餃里 (蕪湖居)

营业中

休息中

身為一間餃子店，連唯一專注嘅食物都可以做得咁難食，真係敬佩！ 我用外賣apps 叫了九隻水餃椰子豬骨湯底送黎我屋企，外賣員送到我就即刻食，我碗嘢仲係暖的，所以絕對不存在什麼我擺咗太耐令到食物質素變差。餃子：皮黏黏地既，食落口會漿實你個咀，塊餃子皮仲一直黐住喺我支匙羹上面，我叫的三款餃子，芫荽，白菜，芹菜，全部啲肉都係霉霉爛爛，一D口感都冇。 椰子豬骨湯底：椰子冇椰子味，豬骨冇豬骨味，我都唔知自己飲緊啲咩。老闆見字建議自我檢討下。

落單既時候，講左幾次個收銀都好似聽唔明咁。搞到我重複左好多次要叫咩嘢食。 佢仲要唔耐煩。店員態度同表情由入店個刻已經好差 😑餐牌寫有原味豆漿同低糖豆漿揀，我跟餐牌講要低糖，但佢話淨係有糖同無糖揀 🫥之後返埋位，發現佢落多左一枝豆漿。咁就行埋去同佢講，佢淨係一野隊多枝豆漿俾我，我又同佢講左幾次佢先明白，然後好‘負氣’咁退錢。🙄叫左3碗野，另外2碗都食完，仲差一碗，問佢先知廚房漏單….呢2次事件，一句唔好意思都無講。整體體驗好差，絕對唔會再黎。

今日晚餐諗住打電話叫定餃子外賣自取，接電話嘅女士就一邊同其他人講嘢，差唔多每句都要重覆先至落得完張單落到去自取嘅時候，喺櫃檯嘅女士已經冇咩禮貌，點知喺俾錢嘅過程中，另一位喺樓面、睇嚟年長一d嘅女士問我「搞掂未？」（exactly 係呢3個字，仲講左2次，而且係面對面向住我講，我相信意思都好明顯係叫我快啲比完錢快啲走，唔好阻住其他人比錢）Ok, fine. 既然你地係咁唔welcome 我，下次就真係咪‘餃’我！

叫左外賣送餐，等左9個字，點知嚟到漏左成個套餐，仲要咩配料都冇 打過去問個店員可唔可以補送番個餐，佢話今日唔得因為太忙，只能夠退錢或者自己過嚟攞番我話我想你哋送番個餐嚟，佢係咁話今日好忙唔得架啦，叫我第二日3-5pm先打過去因為佢哋個段時間會得閒d處理番件事，仲係咁想cut線大佬我叫外賣就係唔想過嚟攞呀嘛，仲叫我第二日先打番去😅😅😅漏餐都算啦但態度可以好d同有誠意d😅係咁話自己新嚟嘅我都唔知呀搞到成肚氣咁食其他嘢，係3款湯餃加麵，點知3款湯都冇味，麵又係冇味，餃子ok 唔算特別好食，仲要人均75蚊，絕對唔值得尼間嘢唔會有下次

快餐店模式， 用的是外賣餐具， 點咗兩個餐， 點咗一個煎餃三拼( 紫菜, 芝士, 泡菜)味， 即叫即煎， 嚟到熱辣辣， 加埋推薦的柚子醋和辣菜譜混合一起食 味道真不錯， 三款煎餃子都非常好食， 仲嗌咗個韭菜鮮肉湯餃， 蕃茄薯仔湯， 店員又叫我試一下加少少辣菜脯和柚子醋落個湯到飲， 酸酸辣辣非常醒胃，餃子用新鮮豬肉， 湯底沒有味精， 飲完食完都沒有口乾嘅感覺， 用餐100蚊多啲，食咗15粒餃子，下次可以再去幫襯食下其他款式的味道， 我就沒有遇到其他留言的壞情況

餃子是豐信的size, 要吃兩口才吃完，很足料。但肉偏碎，吃不出肉的纖維，而無花果湯是近乎完全沒有味道的清水，老婆那個蕃茄湯勉強好一點但也是很清。如果是為了喝碗湯而去的話，我不建議。個人認為是湯底選料的失誤，本身栗子腰果就不怎麼出味道，建議改用些味道本身更重的材料，甚至是川弓等類藥材的湯料。

我是附近街坊，自問客氣有禮人仕，利申餃里一開鋪時有支持，由只有外賣到堂食都有試過。開店冇耐後，服務態度同質素直線下降，外賣女職員態度超差，全程黑面玩手機，堂食態度如是，又試過幾次打電話外賣不斷cut線，然後親身落樓下時，以不屑的眼神同語氣話「賣晒囉一早」。有幾次成功買到外賣，番到去又漏左餃子，9隻變6隻，去反映時仲好似去求佢比番3隻我。昨天同今天都有去叫外賣，同樣惡劣態度不變地趕客走，以致令平時都冇咩寫食評嘅我，真係要留言反映下，我寧願食袁記，都唔會再食餃里。

