首爾石鍋燒

营业中

休息中

難得係 #旺角鬧市 搵到間味道唔錯👅價💲親民嘅韓國小店🇰🇷同朋友兩個人一人叫左一個餐，再加左2個小食一齊share ====—====—====—====—😋特選一人套餐（$95） —————————🍴頭盤（3️⃣選1️⃣） 🍳玉子沙律 🥗螺肉沙律 🌽餐湯：蘿白粟米蛋豆腐湯     主菜： 🥘傳統烤肉石頭鍋飯 石頭鍋飯粒有嚼口，很香！烤肉份量夠多，配合不同配料和辣醬風味十足，惹味又好吃！ 🍲海鮮烤肉豆腐鍋配韓國手打烏冬（+$8） 份量超足，而且夠熱辣辣，手打烏外嫩滑煙韌，豆腐非常嫩滑，湯底很香，配料有2隻大蝦、烤肉、雞蛋、鳴門卷和其他配料！ 🍹飲品/升級飲品（+$5）選了蘆薈茶，清新又解渴 🥟煎韓國粉絲餃子（$48/5隻） 餃子一份5件，餃子入面包住粉絲、豬肉等，香口惹味，餃子皮薄易入口。 🌮泡菜烤肉蔥餅（$58/6寸） 蔥餅比外面吃到的做得非常出色，一般吃到的麵粉太厚，而這裡的麵粉比例剛剛好，香脆可口，一絲絲的泡菜充滿口感！ ====—====—====—====—

性價比高到令人震驚的韓式餐廳～～～餐廳名稱：首爾石鍋燒 (旺角)餐廳地址：旺角通菜街21號地舖～～～週末跟大舊來旺角覓食 路過通菜街見到許多人在這間韓式食店前排隊 我們的飲食哲學是有人排隊的店一般都不會太差 為了證明我們是對的 我們便跟着人群排隊 好彩大概等了10分鐘左右便有位了 比想像中快😆～～～餐牌有許多食物選擇 我們這個想吃那個又想吃 所以揀選了很久 還揀不到吃什麼好😋～～～大舊：啲價錢咁平 全部lunch set$40-$50左右就有1份 又有湯又有嘢飲 邊有可能咁抵 我估應該好細份小Q：我都估係 如果唔係邊有可能咁平 咁不如我哋叫三個set Lunch 再配一個小食？大舊：好啊好啊～～～就是這樣 我們就叫了韓式伴飯配烤肉 （可以選擇烤肉雞肉或者牛肉粒 ）泡菜餃子烤肉豆腐鍋配韓國手打烏冬 水冷麵 和炒田園蔬菜 結果當食物一送到 真的嚇了我們一跳 食物的份量不單止不少還非常大份 每個午餐set還送一個餐湯 係今時今日嘅香港 咁嘅價錢咁嘅份量真係令人有啲難以置信😆～～～韓式拌飯的材料非常豐富 有烤肉 辣青瓜 青瓜絲 粟米 木魚等等 拌在一起非常滋味 餃子烏冬亦非常吸引 烏冬彈牙

餐廳：首爾石鍋燒 (旺角)地址：旺角通菜街21號地舖人生要經歷多少次「碰巧」、有多麼的幸運才出現一次「巧合」呢？在眾多地方中，在成千上萬的街道上，在無數的餐廳裡，選上了在旺角通菜街的首爾石鍋燒吃晚飯，不過我相信的，還是每一件事的發生都有它的價值和意義在尋找意義當中，忽然察覺肚子餓了，拿起餐牌，毫不猶豫點了一個二人套餐，接近$200就可以食到韓式地道嘅秘製金菇肥牛豆腐鍋配烏冬同傳統石頭雞肉鍋飯，仲有韓風一口雞同韓式小食四款。當然二人套餐都有三款唔同組合嘅比你揀，鍾意食豬定牛定雞，泡菜年糕海鮮定金菇肥牛，決定權都係你手，絕對唔洗擔心要幾「巧合」先食到自己想食嘅食物以石鍋送上烏冬同鍋飯，確實保溫之餘又充滿韓式風格，熱辣辣嘅烏冬浸泡係微辣帶有蕃茄香嘅湯底中，連同肥牛、金菇、豆腐、栗米等一同送入口，真係令我聯想起幾年前到韓國旅遊時嘅一點一滴。雞肉鍋飯重點除左係內裡嫩滑外在煎至少少香脆嘅雞肉外，另一特色就係十分吸引嘅飯焦，唔知大家有無呢個習慣，但我就好鍾意食完飯後將黏係鍋底嘅飯焦都一併刮出來享受，香脆煙韌真係好吸引唔可以唔提嘅係金黃香脆嘅一口雞，每一啖肉都連同肉汁放入我嘅口，蘸埋韓式醬汁更特顯出韓

