餃里 (蕪湖居)

营业中

休息中

依家都有好多餃子店食過這間餃里覺得餃子隻隻都大大隻, 餡料味道又好濃鬱今日天氣凍, 好想食碗熱辣辣嘅湯餃咁啱經過又嚟再食下因為成間舖頭都滿曬,又唔係好想等所以就決定買外賣今次兩個人食所以就買一份湯餃同一份煎餃1.香菜鮮肉湯餃號+老火椰子豬骨雞湯椰子豬骨湯好足料裏面仲有粟米同埋椰子滿滿的一碗，隻隻餃子都脹卜卜大大隻芫茜餃係我一定會揀嘅， 芫茜味都好濃鬱會想一隻接一隻咁食2. 韭菜鮮肉煎餃+細撈麵(小辣) 煎餃好有鑊氣，餃底係非常脆身食落又唔會好油膩韭菜味濃鬱配煎我覺得最合適其實份量都好多都好夠食，但係朋友就驚唔夠飽，加咗個撈麵，撈麵都好好食，少少彈牙，小辣覺得唔係好夠辣，下次可以試中辣唔係成日都經過餃子店，所以就買定兩盤生餃3.生餃自由對拼 韭菜 白菜 4.生餃自由對拼 香菜 泡菜心都係鍾意食芫茜但係又想試其他所以就買咗兩盒，總共四種覺得掂假都好細心寫得好清楚邊一種打邊一種食嘅時候每樣攞兩隻出嚟食，已經覺得好過癮餃子分隔得好好完全唔會黐埋一齊

今次喺餃里享用晚餐，呢度既餃子出名係自家製，大大粒。我同朋友各自選咗九隻三拼自由選湯餃，當中有必吃嘅芝士粟米鮮肉餃。餃子皮薄透，包住咗濃郁嘅芝士同甜甜嘅粟米，真係好好味。泡菜鮮肉餃好惹味，酸辣嘅泡菜同鮮肉嘅搭配，喺口中爆發出層次感，令人一口接一口。其他選擇如韭菜鮮肉餃同香荽鮮肉餃，都各有特色，韭菜香氣四溢，香荽則令餃子多咗一份清新。配搭上嘅餃里撈麵，小辣嘅味道恰到好處，正好襯托餃子。菜心苗清新爽口，平衡咗整餐嘅油膩感。最後，仲有無糖豆漿。整體來講，呢間餃子店真係值得一試，無論係食材質素定味道，都俾人感受到用心。強烈推薦！

黎到紅磡當然要試吓呢度，好多街坊都會知道嘅鮮餃，我知道佢哋餃子嘅款式非常之多，所以決定嚟試吓，今次都係買外賣返屋企試。我哋叫咗芝士粟米鮮肉煎餃、泡菜鮮肉煎餃、另外湯餃就叫咗韭菜鮮肉湯餃、白菜鮮肉湯餃、芝士粟米鮮肉湯餃，特別提一提呢度嘅湯餃係會配合埋住家蕃茄薯仔肉碎湯，所以就連個湯都好講究。首先講吓煎餃，兩款煎餃都非常好味，煎到香脆之餘又不失鮮餃本身嘅味道，芝士粟米鮮肉餃香濃嘅芝士粟米鮮肉味，個芝士煎完都仲係好香濃，泡菜鮮肉餃係滿滿嘅泡菜，而湯餃首先試咗個蕃茄薯仔肉碎湯，好香甜嘅湯味配合埋鮮肉餃真係一流，白菜鮮肉餃係好新鮮嘅白菜鮮肉入邊都係滿滿嘅湯汁，而芝士粟米鮮肉湯餃又係另一款味道，都係同樣食到好香濃嘅芝士味，韭菜鮮肉餃係我最愛，同樣都係非常好味。

叫咗無花果栗子湯，湯底好淡，一心想飲湯但有啲失望。無乜湯渣，成碗得兩粒唔完整嘅栗子。叫咗紫菜同椰菜，以前紫菜好好食，但今次外賣餃子都散哂，同埋都變得淡味。另外椰菜豬肉餃唔知點解有芝士味？🤣🤣