沒有期待過要服務，但店員態度真係好西，呢間名店果然名不虛傳～「搞你！」店舖環境好麻麻，野食更加麻麻，食完心情都真係麻麻，不如食八方雲集或者袁記啦，至少對答d店員會正常好多，又平d，d野又有返果種食材嘅味道58蚊9粒餃，細細粒，無味，即用即棄餐具... 等左幾耐下...拿拿食完立即走人...然後你已經好飽因為你已經一肚氣，食個飯唔知欠左呢間野d店員d咩到啦？如果可以俾分，我會俾6粒星，然後凸咗一粒星出嚟，所以最後係仲有1粒星

餃子的美味程度往往取決於餡料的調味與新鮮度。遺憾的是，我所嚐試的餃子在這方面讓我大失所望。肉餡完全沒有經過應有的醃制過程，導致味道索然無味。吃下每一口，都能感受到那種硬生生的、未經調味的豬肉帶來的沉悶。這種餃子不僅沒有帶來應有的食慾，反而讓人感到難以下嚥。再來說說所謂的海底椰湯。湯頭淡而無味，不但沒有提升整體用餐體驗，反而讓人覺得無論是時間還是金錢都花得有些冤枉。撈麵只係柚子醋拌麵⋯就什麼秘制？總結來說，這次的餃子餐飲體驗極為不愉快。對於那些尋找地道美味餃子的食客來說，這家餐廳顯然不是一個合適的選擇。下回我將會更加謹慎地選擇用餐地點，以避免再次遭受如此的食物失望。至於這家店，我肯定不會再次光顧。

今晚想食餃子，湯餃又可以飲湯，平時經過呢間好多人排，新開都未試過，即管去下。裡面坐位唔多，坐到10人左右，但排隊好多都係買外賣，所以入到去都唔係滿座。裝修簡約，都乾淨舒適。🥟「餃里」的湯餃有3款湯底，都是住家湯水，比自己煲的更清淡，入口舒適。我選了我很常煲的蕃茄薯仔肉碎湯，會附上湯料的，有營之選。桌上有柚子醋、辣菜脯，非常開胃的。🫶🏻🫶🏻 沒有經歷到別人說的態度惡劣，就不要期望服務，只是快餐形式，先付款，餐具也是外賣的。經過紅磡可食個快餐🥟

餃子ok 門面收銀女仔劣質態度十問九唔應 西面西到問佢收唔收八達通又唔應以為只收現金點知之後發現原來收卡其他staff無問題 態度好好得佢令人極度反感真係好趕客以後都係叫外賣算

蕪湖居最新開左間餃子店，每日放工都經過大排長龍，聽聞響屯門都有啲知名，雖然我唔係餃子控，上禮拜放假好奇心驅使就去試吓。店舖裝修風格跟前身咖啡店差唔多，客人先到櫃檯點餐付款後，我點左韭菜鮮肉湯餃子上海麵，湯底配上椰子豬骨湯加左2蚊分湯上， 餃子足料厚皮，椰子湯好清甜但份量真係有d小，整體用餐體驗可以但如果堂食唔使用即棄餐具就更好

幫襯咗幾次外賣，兩碗餃要等半個鐘。好啦之後買生餃，當然快好多。但係態度好差下，我有講唔該，但收錢條女依然黑哂面一句多謝晒都無，明明佢可以幫手拎包外賣俾我，又自己顧住禁電話，要其他樓面做，個氣氛唔知得罪佢啲乜咁。包外賣男人好啲，每次都會記得擺菜甫，小心翼翼咁包好。

之前北角見過未有機會試，竟然開到黎九龍— 紅磡🥰 問咗店員裏面冇假肉全部都係蔬菜 ，買咗一打素餃。選擇困難症吃素人士絕對需要嚟呢度因為素餃只得一種唔使諗😂 店員問我係咪食素，我話係呀跟住佢就話菜莆有蝦米，叫我唔好拎。清新素餃$56/12隻 。餃入面係雲耳沙葛紅蘿蔔粉絲等雜菜，調味亦簡單，絕對不會有過濃的胡椒和麻油味，感覺新鮮而不是超市買的久久不過期餃子。皮厚薄適中好重要！以後想食餃子又多一個選擇🥰我今次係帶返公司蒸爐蒸，效果也不錯。下次試吓放湯煮💪🏻