啲海鮮🦞佢都好滿意佢個個👍🏼覺得呢個價錢食到咁高質既野真係好抵🤩-整體而言，我地都好滿意呢間首爾石鍋燒🥰完全係性價比高既韓國餐廳，真係好值得一試🤣

這間 韓國 食店 在女人街 裏面， 之前有 兩間 的， 一間在街頭一間在中間， 可能舖租貴 現在就只得一間， 我之前喜歡 新裝修那間的環境 ， 地方比較寬敞， 我們久不久就會去幫襯， 但自從 這兩間淨返一間後 座位很窄 舊的一間 環境也比較暗我丈夫不太喜歡這個 環境， 也很少開了， 不過講番食物質素還是可以的，我最喜歡吃石頭鍋飯 味道不錯， 如何喜歡辣的可以叫其他的辣的 石鍋燒， 可以配飯或手打烏冬的， 不過這裏有部分的菜式，可以自己選擇 辣或不辣的， 如果唔介意地方淺窄 ，可以去試下的， 午餐套餐包嘢飲，價錢 都算合理。

睇戲前跟朋友吃飯，在通菜街處找到辣式韓菜 《首爾石鍋飯》！聽說這裡的豆腐湯很好，於是在我的必點系列！ 環境乾淨，價錢親民！ 先來個前菜，有青瓜及泡菜 甜辣度都岩岩好，越食越滋味金菇肥牛烤肉豆腐鍋 HKD 74 + HKD 6 轉粉絲 有大中辣度可選擇，是次中辣調較得剛剛好。最怕辣得來湯底溫度很高又燙口。再試試出名的豆腐，豆味很重很重。 另外金菇肥牛是最佳拍檔，肥牛很易咬並沒有最怕有根。 韓國蘆薈茶 HKD 20 飲品選擇很多而我簡少有的蘆薈，甜甜的。即使食辣，點了熱飲也沒有問題！ 韓國粉絲餃子 HKD 48 長身餃子煎得香脆，內裡有滑嘟嘟粉絲，平時較多沾醋但這個杰杰地醬汁很特別，好好味。整體是也不錯，值得再嚟！

朋友約我去旺角吃韓國菜，已有半年無去韓國旅行，都好掛住韓國食品，所以朋友約我去吃韓國菜正合我意，即刻答應佢。到左旺角鋪名叫(首爾)，哈哈~我都好想去首爾。店舖內地方不大，2人位和4位比較多，店員安排我地就座左2人位，侍應生給我餐牌，睇左了一陣叫左個二人套餐C餐$189，先來了2碟前菜，有泡菜、青瓜、大豆牙菜、韓國粉絲，青瓜有少少辣和爽口，泡菜係我最喜歡既韓國食物。好快又黎碟韓風一口雞，其實係炸雞，韓劇D主角成日食既炸雞，一啖一粒細細舊唔錯，食落口仲脆脆地，跟住送來秘製烤肉豆腐鍋，加8元轉手打烏冬，內裡有豬肉、豆腐、年糕，年糕和烏冬都煙煙韌而且滑嘟嘟好味😋。再來一個傳統石頭鍋飯，選擇左雞肉，D飯比較多左水腍左些，本人比較喜歡吃一粒一粒既飯，雞肉就大大舊啖啖肉，我朋友是食肉獸，佢最開心，另加$5 upgrade去野飲，我叫左1杯凍柑桔水不太甜，一邊食石頭飯超熱，一邊飲凍韓國柑桔蜜，真係好爽，而朋友叫既係凍韓國蘆薈茶，蘆薈和冰都係無色，所以問佢有沒有蘆薈肉㗎，她話有不過切得好細粒，佢話甜度都啱啱好，當晚我地好似去左韓國食飯咁既氣氛，都食得好開心，侍應生招待也有禮貌！👍👍🤤😍+++++++++