《餃里》位於紅磡，是一家隱世小店，主打自家鮮制手工餃子，帶有濃濃的家鄉感覺。韭菜鮮肉湯餃和白菜鮮肉湯餃配上海麵，是店內必試招牌。餃子皮薄而有彈性，內餡新鮮多汁，韭菜的香氣與鮮肉的甘甜完美融合，每一口都能感受到用心手工製作的誠意。湯底是老火椰子豬骨雞湯，湯頭清甜鮮美，椰子的淡雅香氣提升了整體風味，喝起來滋潤且不油膩，為餃子增添更多層次感。田園四拼煎餃集結韭菜、椰菜、香荽、白菜四種餡料，口感豐富且健康，煎得香口，適合喜歡多樣蔬菜的食客。無添加糖豆漿是另一亮點，豆漿香濃自然，沒有額外甜味，健康又解膩，十分適合配搭餃子享用。整體來說，《餃里》以簡樸的環境，樸實無華的手工美味，為紅磡帶來一份安心且溫暖的滋味體驗，值得一試，尤其適合喜歡傳統中式手工餃子的朋友。

今日我們去了紅磡，順道來這餐廳吃餃子🥟。我選了9隻3拼自由選湯餃這個餐：3拼我選了椰菜鮮肉餃，紫菜鮮肉餃和芝士粟米鮮肉餃，湯我選了老火椰子豬骨雞湯。椰菜鮮肉湯餃：椰菜的清新口感與肉餡的鮮美相得益彰，餃子的皮薄而勻，好吃。紫菜鮮肉湯餃：紫菜鮮肉湯餃由新鮮的豬肉和紫菜組成，肉質鮮嫩，搭配紫菜的海味，風味獨特，口感豐富。紫菜的加入不僅增添了鮮味，還使餃子的口感更為清爽。芝士粟米鮮肉餃：這是一道充滿創意和口感層次的美食。這款餃子以新鮮的肉類為餡料，搭配甜美的粟米和香濃的芝士，形成了獨特的風味。老火椰子豬骨雞湯：湯底的味道非常鮮美，豬骨和雞肉在長時間的慢火熬煮下，湯汁中的膠原蛋白充分釋放，讓湯品的口感變得濃郁滑嫩。此外，椰子本身的清甜味使得整個湯品更加清新。另外我們還叫了9隻3拼自由選煎餃：香荽鮮肉煎餃🥟：餃子皮薄，外脆內嫩，煎出的金黃色澤讓人忍不住想立即品嚐。鮮肉餡搭配香荽帶來的獨特味道是這道菜的精髓。新鮮的豬肉搭配剁碎的香荽，不僅增添了香氣，還使整體口感更加豐富。紫菜鮮肉煎餃🥟：煎餃的外皮金黃酥脆，餃子煎得恰到好處，外皮會有一層薄薄的酥脆感，咬下去會有清脆的聲音，令人大快朵頤。新鮮的豬肉加上

今日放工之後去咗紅磡探朋友，之後就去咗附近一間小店：叫做餃里食晚飯我哋叫咗兩款餃子：韭菜鮮肉煎餃、清新素煎餃，韭菜鮮肉煎餃菜多肉少，而且幾乎冇肥豬肉咁滯，韭菜好香好幼嫩，出色；至於清新素煎餃顧名思義真係好清新，入面有唔同款式嘅素菜，雖然係素菜餃，不過都有陣好香嘅味道，令人垂涎三尺之後叫咗原味豆漿同無添加糖豆漿，兩支豆漿嘅豆味都好出，香濃可口呢間舖頭位於紅磡，裝修簡潔，店面唔大，不過店員都好落力工作同埋好友善，食物質素都好高，性價比十足，推薦