黎旺角食午餐，冇咩特別想食，求其行左入去尼間韓式料理店。食午餐會送一碗湯同餐飲，個湯一落完單就即刻有。其實個湯就係粟米蛋花羹，裡面再加左d豆腐同白籮白，味道都吾錯。飲完湯野食就岩岩好上菜。叫左個年糕大醬湯配飯，上菜嘅時候個湯仲滾緊。大醬味道重，配飯食岩岩好，單飲尤其飲到最尾會有d鹹。大醬湯嘅材料幾豐富，年糕軟糯，椰菜爽脆，豆腐嫩滑，除左有大量海帶外，仲有三大片豬肉。不過個湯加左粟米就有d奇怪。個鍋保暖能力勁，食到最後都仲係熱嘅。

前幾日經過呢間門口，今日就約左朋友放工過嚟試。7.半到，唔難搵位。呢度主打石鍋同鐵板，一入到去就勁大陣香味。我叫左泡菜烤肉豆腐鍋加烏冬，雖然有隻辣椒仔係 menu, 但唔係好辣，烤肉幾香囗，烏冬浸左好耐都唔會淋。同朋友好耐冇見傾耐左，但係都冇比人趕，埋完單仲有 coupon送。

首爾石鍋燒喺旺角已經好多年。之前已經幫襯過!上星期經過又一時諗唔到去邊度食飯就黎呢度。 我地2個人點左個二人餐，只需要 $169真係好抵食呢…! 上餐前附送餐前小食，味道也不錯! 雞拌飯份量好多呀，而且雞肉都幾嫩滑醬汁也味道也不錯加入飯而搞拌黎食真係好好食! 韓式鐵板牛肉粒飯上枱嗰陣zizi 聲，材料好豐富，牛肉粒淋淰，而且有牛好重牛味仲有一隻煎得好靚嘅太陽蛋tim。 食完已經好滿足，下次要食依度最出名既石鍋飯!!

今日又去「首爾石鍋燒」食飯。哩間韓國餐廳d野好好食，好arm我口味，而且地點十分就腳！今次叫做我最鍾意的《泡菜餃子烤肉豆腐鍋》，湯底我叫做「少辣」，跟飯。 哩個泡菜餃子係 my favourite。餃子主要係由豬肉，泡菜，粉絲做的。帶點辣，裡面豬肉又唔肥，餃子皮唔厚，味道剛剛好，好正。除左泡菜餃子外仲有烤肉（豬肉），豆腐，粟米，同粉絲！個豆腐好滑好重豆味😍。粉絲索曬個湯底真係好正！之後我仲畢左d湯係碗飯度，白飯索滿辣湯食又另有一番滋味！朋友叫左《海鮮烤肉豆腐鍋》。裡面鮮蝦同埋青口。朋友說d蝦係新鮮蝦肉質彈牙，青口的味道也不錯。還有滿滿的豆腐，粟米， 粉絲，烤肉，等等。湯底味道鮮甜，最後朋友佢食晒所有嘢連湯都飲埋！另外叫咗個小食《韓風一口雞》見好多台都有叫啲款小食。炸雞味道香脆，炸粉不厚，味道剛好，一口一炸雞，正合我心意！跟住食有飲品半價。凍檸茶都係$8。罐裝汽水或特飲都只是$9，物超所值！

在旺角要食韓國菜，必食首爾石鍋燒。他們主打韓國秘製烤肉豆腐鍋，鐵板飯，石頭鍋飯，泡菜炒飯等，小食選擇多，味道一流，價錢合理。我們幾個朋友到旺角聚餐很多時會幫襯。強烈推薦泡菜烤肉豆腐鍋，是首爾石鍋燒的招牌菜，試一啖湯，鮮甜香辣，辣味帶鮮，帶甜，還有泡菜及香料香味是普遍香港人能接受的辣度，更不失香辣，滿足喜歡吃辣的朋友。泡菜是首爾石鍋燒自家腌製，鮮，香，辣，甜，爽，非常可口。而且泡菜是世衛證實抗氧化物，多食有益健康。烤肉更是一大特色，非常特別，淰，滑，入味，鮮香，加入大量香料腌製，很多食客就是沖著首爾石鍋燒烤肉過來的。泡菜烤肉豆腐鍋可以選擇配飯或者烏冬，配飯的話鍋底有韓國粉絲，食過好多次，非常不錯。這次我選擇了烏冬，他們的烏冬也是名物，選用韓國手打烏冬，爽滑彈牙，有別于日本稻庭烏冬或者贊崎烏冬，除了滑，還多一份清爽感覺，包保一試難忘。鍋裡面還有蛋，滑豆腐，粟米，等。他們的海鮮烤肉豆腐鍋，年糕烤肉豆腐鍋，金菇肥牛烤肉豆腐鍋，泡菜鐵板飯，泡菜鮮蝦烤肉炒飯，一口雞，粉絲餃子，泡菜餃子，海鮮蔥餠等等做得非常好，到旺角的朋友務必前來一試，誠意推薦！