食物：乜乜交子Udon原來我個寶貝女之前都黎過旺角首爾食下午茶，仲要我 轉載呢篇食評：我是泡菜餃子烏冬的常客，因為我仲意食烏冬同Kimchi烏冬口感適中，不會煮得太軟，因為太淋會吾好食，如果烏冬煮得吾好既，對我黎應該成碗都吾會食，但煮得爽口有口感，好食的餃子份量ok，不會很少，餃子裏有少少Kimchi，有少許辣味係好食個湯底可以自己揀要咩辣或者吾辣，我之前叫左要d辣，之後覺得有d辣，同服務員講，佢地會加返d湯比你如果覺得吾辣，服務員都會即時比返d辣，而且態度好好。😊😊下次同朋友再黎食😁😁

今日又嚟旺角首爾食飯，六点半黎到店面人客不多可以靜靜地。 服務生安排咗座位之後坐低睇睇個新嘅餐牌， 發覺都多咗幾款新食物，例如年糕大醬湯同埋海鮮大醬湯。 仲有新嘅小食 粉絲煎餃 子。好！ 就食海鮮大醬湯配飯吧， 再点埋個小食粉絲煎餃。 服務生幫我點完餐之後好快就上咗啲前菜， 店面人客不多所以上菜時間都快左 六分鐘不到就已經上菜。 大醬湯鍋的湯底係 麵豉豆腐湯， 湯底入味 水準不變， 三隻蝦大大隻 飲咗兩啖湯， 粉絲煎餃子都上啦， 粉絲煎餃子熱啦啦皮脆 真係好食 真係唔錯。 我本來諗住 再点埋其他小食但今天有少少趕時間食完呢個咁正海鮮大醬鍋都已經好滿足， 唯有下次同埋老婆一齊再食過啦， 值得一提呢度嘅服務生嘅服務態度越來越好，好有耐心的解釋地廳餐牌上嘅新食物係點樣， 又會話畀你聽 邊一樣係辣嘅邊一啲係可以走辣嘅， 服務員耐心真係好緊要。

之前已經嚟過幾次 唔知點解呢個地方好吸引久唔久就會諗起想食呢間😂 lunch time都幾多人 拎飛排隊都等左幾耐下(可能我哋多人😂🤷‍♀️)佢啲lunch set唔係好貴 仲要包一碗湯(er..好似係粟米蛋花。。之類) 同埋包熱飲 凍飲只係加兩蚊🤑👍 今次我叫咗泡菜燒肉豆腐鍋配飯😍 個豆腐鍋一嚟到 超級hotttt 入邊好多料😂 除左泡菜燒肉同豆腐之外 仲有韓式粉絲， 粟米 同埋蛋😍 其實我懷疑就咁食一個鍋 唔使加飯都已經夠飽😂 泡菜鍋唔係好辣 有愈食愈想食嘅感覺👍一句講曬 超級抵食!

新年快樂🎉🎊祝大家萬事如意心想事成🥰新一年豬年又點少得繼續食好西呢🐖🐖🐖今次嚟到女人街，依度攤檔多多，但係中心個條街兩旁嘅平食嘅食肆又有冇留意呢🤩========================🥢二人套餐B $169 (+$4========================🥢前菜🥣前菜款式沒有特別，粉絲、青瓜🥒、芽菜同泡菜醃得不過不失，算是開胃之選========================🥢傳統牛肉粒石頭鍋飯🥘 (牛肉粒 +$4)補左錢轉牛肉粒，冇諗過牛肉粒會咁大粒咁多，咬落肉質軟熟，肉汁係口中四濺🤤唔好漏左加埋韓式辣醬🥘燒熱咗嘅石鍋燒將飯同配菜保暖到食完都仲熱，仲有CM最鍾意嘅飯焦係底🤪不過可惜傳統石鍋飯有嘅菠菜🥬、泡菜等蔬菜欠奉，唔係真係咁「傳統」😢========================🥢韓式鐵板燒烤肉飯🍛豬肉煮得太耐肉質太嚡，食落過乾身，鐵板上油份過多太油膩，如果改做牛肉粒可能會好啲🤔========================🥢韓風一口雞🍗炸雞份量正正係一啖食得落😚炸皮薄，外皮香脆咬落有肉汁流出，點韓式辣醬🥫食酸酸甜甜😋不過食得過多就會幾油膩🧐以試吓🤤