有一日行過紅磡蕪湖居肚餓，見到呢間店個名幾得意，叫餃里，搞到我都想餃餃佢。顧名思義，餐廳主打餃子，無論湯餃定煎餃我都好鍾意食，所以就試吓。餐廳店面唔算大，但係麻雀雖小五臟俱全，叫咗一份紫菜餃湯麵，價錢非常公道，仲可以套餐價加菜同埋豆漿，真係相當抵食～餃子最緊要就係個餡，咬開紫菜餃裏面果然對板，滿滿嘅紫菜配襯住啖啖肉，有咬口得來又夠飽肚。個湯都做得唔錯，餃子吸收咗湯嘅精華更加出色，麵條本身都幾彈牙，加埋粟米等等配料，食完一個已經有飽肚感～朋友點咗份泡菜餃子，辣辣地得來又幾開胃，我都夾咗一隻嚟試吓，各有特色，不過個人比較喜歡紫菜餃子多啲。加埋冰凍豆漿同埋菜，營養均衡又夠飽。推介大家自己或者想同朋友食餐便飯又唔想太高消費，不妨考慮一下，價錢相宜地點方便就腳，而且餃子都整得幾好食～

如果你係一個鐘意飲湯又鍾意食餃子嘅人，咁「餃里 」應該會係你嘅心頭好！今晚試咗佢哋嘅健康湯底餃子，真心有驚喜，絕對值得推薦！首先講湯底~~老火椰子豬骨雞湯真係清甜而唔油膩，每一啖都飲得出湯底有心機熬製，椰子嘅甘甜加上豬骨雞湯嘅濃郁，飲落去唔會覺得太重口味，反而有種暖胃嘅感覺。加埋上海麵，每一啖都可以飲埋到湯底嘅精華！餃子方面，芝士粟米鮮肉湯餃係我最愛！芝士唔係過分搶味，但系都好出現! 加上粟米嘅甜香，配埋鮮肉，真係爆汁！另外三拼自由選煎餃都係一個好選擇，韭菜、紫菜、白菜三款，全部都鮮甜爽口，皮薄餡靚，咬落去啖啖肉汁。當然煎餃如果堂食會仲吸引!總括嚟講，「餃里 GAOLAY」嘅健康湯底真係令人驚喜，餃子配湯好夾，係一個適合想食得健康又唔失味道嘅好地方！下次再嚟試下有無其他湯底，睇吓仲有冇新發現！

此店的自家製餃子幾出名, 行過就來試試 食物 : 6隻雙拼自由選湯餃 $54 ~ 餃子選了香荽及泡菜, 香荽味道唔算好濃郁, 就算唔太喜歡香荽的應也可以接受, 泡菜味幾特別, 想食特別味道可以試下, 餃子大大隻幾好味, 湯底選了無花果粟子腰果素湯, 湯底清甜, 味道唔算好濃, 湯晒成碗都無口乾, 好似屋企煲的味道韭菜鮮肉湯餃+上海麵 $51 ~ 韭菜餃子味道正常唔錯, 湯底是蕃茄薯仔肉碎湯, 都是正常住家湯味, 唔算好濃, 成碗飲晒都無口乾 原味豆漿 $10 ~ 味道正正常常 環境 : 小店座位較少, 有點擠迫 服務 : 店員有禮貌 費用 : $115 (無收服務費)

紅磡黃埔真係一個美食天堂。作為紅磡街坊，當然要支持區內小店！早排喺街坊group見到好多人討論呢間餃子店，趁放假留喺屋企叫咗呢間外賣。餃子口味好多，今次同屋企人試咗幾款味。分別叫咗蒸餃同煎餃。蒸餃試咗韭菜鮮肉餃、椰菜鮮肉餃同白菜鮮肉餃。二煎餃就食咗泡菜鮮肉餃同紫菜鮮肉餃。蒸餃湯底有三款選擇，我試咗住家蕃茄薯仔肉碎湯，真係好友屋企嘅感覺，非常足料，個湯飲落好舒服，一啲都唔似有味精～ 蒸餃餃子皮口感煙靭，餃子餡非常足料，肉餡食到有鮮味，等緊餃子嘅時候亦都見到員工即席包製～ 煎餃食落都幾香口，擺咗一陣依然好香脆。咁多款味之中最愛紫菜鮮肉餃，呢款口味好特別，一咬開啲紫菜真係多得好誇張，原來呢個配搭係咁正！韭菜鮮肉搞到好出色，以新鮮韭菜包圍整舊豬肉，韭菜粉絲必叫！