係旺角食lunch 見到呢間韓國野幾多人食 門口仲要等位添 所以我地都入左去試下韓式鐵板牛肉粒飯個鐵板夠晒熱。材料好豐富，牛肉粒有好多粒不吝嗇， 除咗白飯， 仲有蔬菜同埋一隻煎得好靚嘅太陽蛋。牛肉淋淰，有牛肉味，有口感。隻蛋我鍾意吉穿佢將蛋汁撈埋白飯一齊食。玉子沙律新鮮的蔬菜上加入了玉子，作為醒胃前菜很不錯海鮮蔥餅主要以蝦和蔥段為主的韓式煎餅。 餅底煎得香脆，有很香蛋味，而且不會太油。尤其喜歡這裏的煎餅汁，令其味道大大提升！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

🔎首爾石鍋燒 (旺角)旺角通菜街21號地舖=========================早幾年前都食過下午茶覺得好抵食😽價錢都係$36起😄😄今次同👦🏻經過於是就試下晚市套餐平時除左食韓燒，我們都較少食韓國🇰🇷野的😂 ❤️二人套餐C $189包括以下的食物🔸秘制烤肉豆腐鍋(選左泡菜)手打烏冬另加$8豆腐真的好滑好香豆味，泡菜湯底也不會太辣烤肉份量都不會太小🔸石頭鍋飯*牛肉粒+$4最喜歡聽到石頭鍋飯的sisi聲😂牛肉粒不會太韌，如果覺得不夠辣的朋友們可以加多小小韓國辣醬會更提升味道🔸韓風一口雞外皮炸得非常香脆，內裡的雞肉多汁嫩滑驚喜之作👍🏻👍🏻👍🏻另外我們再叫多左個海鮮煎餅和煎泡菜餃子🥟海鮮煎餅煎得剛剛好，不會太燶，而且一定要dim個煎餅汁酸酸辣辣好開胃

旺角想食乜都有，今次試一間平民韓式食肆，內裡裝修格調卻西式，地方較迫窄，基本上要搭枱，人流多間唔中要等位，食物質素就一般般啦。泡菜餃子烤肉豆腐鍋 (走飯+走辣) 跟凍檸茶$54⭐️⭐️⭐️餃子好好味，但非常非常辣，豆腐超滑又有豆味，韓式粉絲又粗又煙韌好味，略嫌走辣湯太清極上牛肋骨鍋 (跟烏冬+走辣) 跟熱菜蜜 $73⭐️⭐️⭐️牛肋骨惹味但韌咗dd，烏冬煙韌口感不錯，滑豆腐同碎牛肉份量稍多，湯底同樣太清韓風一口雞 $42⭐️⭐️⭐️⭐️炸雞炸得恬到好處，外脆內軟，肉又入味，size剛好一口方便食，不錯小食二人共消費：$169

前菜有泡菜、青瓜、芽菜同粉絲。甜辣度岩岩好，泡菜、芽菜同青瓜都好爽口🥒，粉絲又唔會好油膩🥰，正！-金菇肥牛烤肉豆腐鍋配手打烏冬 $82熱辣辣，肥牛份量好多，豆腐入哂味🤤，手打烏冬煙煙韌韌又掛汁🍜。不過辣度唔算太辣，岩哂食唔到辣既人🥳！-傳統石頭窩飯配雞肉（Dinner Set）$95晚市套餐包埋前菜同餐湯。雞肉嫩滑，啖啖肉，石窩邊將雞肉燒到焦脆，正🤪！石窩飯配韓式辣醬真係無得輸🤩！甜甜辣辣咁，撈埋蛋黃、其他配菜食個口感好正👍🏻。-韓風雞翼 $42外層炸得酥脆，但入面雞肉滑嫩多汁，好Juicy！配甜酸辣醬好惹味❤-煎泡菜餃子 $48熱辣辣好好食，煎到外脆內軟🥢，入面既餡料有辣泡菜、韓國粉絲同豬肉，辣辣地好正！怕辣既話可以點醬中和返。-牛肉粒炒泡菜 $52首爾石鍋燒既泡菜比較偏酸辣，口感清爽，所以專登嗌多碟泡菜黎食😝。本身以為係四四方方個隻牛柳粒，原來係牛肋骨肉，牛味更加濃烈🥰。