黎到旺角行花市之前緊係要醫飽個肚，唔知食咩好就周圍行，意外發現呢間個餐牌都吸引又見幾多人食就試下啦！環境暗暗地唔太似一般韓式餐廳。先叫左個一人餐，前菜有泡菜，都幾辣，仲有個粟米蛋豆腐湯都幾好飲、清清地。一人餐$95 叫左個金菇肥牛烤肉豆腐鍋，唔算太辣可接受，好多粉絲同菜 正，肉份量都足夠我唔食辣，就叫左呢個韓式拌飯配烤肉，都好多配料，夠新鮮，個汁另上自己撈，甜甜地 幾好食！仲叫左個一口炸雞，都幾好食 唔會好油 雞肉又夠滑

放工之後晚上到旺角探朋友，他帶我到旺角通菜街的首爾石鍋燒，這裏是他平時的飯堂。 平日晚上餐廳都爆滿客人， 一坐低店員已經送上四款韓式前菜，輪到點菜環節，既然我朋友經常幫襯，今次就由佢話事食咩啦！ 他點了煎粉絲餃子$48，首爾沙律$58，泡菜石頭鍋飯$72，炸醬麵$68， 熱柑桔$10，凍檸樂$11。四款韓式前菜 ～ 最啱我口味就係青瓜和泡菜， 青瓜甜甜酸酸帶微辣，好正。泡菜爽口入味， 食韓國菜一定要有的前菜！煎粉絲餃子 ～ 餃子的皮很薄，煎得夠香又脆， 餡料有粉絲和豬肉， 點埋醬汁更惹味！首爾沙律 ～ 每次到餐廳都很喜歡點沙律 ， 感覺上比較健康。 今次這個首爾沙律的沙律菜新鮮，還有蟹柳絲， 味道清新！泡菜石頭鍋飯 ～ 由細到大我都很喜歡吃石頭鍋飯， 尤其是在冬天，因為食落暖笠笠 又惹味。 最喜歡鍋底的飯焦， 脆卜卜又香口。炸醬麵 ～ 雖然這一款是韓國比較普通又平民的菜， 但我就很喜歡炸醬的味道，有香濃的麵豉味， 再配彈牙的麵條， 就是一碗正宗又美味的韓式炸醬麵。飲品方面我們點了熱柑桔和凍檸樂， 熱柑桔滋潤潤喉， 凍檸樂夠解渴。最後我們食了咁多野埋單只是$294，真是又好味又抵食！

係高cp值嘅韓國菜🇰🇷$95包湯、前菜同主食 加錢有特飲🤩-韓式伴麵最鍾意佢面頭嗰隻韓式粉絲😍味道幾濃而且甜甜地🍲令到本身比較清淡嘅面撈埋之後多咗啲調味👌值得一提既係配料超足來到有5-6舊雞🤩全部都大大舊同埋配上特製既醬汁入口更加香☺啱晒啲想食韓國嘢但係又唔食得辣嘅人啊-泡菜烤肉豆腐鍋個鍋冒住煙，見到都暖曬🙈個泡菜湯小小辣，再配埋粉絲食真係幾開胃份量都有d多再加埋飯真係好飽好飽🌞-海鮮蔥餅 $58個煎餅好香呀🥰個邊有少少脆，中間係煙煙地韌咁個煎餅夾雜住蔥同埋原粒鮮蝦仔，值得一讚嘅係鮮蝦好爽彈😂我地兩個人清曬一舊不剩😎-韓風一口雞🐔 $42個皮夠薄一d都唔厚粉，亦炸得好香脆😝雞肉都好嫩夠曬juicy🙈點醬食好惹味，唔覺唔覺食左好多件😭😂/