大家好今晚去了紅磡既餃里食野呢間店主要係食煎餃同湯餃香港都有好幾間分店首先點了9隻三拼自由選煎餃要了韭菜 泡菜同芝士饀韭菜饀比較傳統正常味道芝士饀就係用豬肉混了芝士饀有少少芝士味泡菜就有少少辣比較惹味如果唔夠味想辣少少都可以再加辣菜脯跟住就係椰菜鮮肉湯餃配住家蕃茄薯仔肉碎湯加上海麵椰菜鮮肉湯餃比較清淡而蕃茄薯仔肉碎湯就好似係自己屋企煲甘既有住家湯既味道跟餐+$15要埋菜心苗 細細條比較嫩跟餐加$10要埋原味豆漿 都正常有豆味成個餐湯餃加上海麵加豆漿加豆漿就係$76比較抵食總括呢間既煎餃比較香口而湯餃可以揀湯底各適其適大家都可以試下

是夜經過紅磡，和太座一試人氣小店，食食comfort food。店面細細，坐位十多個，配料柚子醋辣菜脯，飲品豆漿都是自家製，感覺良好。餃類均可三拼，先來煎餃，罕有用上紫菜餡，鹹香無渣有驚喜。泡菜微辣惹味，芝士栗米半溶流心，伴以另點的腰果粟子素湯，暖番個胃。伴麵加入辣菜脯非常香口，簡單伴菜心吃健康飽肚。湯餃選回傳統口味，全都大隻飽滿，韭菜白菜新鮮爽口，素餃清爽，配以湯底椰子豬骨雞湯，充滿住家風味，一碗入魂。

🥟**紫菜鮮肉煎餃 + 6隻雙拼煎餃（白菜豬肉 + 素餃）** 煎餃外皮金黃脆口，咬落去「咔嚓」聲，紫菜鮮肉餡鮮味十足，白菜豬肉多汁，素餃清新唔膩，點埋醋汁更加開胃！ 🥤**跟餐樽裝餃里原味豆漿 / 無添加糖豆漿** 原味豆漿香濃順滑，無添加糖豆漿健康之選，飲落清甜解膩，配煎餃一流！ 🥬**跟餐鮮甜油菜（菜心苗）** 菜心苗嫩綠爽脆，簡單清炒已經好鮮甜，食完煎餃再食啖菜，平衡返油膩感！ 🍜**細撈麵 + 蕃茄薯仔肉碎湯** 撈麵彈牙有嚼勁，蕃茄薯仔湯酸甜開胃，肉碎增添口感，飲完暖笠笠，好滿足！📍人均$60，份量足，煎餃脆口，撈麵彈牙，性價比高，啱晒打工仔lunch快食！ #煎餃控 #撈麵套餐 #抵食之選 #港女食評 #餃里豆漿

6隻雙拼自由選煎餃$54.0揀咗紫菜鮮肉餃三隻芝士粟米鮮肉餃三隻6隻雙拼自由選煎餃$63.0揀咗白菜鮮肉餃三隻芝士粟米鮮肉餃三隻餃子皮薄餡靚，惹味又爆汁，餃子底脆卜卜，口下去，滿口豐富的汁水，而且湯汁都係豬肉鮮香滋味，非常推薦！住家蕃茄薯仔肉碎湯另加上海湯麵入口十分清甜，食得出無味精，好食！跟餐樽裝原味豆漿加$10豆味濃郁，唔太甜，少少甜，剛剛好!!紫菜鮮肉湯餃9隻湯餃子雖然冇脆卜卜嘅口感，但係粒粒飽滿，呈圓形狀，餡料份量足，夠薄夠滑，同時又很有嚼勁，入口即嘗到紫菜獨有的清新味道，唔係好多地方都有，比較特別！老火椰子豬骨雞湯湯頭清甜香濃，椰子肉甘溫、益氣補虛。養顏無花果栗子腰果素湯