-🦄首爾石鍋燒-韓風一口雞 Hkd42Rating🌕🌕🌕🌕🌑蕎麥冷麵 Hkd68Rating🌕🌕🌕🌕🌘煎韓國粉絲餃子 Hkd48Rating🌕🌕🌕🌗🌑泡菜烤肉鍋(配烏冬) Hkd76Rating🌕🌕🌕🌘🌑首爾沙律 Hkd58Rating🌕🌕🌕🌖🌑真露燒酒 Hkd68Rating🌕🌕🌕🌕🌑-係旺角既女人街人來人往🌿有一間隱世既韓式餐廳我比佢門口播住既韓文歌🎼吸引住🤣💫個陣時咁岩播緊gfriend既歌Haha😚睇下餐牌都幾吸引下😌於是我就決定一試究竟😤-18:00既時候🕕餐廳都坐左幾圍檯😲唔係話特別多人😌所以我都好好彩唔洗等位就入得然後兩個人叫左7樣野😂隔離檯都望住曬😂當然最後係輕輕鬆鬆咁KO啦😤😤😤-🔸韓風一口雞岩岩新鮮炸好出來🍗熱辣辣咁超級鬆脆 🔥食到佢唔係特別厚粉💦雖然係一口雞✨但雞肉佔既比例絕對係多好多而且雞肉保留左好多水份💦💦十分Juicy👍🏻雞肉既肉質鮮嫩🙀🙀唔鞋口😂連同行既友人都讚不絕口👍🏻話好食過平時食開個啲🔸蕎麥冷麵係我個人最推薦既👻👻都算係比較輕盈清新既選擇 湯底十分清甜呢個甜度岩岩好😼我自己唔係好愛食甜既太甜既可以pass 但佢既甜度就恰到好處蕎麥麵食落爽口😸而且係煙

今天突然想吃韓國菜 平常都是去尖沙咀吃比較多因爲那邊的韓國菜特別多 而且都是韓國人開的 比較正中好吃但是今天在朗豪坊逛完 懶的關係下 就決定到附近找找好了最終我們決定到女人街 挑戰旺角首爾石鍋燒首先說說環境吧 還不錯 燈光暗暗的 挺有格調這次我們一行三個人 不能不讚的是這餐聼有不同人數的套餐我們當然就點了三人餐當中包括了秘製泡菜烤肉豆腐鍋配韓國手打烏冬 （這個真的超級好吃！！！超乎意料！！！）傳統烤肉石頭鍋飯 （跟平常的石鍋飯相似 但味道有點淡 感覺一般）韓式鐵板燒牛肉飯 （這個也不錯 鐵板牛肉粒 好處就是夠熱哈哈哈）韓風一口鷄 （這個炸鷄也很好吃 炸粉一點也不厚 味道好）蘿蔔葱餅 （他的味道就像蘿蔔糕 味道不錯啦 但是肯定不及有海鮮或者豐富材料的餅相比）小菜 （除了泡菜以外 其他感覺一般）韓國柚子蜜 （正常好喝 不淡）總結來說 這餐廳的性價比挺高的 東西大部分好吃價錢合理屬於會再去的餐廳！！！記得要嘗手打石鍋烏冬！！！超愛的~~~

女人街有好多餐廳食店而呢間韓國料理餐廳已經開咗好多年間中嚟開旺角想食韓國菜都會諗起呢間午餐同下午茶套餐尤其抵食今次lunch hour 1:30pm嚟食唔駛等位裡面都有9成入座率跟餐餐湯有蘿蔔粟米蛋豆腐湯食到啖啖白蘿蔔、粟米粒、蛋絲口感味道還不錯海鮮烤肉辣豆腐鍋配韓國烏冬味道少少辣 相當惹味烏冬口感略帶煙韌可惜海鮮包括青口同鮮蝦嘅質素平平跟餐加+$2配凍檸檬茶紅茶底唔會太濃 亦冇苦澀味甜度亦啱啱好埋單合共$61整體呢度嘅食物質素唔錯性價比都算高大家不妨一試佢地嘅石鍋飯或豆腐鍋